ኤፍ 1:4 - ኦራ ጫ̈ቃ ማጻ̈ፋ

⁴ ኑ ኢ ቲ̈ን ጌ̈ሽ̇ኬ ኢ̈ታ ባዚ ኣባክ ኑ ጋልዳ ባዮ̇ ኣስ ማ̈ቃ̇ምፔ̈ኒ፤ ሳ̈ዶ̇ ሳ̈ዚንዲኬ ኣፎ ሳ̈ዚን ኮቺ̇ንታናፖ̇ ቲ̈ን ክርስቶ̈ሳ ጎይባር ኑ̈ና ማራ̇ጺኔ።

ኤፍ 1:4 ပူးပေါင်းရင်းမြစ်များ

ማ̈ቶ̈ሳ 24:22

ዪን ቃማ̇ን ጾ̈ሲ̇ ቃቢን ማሃካ̇ይኮ ዎኒ ፔቲ̇ ኣሳር ቡ̈ቲ̇ ፋጻንዳ̇ብ ዳንዳኢባ̈ስዶን፤ ዎቲናካር ጾ̈ሲ̇ ፌ̈ብ ማራ̇ጺኖ ኣሳን ጊሻ̇ቦ ጋ̈ሪ ቃሚ̇ን ቃቢንኔ።

ማ̈ቶ̈ሳ 24:24

ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ።

ማ̈ቶ̈ሳ 24:31

ታ̈ኒ ጴች ዛያ ጊርሲ̇ ሲሲ̇ዝ ኪ̈ታንቻን ሚሻ̈ሬ፥ ኢንታ̇ር ሳ̈ዝ ኤ̈ሻ̇ ዎይ ሉካ̇ሪ ኣፎ̈ ሳ̈ዚን ቡጊዲምፖ̇ ኤ̈̇ር ቡጊዲን ዬላ̇ር ዎን ታ ታ̈ብ ቆሪኖ ኣሳን ሺ̈ሺ̇̈ሬ።

ማ̈ቶ̈ሳ 25:34

“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ!

ዋ̈ኒ̇ሳ 10:16

ቴ ሞ̈ ዓ̈ ጋርታ ባዮ̇ ሜላ ዎይሊን ዶሪ ታ̈ብ ዎ፤ ቴ ኢንታ̇ ኤሄ̈ንዳ̇ብ ኮሻ̈ሬ፥ ኢንታር ቴ ቆ̈ን ሲስኪሬ፤ ዬ̈ሪ ፔቲ̇ ዉዳ ማ̈ቂ̇̈ሬ፥ ማ ኢንታ̇ ዬ̈ጚዝ ናሳ̈ዳሬ ፔታ̇ን ማ̈ቂ̈ሬ።

ዋ̈ኒ̇ሳ 15:16

ቴ ዪንታ̇ ማራ̇ጺንዶኬ ዪንቲ̇ ታ̈ና ማራ̇ጻካ̇ዬ፤ ዪንቲ̇ ሉ̈ካ̇ሪ ዎይሊን ኣ̈ፍ ካጻ̇ምፔ̈ን ማ ካጺ̇ኖ ኣ̈ፊንዳር ያካ̇ይ ዶኣምፔ̈ኒ ቴ ዪንታ̇ ኦ̈ሳ ጋ̈ልዳ ሹ̈ማዴ። ዪዚ ዪንቲ̇ ቴ ሱ̈ምባር ዎ̈ሲዝ ባዝ ዎይ ቴ ባ̈ባ̈ ዪንታ̇ብ ኢሚ̇̈ሬ።

ዋ̈ኒ̇ሳ 17:24

“ቴ ባ̈ባ̈ዶ! ዓን ኔ ታ̈ብ ኢሚ̇ኖ ኣሳን ቴ ዎ ቤስ̇ ኢንቲ ዬ̈ምፔ̈ንኬ፥ ዓና ሳ̈ዚን ኮቺ̇ንታካይዶን ኔ ታ̈ና ካኖኮታ̇ቦ ታ̈ብ ኢሚ̇ኖ ቦንቺ̇ን ቤቃምፔ̈ን ኮያ̈ሬ።

ሃዋ̈ራታን ኦ̈ሳ 13:48

ኣይሁድ ባዮ̇ ኣሳን ዪኖ̇ ሲስካ̇ሪ ኡፋይቲ̇ዴ፤ ጾ̈ሳ̇̇ ቃ̈ሊ̇ንባራሬ ቦንች ኢሚ̇ዴ። ሜና ሼምፓብ ማራ̇ጺንቲ̇ኖን ዎይ ኣማ̇ኒዴ።

ሃዋ̈ራታን ኦ̈ሳ 15:18

ሚናፖ̇ ኤ̈̇ር ዓን ዎይ ኤርሲኖ ጾ̈ሳ̇̇̈ ታ̈ኒ ዓኖ ጋ̈ሬ” ጌይኔ።

ሃዋ̈ራታን ኦ̈ሳ 18:10

ቴ ኔባር ዎ፤ ካታሚን ዓኒ̇ ጋርታ̇ ታ̈ቦ ዎይሊን ኣሲ ዎኮታ̇ቦ ኔ ጋልዳ ኢ̈ታ ባዝ ኣባክ ዬልዝ ኣሲ ኦ̈ናካር ባዬ̇” ጌይዴ።

ሮሜ 8:33

ጾ̈ሲ ማራ̇ጺኖን ኦ̈ ኢንታ̇ ሞ̈ታንዳብ ዳንዳኢ̈ራ? ኢንታ̇ ጺላ̇ ማሂዛ̈ዲ ጾ̈ሳ̇̇ ኢያ።

1 ቆሮ 1:8

ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚምባራ ዪንቲ̇ ዬ̈ላ̇ቤዪ ማ̈ቃ̇ር ቤንታምፔ̈ኒ ኢ ዪንታ̇ ዉርስን ዬሊ̇ዝ ዲራስ ሚ̈ጛር ዶኣምፔ̈̇ን ዎቲ̈ሬ።

ጋላ̈ታ 5:13

ቴ ኢሺንታ̇ን! ዪንቲ̇ ኣይላ ጋርታ̇ፖ̇ ኬስካምፔ̈ን ጼይጊንቲ̇ኔ፤ ዪና̇ ዪንቲ ኣይላ ጋርታፖ̇ ኬስኪ̇ኖንዳ̇ ኢ̈ታ ባዝ ኦ̈ንዳቦ ዪንታ̇ብ ጎይ ፊርቂ̇ኖ ማይጻፖ̇ጋ̈ቤ፤ ዪኒ̇ፖ ፔታ̇ና̈ዲ ካንባራ ሜላ̈ ማዳ̇ጋ̈ቤ።

ጋላ̈ታ 5:22

ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣

ጋላ̈ታ 5:6

ኑ̈ኒ ዬሱ̈ስ ክርስቶ̈ሳባር ማ̈ቄ̇ጌይን ኑ̈ና ማ̈ዳ̇ዚንዳ ካንባራ ቤንቲ̇ዝ ኣማ̇ኒንዳ̇ዶኬ ኔ ጋራ̇ዚንቲ̇ናር ጋራ̇ዚንታ̇ካ̇ይ ኣቲ̇ናር ኣባካር ማ̈ዳ̇ባሴ።

ኤፍ 2:10

ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

ኤፍ 3:17

ማ ኣማ̇ናባር ክርሲቶ̈ሲ ዪንታ̇ ቡ̈ዲን ጋርታ ዶኣምፔ̈ንኬ ዪንቲ̇ ጻ̈ጳ ሚሻር ካንባራ ሚጛምፔ̈ን ታ̈ኒ ጾ̈ሳ̇ ዎሳ̇̈ሬ።

ኤፍ 4:2

ካንባር ዪንቲ ዎል ዎልኣ ዳንዳኢሙታ̇ ዎይ ጋላስ ዪንታ̇ ዪርክ ዎቲሙታ̇ኬ ኮሺ̇ቲባርኬ ጋርዣባር ዶኢብቴ።

ኤፍ 5:2

ክርስቶ̈ሲ ኑ̈ና̇ ካኖንዲፌ̈ንኬ ጾ̈ሳ̇̇̈ቦ ኡፋይሲዝ ኮሽ ሳዉቂዝ ዣ̈ርሻፌ̈ን ማ̈ሃር ፌ ሼምፒ̇ን ኑ ጊሻ̇ቦ ጋ̈ር ዓይቃ̈ብ ኣ̈ ኢሚ̇ኖንዲፌ̈ኒ ዪንታ̇ር ዎልዎልኣ ካንባር ዶኢብቴ̇።

ኤፍ 5:27

ዪል ዎታክ ጌ̈ሻ̇ሪ ኢዝ ጋልዳ ኣባክ ማዛ ባዮ̇ ጌ̈ሽ̇ኬ ቆይሲዝ ዎ̈ሳ ኬ̈ ማሃር ፌ̈ክ ሺ̈ሺ̇ንዳቦ።

ፊል 2:15

ዪ̈ዳሬ ኣባቦ ጌይን ዓ ዓታባሮ ኢ̈ት ዬሊቲ ጋርታ ዪንታ̇ ጋልዳ ማዛ ባዮ̇ ኣስ ማ̈ቃ̇ሪ ቤንታ̇ምፔ̈ንኬ ጌ̈ሽ ጾ̈ሳ̇ ናኣን ማ̈ቃ̇ሪ ዓኒ̇ ኣላሚን ጋልዳ ቤ̈ርስፌ̈ን ፎኣምፔ̈ኔ።

ቆላ̈ሳ̈ሳ 1:22

ዎቲናካሬ ዓት̇ ጾ̈ሳ̇ዲ ዪንታ̇ ጌ̈ሻ̇ንኬ፥ ማዛ ዪንታ̇ ጋልዳ ባዮ̈ን ማሃር ፌ̈ክ ሺ̈ሻ̇ንዳቦ፥ ፌ ና̈ኣ ዓይቂን ጎይባራ ኢ ዪንታ̇ ፌባር ኢጊንኔ።

ቆላ̈ሳ̈ሳ 2:2

ዪና̇ ቴ ዎታዚንዳ ኢንቲ̇ ኢንታ̇ ቡ̈ዲንባር ሚ̈ጛርኬ ካንባራ ዎል ፔታ̇ን ማ̈ቃ̇ሪ፤ ኩም ማ̈ቂ̇ኖ ኤራ ዱሪቲን ዲጛሪ፥ ጾ̈ሳ̇ ሚስጢ̇ራ ማ̈ቂ̇ኖ ክርስቶ̈ሳ ኤራምፔ̈ኒ ዋ̈ያ̈ሬ።

ቆላ̈ሳ̈ሳ 3:12

ዪዚ ዪንቲ̇ ጾ̈ሲ ዪንታ̇ ፌዪ ማሃንዳብ ቆሪኖንኬ ኢባር ካንቲ̇ኖ ጾ̈ሳ̇̇ ዎርዣ ማ̈ቂ̇ኖኮታ̇ቦ ኣሳብ ሚጪንቲ̇፣ ኣሽኪቲ፣ ዪንታ̇ ዪርክ ዪርክ ዎቲ፣ ኮሺ̇ቲኬ ዳንዳኣ ማኢኖ ኣስ ማ̈ቂ̇ብቴ።

1 ታሳ 3:12

ኑ ዪንታ̇ ካዚንዲፌ̈ኒ ዪንቲ̇ ዎልዎልኣ ካንታ̇ምፔ̈ንኬ ማ ዪንቲ̇ ሜ̈ላን ካዝ ካንን ዎይላ ዲጫ̇ምፔ̈ኒ ጎዳ ዪንታ̇ ማ̈ዶ̇ጋ̈ቤ።

1 ታሳ 4:7

ጾ̈ሲ ኑ̈ና ጼይጊ̈ኖዲ ኑ̈ኒ ጌ̈ሺቲባር ዶኣንፔ̈ንዶኬ ና̈ጋራ ኦ̈ሙታ ዶኣምፔ̈ን ጊዳካ̇ዬ።

2 ጢማ̈ 1:9

ኑ ኦ̈ኖ ኮሻ̇ ኦ̈ሲንኮታ̇ቦ ጊዳካ̇ይዶን ኢ ፌ ጌይኖንዲፌ̈ንኬ ፌ ካንንባር ኑ̈ና ፋዴ፤ ኑ ጌ̈ሽ ኣስ ማ̈ቃ̇ምፔ̈ኒ ኑ̈ና ጼይጊዴ፤ ዪና̇ ኮሺቲንዶ ሚን ሳ̈ዝ ሲሳፖ ዬሱ̈ስ ክርስቶ̈ሳ ጎይባራ ኑ̈ብ ኢሚ̇ኔ።

2 ጢማ̈ 2:10

ዪ̈ኮታ̇ቦ ኢንቲ ዬሱ̈ስ ክርስቶ̈ሳ ጎይባራ ቤንቲ̇ዝ ፋቲንዲኬ ሜናቦ ዶኣዝ ቦንቺ̇ን ዲጛ̈ምፔ̈ኒ ጾ̈ሳ̇ ማራ̇ጺኖ ኣሳንቦ ጋ̈ራ ታ̈ኒ ዎይ ባዝ ጋ̈ርዣ̈ሬ።

2 ጢማ̈ 2:19

ዎቲናካር “ጎዳ̈ዲ ፌዪ ማ̈ቂ̇ኖን ኤሪ̈ሬ፤” ማ “ጎዳ ሱምን ጼይጊዝ ኣሲ ዎይ ኢ̈ት ባዝ ጋልዳፖ ጎቶ̇” ጌይዝ ማይታማ ኢዝ ጋልዳ ጋዲ̇ኖ ጾ̈ሲ ቶሊኖ ቱ̈ሲን ኤንኣባሴ።

ዓይ 2:5

ዶሲንቲ̇ኖ ቴ ኢሺንታ̇ን! ዪኖ̇ ሲስኪብቴ̇፤ ጾ̈ሲ̇ ፌ̈ና ካዝ ኣሳንቦ̈ ኢማ̇ንዳ ጌይኖ̈ ካ̈ቲቲን ኤካ̇ምፔ̈ንኬ፥ ኣማ̇ናባር ዱር ማ̈ቃ̇ምፔ̈ኒ፥ ዓኒ̇ ኣላሚን ጋልዳ ዎ ዎርባያን ማራጻካያ?

1 ጴጥ 1:20

ኢ ዪኒ̇ብ ማራ̇ጺንቲ̇ኖንዳ ኣላሚን ዓና̇ ኮቺንታ̇ናፖ ቲ̈ኔ፤ ዓት ዉርሲ ኬሊ̇ን ጋልዳ ዪንታ̇ኮታ̇ቦ ቤንቲ̇ዴ።

1 ጴጥ 2:9

ዎቲናካሬ ዪንቲ ም ጋርታፖ ዎይሊን ጋራ̇ሚሲዝ ፎኢንንኮ ዪንታ̇ ጼይጊኖ ጾ̈ሳ̇̇̈ኮን ጴቻ ኦ̈ሲን ሶ̈ላምፔ̈ኒ ማራ̇ጺንቲ̇ኖ ዜ̈ርን፥ ካ̈ታቦ ቄ̈ሳንኬ፥ ጾ̈ሲ ፌ̈ቦ ጌዪ ቆሪ ኬሲ̇ኖ ዎርዣን።

2 ጴጥ 3:14

ዪ̈ኮታ̇ቦ ታ ላጋ̇ን! ዪና̇ ዎይ ማ̈ቃ̇ዝ ቃሚ̇ን ዪንቲ̇ ናጋ ጋልዳ ዎኮ፥ ዪንቲ ኢ̈ታ ባዝኬ ማዛ ባዝ ዪንታ̇ ጋልዳ ባይዶን ኢባር ኮሽ ዎዶን ዪንታ̇ ዲጛምፔ̈ኒ ሚ̈ጛር ዶኢብቴ።

1 ዋ̈ኒ̇ 4:16

ጾ̈ሲ ኑ̈ና ካዝ ካንንዶ ኑ̈ኒ ኤሪኔ ማ ኣማ̇ኒኔ። ጾ̈ሲ ካ̈ን ጾ̈ሴ፤ ካ̈ንባር ዶኢዝ ኣሲ ጾ̈ሳ̇̈̇ባር ዶኢ̈ሬ፤ ጾ̈ሳ̇̇ር ኢባር ዶኢ̈ሬ።

ሳጻ 13:8

ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።

ሳጻ 17:8

ኔ ቤቂ̇ኖ ማ̈ታባዛ̈ዲ ዓኒ̇ፖ̇ ቲ̈ን ዎዶሪ ዓት ባዬ̇፤ ዎሃ ዎሳሊ ባዮ̇ ጴች ዶ̈ቺ̇ን ጋርታፖ ኬስኪ̈ሬ፤ ማ ዪብ ሉኪ̇̈ሬ፤ ሳ̈ዚን ኮቺንቲ̇ኖፖ ኤ̈ሪ ኢንታ ሱምንዳ ሼምፓ ማጻ̈ፋ ጋልዳ ጻ̈ፊንታካ̇ይዶር ሳ̈ዝ ጋልዳ ዎ ኣሳን ማ̈ታ ባዛ̈ ቤቃ̇ሪ ጋራ̇ሚንቲ̇̈ሬ። ዪ ማ̈ታ ባዛ̈ዲ ዓኒ̇ፖ ቲ̈ን ዎ፤ ዓት ባዪ፤ ማ ዎሃ ዬ̈ይዛ̈ዳ።