9 ኣባ ጌይን ክርስቶ̈ሳ ኣሲቲን ጋልዳ ጾ̈ሲቲ ኩም ዎ።
ኣይላ ማ̈ቃ̇ር ዬ̈ሪ ‘ላ̈! ዪንቲ̇ ታ̈ና ኪ̈ቲ̇ኖን ዎይ ዎቲንዶ̈ን ዓታ̇ር ቤሲ̇ ዎ ኩሚ ዉራካ̇ዬ’ ጌይዴ።
ማ ጌ̈ሻ̇ ኣያ̇ና̈ዲ ዶላ ማይጻ̈ር ዬ̈ሪ ኢ ጋልዳ̇ ሶ̈ቢዴ። ዪና̇ ኢዝባራ “ቴ ካዝ ናኣ ኔ̈ና፤ ታ̈ኒ ኔባር ኡፋይታ̇̈ሬ” ዪዝ ጌይዝ ጊርሲ̇ ኣፋፖ̇ ሲስኪ̇ንቲ̇ዴ።
ቃ̈ላ̈ዳር ኣስ ማ̈ቃ̇ር ኑ ጊዳ̇ ዶኢዴ፤ ኑ̈ናሬ ኣንጃኬ ኪንቲ ኩማሪ ፌ ባ̈ባፖ̇ ዬይኖ ፔቲ̇ ናኣ ኢ ቦንቺ̇ን ኑ ቤቂ̇ዴ።
ኢ̈ብ ኩማር ሺኖ ኮሺቲ ጋልዳፖ̇ ኑ̈ናር ዎይ ኣንጃ ጋልዳ ኣንጃ ዲጚዴ።
ታ̈ናኬ ቴ ባ̈ባ̈ዲኬ ዎልኣ ፔታ̇ኔ” ጌይዴ።
ታ̈ኒ ታ ባ̈ባ̈ ኦ̈ሲን ኦ̈ርኮ ዪንቲ̇ ታ̈ና ኣማ̇ናካይ ኣቴጌይናሬ ቴ ኦ̈ሲምባር ኣማ̇ኒብቴ፥ ዪኒ̇ባራ ታ ባ̈ባ̈ ታባር ዎንዲኬ ታ̈ናር ቴ ባ̈ባ̈ባር ዎን ዪንቲ̇ ኮሺንቺ̇ ኤሪ̈ሬ” ጌይዴ።
ታ̈ኒ ቴ ባ̈ባ̈ባር ፔታ̇ን ማ̈ቂ̇ኖንዶ̇ ዪንታ̇ር ታባር ፔታ̇ን ማ̈ቂኖንዶ̇ ታናር ዪንታ̇ባር ፔታ̇ን ማ̈ቂ̇ኖንዶ̇ ዪና̇ ኢዝ ቃሚ̇ን ዪንቲ̇ ኤሪ̈ሬ።
ዪ̈ዳሬ፥ ቴ ባ̈ባ̈ዶ! ኔ ታባር፥ ታ̈ናር ኔባር ዎንዲፌ̈ኒ፥ ኢንታ̇ር ዎይ ዎልኣ ፔታ̇ን ማ̈ቃ̇ምፔ̈ኒ፥ ማ ኔ ታ̈ና ኪ̈ታ̇ር ሚሺኖን ኣላማ ጋልዳ ዎ ኣሳን ኣማ̇ናምፔ̈ኒ፥ ኢንታ̇ር ኑባር ፔታ̇ን ማ̈ቃ̇ምፔ̈ን ቴ ኔ̈ና ጌሻ̈ሬ።
ዎቲናካር ዬሱ̈ሲ “ጾ̈ሳ̇̇ ኬ̈” ጌይኖንዳ ፌ̈ ጋሊ̇ንዶዶኬ ሜላባዝ ጊዳካ̇ዬ።
“ዪዚ ኑ ጾ̈ሳ̇̇ ናኢ ማ̈ቄ̇̈ጌንዶ̇̈፥ ጾ̈ሲ̇ ኣሳ ቆፊባርኬ ኣሳ ኤራባራ ኦ̈ሲንቲ̇ኖ̈ ዎርቃ ዎይ ቢራ̈ ዎይ ሹች ማይጺ̈ሬ ጋ̈ሪ ቆፓ̇ንዳ̇ብ ኮሺባ̈ሴ።
ዪ̈ዳሬ ጾ̈ሲ ክርስቶ̈ሳ ጎይባራ ኣላሚን ጋልዳ ዎ ኣስ ዎይ ፌባር ኢጊንኔ ጌንቴ፤ ማ ኢንታ̇ ናጋሪንዳ̇ር ፋይዳካይ ኣሺ̇ኔ። ኑ̈ባሬ ኣስ ጎዳባር ኢጊንምፔ̈ን ቃ̈ላ ኢሚ̇ኔ።
ጾ̈ሳ̇ ባ̈ባዲ ፌ ናኣ ጋርታ̇ ጾ̈ሲቲ ኩም ዶኣምፔ̈ኒ ዶሲኔ።
ኑ ኣማ̇ኒን ኪንንዳ ጴች ማ̈ቂ̇ኖንዶ ኦ̈ናካር ካ̈ዳንዳብ ዳንዳኢባ̈ሴ ዪዳሬ ጾ̈ሲ፦ “ኣስ ማ̈ቃ̇ር ቤንቲ̇ዴ፥ ኪን ማ̈ቂ̇ኖ ኣያ̇ናባር ኤሪንቲ̇ዴ፥ ኪ̈ታንቻ̇ንቦ ቤንቲ̇ዴ፥ ዎርዣ ዎይቦ ሳባ̇ኪንቲ̇ዴ፥ ኣላሚን ጋልዳ ዎ ኣሳን ኢያ ኣማ̇ኒዴ፥ ቦንችባራ ኣፋ ሉኪ̇ዴ” ጋ̈ዚንዶ።
ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።
ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።
ዓይዚ̇̈ ማርካን ዎ።
