ሃዋ̈ራታን ኦ̈ሳ 11:3 - ኦራ ጫ̈ቃ ማጻ̈ፋ

³ “ኔ̈ኒ ጋራ̇ዚንታ̇ካ̇ዮ ኣሳን ኣ̈ል ጌላር ኣባብ ኢንታ̇ባር ፊ̈ሽ ሙዪ?” ዪዝ ጋ̈ሪ ኢያ ንኪዴ።

ሃዋ̈ራታን ኦ̈ሳ 11:3 ပူးပေါင်းရင်းမြစ်များ

ማ̈ቶ̈ሳ 9:11

ፋራሳ̈ዋን ዪኖ̇ ቤቃ̇ሪ ኢ ታማ̈ራንኮ “ዪንታ̇ ኣስታማ̈ራ̈ዲ ቃራጻ ቃጺሲዛንባርኬ ናጋራንቻ̇ንባራ ዎዛርፌ̈ን ዎልኣ ሙይራ” ጌይዴ።

ሉቃ̈ሳ 15:2

ፋራሳ̈ዋንኬ ሙ̈ሳ ሂጋ̇ ታማ̈ርሲዛን “ዓ ና̈ሳ ናጋራንቻን ኢ̈ክ ዬይን ኢጺ̇ባ̈ሲ ማ ኢንታባር ዎልኣ ሙይሬ” ዪዝ ጋ̈ሪ ዬሱ̈ሳ ጋልዳ ጉንዲሚዴ።

ዋ̈ኒ̇ሳ 18:28

ኣይሁዳንሬ ዬሱ̈ሳ ቃያ̈ፋ ኣ̈ላፖ̇ ሮም ካ̈ታ ኣ̈ል ኤኪ̇ ሉኪ̇ዴ። ዪና̇ሬ ጌ̈ሽ ጌላፋዶ̈ን ኣይሁዳን ፋ̈ሲጋ ባ̈ላብ ሹኪ̇ዝ ዶራ ሞ̈ንዳ̇ብ ዳንዳኣምፔ̈ኒ ፌ̈ና ቄካ̇ዮዲፌ̈ኒ ኢ̈ጫ̇ር ካ̈ታ ኣ̈ል ጊባ̇ ጋርታ̇ ጌላካ̇ዬ።

ሃዋ̈ራታን ኦ̈ሳ 10:23

ጴ̈ጥሮ̈ሳር ኣሳን ፌ ኣ̈ል ጌልሲ ዛቂ ኣቂሲዴ። ኢዝ ዎንን ጴ̈ጥሮ̈ሲ ዲንዳ̇ሪ ኣሳንባር ሉኪ̇ዴ። ኢዮ̈ጳ̇ፖ̇ ሜላሬ ፔቲ̇ ፔቲ̇ ኣማ̇ኒኖ̈ ኣሳን ኢንታ̇ባር ዎልኣ ሉኪ̇ዴ።

ሃዋ̈ራታን ኦ̈ሳ 10:28

ኢያሬ̈ ኢንታ̇ኮ̈ “ኣይሁድ ዜር ማ̈ቂ̇ኖ̈ ኣሲ ሜላ ኣስባር ዎል ዬካ̇ይፌኒ ኢንታ ኣ̈ላር ጌላካ̇ይፌ̈ኒ ኑ ሂጊ̇ን ካያዚን ዪንቲ̇ ኮሺንቺ̇ ኤሪ̈ሬ። ዎቲናካሬ ታ̈ኒ ኣስ ጌይዛ ኦ̈ናካር ዓ̈ ቄጺ̇ኔ፤ ዓ̈ ጌ̈ሽ ጊዳካ̇ዬ፤̈ ጋ̈ካ̇ይፌ̈ኒ ጾ̈ሲ̇ ታ̈ና ካዪኔ።

ሃዋ̈ራታን ኦ̈ሳ 10:32

ዪዚ ኣሳን ኢዮ̈ጳ̇ ሚሻራ ጴ̈ጥሮ̈ስ ጌዪ ጼይጊንቲ̇ዛ ሲሞ̈ና ኤሂሳቤ። ኢያሬ ባሃ̈ሪን ላፍ ዎ ጋማ̇ ጻ̈ዚዛ ሲሞ̈ና ኣ̈ል ዛቃ̇ ማ̈ቂ̇ ዎ̈’ ጌይዴ።

ሃዋ̈ራታን ኦ̈ሳ 10:48

ዪ̈ኮታ̇ቦ̈ ዬሱ̈ስ ክርስቶ̈ስ ሱምባራ ጻማ̇ቂንታ̇ምፔ̈ኒ ኢንታ̇ ኪ̈ቲ̇ዴ። ኢናፖ̇ ኣሳ ኢኖ̈ዲ ጴ̈ጥሮ̈ሲ ጊላ̇ ቃም̇ ኢንታባር ዶኣምፔ̇̈ኒ ኢያ ጌሺዴ።

1 ቆሮ 5:11

ዎቲናካር ታ ዓት ዪንታ̇̇ብ ጻ̈ፊኖንዳ ፌ̈ና ኣማ̇ኒዝ ኣሴ ጌዪሙታ̇ዶ̈ሪ ኦሎላ ጋዲ̇ዛን፣ ዎይ ባዚ ዎይ ታ̈ብ ማ̈ቆ̇ ጌይዛን፣ ጻላሃብ ጎሽቲዛን፣ ዎይ ኣሳ ሱም ይሲ̇ዛን፣ ዎይ ማሲቲዛን፣ ዎይ ኣሳ ባዝ ቡሪዛንባር ዬፒቴ ጋ̈ራ ጻ̈ፊኔ፤ ዪንፌኖ ኣሳንባራ ዎልኣ ኮትሚ ሞ̈ፒ̇ቴ።

ጋላ̈ታ 2:12

ዓይቆ̈ቢ ኪ̈ታ̇ር ሚሺኖ ፔቲ̇ ፔቲ̇ ኣሳን ኣንጾ̈ካ ዬ̈ዚምፖ̇ ቲ̈ን ጴ̈ጥሮ̈ሲ ኣይሁድ ባዮ̇ ኣሳንባር ዎልኣ ሙይርዶን፤ ኢንቲ ዬዪኖፖ̇ ዓኒ “ኣይሁድ ባዮ̇ ኣሳን ጋራ̇ዚንታ̇ንዳብ ኮሺ̇̈ሬ” ዪዝ ጌይዝ ኣይሁዳንቦ ኢ̈ጫ̇ር ጋስ ዴጫሪ ኣይሁድ ባዮ̇ ኣሳን ጋልዳፖ̇ ፋጊንቲ̇ዴ።

2 ዋ̈ኒ̇ 1:10

ዪና̇ ቲሚርቲ̇ን ኣሻ̈ር ሜላ ባዝ ዪንታ̇ክ ኤካ̇ር ዬይዝ ኣሲ ዎኮ ዪንቲ̇ ዪንታ ኣ̈ል ኢያ ሞኪ̇ ኤካፒ̇ቴ፤ ዪፌ̈ኖ ኣሲ ሜላ ኣቲ̇ን ሳራ̈ር ኢያ ጋ̈ፒ̇ቴ።