ኤፍ 1:13 - ኦራ ጫ̈ቃ ማጻ̈ፋ

¹³ ዪንቲ̇ ኪን ቃ̈ላ ማ̈ቂ̇ኖን ዪንታ̇ ፋዝ ዎጛሊን ሲስካ̇ሪ ክርስቶ̈ሳ ኣማ̇ኒዴ። ኢያሬ ዪንታ̇ብ ኢማ̇ንዳ ጌይኖ ጌ̈ሻ̇ ኣያ̇ና ጎይባራ ዪንቲ ኢዬይ ማ̈ቂ̇ኖን ኤርሲዝ ማይታማ ዪንታ̇ ጋልዳ ቡኪ̇ዴ።

ኤፍ 1:13 ပူးပေါင်းရင်းမြစ်များ

ሉቃ̈ሳ 11:13

ዪንቲ̇ ኢ̈ት ዉጫ ኣስዶ̈ሪ ዪንታ̇ ናኣንቦ ኮሽ̇ ባዝ ኢማ̇ዚን ኤሪ̈ርዶ̈ሪ፥ ኣፋ ዎ ዪንታ̇ ባ̈ባ̈ዲ ኢያ ጌሺዛንቦ ዎዛርፌ̈ን ጌ̈ሻ̇ ኣያ̇ና ኣ̈ ሺሻር ኢሚ̇ባ̈ሳ?” ጌይዴ።

ሉቃ̈ሳ 24:49

ቴ ባ̈ባ ኢማ̇ንዳ ጌዪ ቃ̇ላ ጌሊኖን ቴ ዪንታ̇ብ ሚሻንዳ። ዪንታ̇ር ማ ኣፋፖ̇ ዎልቃ ዲጚዝ ዲራ̈ስ ዬሩሳ̈ላም ካታሚን ጋርታ̇ ኢና ጋምኢብቴ̇” ጌይዴ።

ዋ̈ኒ̇ሳ 1:17

ጾ̈ሳ̇̇ ሂጊ̇ን ሙ̈ሳ ጎይባራ ኢሚ̇ንቲ̇ንዶ̈ን፥ ማ̈ሪቲኬ ኪንቲ ዬሱ̈ሳ ጎይስባር ዬይኔ።

ዋ̈ኒ̇ሳ 14:26

ቴ ባ̈ባ̈ዲ ቴ ሱምባር ሚሺዛ ሚንዛ ጌ̈ሻ̇ ኣያ̇ና̈ዲ ኢ ዎይ ባዝ ዪንታ̇ ታማ̈ሪሲሬ፥ ቴ ዪንታ̇ብ ሶ̈ሊኖ ባዛን ዎይ ዪንታ̇ብ ኤልቅ ዎቲ̈ሬ።

ዋ̈ኒ̇ሳ 15:26

ቴ ባ̈ባ ጋልዳፖ̇ ኬስኪ̇ዛ̈ዲክ ታ̈ናር ኢ ጋልዳፖ̇ ዪንታ̇ብ ሚሺዛ ሚ̈ንዛ ማ ጾ̈ሲ ኦ̈ናኮ ኣሳብ ኤሪሲዝ ኣያ̇ና ዬ̈ሪ ኢ ቴ ባዝ ዪንታ̇ብ ማርኪቲ̈ሬ።

ዋ̈ኒ̇ሳ 3:33

ኢ ማርኪ̇ቲኖን ኤኪ̇ዝ ኣሲ፥ ጾ̈ሲ̇ ኪን ጾ̈ስ ማ̈ቂ̇ኖን ማርኪ̇ቲ̈ሬ።

ዋ̈ኒ̇ሳ 6:27

ታ ኣሳ ናኣ̈ዲ ዪንታ̇ብ ኢማ̇ዝ ሜናብ ዶኣምፔ̈ን ዎታዝ ፊ̈ሺምቦ̇ ኦ̈ብትዶኬ፥ ሳማር ያዝ ፊ̈ሺምቦ̇ ኦ̈ፒ̇ቴ። ጾ̈ሳ̇̇ ባ̈ባ̈ዲ ቴ ዪኖ̇ ኦ̈ምፔ̈ን ሲልጣ̈ና ታ̈ብ ኢሚ̇ኔ።

ሃዋ̈ራታን ኦ̈ሳ 1:4

ፔቲ̇ ጋላስ ኢንታባር ዎልኣ ዶኣር ቡና ኡሽኪ̈ርዶሪ ኢንታ̇ኮ “ቴ ሶ̈ላምባ̇ር ዪንቲ̇ ሲስኪ̇ኖንዶ̇፤ ታ ባ̈ባ ዪንታ̇̇ብ ኢሚ̇̈ሬ ጋ̈ሪ ታስፋ ኢሚ̇ኖን ና̈ጊብትዶኬ፥ ዬሩሳላማፖ̇ ኬስካ̇ሪ ሜላ ቤስ̇ ሉካፒ̇ቴ።

ሃዋ̈ራታን ኦ̈ሳ 13:26

“ኣብራሃ̈ማ ዜር ጋርታፖ̇ ዬሊንቲ̇ኖ ቴ ኢሺንታንኬ ጾ̈ሳ̇ቦ ኢጪ̇ዝ ኣይሁድ ባዮ̇ ኣሳን! ዓና̇ ፋቲ ኪ̈ቲንዳ ኑ ዎይንቦ።

ሃዋ̈ራታን ኦ̈ሳ 2:33

ኢ ጾ̈ሳ̇̇ ላፍ ሾክ ሾክ ጌይኖፖ̇ ዓኒ ጌ̈ሻ̇ ኣያ̇ና ታስፋ ጾ̈ሳ̇̇ ጋልዳፖ̇ ኤካ̇ር ዓት ዪንቲ̇ ቤቃ̇ዚንዲኬ ሲስካ̇ዚን ኣሳ̈ብ ኢሚ̇ዴ።

ሮሜ 1:16

ታ̈ኒ ዎጛላ ቃ̈ላ ሶ̈ላንዳብ ዬ̈ልቃባሴ፤ ኣባ ጌይን ዎጛላ ቃ̈ላ̈ዲ ቲ̈ን ኣይሁዳንቦ ኢናፖ ኣይሁድ ባዮ̇ ኣሳንቦ፥ ኣማ̇ኒዝ ኣሳን ዎይ ፋንዳብ ዳንዳኢዝ ጾ̈ሳ̇̇ ዎልቃ።

ሮሜ 4:11

ኣብራሃ̈ሚ ጋራ̇ዚንታ̇ናፖ̇ ቲ̈ን ኢ ኣማ̇ኒን ጺሊ̇ቲ ማ̈ቃ̇ራ ፋይዲንቲኖን ኤርሳንዳቦ ማላ̇ ማ̈ቃ̇ምፔን ጋራዚንቲ̇ዴ፤ ዪ̈ኮታ̇ቦ ኣብራሃ̈ሚ፥ ጋራ̇ዚንታካይዶን ኣማ̇ኒዛንብኬ ኢንታ̇ ኣማ̇ኒን ኢንታ̇ብ ጺሊ̇ቲ ማሃር ፋይዲንቲ̇ዛን ዎይንቦ ባ̈ባ።

ሮሜ 6:17

ዪንቲ̇ ዓኒፖ̇ ቲ̈ን ናጋራብ ኣይላ፤ ዓት ዎቲናካሬ ዪንቲ̇ ዪንታ̇ብ ኢሚ̇ንቲ̇ኖ ቲሚርቲ̇ምቦ ቡ̈ዳ ጋርታፖ̇ ኪ̈ቲንቲ̇ኖኮታ̇ቦ ጾ̈ሳ̇̈̇ቦ ጋላታ ማ̈ቆ̇።

2 ቆሮ 1:22

ኑ ኢያይ ማ̈ቂ̇ኖን ማርኪቲዝ ማ̈ታማ ኑ ጋልዳ ጋዲ̇ ዎሃ ኑ̈ብ ኢማ̇ዝ ባዚምቦ ፌ ጌ̈ሻ ኣያ̇ና̈ዳ ቃብዳፌ̈ን ኑ ቡ̈ዲን ጋርታ ጋዲ̇ኖ ኢያ።

2 ቆሮ 6:7

ኪን ሶ̈ላባርኬ ጾ̈ሳ̇ ዎልቃባራ። ኑ ጻላታ ጋማንዳቦ ማ̈ቂ̇ዝ ኑ ኦላ ማሳ̇̈ሪንዳ ጺሊ̇ቲ።

ጋላ̈ታ 3:14

ዪና̇ ማ̈ቂ̇ኖንዳ ጾ̈ሲ ኣብራሃ̈ማብ ኢሚ̇ኖ ኣንጃ̇̈ዲ ዬሱ̈ስ ክርስቶ̈ሳ ጎይባር ኣይሁድ ባዮ̇ ኣሳንቦ ዬላ̇ምፔ̈ንኬ ጾ̈ሲ ኢማ̇ንዳ ጌዪ ቃ̈ላ ጌሊኖ ጌ̈ሻ̇ ኣያ̇ና ኑ ኣማ̇ናባር ኤካ̇ምፔ̈ኔ።

ኤፍ 4:21

ዪንቲ̇ ኪን ኢ ባዚን ሲስኪ̇ኔ፤ ዪንቲ̇ ኢባር ፔታ̇ን ማ̈ቂ̇ኖንባራ፥ ኪን ማ̈ቂ̇ኖን ዬሱ̈ሳ ቲሚርቲ̇ን ዪንቲ̇ ታማ̈ሪኔ።

ኤፍ 4:30

ጾ̈ሳ̇̇ ዪንታ̇ ፎቲ ፋዝ ቃ̈ሚንቦ ጋ̈ሪ ዪንታ̇ ጋልዳ ማይታማፌ̈ኒ ቡኪ̇ንቲ̇ኖ ጌ̈ሻ ኣያ̇ና ሺ̈ን ዎታፒቴ̇።

1 ታሳ 2:13

ማ̈ ኑ̈ኒ ዪንታ̇ኮ̈ታ ጾ̈ሳ̇ ዎይ ጋ̈ላስ ጋ̈ላታዚንዳ ዪንቲ̇ ኣማ̇ኒዝ ኣሳን ጋልዳ ኦ̈ዝ ዪና̇ ቃ̈ሊን ዪንቲ ኑ ጋልዳፖ̇ ሲስኪ̇ኖንባራ ኣሲ ሶ̈ሊዛ̈ዲፌ̈ን ማሃር ቤ̈ቃካ̇ይዶር ጾ̈ሲ ሶ̈ሊዛ̈ዲፌ̈ን ማሃር ኤኪ̇ኔ፤ ኢዛ̈ር ኪን ጾ̈ሳ̇ ቃ̈ላ።

2 ጢማ̈ 2:15

ፌ ኦ̈ሲንባር ዬልቂባ̈ሶ፥ ኪን ቃ̈ሊን ዎቢ̇ሳካ̇ይ ሶ̈ሊዝ ኣስ ማ̈ቃ̇ራ ኔ ኔ̈ና ጾ̈ሳ̇ ቲ̈ን ሺ̈ሻ̇ንዳብ ሚ̈ጛቤ።

2 ጢማ̈ 2:19

ዎቲናካር “ጎዳ̈ዲ ፌዪ ማ̈ቂ̇ኖን ኤሪ̈ሬ፤” ማ “ጎዳ ሱምን ጼይጊዝ ኣሲ ዎይ ኢ̈ት ባዝ ጋልዳፖ ጎቶ̇” ጌይዝ ማይታማ ኢዝ ጋልዳ ጋዲ̇ኖ ጾ̈ሲ ቶሊኖ ቱ̈ሲን ኤንኣባሴ።

2 ጢማ̈ 3:15

ማ ኔ̈ኒ ናኢቲፖ ኤ̈ራ ዬሱ̈ስ ክርስቶ̈ሳ ኣማ̇ናር ፋጺዝ ጎይ ኤርሲዝ ቲሚርታ ኢሚ̇ዝ ጌ̈ሻ̇ ማጻ̈ፋን ኤሪኔ።

ቲ̈ታ̇ 2:11

ኣባ ጌይን ኣስ ፋ̈ዝ ጾ̈ሳ̇ ካንንዳ ኣስ ዎይቦ ቤንቲ̇ኔ፤

ኢብ 2:3

ዪዚ ኑ̈ኒ ዪ̈ዲፌ̈ኖ ጴች ፋቲ̈ ጎይን ቦቲጚዝባዝ ማ̈ቄ̇ጌይን ዎዛርታር ፊርዳ ጋልዳፖ ቡቲ̇̈ራ? ዪና̇ ፋቲ̈ን ቲ̈ኒታር ኣሳብ ኤርሲኖ̈ዲ ጎዳ̈ዳ፤ ማ ኢ ጋልዳፖ ሲስኪ̇ኖ ኣሳንሬ ኢዛ ኪን ማ̈ቂ̇ኖን ኑ̈ና ቤይሲኔ።

ዓይ 1:18

ኑ̈ኒ ጾ̈ሲ̇ ኮቺ̇ኖ ኮ̈ቺ̇ንት ዎይፖ̇ ኡስ̇ ማ̈ቃ̇ምፔ̇̈ኒ ኢ ፌ̈ብ ዶሳሪ ኪን ቃ̈ላባር ኑ̈ና ዬሊዴ።

ዓይ 1:21

ዪ̈ኮታ̇ቦ̈ ቄዝ ባዝኬ ዪንታ ጋርታ̇ ዎይላር ቤንቲ̇ዝ ኢ̈ቲቲ ቆፋ ፋይሪ ዪንታ ሼምፒ̇ን ፋንዳብ ዳንዳኣዚን ዪንታ̇ ጋርታ ቶኪንቲ̇ኖን ጾ̈ሳ̇̇ ቃ̈ሊን ኮሽ̇ ቡ̈ዳባር ኤኪ̇ብቴ̇።

1 ጴጥ 2:10

ዪንቲ ሚን ጾ̈ሳ̇ ዎርዣ ጊዳካ̇ዬ፥ ዎቲናካር ዓት ዪንቲ̇ ጾ̈ሳ̇̇ ዎርዣ፤ ሚን ዪንቲ̇ ማ̈ሪቲ ዲጛካ̇ዮን፤ ዎቲናካር ዓት ማ̈ሪቲ ዲጚኔ።

ሳጻ 7:2

ኢናፖ ሼምፓባር ዶኢዝ ጾ̈ሳ̇̈ ማይታሚን ኤ̈ኖ ሜላ ኪ̈ታንቻ̇ሬ ኣዋ̈ፍ ኬሲ ጎይባር ዬ̈ዚምባር ቴ ቤቃ̇ዴ፤ ዪ ኪ̈ታንቻ̈ዲ ሳ̈ዚንዲኬ ባሃ̈ሪን ጎዳኣምፔን ሲልጣ̈ና ኢንታ̇ብ ኢሚ̇ንቲ̇ኖ ኦይዲ ኪታንቻንኮ ፌ ቆ̈ ሾክ ዎታሪ፥