3 ጾ̈ሲ ኣ̈ቻ̇ር ጋዲ̇ኖ ጴች̇ ኤራኬ ኤጪቲ ዱርቲ ዎይ ክርስቶ̈ሳክ ዎ።
“ዪ̈ኮታ̇ቦ ኢንታ̇ብ ኢ̈ጫፒ̇ቴ፤ ካጚንቲ̇ኖ ባዚ ቃ̈ሪንታ̇ካ̇ይ ኣቲ̇ባ̈ሴ፤ ኣ̈ቺንቲ̇ኖ ባዚ ፋላ̇ ጋልዳ̇ ኬስካካ̇ይ ኣቲ̇ባ̈ሴ።
ዪ̈ኮታ̇ቦ ጾ̈ሲ̇ ፌ ኤራባራ ጌይርዶሪ ‘ታ̈ኒ ናባንኬ ሃዋ̈ራታን ኢንታ̇ብ ሚሻንዳ። ኢንቲ̇ ኢንታ̇ ጋርታ̇ፖ̇ ፔታ̇ን ፔታ̇ናን ዎ̈ሬ ዶካ̇ን ዳኪ̇̈ሬ’ ጌይዴ።
ጾ̈ሳ̇̈̇ ዱሪቲንዳ፣ ኢ ኤጪቲንዲኬ ኢ ኤሪቲንዳ ዎዛርፌ̈ን ጴቻ̇! ኢ ፊርዳ̈ዲ ኣሳ ኤራፖ ሺ፤ ኢ ኦ̈ዚንዶ ኣባቦ ኦ̈ርኮ ኦ̈ናካር ኤሪዝ ኣሲ ባዬ̇።
ዎቲናካር ጾ̈ሲ ፌ̈ክ ጼይጊኖ ኣይሁዳር ማ̈ቆ̇ ግሪክ ኣሳር ማ̈ቆ̇፥ ዪንቦ ክርስቶ̈ሲ ጾ̈ሳ̇ ኤራኬ ጾ̈ሳ̇ ዎልቃ̇።
ጾ̈ሲ ዎቲናካር ዪንታ̇ ዬሱ̈ስ ክርስቶ̈ሳባር ፔታ̇ን ማ̈ቃ̇ር ዶኣምፔ̈ን ዎቲዴ። ጾ̈ሲ ዬሱ̈ስ ክርስቶ̈ሳ ኑ̈ቦ ኤሪቲ፣ ጺሊ̇ቲ፣ ጌ̈ሺ̇ቲኬ፣ ኑ̈ና ፌ ሱ̈ባር ዎዚዛ ማ̈ሲዴ።
ኢ ፌ ኮሺ̇ቲንዶ ፌ ኤጪቲንባ̈ርኬ ፌ ኤራባር ኑ̈ብ ዎይሊሳር ኢሚ̇ዴ።
ጾ̈ሳ̇ ባ̈ባዲ ፌ ናኣ ጋርታ̇ ጾ̈ሲቲ ኩም ዶኣምፔ̈ኒ ዶሲኔ።
ኑ̈ኒ ኣሲ ዎይ ክርስቶ̈ስባራ ዲጫ̇ር ቤንታ̇ምፔ̈ን ዎታንዳቦ ኣስ ዎይ̈ዳ ኤራ ዎይ̈ባራ ዞሪሙታ̇ኬ ታማ̈ርሲሙታ̇ ክርስቶ̈ሳ ባዝ ሳባ̇ኪ̈ሬ።
ዪ̈ኮታ̇ቦ ኑ̈ናር ዪንታ̇ኮን ሲስኪ̇ኖ ቃማ̇ፖ ኤ̈ሪ ዪንታ̇ኮታ̇ቦ ዎ̈ሲ̇ሙታ̇ ጌ̈ሻ ኣያ̇ና ጋልዳፖ ኢሚ̇ንቲ̇ዝ ኤራኬ ኮሽ ቆፊ ዎይ ጾ̈ሲ ዪንታ̇ቦ ዎይሊሲን ዪንቲ̇ ኢ ቆፊን ኦ̈ምፔ̈ኒ ዪንታ̇ብ ጾ̈ሳ̇̇ ጌሻዚን ኑ̈ኒ ኣሻካ̇ዬ።
ክርስቶ̈ሳ ቃ̈ሊን ኩም ዪንታ̇ ጋርታ̇ ዶኣጋ̈ቤ፤ ኤራ ዎይባራ ዎልዎልኣ ታማ̈ርሲብቴ̇፤ ዎል ዎልኣ ዞ̈ሪንቲ̇ብቴ፤ ጋላታ ማዝሙራባራኬ ዎይ ኣይናታ ማዝሙራባራ ጾ̈ሳ̇̇̈ቦ ቡ̈ዳ ጋርታ̇ፖ ዬጺ̇ብቴ።
ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ዪንቲ̇ ዓኒ̇ ኣላሚን ጋልዳፖ̇ ፋጊንቲ̇ኔ። ዪንታ̇ ሼምፒ̇ንዳ ክርስቶ̈ሳባራ ጾ̈ሳ̇ ላፍ ኣ̈ቺንቲ̇ኔ።
ዪኒ̇ኮታ̇ቦ ዪንታ̇ ኣማ̇ኒን ጋልዳ ኮሺ̇ቲ፣ ኮሽቲ̇ን ጋ̈ልዳ ኤራ፣
ጌ̈ሻ̇ ኣያ̇ና̈ዲ ዎ̈ሳ ኬ̈ንቦ ሶ̈ላዝ ባዚንዶ ዋ̈ይ ዎ ኣሲ ሲስካ̇ጋ̈ቤ! ጋሚዝ ና̈ሳቦ ኣ̈ቺንቲኖ ማና̇ ጋልዳፖ ኢማ̇ንዳ፤ ማ ኤኪ̇ዝ ና̈ሳ ኢ̈ፖ ሜላ ኣሲ ኦ̈ናካር ኢዛ ኣብዝኮ ኤሪባ̈ሶ ኦራ ሱሚ ጻ̈ፊንቲ̇ኖ ቦ̈ርስ ሹቻ̇ር ኢ̈ብ ኢማ̇ንዳ።
