2 ጾ̈ሳ̇ ጋላቲሙታ̇ ባርካ̇ሪ ዎ̈ሳባር ሚ̈ጚብቴ።
ዪንቲ̇ ሜታ ጋርታ̇ ጌላካዮ̈ዲፌ̈ን ሚ̈ጛር ዎ̈ሲ̇ብቴ፤ ሚ̈ጛንዳብ ኢና̇ ዪንታ̇ብ ዎዶ̈ን፥ ዪኖ̇ ዎታንዳብ ዎልቂን ዪንታ̇ብ ጉ̈ጻ̇̈ሬ” ጌይዴ።
ዪና̇ ኢዝ ቃሚ̇ን ኣ̈ንታ ማ̈ቃ̇ርኮ ዪንቲ ኤሪባ̈ሶኮታ̇ቦ ና̈ጊንቲ̇ብቴ፤ ሚ̈ጚብቴ፤ ዎ̈ሲብቴ።
ዬሱ̈ሲ ፌ ታማ̈ራንቦ፥ ኢንቲ̇ ዎይ ጋላስ ሚ̈ጛር ዎ̈ሳንዳብ ኮሻ̇ዚን ኤራምፔ̈ን ሚሳ̇̈ሊ ኢንታ̇ብ ሶ̈ሊ̈ርዶሪ፥
ዪዚ ኢ̈ታ ባዝ ዎይ̈ፖ̇ ቡ̈ታ̇ንዳብኬ ታ ኣሳ ናኣ ቲ̈ን ኤቃ̇ንዳቦ ዳንዳኣምፔ̇̈ኒ ዎይ ጋላስ ሚ̈ጛር ዎ̈ሲ̇ብቴ̇” ጌይዴ።
ዪን ዎይኬ ማ ማጫ̇ንኬ ዬሱ̈ሳ ኢንዲ̇ን ማ̈ራሚባራ ማ ኢ ኢን̇ናኣንባር ዎልኣ ፔቲ̇ ቡ̈ዳባር ማ̈ቃ̇ር ዎ̈ሳብ ዎልኣ ሺ̈ቂ̈ሬ።
ዪንታ̇ብ ዎ ታስፊንባራ ኡፋይቲ̇ብቴ፤ ሜታ ዪ̈ንታ ዬ̈ሌ̇ጌይን ጋ̈ርዢብቴ፤ ዎይ ጋላስ ዎ̈ሲ̇ብቴ።
ጌ̈ሻ ኣያ̇ና ዪንታ̇ ቲ̈ናዚንዲፌ̈ኒ ዎይ ጋላስ ዎይ ባዛቦ ጾ̈ሳ̇ ዎሲ̇ ኢያ ጌሺብቴ̇። ዪና ኢዝፌ̈ኒ ጾ̈ሳ̇̇ ዎርዣ̈ቦ ዎይ ጋላስ ባርካር ሚጛር ዎ̈ሲ̇ብቴ።
ጾ̈ሳ̇ ጌሺሙታኬ ኢያ ጋላቲሙታ ዎይባዝ ዎ̈ሳባር ጾ̈ሳ̇̇̈ኮ ሺ̈ሺ̇ብቴዶ̈ኬ ኣባክ ፔቲ ባዛባር ጫና̇ቂንታፒ̇ቴ።
ዪ̈ኮታ̇ቦ ኑ̈ናር ዪንታ̇ኮን ሲስኪ̇ኖ ቃማ̇ፖ ኤ̈ሪ ዪንታ̇ኮታ̇ቦ ዎ̈ሲ̇ሙታ̇ ጌ̈ሻ ኣያ̇ና ጋልዳፖ ኢሚ̇ንቲ̇ዝ ኤራኬ ኮሽ ቆፊ ዎይ ጾ̈ሲ ዪንታ̇ቦ ዎይሊሲን ዪንቲ̇ ኢ ቆፊን ኦ̈ምፔ̈ኒ ዪንታ̇ብ ጾ̈ሳ̇̇ ጌሻዚን ኑ̈ኒ ኣሻካ̇ዬ።
ዪንቲ̇ ኢ ጋልዳ ጻጳ ሚሻርኬ ሚ̈ጛር ኤቂ̇ብቴ፤ ዪንቲ ታማ̈ሪኖ ቲሚርቲ̇ንዲፌ̈ኒ ጌዳክ ዓኒክ ጋ̈ካ̇ይ ዪንታ̇ ኣማ̇ኒንባር ሚ̈ጛር ዶኢብቴ̇፤ ዎይ ባዝባራ ጋላታ ኩሚኖ ኣስ ማ̈ቂ̇̈ብቴ።
ዪንቲ̈ ፔቲ ኣስ ጋል̇ ጋልዳ ዎ ጋላ̇ንፌ̈ኒ ማ̈ቃ̇ሪ ኪን ጼይጊንቲ̇ኖንዳ ዓና̇ ሳሪቲምቦ ማ̈ቂ̇ኖኮታ̇ቦ ክርስቶ̈ሳ ሳሪቲንዳ ዪንታ̇ ጋርታ̇ ኩማጋ̈ቤ፤ ማ ጾ̈ሳ̇̇ ጋላቲዝ ኣስ ማ̈ቂ̇ብቴ።
ዬሱ̈ስ ክርስቶ̈ስ ጎይባራ ጾ̈ሳ̇ ባ̈ባ ጋ̈ላቲሙታ̇ዶ̈ሪ፥ ቃ̈ላባራር ማ̈ቆ̇ ኦ̈ሳባራ፥ ዪንቲ ኦ̈ዝ ባዛን ዎይ ጎዳ ዬሱ̈ስ ክርስቶ̈ስ ሱ̈ምባራ ኦ̈ብቴ፤ ማ ኢ ጎይባራ ጾ̈ሳ̇ ባ̈ባ̈ ጋ̈ላቲብቴ።
ዬሱ̈ስ ክርስቶ̈ሳብ ኣይላ ማ̈ቂ̇ኖ ዪንታ̇ ጋዶ̇ ና̈ሳ ኤጳ̈ፍራሬ ዪንታ̇ ሳሮ ጌይኔ። ዪንቲ ጾ̈ሳ̇̇ ጎይባራ ዲጫ̇ንፔ̈ንኬ ጾ̈ሳ̇̇ ቆፊን ዎይ ኦ̈ ፎታምፔ̈ኒ ዪንታ̇ ኮታ̇ ኢ ዎይ ጋላስ ዎ̈ሳባር ዳ̈ቡሪ̈ሬ።
ዪዚ ዎይ ባዛብ ውርሲን ዬሊ̇ኔ፤ ዪንቲ ሚ̈ጛሪ ዎ̈ሳ̇ንዳብ ዳንዳኣምፔ̈ኒ ኮሺንቺ ቆፒ̇ዝ ቡ̈ዳ ዪንታ̇ብ ዶኦጋ̈ቤ፤ ማ ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇።
