ኤፍ 1:5 - ኦራ ጫ̈ቃ ማጻ̈ፋ

⁵ ዬሱ̈ስ ክርስቶ̈ስ ጎይባር ኑ̈ኒ ኢ̈ብ ናኢ ማ̈ቃ̇ምፔ̈ን ጾ̈ሳ̇ ፌ ዶሲኖንዲ̇ፌ̈ን ቲ̈ኒታር ዎሳ̇ኒኔ።

ኤፍ 1:5 ပူးပေါင်းရင်းမြစ်များ

ማ̈ቶ̈ሳ 1:25

ዎቲናካር ኢዛ ፌ ኡስ̇ ናኣ ዬሊዝ ዲራ̈ስ ኢ ኢዞ ዬላ̇ካ̇ዬ። ዬሊንቲ̇ኖ ናኣ ኣቂላ̈ቦ ሱም “ዬሱ̈ሳ” ጌዪ ጋዲ̇ዴ።

ማ̈ቶ̈ሳ 11:26

ኣ ቴ ባ̈ባ̈ዶ! ዓና̇ ኔ̈ብ ዎ ኮሽ ቆፊንዲፌ̈ን ማ̈ቂ̇ኔ።

ሉቃ̈ሳ 10:21

ዪኒ̇ባራ ዬሱ̈ሲ ጌ̈ሻ̇ ኣያ̇ናባር ኡፋይታ̇ሪ “ኣፋ ጪሊምቢኬ ሳ̈ዶ ሳ̈ዚምቦ ጎዳ ማ̈ቂ̇ኖ ቴ ባ̈ባ̈ዶ! ባዛን ዪን ኔ̈ኒ ኤጫንፕኬ ኤራንፖ̇ ኣ̈ቻ̇ራ ኣቂሊ ናኣንቦ ቤይሲኖኮታ̇ቦ ቴ ኔ̈ና ጋላታ̈ሬ። ኣ̈ ቴ ባ̈ባ̈ዶ ዓና̇ ኔ ዶሲኖንዲፌ̈ኒ ማ̈ቂ̇ኔ” ጌይዴ።

ሉቃ̈ሳ 11:32

ናናዋ ጋዳ̇ ዎ ኣሳን ዮ̈ና̈ሲ ሳባ̇ኪኖ ቃ̈ሊን ሲስካ̇ሪ ማ̈ሪቲ ጌሊኖኮታ̇ቦ ፊርዳ ጋላስ ዓታ̇ባሮ ኣሳባራ ዎልኣ ኣይቃ ጋርታ̇ፖ̇ ዲንዳ̇ሪ ኢንታ̇ ጋልዳ̇ ዓኒ ፊርዲ̈ሬ፤ ዓት ዓንዳ̇ ዮ̈ና̈ሳፖ̇ ሺዛ ዓይ ዎ” ጌይዴ።

ሉቃ̈ሳ 12:32

ዪንቲ̇ ጊላ̇ ዎርዣን! ኣፋ ዎ ዪንታ̇ ባ̈ባ̈ዲ ፌ ካ̈ቲቲ ዪንታ̇ብ ኢማ̇ንዳብ ኮዪኖኮታ̇ቦ ኢ̈ጫፒ̇ቴ።

ዋ̈ኒ̇ሳ 1:12

ዎቲናካሬ ኢያ ፌዬ̇ ጌዪ ኤኪ̇ኖንብኬ ኢ ሱምንባር ኣማ̇ኒኖቦ ኢንቲ̇ ጾ̈ሳ̇̇ ናኢ ማ̈ቃ̇ምፔ̈ኒ ኢንታ̇ብ ሲልጣ̈ና ኢሚ̇ዴ።

ዋ̈ኒ̇ሳ 11:52

ኣይሁድ ዎርዣ̈ቦ ሙታ̇ ጊዳካይዶን ላ̈ሊ̇ንቲኖ ጾ̈ሳ̇̇ ናኣን ሺ̈ሻ̇ንዳብኬ ዎል ፔታ̇ን ማሃንዳብ ዓይቂ̈ሬ።

ዋ̈ኒ̇ሳ 20:17

ዬሱ̈ሳሬ ኢዝኮ̇ “ታ̈ና ኤ̈ፔ̇፥ ቴ ቴ ባ̈ባ̈ኮ ቢርት ማ̈ቃ̇ ሉካካ̇ዬ፤ ዓት ኔ̈ኒ ቴ ታማ̈ራንኮ ሉካ̇ራ ‘ታ̈ብኬ̇ ዪንታ̇ቦ ዎልኣ ባ̈ባ̈ኮ፥ ታ̈ብኬ ዪንታ̇ቦ ዎልኣ ጾ̈ሳ̇̇̈ኮ ሉካ̇̈ሬ ጌይኔ’ ጋ̈ራ ኢንታ̇ብ ሶ̈ላቤ” ጌይዴ።

ሃዋ̈ራታን ኦ̈ሳ 13:48

ኣይሁድ ባዮ̇ ኣሳን ዪኖ̇ ሲስካ̇ሪ ኡፋይቲ̇ዴ፤ ጾ̈ሳ̇̇ ቃ̈ሊ̇ንባራሬ ቦንች ኢሚ̇ዴ። ሜና ሼምፓብ ማራ̇ጺንቲ̇ኖን ዎይ ኣማ̇ኒዴ።

ሮሜ 8:23

ኢንጺጺሙታ̇ ዎን ጾ̈ሲ ኮቺ̇ኖ ኮቺንታ̇ን ሙታ̇ ጊዳካ̇ይዶን ዎይ ባዛፖ̇ ቲ̈ን ኢሚ̇ንቲ̇ዝ ኪልሳ፥ ጌ̈ሻ̇ ኣያ̇ና፥ ኤኪ̇ኖን ኑ̈ናሬ ጾ̈ሳ̇̇̈ብ ናኢ ማ̈ቃ̇ዚንዲኬ ኢ ኑ̈ና ናጻ ኬሳ̇ዚን ታስፋባር ና̈ጊሙታ̇ ኢንጺጽ ጋልዳ ዎ።

1 ቆሮ 1:1

ጾ̈ሳ̇̇̈ ቆፊንዲፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቃ̇ምፔ̈ን ጼይጊንቲ̇ኖ ታ ጳውሎ̈ሳፔኬ ኑ ኢሻ ሶ̈ስቲና̈ሳፖ̈ ጻ̈ፊ ሚሺኖ ኪ̈ታ፤

1 ቆሮ 1:21

ኣሲ ፌ ኤራባር ጾ̈ሳ̇ ኤራንዳብ ዳንዳኣካይፌ̈ኒ ጾ̈ሲ ፌ ኤራባር ዎቲዴ። ዎቲናካሬ ኣሲ ቦ̈ዛ ባዝፌ̈ን ፋይዲኖ ኑ ሳባ̇ኪኖ ቃ̈ሊምባ̇ራ ኣማ̇ኒዝ ኣሳን ፋንዳቦ ጾ̈ሲ̇ ዶሲዴ።

2 ቆሮ 6:18

ቴ ዪንታ̇ብ ባ̈ባ ማ̈ቃ̇ንዳ፤ ዪንታ̇̇ር ታ̈ብ ኣቲና ናኢኬ ማጫ̇ ናኢ ማ̈ቂ̇̈ሬ፤ ጌይሬ ዎይን ዳንዳኢዝ ጾ̈ሳ̇̇̈ዲ።” ጌይኔ።

ጋላ̈ታ 3:26

ዪንቲ̇ ዎይን ዬሱ̈ስ ክርስቶ̈ሳ ኣማ̇ኒኖኮታ̇ቦ ዪንቲ̇ ጾ̈ሳ̇ ናኤ።

ኤፍ 1:11

ዎይ ባዝ ፌ ኮዪኖንዲፌ̈ን ኦ̈ዝ ጾ̈ሳ̇̇̈ዲ ኢ ቲ̈ኒታሪ ኑ̈ብ ቆፒ̇ኖንዲፌ̈ኒ ኑ̈ኒ ኢዬይ ማ̈ቃ̇ምፔ̈ኒ ክርስቶ̈ሳ ጎይባራ ኑ̈ና ማራ̇ጺዴ።

ኤፍ 1:9

ኢ ክርስቶ̈ሳ ጎይባራ ኦ̈ንዳብ ቆፒ̇ኖን ጌ̈ሚታር ዎ ፌ ቆፊን ፌ ኮሺ̇ቲንባራ ኑ ኤራኒፌ̈ን ዎቲዴ።

ፊል 2:13

ኣባ ጌይን ዪንቲ̇ ኢ̈ብ ኪ̈ቲንታ̇ንፔ̈ኒ ኢ ጋ̈ዚን ኦ̈ ፎታምፔ̈ኒ ዪንታ̇ባር ማ̈ቃ̇ር ፌ ቆፊን ኦ̈ዛ̈ዲ ጾ̈ሳ̇̇̈ዳ።

ቆላ̈ሳ̈ሳ 1:19

ጾ̈ሳ̇ ባ̈ባዲ ፌ ናኣ ጋርታ̇ ጾ̈ሲቲ ኩም ዶኣምፔ̈ኒ ዶሲኔ።

2 ታሳ 1:11

ኑ ዪኖ̇ ቆፒ̇ሙታ̇ ዎይ ጋላስ ዪንታ̇ ጊሻ̇ብ ጾ̈ሳ̇ ዎሳ̇ዚንዳ፥ ጾ̈ሳ̇ ዪንታ̇ ጼይጊኖ ጼይሲ̇ምቦ ኢ ዪንታ̇ ማ̈ቂ̇ዝ ኣስ ማሃንፔ̈ንኬ ዪንቲ̇ ኮሽ̇ ባዝ ኦ̈ንዳብ ዶሳዚንዲኬ ዪንታ ኣማ̇ኒኖኮታ̇ቦ ኦ̈ዝ ኦ̈ሲን ዎይ ኢ ፌ ዎልቂንባር ዪንታ̇ ፎቲሳምፔ̈ኒዬ።

ኢብ 2:4

ጾ̈ሲ ማ ማላ̇፣ ጋራ̇ሚሲዝ ባዚ፣ ዱማ ዱማ ታ̈ሚ̇ራ̈ታን ኦ̈ሙታ̇ዶ̈ሪ ኢ ፌ ኮዪኖንዲፌ̈ኒ ፋጋር ኢሚ̇ኖ ጌ̈ሻ̈ ኣያ̈ና ኪልሳን ጎይባራ ኢንታ ማርኪቲ̈ን ኪን ማ̈ቂ̇ኖን ኤርሲ̇ኔ።

1 ዋ̈ኒ̇ 3:1

ኑ̈ኒ ጾ̈ሳ̇ ናኤ ጌይንቲ ጼ̈ይጊንታም̈ኒ ጾ̈ሳ̇ ኑ̈ና ዎዛ̈ርፌ̈ን ካኖኮ ቤቂ̇ብቴ! ኪንባራ ኑ̈ኒ ጾ̈ሳ̇ ናኣን። ኣላሚን ዓና̇ ኑ̈ና ኤራባሶንዳ ኢዛ ጾ̈ሳ̇ ኤራካ̇ዮኮታ̇ቦ።

ሳጻ 21:7

ጋሚኖ̈ዲ ዓኖ ኤኪ̇̈ሬ፤ ታ̈ኒ ኢ̈ብ ጾ̈ስ ማ̈ቃ̇ንዳ፤ ኢያር ታ̈ብ ናኢ ማ̈ቂ̇̈ሬ፤