2 ጢማ̈ 4:17 - ኦራ ጫ̈ቃ ማጻ̈ፋ

¹⁷ ዎቲናካሬ ጎዳ ፌ ኪ̈ቲን ዎይ ቴ ጎይባራ ኣይሁድ ዜር ማ̈ቃካዮ̈ን ዎይ ሲስካ̇ምፔ̈ኒ ታባር ማ̈ቃር ታ̈ና ሚ̇ን ኤሲ̇ዴ፤ ዞብ̇ ኖ̈ና ጋርታፖ ታ̈ና ቡ̈ቲሲዴ።

2 ጢማ̈ 4:17 ပူးပေါင်းရင်းမြစ်များ

ማ̈ቶ̈ሳ 10:19

ዪንቲ̇ ኤ̈ንቲ̇ኖ ጋላሲ̇ “ኑ ኣብዝ ጋ̈ር ሶ̈ላኔ? ኣብዝ ጋ̈ር ማሃኔ?” ጋ̈ሪ ቲ̈ራፒ̇ቴ፤ ዪና̇ ኢዝ ጋላሲ̇ን ዪንቲ̇ ሶ̈ላንዳ̇ብ ኮሻ̇ዚን ዪንታ̇ብ ኢሚ̇ንታ̇ሬ፥

ሉቃ̈ሳ 1:1

ቦንቺ̇ንቲ̇ኖ ቶ̈ፍሎ̈ሶ! ኑ ጊዳ̇ ጋርታ̇ ኦ̈ሲንቲ̇ኖ ባዛን ሶ̈ሊዝ ታ̈ሪካ ዓኒ̇ፖ ቲ̈ን ዎይሊን ኣሲ ጻ̈ፊኔ።

ሉቃ̈ሳ 21:15

ዪንታ̇ ጻላ̈ታን ጋርታ̇ፖ̇ ኦ̈ናካር ሞ̈ታባር ዪንታ̇ ጋማንፔ̈ንባዮ̇ ቃ̈ላኬ ኤራኬ ቴ ዪንታ̇ብ ኢማ̇ንዳ̇።

ሃዋ̈ራታን ኦ̈ሳ 23:11

ኢዝ ዎንን ቃም̇ ጎዳ̈ዲ ጳውሎ̈ሳ ላፍ ኤቃ̇ሪ ኢ̈ኮ “ኢ̈ጫፔ ዬሩሳ̈ላም ጋርታ̇ ኔ ታ̈ብ ማርኪቲኖንዲፌ̈ኒ ማ ሮ̈ማ ጋዳር̇ ማርኪታንዳ̇ብ ኮሻ̇̈ሬ” ጌይዴ።

ሃዋ̈ራታን ኦ̈ሳ 9:15

ጎዳ̈ዳሬ ኢ̈ኮ “ሉካ̇ቤ! ዪ ና̈ሳ̈ዲ ቴ ሱምን ኣይሁድ ባዮ̇ ኣሳንኬ ካ̈ቲንታ̇ን ቲ̈ን ማ ኢስሬ̈ላ ዎርዣ ቲ̈ን ዎይ ኤርሲዛ ታ̈ብ ማራጺ̇ንቲ̇ኖ ቴ ሚ̈ሻ̇ ኢያ።

ሮሜ 15:31

ዪንቲ ታ̈ቦ ዎሳ̈̇ንዳብ ኮሻ̇ዚንዳ ዪሁዳ ጋዳ ዎ ኣማ̇ኒባ̈ሶ ኣሳን ኩሽታ̇ፖ ቴ ቡ̈ታምፔ̈ንኬ ዬሩ̈ሳ̈ላም ካታማ ጋርታ ታ̈ብ ዎ ዎጛላ ኦ̈ሲንዳ ጾ̈ሳ̇ ኣሳን ቲ̈ን ኮሽ ማ̈ቃ̇ ቤንታ̇ምፔ̈ኒዬ።

2 ቆሮ 12:9

ዎቲናካሬ ኢ “ቴ ዎልቂን ጴች ቤንታ̇ዚንዳ ኣሲ ዳቡራምባር ማ̈ቂ̇ኖኮታ̇ቦ ቴ ኮሺ̇ቲ ኔ̈ብ ጊዲ̈ሬ” ጌይዴ። ዪ̈ኮታ̇ቦ ክርስቶ̈ሳ ዎልቃ ታባር ማ̈ቃር ኦ̈ምፔ̈ኒ ቲ̈ኖምፖ̇ ኣ̈ር ታ ዳቡርሲንባር ኡፋይታ̇ ሙታ̇ ኬርፋንዳ ኮያ̈ሬ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

1 ጢማ̈ 1:12

ፌ ኦ̈ሳብ ሹ̈ማሪ ኣማ̇ኒንቲ̇ኖ ኣስ ማሃር ታ̈ና ፋይዲኖ ኑ ጎዳ ዬሱ̈ስ ክርስቶ̈ሳ ቴ ጋ̈ላታሬ።

2 ጢማ̈ 2:1

ዪዚ ቴ ናኣ̈ዶ! ኔ̈ኒ ዬሱ̈ስ ክርስቶ̈ሲ ኔ̈ብ ኢማ̇ዝ ዎልቂንባራ ሚ̈ጛቤ።

2 ጢማ̈ 2:9

ታ̈ናር ዓና̈ ዎጛሊን ጊሽ ኢ̈ታ ባዝ ኦ̈ኖ ኣስፌ̈ኒ ቃቺንታ̇ራ ሜታ ኤካ̇ሙታ ዎ፤ ዎቲናካር ጾ̈ሳ̇ ቃ̈ሊን ቃቺንታ̇ባሴ።

2 ጢማ̈ 3:11

ማ ኣንጾ̈ካ፣ ኢቆ̈ናኬ ሊስጢራ ካታማን ጋርታ ታ̈ና ዬሊ̇ኖ ሜ̈ታንኬ ታ̈ናር ዪን ሜታን ጋርታ ዎዛርፌ̈ን ጋርዢኖኮ ኔ ኤራ̈ሬ፤ ዎቲናካር ጾ̈ሳ̇̇̈ዲ ታ̈ና ዎይፖ ቡ̈ቲሲኔ።

2 ጢማ̈ 4:5

ዎቲናካር ኔ̈ኒ ዎይ ባዝባራ ኔ̈ና ና̈ጋቤ፤ ሜ̈ታ ጋርታ ጋርዣቤ፤ ዎጛላ ኦ̈ሲን ኦ̈ቤ፤ ኔ̈ብ ኢሚንቲ̇ኖ ኦ̈ሲን ኦ̈ ፎታቤ።

ቲ̈ታ̇ 1:3

ኑ̈ና ፋዝ ጾ̈ሳ̇ ኢ ጌይኖ ኬሊ̇ን ዬሊ̇ን ኢ ኪ̈ታባራ ታ̈ኒ ኢ ቃ̈ላ ሳባ̇ካምፔ̈ን ታ̈ቦ ዓዳራ ኢሚ̇ኖ ጎይባራ ኢ ፌ ቃ̈ሊን ኣሳብ ኤርሲዴ።

ኢብ 11:33

ኢንቲ ኣማ̇ናባራ ካ̈ቲንታን ኦላር ጋሚኔ፤ ፌ ኣሳንር ኮሽ̇ ኣቂሲኔ፤ ጾ̈ሲ ኢማ̇ንዳ ጌይኖ ታስፊንዳር ዲጚዴ፤ ዞብ̇ ኖ̈ናር ዪብጺ̇ዴ፤

1 ጴጥ 5:8

ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇፥ ማ ባርኪብቴ! ዪንታ̇ ጻላ̈ታ ሴ̈ጣኖ ቆ̈ዝባዝ ኮያሪ ዲ̇ዝ ዞብፌ̈ኒ ዪንታ̇ ቡጉዳባራ ቢሪንቲ̇̈ሬ።

2 ጴጥ 2:9

ዪዚ ጾ̈ሳ̇̇̈ዲ ኪንባር ኢያ ጎሽቲ̇ሙታ ዎ ኣሳን ኢ̈ታ ባዝ ጋርታፖ ኢንታ ቡ̈ቲሳዚንዶ ማ ና̈ጋራንቻን ቃጣኢሙታ ፊርዳ ቃማ̇ቦ ዎዛርታ̇ር ና̈ጊ ጋዲ̈ርኮ ኤሪ̈ሬ ጌንቴ̇።