ሃዋ̈ራታን ኦ̈ሳ 18:4 - ኦራ ጫ̈ቃ ማጻ̈ፋ

⁴ ኢ ሳንባታ ጋላስ ዎይ ኣይሁድ ዎ̈ሳ ኬ̈ ጋርታ̇ ሉካ̇ሪ ኣይሁዳንስኬ ግሪ̈ካን ኣማ̇ንንዳብ ኢንታ̇ ታማ̈ርሲ ኤ̈̇ዴ።

ሃዋ̈ራታን ኦ̈ሳ 18:4 ပူးပေါင်းရင်းမြစ်များ

ሉቃ̈ሳ 16:31

ኣብራሃ̈ማር ኢ̈ኮ ‘ኢንቲ̇ ሙ̈ሳ ማጻ̈ፊንዲ̇ኬ ናባን ማጻ̈ፊን ጋ̈ዚን ሲስኪ̇ባ̈ስኮ̇ ኣሲ ዓይቃ ጋርታ̇ፖ ዲንዳ̇ር ኢንታ̇ብ ሶ̈ሊናር ሲስኪ̇ባ̈ሴ’ ” ጌይዴ።

ሉቃ̈ሳ 4:16

ኢናፖ̇ ፌ ዲጪ̇ኖ ካታሚን ና̈ዝሬ̈ት ጋርታ̇ ዬ̈ሪ ቲ̈ናፖ ፌ ኦ̈ዚንዲፌ̈ኒ፥ ሳምባታ ጋላስ ኣይሁድ ዎ̈ሳ ኬ̈ ጋርታ̇ ጌላሪ ጌ̈ሻ ማጻ̈ፋ ናባ̇ባንዳ̇ብ ዲንዳር ኤቂ̇ዴ።

ዋ̈ኒ̇ሳ 7:35

ኣይሁዳንሬ ዎልዎልኣ “ና̈ሳ ዓ̈ዲ ኑ ኢያ ዲጚባ̈ሶ ቤሲ̇ ኢ ዎንዳ ሉካ̇ንዳብ ቆፒ̇ንዶኔ? ኣይሁዳን ላ̈ሊንታ̇ር ዎ ግሪ̈ክ ኣሳን ጋርታ̇ ሉካ̇ሪ ግሪ̈ካን ታማ̈ርሳንዳ̇ብ ኮዪንዶኔ?

ሃዋ̈ራታን ኦ̈ሳ 13:14

ኢንቲ ጴርጋፖ̇ ዲንዳሪ ጲሲ̈ዳ ጋርታ ዎን ኣንጾ̈ካ ጋ̈ዝ ካታሚን ሉኪ̇ዴ፤ ሳ̈ምባታ ጋላስ ኢና ፔቲ̇ ኣይሁዳን ዎሳ ኬ̈ ጋርታ ጌላር ዶኢዴ።

ሃዋ̈ራታን ኦ̈ሳ 14:1

ኢቆ̈ና ካታሚን ጋርታ ጳውሎ̈ሳኬ ባርናባ̈ሳክ ዎልኣ ቲ̈ናፓር ዎታዚንዲፌ̈ኒ ኣይሁዳን ዎ̈ሳ ኬ̈ን ጋርታ ጌሊዴ። ኢና ኢንቲ ኮሺንቺ̇ ታማርሲኖኮታ̇ቦ ኣይሁድ ዜር ጋርታፕኬ ኣይሁድ ዜር ባዮ̇ ኣሳን ጋርታፖ̇ ዎይሊን ኣሲ ዬሱ̈ሳ ኣማ̇ኒዴ።

ሃዋ̈ራታን ኦ̈ሳ 17:11

ቤ̈ራ ጋዶ̇ ኣሳን ታሶሎንቃ̇ ዎ̈ ኣሳንፖ̇ ኮሽ̇ ቆፒ̇ዝ ቡ̈ዳባሮ ኣሴ። ኣባ ጌይን ባዝ “ዪና̇ ኪንዶ̈ኔ” ጋ̈ሪ ጾ̈ሳ̇̇ ቃ̈ላ ጻ̈ፊንቲ̇ኖ ማጻ̈ፋ ዎይ ጋላስ ናባ̇ቢሙታ̇ ቃ̈ሊንዳሬ ጴች ኡፋይስባር ኤኪ̇ዴ።

ሃዋ̈ራታን ኦ̈ሳ 17:17

ዪ̈ኮታ̇ቦ ኢ ኣይሁድ ዎ̈ሳ ኬ̈ ጋርታ̇ዶ̈ሪ ኣይሁዳንባርኬ ጾ̈ሳ̇̇ ጎሽቲ̇ዝ ግሪ̈ክ ኣሳንባራ ማ ጋቢ ጋልባራ ፌ̈ና ዬሊ̇ዝ ኣሳንባራ ዎይ ጋላስ ፋላሚዴ።

ሃዋ̈ራታን ኦ̈ሳ 18:13

“ዓ̈ ና̈ሳ̈ዲ ሂጊ̇ን ካዪዝ ጎይባር ኣሳን ጾ̈ሳ̇̇ብ ጎሽታምፔ̈ን ዎቲ̈ሬ!” ጌይዴ።

ሃዋ̈ራታን ኦ̈ሳ 18:19

ኢንቲ̇ ኤፍሶ̈ና ካታማ ዬ̈ላ̇ሪ ጲሪስቂ̈ላኬ ኣቂ̈ላ̈ክ ኢና ኣሺ̇ዴ። ኢ ኣይሁድ ዎ̈ሳ ኬ̈ ጋርታ̇ ጌላሪ ኣይሁዳንባር ፋላሚዴ።

ሃዋ̈ራታን ኦ̈ሳ 19:26

ዪ ና̈ሳ ጳውሎ̈ሲ ‘ኣሳ ኩሽባር ኦ̈ሲንቲ̇ኖ ሚሲላን ጾ̈ስ ጊዳካ̇ዬ’ ጌዪ ሙ̈ታ ኤፍሶ̈ና ካታሚን ጋርታ ሙታ̇ ጊዳካ̇ይዶን ኢ̈ሳ ጋርታ ፌ̈ብ ጊላ̇ ጋዲ ኣቲኔኮማ̈ሬ ዎይን ጋርታ ዎይሊን ኣስ ኣማን ባሊኖን ዪንቲ ሲስኪ ቤቂ̇ኖንዶ።

ሃዋ̈ራታን ኦ̈ሳ 19:8

ጳውሎ̈ሲ ኣይሁዳን ዎ̈ሳ ኬ̈ ጋርታ ጌላሪ ዓይዚ̇ ኣጋና ማ̈ቃ̇ምፔ̈ኖ ኬል̇ ጾ̈ሳ̇̈ ካቲ̈ቲ ጎይ ፋላሚ ኢንታ̇ ጋሚሙታ̇ ኢ̈ጫካይዶር ዎርዣ ታማ̈ርሲዴ።

ሃዋ̈ራታን ኦ̈ሳ 26:28

ኣጊርጶ ጳውሎ̈ሳኮ “ኔ̈ኒ ዓት ዪንዳ ኢና ታ̈ና ኪርስታ̈ና ማሃንዳብ ዳንዳኢዛ ኔ̈ክ ማይጺ̈ራ?” ጌይዴ።

ሃዋ̈ራታን ኦ̈ሳ 28:23

ኢንቲ ኢ̈ብ ኬ̈ሪጚኖፖ ዓኒ ዎይሊን ኣስ ማ̈ቃ̇ር ኢ̈ክ ኣ̈ል ዬ̈ይዴ፤ ኢያሬ ጌ̈ሻ̈ፖ ኦማ ዬሊ̇ዝ ዲራስ ጾ̈ሳ̇̈ ካ̈ቲቲኮ ጎይ ኢንታ̇ብ ማርኪቲሙታ̇ኬ ታማ̈ርሲሙታ ፌ̈ሽኪ̇ዴ፤ ኢንታ ዬሱ̈ሳ ጎይ ኣማ̇ንንዳ̇ቦ ሙ̈ሳ ሂጋ̇ኬ ናባን ማጻ̈ፋ ጋልዳ̇ፖ ዲንሙታ̇ዶር ታማ̈ርሲ̇ዴ።

ሃዋ̈ራታን ኦ̈ሳ 9:20

ሳ̈ኦ̈ሊ ዎይሊን ጋምኣካ̇ይዶሪ ዳማ̈ስቃ ጋርታ “ዬሱ̈ሲ ጾ̈ሳ̇ ናኤ” ጌዪ ሙታ̇ ኣይሁዳን ዎ̈ሳ ኬ̈ ጋርታ̇ ታማ̈ርሲ ኤ̈̇ዴ።

2 ቆሮ 5:11

ኑ̈ኒ ጎዳ̈ቦ ኢ̈ጫ̇ዚን ኣብዝኮ ኤሪዛኮታ̇ቦ ኣሳንቦ ሶ̈ሊ ኣማ̇ንንዳቦ ቡቲቲ̈ሬ፤ ማ ኑ ኦ̈ብዝኮ ጾ̈ሲ ኑ̈ና ኤሪ̈ሬ። ዪንታ̇̇ር ዪንታ̇ ቡ̈ዳባራ ኑ ኣብዝኮ ኑ̈ና ኤሪ̈ሬ ጌያ ቆፓ̇̈ሬ።