8 ኢ ፌ ኮሺ̇ቲንዶ ፌ ኤጪቲንባ̈ርኬ ፌ ኤራባር ኑ̈ብ ዎይሊሳር ኢሚ̇ዴ።
ታ̈ኒ ኣሳ ናኣ̈ዲ ሙያሙታ̇ኬ ኡሽካ̇ሙታ̇ ዬ̈ይን ‘ዪ̈ዲ ሙንትኬ ኡሽኬ ዶሲዝ ኣሴ! ኢ ቃራጻ ቃጺሲዛንኬ ናጋራንቻ̇ን ላጋ̇’ ጌይዴ ጾ̈ሳ̇̇ ኤሪቲን ዎይ̈ፖ̇ ሺ ማ̈ቂ̇ኖንዳ̇ ፌ ቤይሲኖ ኦ̈ሲምባራ ኤሪንታ̇ዴ።
ጾ̈ሳ̇̈̇ ዱሪቲንዳ፣ ኢ ኤጪቲንዲኬ ኢ ኤሪቲንዳ ዎዛርፌ̈ን ጴቻ̇! ኢ ፊርዳ̈ዲ ኣሳ ኤራፖ ሺ፤ ኢ ኦ̈ዚንዶ ኣባቦ ኦ̈ርኮ ኦ̈ናካር ኤሪዝ ኣሲ ባዬ̇።
ዎቲናካሬ ጾ̈ሳ̇ ኪልሳ̈ዲ ኣሳ ናጋራፌ̈ን ጊዳካ̇ዬ፤ ፔቲ̇ ኣሳ ናጋራ ጊሽ̇ ዎይሊንን ዓይቂ̇ኖንዲፌ̈ኒ ጾ̈ሳ̇ ካንንባርኬ ፔቲ̇ ና̈ሳ ዬሱ̈ስ ክርስቶ̈ሳ ጎይባር ቤንቲ̇ኖ ካን ኪልሳ̈ዲ ኪንባር ዎይሊንንቦ ጊዳር ሺዝ ዲራስ ኢሚ̇ንቲ̇ኔ።
ኑ̈ኒ ሶ̈ላዚንዳ ጾ̈ሲ ኣላሚን ኮቻ̇ናፖ ቲ̈ን ዎ ኬል̇ባራ ኑ ቦንቻ̇ቦ ጌዪ ጊ̈ጊሲኖንዲኬ ኣ̈ቺንታ̇ር ዎ ጾ̈ሳ̇ ሚስጢራ ኤሪን ሶ̈ሊ̈ሬ።
ዎይ ባዝ ፌ ኮዪኖንዲፌ̈ን ኦ̈ዝ ጾ̈ሳ̇̇̈ዲ ኢ ቲ̈ኒታሪ ኑ̈ብ ቆፒ̇ኖንዲፌ̈ኒ ኑ̈ኒ ኢዬይ ማ̈ቃ̇ምፔ̈ኒ ክርስቶ̈ሳ ጎይባራ ኑ̈ና ማራ̇ጺዴ።
ጾ̈ሳ̇ ኮሺ̇ቲን ዎይሊንንዲፌ̈ኒ ኢ ኑ̈ና ፌ ናኣ ሱ̈ባራ ዎጛሪ ኑ ናጋሪን ኑ̈ብ ኣቶ̇ ጌይዴ።
ኢ ክርስቶ̈ሳ ጎይባራ ኦ̈ንዳብ ቆፒ̇ኖን ጌ̈ሚታር ዎ ፌ ቆፊን ፌ ኮሺ̇ቲንባራ ኑ ኤራኒፌ̈ን ዎቲዴ።
ኢ ዪኖ̇ ዎቲኖ̈ዲ ዎሳሊ ባዮ̇ ፌ ኤሪንዶ ዓቶ̇ ኬ̈ሊ̇ን ጋርታ ዎ̈ሳ ኬ̈ ጎይባራ ኣፋ ዎ ኣላቃንብኬ ጋዣንቦ ኤሪንታምፔ̈ኒ ዎታንዳብ ቆፓ̇ሪዬ።
ጾ̈ሲ ኣ̈ቻ̇ር ጋዲ̇ኖ ጴች̇ ኤራኬ ኤጪቲ ዱርቲ ዎይ ክርስቶ̈ሳክ ዎ።
ኢ ሙ̈ታ ጾ̈ስ ማ̈ቂ̇ኖ ኑ̈ና ፋዛ̈ቦ፥ ኑ ጎ̈ዳ ዬሱ̈ስ ክርስቶ̈ሳ ጎይባር ሚናፖ ኤ̈ር፥ ዓታ̇ር ማ̈ቂ̇ን፥ ሜና ዬሊ̇ዝ ዲራስ ቦንችኬ ጴቺቲ፥ ዎልቃኬ ሲልጣ̈ና ኢ̈ብ ማ̈ቆ̇! ኣሚንኤ።
ኢንቲ̇ ጴች ጊርስባራ፥ “ሹኪንቲ̇ኖ ዶራዲ ዎ̈ልቃ፥ ዱሪቲ፥ ኤሪቲ፥ ሚንቲ፥ ጴቺቲ፥ ቦንችኬ ጋላታ ኤካ̇ንዳብ ኢ̈ብ ቤይሲ̈ሬ” ጌዪ ዬጺ̇ዴ።
