ኤፍ 1:10 - ኦራ ጫ̈ቃ ማጻ̈ፋ

¹⁰ ኬሊ̇ን ዬላ̇ዚንባራ ጾ̈ሳ̇̇̈ዲ ኣፋር ማ̈ቂ̇ን ሳ̈ዳ̇ር ዎ ባዛን ዎይ ክርስቶ̈ሳፖ ጻና ሺ̈ሻ̇ንዳብ ቆፒ̇ኔ።

ኤፍ 1:10 ပူးပေါင်းရင်းမြစ်များ

ማ̈ቶ̈ሳ 25:32

ዎርዣ ዎይ ቴ ቲ̈ን ሺ̈ቂ̈ሬ፥ ጋይጫኖ ዶራን ዶርቲ̇ ጋርታ̇ፖ ቆራዚንዲፌ̈ን ታ̈ናር ዎርዣን ጋርታ̇ፖ̇ ቆራ̈ሬ።

ማ̈ርቆ̈ሳ 1:15

“ኬላ̇ ዬሊ̇ኔ፤ ጾ̈ሳ̇̇ ካ̈ቲቲ ኡኪ̇ኔ፤ ማ̈ሪቲ ጌሊብቴ፤ ዎጛላባር ኣማ̇ኒብቴ̇” ጌዪ ሳባ̇ኪዴ።

1 ቆሮ 10:11

ዪ̈ ዎይ ባዝ ኢንታ̇ ጋልዳ ዬሊ̇ኖ̈ዲ ኑ ኑ̈ና ና̈ጋምፔ̈ን ኑ̈ቦ ሚሳ̇̈ሊ ማ̈ቃምፔ̈ኔ፤ ዪን ባዛን ዉርሲ ላይ ጋልዳ ዎን ኑ̈ብ ቲሚርታ̇ ማ̈ቃ̇ምፔ̈ኒ ጻ̈ፊንቲ̇ኔ።

1 ቆሮ 11:3

ማጫ̇ ጋልዳ ሲልጣ̇̈ና ዎዲ ኣቲናቦ፤ ኣቲና ጋልዳ ሲልጣ̇̈ና ዎ̈ዲ ክርስቶ̈ሳቦ፤ ክርስቶ̈ሳ ጋልዳ ሲልጣ̇̈ና ዎ̈ዲ ጾ̈ሳ̇̇̈ ባ̈ባቦ̈ ማ̈ቂ̇ኖን ዪንቲ̇ ኤራም̇ፔን ቴ ኮያ̈ሬ።

ጋላ̈ታ 4:4

ዎቲናካሬ ጌዪኖ ኬሊ̇ን ዬሊ̇ን ጾ̈ሳ̇̇̈ዲ ፌ ናኣ ኑ̈ብ ሚሺዴ። ኢያሬ ማጫ̇ ጋልዳፖ̇ ዬሊንቲ̇ኔ፤ ሙ̈ሳ ሂጊ̇ን ጻና ኣቂኔ።

ኤፍ 1:22

ዎይ ባዚ ኢብ ኪ̈ቲ̇ንቲ ኢ ጻና ኣቃምፔ̈ን ኦ̈ዴ። ዎሳ ኬ̈ ጋልዳሬ ኢያ ዎይፖ̇ ሾ̈ክ ጌይኖ ቆም ማሃር ጋዲ̇ዴ።

ኤፍ 2:15

ዪን ናምኢ ዜርን ጋርታፖ̇ ኦራ ዎርዣ ኬሳ̇ንዳቦ ጋ̈ሪ ኣይሁዳን ሂጊ̇ንዲኬ ሂጊ̇ን ኪ̈ታዚን ዎይ ፌ ዓይቂንባራ ይሳ̇ሪ ሳሪቲ ኤሄይዴ።

ኤፍ 3:2

ቴ ዪንታ̇ ማ̈ዳምፔ̈ኒ፤ ጾ̈ሳ̇ ፌ ኮሺ̇ቲንባራ፤ ዪኖ̇ ኦ̈ሲን ታ̈ብ ኢሚ̇ኖን ዪንቲ̇ ኮሺንቺ̇ ሲስኪ̇ኔ።

ቆላ̈ሳ̈ሳ 1:16

ዎይ ባዝ ኮቺ̇ኖ̈ ኢያ። ኣፋር ማ̈ቂ̇ን ሳ̈ዳ̇ር ዎን፥ ቤቂ̇ን ቤንቲ̇ዛንሬ ቤንቲ̇ባ̈ሶንሬ፥ ኣፋ ዎ ጴች ዎልቃባሮንኬ ጋዣን፥ ላ̈ንኬ ሲልጣ̈ናባሮን ዎይ ጾ̈ሲ ኢባር ማ̈ቃ̇ር ኢ̈ብ ኮቺ̇ኔ።

ቆላ̈ሳ̈ሳ 1:20

ማ ኢ ጎይባራ ኣፋ ዎ ባዝ ማ̈ቂን ሳ̈ዶ ባዝ ዎይ ፌባር ኢጊንዴ። ማስቃ̈ላ ጋልዳ ውሊንቲ̇ኖ ፌ ናኣ ሱ̈ባራ ሳሪቲ ኤሄይኔ።

ቆላ̈ሳ̈ሳ 3:11

ዪዚ ዪና̇ ኦራ ኣሲቲን ጋርታ̇ ኣይሁድ ዎይ ኣይሁድ ባዮ̇ ኣሲ፣ ጋራ̇ዚንቲ̇ኖ ኣሲ ዎይ ጋራ̇ዚንታካ̇ዮ ኣሲ፣ ኣሳ ጋዶ̇ ኣሲ ዎይ ታማ̈ራካ̇ዮ ኣሲ፣ ኣይላ ዎይ ኣይላ ጊዳካ̇ዮ ኣስ ጌይዝ ፋጊቲ ባዬ̇፤ ክርስቶ̈ሲ ዪን ዎይንስ ጋርታ̇ ዎኮታ̇ቦ ዋ̈ና̇̈ዲ ክርስቶ̈ሳ።

ኢብ 1:2

ዎቲናካሬ ዓት ዓና̇ ውርሲ ኬሊ̇ን ጋልዳ ዎይ ባዝ ኢ̈ብ ኢሚ̇ዛ ማ ዓና̇ ኣላሚንዳሬ ኢ ጎይባር ኮቺ̇ኖ ፌ ናኣ̈ ጎይባር ማ̈ቃ̇ር ኑ̈ብ ሶ̈ሊኔ።

ኢብ 11:40

ጾ̈ሲ ኑ̈ቦ ሺ ኮሽ̇ ባዝ ኢማ̇ንዳብ ቆፒ̇ኖኮታቦ ኢንቲ ኑባር ማ̈ቃ̇ርዶኬ ፌ̈ብ ሙታ̇ዶር ጾ̈ሲ ኢንታ̇ብ ቆፒ̇ኖ ባዚን ፎቲ ዲጚባ̈ሴ።

ኢብ 9:10

ዪን ባዛን ኦራ ዎጋ ዬይዝ ዲራስ ኦ̈ሳ ጋልዳ ፌሽኪ̇ዝ ሙንት ባዝኬ ኡሽ̇ ባዝ፤ ማ ዱማ ዱማ ኣሲ ፌ̈ና ጌ̈ሺ̇ዝ ዎጋ ሙታ̇።

1 ጴጥ 1:20

ኢ ዪኒ̇ብ ማራ̇ጺንቲ̇ኖንዳ ኣላሚን ዓና̇ ኮቺንታ̇ናፖ ቲ̈ኔ፤ ዓት ዉርሲ ኬሊ̇ን ጋልዳ ዪንታ̇ኮታ̇ቦ ቤንቲ̇ዴ።

ሳጻ 5:9

ኢንቲ̇ ኦራ ማዝሙራባራ፦ “ኔ̈ኒ ማጻ̈ፊን ኤካ̇ንዳብኬ፥ ኢዝ ጋልዳ ዎ ማይታማን ፊርቃ̇ንዳቦ ኔ̈ብ ቤይሲ̈ሬ፤ ኣባ ጌይን ኔ̈ኒ ሹኪንታ̇ራ ኔ ሱ̈ንባር ኣሳ ዜር ጌይዛ ዎይ ጋርታፖ፥ ሳ̈ዝ ኤ̈ሺ̇ን ጋልዳ ኣሲ ሶ̈ሊንቲ̇ዝ ኖ̈ና ዎይ ጋርታፖ፥ ኣሳ ኮች ጌይዛ ዎይ ጋርታፖ፥ ዎ̈ርዣ ዎይ ጋርታፖ፥ ኣሳ ናኣን ጾ̈ሳ̇ቦ ዎዛንዳቦ፥ ኔ̈ኒ ሹኪንቲ̇ኔ።