ሃዋ̈ራታን ኦ̈ሳ 27:4 - ኦራ ጫ̈ቃ ማጻ̈ፋ

⁴ ዓታ̇ር ኑ̈ኒ ማርካባ ጋርታ̇ ጌላሪ ኢናፖ ዲንዲዴ። ኣይጊ ሴካ̇ፖ ዓኒ ኑ̈ክ ባቃ̇ዚንኮታ̇ቦ ቆጵሮ̈ሳ ዴሴ̈ቲን ኡንኪንባር ዎታሪ ኣይጊ ባዮ̇ ቤሲ̇ን ሉኪ̇ዴ።

ሃዋ̈ራታን ኦ̈ሳ 27:4 ပူးပေါင်းရင်းမြစ်များ

ሃዋ̈ራታን ኦ̈ሳ 4:36

ቆጲሮ̈ሳ ጋ̈ዝ ጋዲን ጋርታ ዬሊንቲ̇ኖ ዮሴፋ ጌይዛ ኣይሁድ ዜር ጋርታፖ ሌ̈ዊ ኮች̇ ማ̈ቂ̇ኖ ፔቲ̇ ኣስ ዎ። ሃዋ̈ራታን ኢያ “ባርናባ̈ሳ” ጌይ ጼይጊ̈ሬ። ኢዝ ቤርሺቺንዳ “ኣስ ሚ̈ንዝ ኣስ” ጌንቴ̇።

ሃዋ̈ራታን ኦ̈ሳ 27:7

ኑ̈ኒ ዎይሊን ጋላስ ካች ካች ሉኪ̇ሙታ̇ዶ̈ሪ ዎይሊን ሜታባር ቃንዶ̈ሳ ካታሚን ላፍ ዬሊ̇ዴ፤ ጌዳ ኑ̈ኒ ቲ̈ን ሉካካ̇ይፌ̈ን ኣይጊን ኑ̈ና ጋሚን ሲሊሞ̈ና ጋ̈ዝ ቤሲ̇ን ኡንኪንባር ኣ̈̇ሪ ቃርጤ̈ሳ ጋ̈ዝ ዴሴ̈ቲን ቡጊዲን ኤ̈̇ር ኣይጊ ባዮ̇ ጎይን ሉኪ̇ዴ።

ሃዋ̈ራታን ኦ̈ሳ 21:16

ቂሳ̈ራ ጋዳ̇ ዎ ኣማ̇ኒኖ ፔቲ̇ ፔቲ̇ ኣሳን ኑባር ዬይዴ፤ ኢንቲ ኑ̈ና ሚናሶ̈ና ጌይዝ ና̈ሳ ኣ̈ል ሼምፖ ጋ̈ሪ ኢ ኣ̈ል ኤ̈ጚዴ፤ ዪ ናሳ̈ዲ ቆጲሮ̈ሳ ጋዶ̇ ኣስዶሪ ቲ̈ናፓር ኣማ̇ናባር ሚ̈ጚ ዎ ኣሴ።

ሃዋ̈ራታን ኦ̈ሳ 21:3

ቆጲሮ̈ሳ ጋዚ ዴሴቲን ኑ̈ፖ ዓዲርስ ጎይ ኣሻ̇ሪ ሶ̈ራ ጎይባራ ሉካ̇ሪ ኑ ጌሊኖ ማርካቢንዳ ፌ ኤ̈ጚዝ ባዛን ባሃራ ላፍ ዎን ጢሮ̈ሳ ጋዳ ሶ̈ቢሲዛኮታ̇ቦ ኑ̈ናር ኢና ሶ̈ቢዴ።

ሃዋ̈ራታን ኦ̈ሳ 15:39

ዪ̈ኮታ̇ቦ ጳውሎ̈ሳኬ ባርናባ̈ሳክ ጊዳ̇ ዎይሊን ዋቺ̇ ዲንዲን ኢንቲ̇ ዎልዎልኣ ፋጊንቲ̇ዴ፤ ባርናባ̈ሲ ማ̈ርቆ̈ሳ ኤካ̇ር ማርካባ ጋርታ̇ ጌላሪ ቆጵሮስ ጋዳ̇ ሉኪ̇ዴ።

ሃዋ̈ራታን ኦ̈ሳ 13:4

ባርናባ̈ሳክ ሳ̈ኦ̈ላክ ዎልኣ ጌ̈ሻ̇ ኣያና̇ባራ ኪ̈ቲ̇ንታ̇ሪ ቶ̈ራ ሳሎ̈ቃ ካታማ ሶ̈ቢዴ ኢናፖ̇ ማርካባባራ ቆጵሮ̈ስ ሉኪ̇ዴ።

ማ̈ርቆ̈ሳ 6:48

ባሃ̈ሪን ጋልዳ ጴች ኣይጊ ዲንዳ̇ር ኢንታ̇ ዓኒ ባቂ̇ን ዋ̇ ኤኪ̇ ሉካ̇ንዳ̇ብ ኢንታ̇ ጋሚን ዋ̈ያምባ̇ር ዬሱ̈ሲ ኢንታ̇ ቤቂ̇ዴ። ዪባራ ቃም ባይራ ኩታ ኦ̈ሊ̇ዝ ኬል̇ዶኒ ኢ ባሃ̈ሪን ጋልዳ ቶህባር ዬ̇ ሙታ̇ ዬ̈ሪ ኢንታ̇ ካንታ̇ባር ኣ̈̇ንዳብ ዎታሪ ኢንታ̇ክ ዬይዴ።

ማ̈ቶ̈ሳ 14:24

ዪና̇ ኢዝባራ ጎጚንዳ ባሃ̈ሪን ጊዳ̇ ዎዶን ባሃ̈ሪን ጋልዳ ኣይጊ ቲ̈ና ጎይ ዲንዳ̇ር ዓኒ ባቂ̇ን ጎጚንዳ ዉርጊንባር ጌዳክ ዓኒክ ዡጪንቲ̇ ኤ̈̇ዴ።

ሉቃ̈ሳ 8:22

ፔቲ̇ ጋላስ ዬሱ̈ሲ ፌ ታማ̈ራንባር ዎልኣ ጎጛ ጋርታ̇ ጌላሪ “ኑ ባሃ̈ሪምፖ̇ ጌዳ ፊ̈ን ፊ̈ጚስቶ” ጌይዴ። ኢንታ̇ር ጎጛ ጋርታ̇ ጌላሪ ሉፊ ኤ̈̇ዴ።