2 ጢማ̈ 4:16 - ኦራ ጫ̈ቃ ማጻ̈ፋ

¹⁶ ታ̈ና ሞ̈ቲኖ ባዚምቦ ታ̈ኒ ማልሳ ኢሚ̇ኖ ጋላሲ̇ን ዎይን ታ̈ና ኣሻ̇ር ሉኪ̇ንዶኬ ታ̈ና ማ̈ዳ̇ንዳብ ዬይኖ ኣሲ ኦ̈ናካር ባዬ። ጾ̈ሲ ዪኖ̇ ኢንታ̇ብ ኣቶ ጌዮ ጋ̈ቤ።

2 ጢማ̈ 4:16 ပူးပေါင်းရင်းမြစ်များ

ማ̈ርቆ̈ሳ 14:50

ኢ ታማ̈ራን ዎይ ኢያ ኣሻ̇ር ዪዴ።

ሉቃ̈ሳ 12:11

“ኣሳን ዪንታ̇ ኤ̈̇ሪ ኣይሁዳን ዎ̈ሳ ኬ̈ሳ̇ ጋርታ̇ ዎይ ጋዣን ቲ̈ንኬ ኣላቃን ቲ̈ን ዪንታ̇ ሺ̈ሻ̇ዚምባ̇ራ ዪንቲ̇ ‘ቴ ዓት ዎዛርጋ̈ኖ፤ ኣ ሶ̈ላኖ?’ ጋ̈ር ሜቲንታ̇ፒ̇ቴ።

ዋ̈ኒ̇ሳ 16:32

ማ̈ቂ̇ናካሬ ዪንቲ̇ ላ̈ሊ̇ንታ̇ር ዎይ ዪንታ̇ ኣ̈ል ዪንታ̇ ኣ̈ል ሉካ̇ር ታ̈ና ሙታ̇ ኣሺ̇ዝ ኬሊ̇ ዬይሬ፤ ኬል̇ ኢዛር ዓት ዓኖ̇። ዎቲናካር ቴ ቴ ቆማ̇ብ ኣታ̇ባሴ፤ ታ ባ̈ባ̈ ታባር ዎ።

ሃዋ̈ራታን ኦ̈ሳ 22:1

“ቴ ኢሺንታ̇ንኬ ታ ባ̈ቢንታን! ቤቂ̇ብቴ! ታና̈ ሞ̈ቲኖ ሞ̈ቲምቦ ቴ ዓት ኢማዝ ማልሲን ዪንቲ ሲስኪብቴ።”

ሃዋ̈ራታን ኦ̈ሳ 25:16

ታ̈ኒ ዎቲናካሬ ‘ሞ̈ቲንቲዛ̈ዲ ሞ̈ቲዛን ቲ̈ን ኤቂ̇ን ና̈ሳ ፌ ሞ̈ቲንቲኖ ባዚምቦ ፌ ማልሲን ኢማ̇ካይዶን ሞ̈ቲንቲዝ ና̈ሳ ኣ̈ር ኢማ̇ንዳቦ ሮማ ሂጊ̇ን ካያ̈ሬ’ ጋ̈ራ ኢንታ̇ብ ማሃዴ።

ሃዋ̈ራታን ኦ̈ሳ 7:60

ኢናፖ̇ ዓኒ ቡቂንታር “ጎዳ̈ዶ! ዓና̇ ናጋሪን ኔ ኢንታ ጋልዳ ፋይዳፔ̇! ጋ̈ር ጴች ዉይሲዴ፤ ዪኖ ጌይኖፖ̇ ዓኒ ኢ ካሲን ኬስካ̇ዴ።

1 ቆሮ 13:5

ካን ኮሺ̇ባ̈ሶ ባዝ ኦ̈ባ̈ሴ፤ ዎይ ባዝ ታ̈ብ ሙታ̇ ማቆ ጋ̈ባሴ፤ ኤሊ̇ባር ሼኒቲባ̈ሴ፤ ጉልማ ኤባ̈ሴ፤

1 ቆሮ 9:3

“ኔቦ ሃዋ̈ራ ማ̈ቂ̇ዝ ማብታ ባዬ” ጋ̈ሪ ታ ጋልዳ ሶ̈ሊዝ ኣሲ ዎኮ ቴ ኢንታ̇ብ ሶ̈ሊዝ ባዝ ዎ፤ ዪ̈ዳሬ፦

2 ቆሮ 7:11

ዪና ጾ̈ሲ ቆፊፌ̈ን ዪንታ̇ ዬሊ̇ኖ ኣዛኒንዳ ዎዛርፌ̈ኖ ሚ̈ንቲ፣ ዎዛርፌ̈ኖ ሶ̈ላር ኣማ̇ንንዳብ ማ̈ቂ̇ዝ ኤራ፣ ዎዛርፌ̈ኖ ጎይል፣ ዎዛርፌ̈ኖ ኢች፣ ዎዛርፌ̈ኖ ሹ̈ና፣ ዎዛርፌ̈ኖ ኮሻ ቂናታ̇፣ ናጋራ ጋልዳ ጾ̈ሲ ፊርዲን ቤቃ̇ንዳቦ ዎዛርፌ̈ኖ ኢና̇ ዪንታ̇̇ብ ኤሄይኖኮ ዪንቲ̇ ቤቂ̇ብቴ፤ ዪንቲ̇ ዪኒ̇ ጎይባራ ጌ̈ሻ̇ን ማ̈ቂ̇ኖን ዎይ ጎይባራ ዪንቲ̇ ማርኪሲኔ።

ፊል 1:17

ዎቲናካር ሜላ̈ን ክርስቶ̈ሳ ቃ̈ሊን ዎቢ̇ሳር ሳባ̇ኪ̇ዛን ኮሽ̇ ቆ̈ፊባር ጊዳካይዶን ፌ̈ና ካዛኮታ̇ብኬ ቴ ቃቺንቲ̇ኖ ቃ̈ሺን ጋልዳ ሜላ ሜታ ታ̈ብ ጉጃ̇ንዳቦ ኮያር ዎቲ̈ሬ።

ፊል 1:7

ታ̈ኒ ቃሺ ኣ̈ል ዎምባራር ማ̈ቂ̇ን ቃቺንታ̇ናፖ ቲ̈ን ዎጛሊንኮን ኪን ቲሚርቲ̇ን ኣሳን ማቃ ቲሚርታ̇ባር ኢ̈ሲ ይሳካዮዲፌ̈ን ቴ ኢንታ̇ብ ሶ̈ላ ማሃምባርኬ ማ ኢዞ ሚ̈ን ኤሳ̇ንዳቦ ዋ̈ያምባራ ጾ̈ሲ ታ̈ብ ፌ ኮሺ̇ቲባር ኢሚ̇ኖ ኦ̈ሲንዶ ዪንቲ̇ ታባር ዎልኣ ኦ̈ኖኮታ̇ቦ ዪንቲ̇ ታ ቡ̈ዲን ጋርታ ዎ። ዪ̈ኮታ̇ቦ ቴ ዪንታ̇ ባዝ ዪኒ̇ፌ̈ኒ ቆፓ̇ዚንዳ ኪን።

2 ጢማ̈ 1:15

ኢ̈ሳ ጋ̈ዳ ዎን ዎይ ታና̈ ኣሻር ሉኪ̇ኖን ኔ̈ ኤራ̈ሬ፤ ዪን ኣሳን ጋርታ̇ፖ ናምኣን ፊጋሎሳኬ ሄርሞጌ̈ኔ̈ሳኬ።

2 ጢማ̈ 4:10

ዴ̈ማሲ ዓኒ̇ ኣላሚን ካሪ ታ̈ና ኣሻ̇ር ታሳሎንቃ ሉኪ̇ኔ፤ ቂርቄ̈ሲ ጋላ̈ታ ሉኪ̇ዴ፤ ቲ̈ታ̇ር ዳልማ̈ጣ ሉኪ̇ዴ።

2 ጢማ̈ 4:15

ኢ ኑ ሶ̈ላዝ ሶ̈ሊን ዎይ ዎይሊን ኢጺ̇ዛኮታ̇ቦ ኔ ኔ ቆሚ̇ንቦ ና̈ሳ ዪ ጋልዳፖ ና̈ጊንታ̇ቤ።

1 ጴጥ 3:15

ክርስቶ̈ሳ ዪንታ̇ ቡ̈ዲንባር ቦንቺ̇ብቴ፤ ዪንታ̇ ሼምፒ̇ምቦ ኢያ ጎድ ማሂብቴ፤ ዪንታ̇ቦ ዎ ታስፊን ጎይ ዪንታ̇ ኦይጪ̇ዝ ኣሳን ዎይንቦ ማልሳ ኢማ̇ንዳቦ ዎይ ጋላስ ጊ̈ጊንቲ̇ኖን ማ̈ቂ̇ብቴ።