ሃዋ̈ራታን ኦ̈ሳ 13:6 - ኦራ ጫ̈ቃ ማጻ̈ፋ

⁶ ኢንቲ̇ ቆጵሮ̈ሳ ዴሴ̈ቲንፖ̇ ኣ̈̇ሪ ጳ̈ፋ ካታማ ዬላ̇ሪ ባርዬሱ̈ሳ ጌይዛ ፔቲ̇ ኣይሁዳ ጋዶ̇ ጻላሃ ባ̈ቢኬ ዎርዳ ናቢዶን ኢያ ዲጚዴ።

ሃዋ̈ራታን ኦ̈ሳ 13:6 ပူးပေါင်းရင်းမြစ်များ

ማ̈ቶ̈ሳ 16:17

ዬሱ̈ሳር ኢ̈ኮ “ዮ̈ና ናኣ ሲሞ̈ኖ! ዓኖ̇ ኔ̈ና ቤይሲኖ̈ዲ ኣፋ ዎ ቴ ባ̈ባ̈ዲዶኬ ኣስ ጊዳካዬ። ዪ̈ኮታ̇ቦ ኔ̈ኒ ኣንጂንቲ̇ኖ̈ዳ።

ማ̈ቶ̈ሳ 24:24

ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ።

ማ̈ቶ̈ሳ 7:15

ዪንቲ̇ ማቃ ናባን ጋልዳፖ ዪንታ̇ ና̈ጊብቴ̇። ኢንቲ̇ ፌ ጋልዳ ዶሪ ሻ̈ቻ ማኣሪ ዶሪ ማይጺ̈ርዶሪ ጋርታ ቡሪዝ ዬ̈ያ።

ማ̈ርቆ̈ሳ 10:46

ዪኒ̇ፖ ዓኒ ዬሱ̈ሳኬ ኢ ታማ̈ራን ዎልኣ ያ̈ሪኮ ጌይዝ ካታማ ዬይዴ። ኢንቲ̇ ዎይሊን ዎርዣባር ዎል ማ̈ቃ̇ር ኢናፖ̇ ኬስካ̇ምባራ፥ ጢሞ̈ሳ ናኣ ባርጣሞ̈ሳ ጌይዝ ኣ̈ፍ ዎብ ኣስዶ̈ሪ ጌሺ ሙታ̇ ጎይ ቡጊድ ጋልዳ ዶኢኔ።

ሃዋ̈ራታን ኦ̈ሳ 13:13

ዪኒፖ̇ ዎሃ ጳውሎ̈ሳክ ኢ ላጋ̇ንኬ ማርካ̇ባ ጋርታ̇ ጌላር ጳ̈ፋፖ̇ ዲንዳሪ ጲንፊላ ጋዳ̇ ዎን ጴርጋ ጋ̈ዝ ካታ̇ሚን ጋርታ ሉኪ̇ዴ፤ ኢናፖ̇ ማ̈ርቆ̈ስ ጌይዛ ዋ̈ኒ̇ሲ ኢንታ ጋልዳፖ̇ ፋጊንታ̇ሪ ዬሩሳ̈ላም ማ̈ቂ̇ ሉኪ̇ዴ።

ሃዋ̈ራታን ኦ̈ሳ 13:8

ዎቲናካሬ ኤ̈ሊማስ ጌይ ጼጊንቲ̇ኖ ባርዬሱ̈ሲ ጋዲን ኣቂሲዝ ሳርጎ̈ሲ ኣማ̇ናካይፌ̈ን ኮያሪ ባርናባ̈ሳክ ሳ̈ኦ̈ላክ ሶ̈ላዝ ባዚን ኢጺ̇ዴ።

2 ቆሮ 11:13

ዪንፌ̈ኖ ኣሳን ክርስቶ̈ሳ ሃዋራ ማይጻንዳቦ ፌ̈ና ኦ̈ሂዝ ማቃ ሃዋ̈ራኬ ማቃባር ኦ̈ዝ ኣሴ።

2 ጢማ̈ 3:8

ኢያ̈ኔሳኬ ኢያንቤሬ̈ሳኬ ሙ̈ሳኮን ኢጺ̇ኖንዲፌ̈ኒ ዪን ኣሳ̈ንር ኢንታ ቆፊን ኢ̈ቲኖኮታ̇ብኬ ኣማ̇ና ጎይን ጋልዳፖ ኬዲ̇ኖ ኣስ ማ̈ቂ̇ኖኮታ̇ቦ ኢንቲ ኪንን ኢጺ̇̈ሬ።

1 ዋ̈ኒ̇ 4:1

ቴ ኢሺንታ̇ን! ኣላሚን ዓኒ̇ ጋልዳ ኣስ ባሊዚ ማቃ ማቂ̇ዝ ናባን ኬስኪ̇ኖኮታ̇ቦ ኣያ̇ና ዎይ ኪን ጌዪ ኤካፒ̇ቴ፤ “ጾ̈ሳ̇ ጋልዳፖ ዬይኖ ኣያ̇ናቤ ኢ̈ታ ኣያ̇ና” ጋ̈ሪ ጌ̈ዚንር ቆፓ̇ር ቤቂ̇ብቴ።

ሳጻ 19:20

ዎቲናካሬ ማ̈ታ ባዛ̈ ኤ̈ንቲ̇ዴ፤ ኢ ቲ̈ኒን ጋርታ̇ ዎይሊን ታሚ̇ራ̈ታ ኦ̈ዛ ዎርዳ ናባ̈ዲ ኢያር ኢባር ዎልኣ ኤንቲዴ፤ ኢ ቲ̈ን ማ̈ታ ባዛ̈ ማላ̈ ኢንታ ጋልዳ ዎንኬ ማ̈ታ ባዛ̈ ሚሲላ̈ቦ ሞ̈ኪንቲ̇ዛን ታሚ̇ራታ ኦ̈ሙታ ባሊኔ፤ ዪን ናምኣን ዓይቃካ̇ይ ሼምፓባር ዎዶን ዲ̈ናባር ኤይቲ̇ዝ ታማ ባሃ̈ራ ጋርታ ቶጚቲ̇ዴ።