ሃዋ̈ራታን ኦ̈ሳ 20:2 - ኦራ ጫ̈ቃ ማጻ̈ፋ

² ኢ ኣ̈̇ኖ ቤስ̇ ዎይ ዎርዣ̈ ዎይሊን ዞሪ ሚ̈ንሙታ̇ዶ̈ሪ ግሪ̈ክ ዬሊ̇ዴ።

ሃዋ̈ራታን ኦ̈ሳ 20:2 ပူးပေါင်းရင်းမြစ်များ

ሉቃ̈ሳ 3:18

ዋ̈ኒ̇ሲ ዎርዣ ዎይሊን ዞሪሙታ̇ ዎጛላ ኢንታ̇ ሳባ̇ኪዴ።

ሃዋ̈ራታን ኦ̈ሳ 14:22

ኣማ̇ኒኖ ኣሳን ጎዳ̈ባራ ሚ̈ጛምፔንኬ ኢንቲ ፌ ኣማ̇ኒኖ ኣማ̇ኒንባር ሚ̈ጛር ዶኣምፔ̈ን ኢንታ ሚ̈ን ዞሪ ዎታሪ “ኑ̈ኒ ጾ̈ሳ̇ ካ̈ቲቲን ጋርታ ጌላንዳ̇ቦ ዎይሊን ሜታ ጋማር ኣ̈ንዳቦ ኮሺሬ” ጋ̈ር ኢንታ ታማ̈ርሲዴ።

ሃዋ̈ራታን ኦ̈ሳ 15:41

ኢያር ዎ̈ሳ ኬ̈ን ሚ̈ንሙታ̇ ሶ̈ራኬ ኪልቃ ጎይባር ኣ̈̇ዴ።

ሃዋ̈ራታን ኦ̈ሳ 16:12

ኢናፖ̇ ዲንዳሪ ፊልጲሶ̈ሳ ካታሚን ጋርታ ዬሊ̇ዴ። ፊልጲሶ̈ሳ ካታሚንዳ̇ ማቂዶ̈ና ጋዳ̇ ዎ ጴች ካታማዶ̈ራ ሮ̈ማ̇ ጋዲን ኢዞ ኣቂሳ̈ሬ። ኑኒ ካታሚን ዪኒ̇ ጋርታ̇ ጊላ̇ ቃም̇ ጋምኢዴ።

ሃዋ̈ራታን ኦ̈ሳ 17:1

ጳውሎ̈ሳኬ ሲላ̇̈ሳኬ ዎል ማ̈ቃ̇ሪ ኣምፊጶ̈ላኬ̈ ኣጲሎ̈ና ጌይዝ ካታማን ኣ̈̇ሪ ታሳሎንቃ ካታማ ጋርታ ሉኪ̇ዴ። ኢና ኣይሁዳን ዎ̈ሳ ኬ ዎዶ̈ኒ፥

ሃዋ̈ራታን ኦ̈ሳ 17:10

ኣማ̇ኒኖ̈ ኣሳን፥ ኤሊባራ̈ ጳውሎ̈ሳኬ̈ ሲላ̇ሳኬ̈ ቃሚ̇ኖ ቃሚ̇ን ኢዝባራ ቤ̈ራ ካታማ ሚሺዴ። ኢንታ̇ር ኢና ዬሊ̇ኖንዲፌ̈ኒ ኣይሁዳን ዎ̈ሳ ኬ̈ ጋርታ̇ ጌሊዴ።

ሃዋ̈ራታን ኦ̈ሳ 2:40

ሜላር ዎይሊን ቃ̈ላ ኢንታ̇ብ ሶ̈ሊ ሙታ̇ “ኢንታ̇ ቡ̈ዳ ጋርታ̇ ኢ̈ታ ባዝ ኩሚኖ ዓታ̇ባሮ ኣሳ ዓ̈ ጋልዳ ዬ̈ይዝ ጎይላ ጋልዳፖ̇ ቡ̈ቲ̇ብቴ” ጋ̈ሪ ኢንታ̇ ዞሪዴ።

ሃዋ̈ራታን ኦ̈ሳ 20:1

ዋቺ̇ን ኤቂ̇ኖንዲፌ̈ን ጳውሎ̈ሲ ኣማ̇ኒዝ ኣሳን ጼይጊሳሪ ኢንታ̇ ዞሪዴ። ኢናፖ̇ ኢንታ̇ ሳሪሪ ማቂዶ̈ና ሉካ̇ንዳብ ዴንዲ̇ዴ።

ሃዋ̈ራታን ኦ̈ሳ 20:11

ኢ ማ̈ቂ̇ ፎ̈ቃ ጋልዳ ፉዳ ኬስካ̇ሪ ኣማ̇ኒኖ ኣሳንባር ዎልኣ ሶ̈ላ̇ ሙይዴ። ሳ̈ዚ ዎንቲ̇ዝ ዲራስ ኣሳንባር ሶ̈ሊንቲ̇ሙታ̇ ጋምኣሪ ኬስካ̇ር ሉኪ̇ዴ።

ሃዋ̈ራታን ኦ̈ሳ 20:3

ኢና ዓይዚ̇ ኣጋን ዶኣሪ ኢናፖ̇ ሶ̈ራ ጋዳ̇ ማርካባባር ሉካ̇ንዳ̇ብ ጊ̈ጊንታ̇ምባራ፥ ኣይሁዳን ኢ̈ታ ባዝ ኢ ጋልዳ ዎታንዳ̇ብ ዞሪንቲ̇ኖ̈ኮታ̇ቦ ማቂዶ̈ና ጎይባር ማ̈ቂ̇ ሉካ̇ንዳብ ቆፒ̇ዴ።

1 ቆሮ 4:19

ማ̈ቂናካሬ ጎዳ ጌዬጌይንዶ ኡክ̇ባር ቴ ዪንታ̇ክ ሉካ̇ንዳ፤ ዪና̇ ኢዝባራ ዪን ኦቲርቂዝ ኣሳን ሶ̈ሊን ሙታ̇ ጊዳካይዶን ኢንታብ ዎ ዎልቂንዳ̇ር ታ̈ኒ ኤራንዳ̇ብ ኮያ̈ሬ።

ቆላ̈ሳ̈ሳ 1:28

ኑ̈ኒ ኣሲ ዎይ ክርስቶ̈ስባራ ዲጫ̇ር ቤንታ̇ምፔ̈ን ዎታንዳቦ ኣስ ዎይ̈ዳ ኤራ ዎይ̈ባራ ዞሪሙታ̇ኬ ታማ̈ርሲሙታ̇ ክርስቶ̈ሳ ባዝ ሳባ̇ኪ̈ሬ።

1 ታሳ 2:11

ባ̈ቦ ፌ ናኣንቦ ዎታዚንድፌ̈ኒ ኑ̈ናር ዪንቲ ዎይንቦ ዎቲኖን ዪንቲ ኤሪ̈ሬ።

1 ታሳ 2:3

ኑ̈ኒ ዪንቲ̇ ዎጛሊን ኣማ̇ናምፔ̈ኒ ዪንታ̇ ጌሺኖንዳ ኑ ባሊ̇ታ̇ሪ ዎይ ኢ̈ታ ቆፊባር ጊዳካ̇ዬ፥ ማ ኑ ዪንታ̇ ጪ̈ጪንቻር ዎቲኖ ባዚ ኣባካር ባዬ̇።

1 ታሳ 4:1

ዪዚ ቴ ኢሺታ̇ን! ጾ̈ሳ̇ ኡ̈ፋይሳ̇ር ዶኣዝ ጎይን ዪንቲ ኑ ጋልዳፖ ታማ̈ሪኔ፤ ዓታ̇ር ዪንቲ ዪና̇ ኢዝፌ̈ን ዶኢሙታ̇ ዎ፤ ኑ ዓት ጎዳ ዬሱ̈ስ ክርስቶ̈ሳ ሱምባራ ዪንታ̇ ጌሻዚንዲኬ ዪንታ̇ ዞራዚንዳ ዪንቲ̇ ዓኒ̇ፖ ቲ̈ን ኦ̈ዚምፖ ሺሻር ኦ̈ምፔ̈ኔ።