ቆላ̈ሳ̈ሳ 3:3 - ኦራ ጫ̈ቃ ማጻ̈ፋ

³ ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ዪንቲ̇ ዓኒ̇ ኣላሚን ጋልዳፖ̇ ፋጊንቲ̇ኔ። ዪንታ̇ ሼምፒ̇ንዳ ክርስቶ̈ሳባራ ጾ̈ሳ̇ ላፍ ኣ̈ቺንቲ̇ኔ።

ቆላ̈ሳ̈ሳ 3:3 ပူးပေါင်းရင်းမြစ်များ

ማ̈ቶ̈ሳ 11:25

ዪና̇ ኢዝባራ ዬሱ̈ሲ “ኣፎ ሳ̈ዚምቢኬ ሳ̈ዶ̇ ሳ̈ዚምቦ ጎዳ ቴ ባ̈ባ̈ዶ! ዓኖ̇ ኔ̈ኒ ኤጫንፕኬ ኤራንፖ̇ ጌ̈ሚራ ኤራ ባዮ̇ ዳሻንቦ ቤይሲኖንኮታቦ̇ ቴ ኔ̈ና ጋላታ̈ሬ።

ዋ̈ኒ̇ሳ 14:19

ጊላ̇ ቃማ̇ፖ̇ ዎሃ ኣላማ ጋልዳ̇ ዎ ኣሳን ታ̈ና ቤቂ̇ባ̈ሴ፤ ዎቲናካር ዪንቲ̇፥ ቴ ሼምፓባር ዎኮታ̇ብኬ ዪንታ̇ር ሼምፓባር ዶኢዛኮታ̇ቦ ታ̈ና ቤቂ̇̈ሬ።

ዋ̈ኒ̇ሳ 3:16

“ጾ̈ሳ̇̇ ናኣ ኣማ̇ኒዝ ኣስ ዎይ ሜናብ ሼምፓባር ዶኢ ዲጛምፔ̈ንዶኬ ያካ̇ይፌ̈ኒ፥ ጾ̈ሲ̇ ኣላሚን ዓና̇ ጋርታ̇ ዎ ኣሳን ዎይሊን ካኖኮታ̇ቦ፥ ፌ ናኣ ፔታ̇ና ኢያ ኢሚ̇ዴ።

ዋ̈ኒ̇ሳ 4:14

ቴ ኢማ̇ዝ ዋ̈ን ኡሽኪ̇ዝ ኣሲ ኣባካር ጌይን ዉርሲ ባርሲንቲ̇ባ̈ሴ። ቴ ኢማ̇ዝ ዋ̈ን ኢ ጋርታ̇ፖ̇ ፉዳ ኬስኪ̇ዝ ዶቃ ዋ̈ፌ̈ን ሜናብ ሼምፓባር ዶኢ ኢሚ̇ዝ ዋ̈ ማ̈̇ቃ̇̈ሬ” ጌይዴ።

ዋ̈ኒ̇ሳ 5:21

ባ̈ባ̈ ዓይቂ̇ኖን ዓይቃ ጋርታ̇ፖ̇ ዲንሪ ሼምፓ ኢማ̇ዚንዲፌ̈ኒ፥ ማ ናኣ̈ዳሬ ፌ ኮዪኖንቦ ዎይ ሼምፓ ኢሚ̇̈ሬ።

ዋ̈ኒ̇ሳ 5:24

“ቴ ዪንታ̇ክ ኪን ጋ̈ሬ፥ ታ ቃ̈ሊን ሲስኪ̇ዛ̈ዲኬ ታ̈ና ኪ̈ታ̇ር ሚሺኖ ጾ̈ሳ̇̇ ኣማ̇ኒዝ ኣሲ ሜናብ ሼምፓባር ዶኢ ኢ̈ብ ዎ። ኢ ዓይቃ ጋርታ̇ፖ̇ ኬስ̇ካር ጌዳ ሼምፓባር ዶኢ̈ርዶኬ ፊርዳ ኢ ጋልዳ ዬ̈ባሴ።

ዋ̈ኒ̇ሳ 5:40

ዎቲናካሬ ዪንቲ̇ ሼምፓ ዲጛንዳ̇ቦ ታ̈ና ኣማ̇ናንዳ̇ብ ኮዪባ̈ሴ።

ሮሜ 5:10

ኑ̈ኒ ጾ̈ሳ̇̇̈ባር ጎይል ማ̈ቃ̇ር ዎዶ̈ን ጾ̈ሲ̇ ፌ ናኣ ዓይቃባር ኑ̈ና ፌባር ኢጊ̇ንኔ፤ ዓት ኑ ጾ̈ሳ̇ባር ኢጊ̇ንቲኖፖ̇ ዓኒ፥ ኢ ናኣ ሼምፓባር ዎኮታ̇ቦ ኑ̈ና ሺ ፋሬ።

ሮሜ 5:21

ዪ̈ዳር ማ̈ቂ̇ኖዲ ናጋራ ዓይቃ ኤሄዪሙታ ካውቲኖንዲፌ̈ኒ፤ ጎዳ ዬሱ̈ስ ክርስቶ̈ሳ ጎይባራ ኣሲ ሜናብ ሼምፓባር ዶኢ ዲጛምፔ̈ኒ ጾ̈ሳ̇̇ ካን̈ዲ ጺሊ̇ቲ ኢሚ̇ሙታ̇ ካውቲ̈ሬ።

ሮሜ 6:11

ዪዚ ዪንቲ̇ ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ናጋራ ጋልዳፖ̇ ፋጊንቲኖ̈ዲፌ̈ንኬ ዬሱ̈ስ ክርስቶ̈ሳ ጎይባር ጾ̈ሳ̇ቦ ሼምፓባር ዶኢዛ̈ዲፌ̈ን ዪንታ̇ ፋይዲብቴ̇።

ሮሜ 6:2

ጊዳካ̇ዬ! ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ናጋራ ጋልዳፖ̇ ፋጊንቲኖን ኑ̈ኒ ዎዛርፌ̈ን ናጋራ ኦ̈ሙታ̇ ዶኢ̈ራ?

ሮሜ 8:2

ዬሱ̈ስ ክርስቶ̈ሳ ጎይባራ ቤንቲ̇ዝ ሼምፓ ኢሚ̇ዛ ጌ̈ሻ̇ ኣያ̇ና ሂጋ̇̈ዲ ናጋራ ጋልዳፔኬ ዓይቃ ሂጋ̇ ጋልዳፖ̇ ታ̈ና ናጻ ኬሲ̇ኔ።

1 ቆሮ 15:45

ዪ̈ኮታ̇ቦ “ቲ̈ኖ ና̈ሳ ኣዳ̇̈ሚ ሼምፓባሮ ኮቺ̇ንት ማ̈ቂ̇ኔ” ጋ̈ር ጻ̈ፊንቲ̇ኔ። ዎቲናካር ዎሆ ኣዳ̇̈ሚ ኢያሬ ክርስቶ̈ሲ ሼምፓ ኢሚ̇ዝ ኣያ̇ና ማ̈ቂ̇ኔ።

1 ቆሮ 2:14

ጾ̈ሳ̇ ኣያ̇ና ኢ ጋልዳ ባዮ̇ ኣሲ ጾ̈ሳ̇ ጋልዳ̇ፖ ኢሚ̇ንቲ̇ዝ ባዝ ኤካ̇ንዳ̇ብ ዳንዳኢባ̈ሴ።

2 ቆሮ 5:14

ክርስቶ̈ሳ ካንንዳ ዎልቃባር ኑ ኢያ ካር ኢ̈ብ ኦ̈ምፔ̈ን ኑ̈ና ዎታ̈ሬ ኣባ ጌይን ፔቲ̇ ቶ̈ህ ክርስቶ̈ሲ ዎይንቦ ዓይቂ̇ኖንዶ ኑ ኤሪኔ፤ ዪ̈ኮታ̇ቦ ኑ ዎይ̈ን ኢባር ዓይቂ̇ኔ።

2 ቆሮ 5:7

ኑ ዶኣዚን ኣማ̇ባርዶኬ ኣ̈ፍባር ቤቃ̇ር ጊዳካ̇ዬ።

ጋላ̈ታ 2:20

ቴ ታ̈ና ክርስቶ̈ሳባር ሶቲንቲ̇ኖ̈ዲፌ̈ን ማሃ ፋይዳ̈ሬ። ዓኒፖ̇ ጌዳ ክርስቶ̈ሲ ታባር ዶኢ̈ርዶኬ ዓት ሼምፓ̇ባራ ዎ̈ዲ ታ̈ና ጊዳካ̇ዬ። ታ ዓት ሼምፓ̇ባር ሳ̈ዝ ጋልዳ̇ ዶኣዝ ዶኢንዳ ታ̈ና ካሪ ቴኮታ̇ቦ ፌ̈ና ኣ̈ር ኢሚ̇ኖ ጾ̈ሳ̇ ና̈ኣ ኣማ̇ናር ዲጚኖ ሼምፓባር ዎ ዶኢ።

ኤፍ 3:9

ዎይ ባዝ ኮቺ̇ኖ ጾ̈ሳ̇̇̈ዲ ዚቃንታ ኣ̈ኖ ላይ ጋርታ ኢ ኣቻ̇ር ጋዲ̇ኖ ሚስጢ̇ሪን ኦ̈ሲን ኣብዝኮ ታ̈ኒ ዎይ̈ቦ ቤይሳምፔ̈ን ታ̈ብ ኢሚ̇ኔ።

ፊል 4:7

ኣሳ ኤሪቲ ዎይፖ ኣ̈ዛ ጾ̈ሳ̇ ሳ̈ርቲ̈ዲ ዪንታ ቡ̈ዲንዲኬ ዪንቲ ቆ̈ፊን ዬሱ̈ስ ክርስቶ̈ስባራ ና̈ጊ̈ሬ።

ቆላ̈ሳ̈ሳ 1:5

ኪን ማ̈ቂ̇ኖ ዎጛላ ቃ̈ሊንዳ ቲ̈ን ዪንታ̇ክ ዬሊ̇ኖንባ̇ራ ኢዝ ጋርታ ዎ ታስፊን ዪንቲ̇ ሲስኪ̇ኔ፤ ዪዚ ዪ̈ኮታ̇ቦ ዪንታ̇ ኣማ̇ኒንዲኬ ዪንታ̇ ካንን ኤቂ̇ኖንዳ ኣፋ ዪንታ̇ቦ ጊ̈ጊንታ̇ር ዎ ታስፊን ጋልዳ።

ቆላ̈ሳ̈ሳ 2:20

ዪንቲ ክርስቶ̈ሳባራ ዓይቃ̇ር ዓኒ̇ ኣላሚን ጋልዳ ዎጋን ጋልዳፖ̇ ዉርሲ ፋጊንቲ̇ኔ፤ ዓት ዪ̈ዶኮ ዓኒ̇ ኣላሚን ጋልዶ ዎጋን ጋልዳፖ ፋጊንታ̇ካ̇ዮ ኣስፌ̈ን “ኤ̈ፔ̇፣ ኔ ኖ̈ና ኤይፔ፣ ዎ̈ሻፔ” ጌይዝ ዎጋንቦ ኣባብ ኪ̈ቲንቲ̇̈ራ?

ቆላ̈ሳ̈ሳ 2:3

ጾ̈ሲ ኣ̈ቻ̇ር ጋዲ̇ኖ ጴች̇ ኤራኬ ኤጪቲ ዱርቲ ዎይ ክርስቶ̈ሳክ ዎ።

ቆላ̈ሳ̈ሳ 3:4

ዪንታ̇ብ ሼምፓ ማ̈ቂ̇ኖ ክርስቶ̈ሲ ቦንችባራ ቤንታ̇ምባራ ዪንታ̇ሬ ኢባር ዎልኣ ቦንችባራ ቤንቲ̇̈ሬ።

ኢብ 7:25

ዪ̈ኮታቦ ኢ ኢንታ ጊሽ ̇ጪጛሽ ማ̈ቃ̇ር ጌሻንዳቦ ሜናብ ሼምፓባር ማ̈ቃ̇ር ዶኢዛኮታቦ ኢ ጎይባራ ጾ̈ሳ̇ኮ ዬይዛን ዎይ ዉርሲ ፋንዳብ ዳንዳኢ̈ሬ።

1 ጴጥ 3:4

ዪንታ̇ ቆይሲንዳ ጾ̈ሳ̇ ቲ̈ን ጴች ቦንቺንቲ̇ኖ ዎይ ጋላስ ዪባ̈ሶ ጌ̈ጻንባር ማ̈ቆ̇ጋ̈ቤ። ዪንሬ ኣሽካ ማ̈ቃር ዶኢዛ̈ዲኬ ጻባያባር ዶልቆቃ ማ̈ቃ̇ር ዶኢዛ ቡ̈ዳ ጋርቶ ቆይሲ።

1 ጴጥ 4:2

ዪ̈ ና̈ሳ̈ዲ ዓኒ̇ፖ ጌዳ ፌ ዶኣዝ ላይን ጋርታ̇ ጾ̈ሳ̇ ኡፋይሳ̇ንዳብዶኬ ፌ ኢ̈ታ ኢኒ̇ን ኩምንዳብ ዶኢባ̈ሴ።

1 ዋ̈ኒ̇ 3:2

ታ ላጋ̇ን! ኑ̈ኒ ዓት ጾ̈ሳ̇ ናኤ። ዓኒ̇ፖ ጌዳ ኑ̈ኒ ኣብዝ ማ̈ቂ̇̈ርኮ ኤሪንታካ̇ዬ፤ ዎቲናካሬ ክርስቶ̈ሲ ዬ̈ዚምባራ ኑ̈ኒ ኢ ማ̈ልኪ̈ን ኢዞ ቤ̈ቂ̇ዛኮታ̈ቦ ኑ̈ናር ኢያ ማይጻዚን ኑ ኤሪ̈ሬ።

ሳጻ 2:17

ጌ̈ሻ̇ ኣያ̇ና̈ዲ ዎ̈ሳ ኬ̈ንቦ ሶ̈ላዝ ባዚንዶ ዋ̈ይ ዎ ኣሲ ሲስካ̇ጋ̈ቤ! ጋሚዝ ና̈ሳቦ ኣ̈ቺንቲኖ ማና̇ ጋልዳፖ ኢማ̇ንዳ፤ ማ ኤኪ̇ዝ ና̈ሳ ኢ̈ፖ ሜላ ኣሲ ኦ̈ናካር ኢዛ ኣብዝኮ ኤሪባ̈ሶ ኦራ ሱሚ ጻ̈ፊንቲ̇ኖ ቦ̈ርስ ሹቻ̇ር ኢ̈ብ ኢማ̇ንዳ።