Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ኤፍ 1:17 - ኦራ ጫ̈ቃ ማጻ̈ፋ

17 ኑ ጎዳ ዬሱ̈ስ ክርስቶ̈ሳብ ጾ̈ስ ማ̈ቂ̇ኖ ቦንቺንቲ̇ኖ ጾ̈ሳ̇ ሺ ዪንቲ ኢያ ኤራምፔ̈ን ዪንታ̇ቦ ኤጪቲኬ ኣ̈ቺንቲ̇ኖ ባዝ ቤይሲዝ ኣያ̇ና ኢሚ̇ንታምፔ̈ን ቴ ዪንታ̇ብ ዎሳ̇̈ሬ።

အခန်းကိုကြည့်ပါ။ ကော်ပီ




ኤፍ 1:17
56 ပူးပေါင်းရင်းမြစ်များ  

ዪና̇ ኢዝባራ ዬሱ̈ሲ “ኣፎ ሳ̈ዚምቢኬ ሳ̈ዶ̇ ሳ̈ዚምቦ ጎዳ ቴ ባ̈ባ̈ዶ! ዓኖ̇ ኔ̈ኒ ኤጫንፕኬ ኤራንፖ̇ ጌ̈ሚራ ኤራ ባዮ̇ ዳሻንቦ ቤይሲኖንኮታቦ̇ ቴ ኔ̈ና ጋላታ̈ሬ።


ታ ባ̈ባ̈ዲ ታ̈ብ ዎይ ባዝ ኢሚ̇ኔ፤ ባ̈ባ̈ፖ̇ ሜላ ኦ̈ናካር ናኣ ኤሪዛ ባዬ̇፤ ዪና̇ ኢዝፌኒ ናኣ̈ፖ ሜላ ባ̈ባ̈ ኤሪዛ ባዬ̇። ባ̈ባ ኦ̈ናኮ ናኣ̈ዲ ኢባዝ ኤርሳካ̇ይ ኣቴ̇ጌይን ኦ̈ና̈ካር ባ̈ባ̈ ኤራንዳ̇ብ ዳንዳኢባ̈ሴ።


ዬሱ̈ሳር ኢ̈ኮ “ዮ̈ና ናኣ ሲሞ̈ኖ! ዓኖ̇ ኔ̈ና ቤይሲኖ̈ዲ ኣፋ ዎ ቴ ባ̈ባ̈ዲዶኬ ኣስ ጊዳካዬ። ዪ̈ኮታ̇ቦ ኔ̈ኒ ኣንጂንቲ̇ኖ̈ዳ።


ኢንታ̇ር ኢ̈ኮ “ጎዳ̈ዶ! ኑ ኣ̈ፊን ቤቃ̇ምፔን ኮዪ̈ሬ” ጌይዴ።


ኢ̈ት ባዝ ጋልዳፖ̇ ኑ̈ና ና̈ጋብዶኬ፥ ፋታና ጋርታ̇ ኑ̈ና ጌልሳ̇ፔ̇። [ካ̈ቲቲ፥ ዎልቃኬ ቦንችኬ ሜናብ ኔዬ̇፤ ኣሚንኤ።’]


ዪና̇ ኢዝባራ ጌ̈ሻ̇ ኣያ̇ና̈ዲ ዪንቲ̇ ሶ̈ላንዳ̇ብ ኮሻ̇ዝ ባዚን ዪንታ̇ ታማ̈ርሲ̈ሬ” ጌይዴ።


“ፉዳ ሾክ̇ ጌይኖ ቤስ̇ ጋልዳ̇ ጾ̈ሳ̇̇̈ቦ ቦንች ማ̈ቆ̇፤ ሳ̈ዝ ጋልዳ̇ሬ ጾ̈ሲ̇ ኢንታ̇ ካዝ ኣሳ ናኣንቦ ሳሪቲ ማ̈ቃ̇ጋ̈ቤ” ጌይዴ።


ዪንታ̇ ጻላ̈ታን ጋርታ̇ፖ̇ ኦ̈ናካር ሞ̈ታባር ዪንታ̇ ጋማንፔ̈ንባዮ̇ ቃ̈ላኬ ኤራኬ ቴ ዪንታ̇ብ ኢማ̇ንዳ̇።


ኢያሬ ጾ̈ሳ̇̇̈ዲ ኢ ኪን ኦ̈ናኮ ኣሳብ ኤሪሲዝ ኣያ̇ና፤ ኣላማ ጋልዶ ኣሳን ኢያ ቤቃካ̇ዬ ማ ኢያ ኤሪባ̈ሶኮታ̇ቦ ኢንቲ̇ ኢያ ፌ ቡ̈ዳ ጋርታ̇ ኤካ̇ንዳብ ዳንዳኢባ̈ሴ፤ ዎቲናካሬ ዪንቲ̇ ኢ ዪንታ̇ባር ዎኮታ̇ብኬ ዪንታ̇ ጋርታ̇ ዶኣዚንኮታ̇ቦ ዪንቲ̇ ኢያ ኤሪ̈ሬ።


ቴ ባ̈ባ̈ዲ ቴ ሱምባር ሚሺዛ ሚንዛ ጌ̈ሻ̇ ኣያ̇ና̈ዲ ኢ ዎይ ባዝ ዪንታ̇ ታማ̈ሪሲሬ፥ ቴ ዪንታ̇ብ ሶ̈ሊኖ ባዛን ዎይ ዪንታ̇ብ ኤልቅ ዎቲ̈ሬ።


ዪኖ̇ ዎይ ኢንቲ̇ ዎታዚንዳ ኢንቲ̇ ቴ ባ̈ባ̈ዳር ማ̈ቂ̇ን ታ̈ና ኤራካ̇ዮኮታ̇ቦ።


ሜናብ ሼምፓባር ዶኢ ጋ̈ዚንዳ፥ ኪን ጾ̈ስ ማ̈ቂ̇ኖ ኔ̈ና ኤራዚንዲኬ ኔ ኪ̈ታ̇ር ሚሺኖ ዬሱ̈ስ ክርስቶ̈ሳ ኤራዚንዶ̇።


ዬሱ̈ሳሬ ኢዝኮ̇ “ታ̈ና ኤ̈ፔ̇፥ ቴ ቴ ባ̈ባ̈ኮ ቢርት ማ̈ቃ̇ ሉካካ̇ዬ፤ ዓት ኔ̈ኒ ቴ ታማ̈ራንኮ ሉካ̇ራ ‘ታ̈ብኬ̇ ዪንታ̇ቦ ዎልኣ ባ̈ባ̈ኮ፥ ታ̈ብኬ ዪንታ̇ቦ ዎልኣ ጾ̈ሳ̇̇̈ኮ ሉካ̇̈ሬ ጌይኔ’ ጋ̈ራ ኢንታ̇ብ ሶ̈ላቤ” ጌይዴ።


ማ̈ቂ̇ናካሬ ኢስጣፋ̈ኖ̈ሳብ ጌ̈ሻ̇ ኣያ̇ና̈ ኢሚ̇ኖ ኤሪንዶ ኢንቲ̇ ጋማንዳ̇ብ ዳንዳኣካ̇ዬ።


ኢስጣፋ̈ኖ̈ሳሬ ኢንታኮ “ቴ ኢሺንታንኬ ታ ባ̈ቢንታን! ቴ ጋ̈ዚን ሲስኪ̇ብቴ! ኑ ባ̈ባ̈ ኣብራሃሞ ካ̈ራን ጋዳ̇ ዶኣንዳብ ሉካ̇ናፖ ቲ̈ን ኢ ቢርት ሜሶጶጣ̈ማ ጋዳ̇ ዎዶን ቦንቺንቲ̇ኖ ጾ̈ሳ̇̇ዲ ኢ̈ብ ቤንታ̇ሪ፥


ኣሳን ጾ̈ሳ̇̇ ኤራንዳ̇ቦ ኮያካ̇ዮኮታ̇ቦ ኢንቲ̇ ፋባ̈ሶ ላ̈ፋ ባዝ ኦ̈ሳምፔ̈ኒ ላ̈ፋ ቆፋቦ ኢንታ̇ ኣ̈ ኢሚ̇ዴ።


ዪና̇ ኢዝፌ̈ኒ ኑ ጎዳ ዬሱ̈ስ ክርስቶ̈ሳ ጾ̈ሳ̇ ባ̈ባ̈ዲ ዪንቲ̇ ፔ̇ቲ ቡ̈ዳባራ ኢያ ቦንቻ̇ንፔ̈ን ዪንታ̇ ማሆጋ̈ቤ።


ጌ̈ሻ̇ ኣያ̇ና̈ዲ ፔቲ̇ ኣሳቦ ኤጪቲባር ሶ̈ሊዝ ኪልስ ኢሚ̇ሬ። ማ ሜላ̈ቦ ዪ̈ ኣያና̈ዲ ኤራባር ሶ̈ሊዝ ኪልስ ኢሚ̇ሬ።


ዪዚ ቴ ኢሺንታ̇ን! ቴ ዪንታ̇̇ክ ዬ̈ርዶራ ኦራ ኖ̈ናባራ ሶ̈ላ ሙታ̇ ዬዬጌዪን ዪንታ̇ ኣ ማዳ̇̈ራ? ዪኒፖ̇ ሺ ታ̈ኒ ጾ̈ሳ̇ ሚስጢሪን ጌ̈ሚቲኖን ኤርሳዚንዶ፣ ኤራ፣ ካ̈ያኬ ዎይ ቲሚርታ̇ ኤካ̇ር ዬይኖኮ ዪንታ̇̇ብ ኮሼ̇።


ዎቲናካሬ ጌ̈ሚቲኖ ባዛን ጾ̈ሳ̇̇ ፌ ኣያ̇ናባራ ኑ̈ቦ ፋላ̇ ጋልዳ ኬሳ̇ር ቤይሲኔ፤ ጾ̈ሳ̇̇ ኣያ̇ና̈ዲ ሜላ ኣቲ̇ን ኦ̈ናካር ኤራንዳብ ዳንዳኢባ̈ሶ ጾ̈ሳ̇̇ ባዝ ኣታካ̇ይ ዎይ ባዝ ቤቂ̇ ዲጚ̈ሬ።


ዓኒ̇ ኣላሚን ላ̈̇ን ጋርታ̇ፖ ዓና̇ ጾ̈ሳ̇̇ ኤሪን ኤሪኖ ኦ̈ናካር ባዬ̇፤ ኢንቲ̇ ዎን ዪኖ̇ ኤሪኖኮ ቦንቺንቲ̇ኖ ጎዳ ሶቲ̇ባ̈ስዶ̈ን።


ኬራፍ ጋርታ̇ ቤንቲ̇ዝ ባዚ ባዪካራሬ ኬርፋንዳ ኮሺ̈ርኮ ጎዳ ታ̈ብ ቤይሲኖ ሳጺንባር ኬርፋንዳ።


ኑ̈ኒ ክርስቶ̈ሳ ኣማ̇ኒኖኮታ̇ቦ ኣፋፖ ቤንቲ̇ዛ ኑ ሼምፒ̇ምቦ ማ̈ዲ̇ዝ ኣንጃ̇ባራ ዎይ ኑ̈ና ኣንጂ̇ኖ ጾ̈ሳ̇ ኑ ጎዳ ዬሱ̈ስ ክርስቶ̈ሳ ባ̈ባ̈ቦ ጋላታ ማ̈ቆ̇።


ዪ̈ ሚስጢራ̈ዲ ጾ̈ሳ̇ ኣያ̇ና ጎይባር ጌ̈ሻ ሃዋ̈ራታንብኬ ናባን ዓቶ̇ንቦ ቤንቲ̇ኖንዲፌ̈ኒ ሚኖ ኣሳንቦ ቤንታ̇ካዬ።


ዪና̇ሬ ኑ ዎይን ጾ̈ሳ̇ ና̈ኣ ኤራሪ ኣማ̇ናባር ቤንቲ̇ኖ ፔቲ̇ቲንኮ ዬላ̇ሪ፥ ኑ ኣማ̇ኒንባር ሚ̈ጛሪ ክርስቶ̈ሳ ማ̈ይጻምፔ̈ኒዬ።


ዪዚ ኑ ኣማ̇ናባር ሚጚ̈ኖን ዎይ ኑ ቆፊን ዪኒ̇ፌ̈ን ማ̈ቃ̇ንዳቦ ኮሻ̇̈ሬ፤ ማ ዪንታ̇ ጋርታ ዱማ ዱማ ቆፊ ዎ ኣሲ ዎኮ ዪና ቆፊንዳር ማ̈ቂ̇ን ጾ̈ሳ̇ ዪንታ̇ብ ፋላ̇ ጋልዳ ኬሳ̇ር ቤይሲ̈ሬ።


ኢያ ኢጺ̇ዝ ኣሳንቦ ኢ ቡ̈ዳ ዳልግ ማ̈ቃ̇ር ታማ̈ርሲ ማሃንዳብ ኮሺ̈ሬ፤ ኦ ኤሬ ኢንቲ ኪንን ኤራምፔ̈ን ጾ̈ሳ̇ ኢንታ̇ብ ማ̈ሪቲ ጌላምፔ̈ን ዎታንዳብ ዳንዳኢ̈ሬ።


ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ጾ̈ሳ̇ ኣይላ፥ ጾ̈ሳ̇̈̇ ማራ̇ጺ̇ኖ ኣሳን ሚ̈ንንዳብኬ ኪን ኣማ̈ና ጎይን ኤርሳምፔ̈ን ሹ̈ሚንቲ̇ኖ ታ ጳ̈ውሎ̈ሳ ጋልዳፖ ጻፊንቲ̇ኖ ኪ̈ታ፦


ቴ ኢሺንታ̇ን! ዪንቲ̇ ቦንቺ̇ንቲ̇ኖ ጎዳ ዬሱ̈ስ ክርስቶ̈ሳ ኣማ̇ኒዛኮታ̇ቦ̈ ፔታ̇ና ፔታ̇ና̈ፖ ሺ̈ሬ ዪዝ ጋ̈ካ̇ይዶ̈ሪ ኣስ ዎይ ዎልፌ̈ን ቤቂ̇ብቴ̈።


ፌ ቦንችባርኬ ፌ ኮሺ̇ቲንባራ ኑ̈ና ጼይጊኖ ጾ̈ሳ̇̇ ኢያ ኑ ኤሪኖኮታ̇ቦ ኢ ጾ̈ሲቲ ዎልቂንዳ ሼምፓ ዲጛንዳብኬ ጾ̈ሳ̇ቦ ጎሽታ̇ንዳብ ኮሺ̇ዝ ባዛን ዎይ ኑ̈ብ ኢሚ̇ኔ።


ዪኒ̇ፓ ኑ ጎዳ ኑ̈ና ፋዛ ዬሱ̈ስ ክርስቶ̈ሳ ኮሺ̇ቲንዲኬ ኢያ ኤሪሙታ ዪንባር ዲጪ̇ብቴ፤ ኢ̈ቦ ዓታ̇ር ማ̈ቂ̇ን ሜናብ ቦንች ማ̈ቆ̇! ኣሚንኤ።


“ኣሚንኤ! ቤርኢስ፣ ጴቺቲ፣ ኤሪቲ፣ ጋላታ፣ ቦንች፣ ዎልቃ፣ ሚንቲ፣ ኑ ጾ̈ሳ̇̈ቦ ሜናብ ኢ̈ብ ማ̈ቆ! ኣሚንኤ” ጌይዴ።


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ