2 ጢማ̈ 3:6 - ኦራ ጫ̈ቃ ማጻ̈ፋ

⁶ ዪን ኣሳን ኣሳ ኣ̈ላ ጋርሳባር ኤሪንታካ̇ይ ጌሊሙታ ናጋራ ኢንታ ጋልዳ ካውቲኖ ኢ̈ታ ኢና̇ባር ኤ̈ንታ̇ር ዎ ፋባ̈ሶ ማጫ̇ን ጺሂሲ ኤ̈ሬ።

2 ጢማ̈ 3:6 ပူးပေါင်းရင်းမြစ်များ

ማ̈ቶ̈ሳ 11:28

“ቶ̈ፊ ዪንታ̇ ዴ̈ጻ̇ር ዳ̈ቡሪኖን ዎይ ታ̈ክ ዬብቴ̇! ቴ ዪንታ̇ ሼምፒ̇ቻ̇ንዳ።

ማ̈ቶ̈ሳ 23:13

“ኣሳ ቲ̈ን ኮሽ ማይጻር ቤንታ̇ንዳብ ኮዪዛን ሙ̈ሳ ሂጋ̇ ኣስታማ̈ራንኬ ፋራሳ̈ዋን! ዪንታ̇ ባዚ ኣዬ! ዪንቲ̇ ኣሲ ጾ̈ሳ̇̇ ካ̈ቲቲን ጋርታ̇ ጌላካ̇ይፌ̈ን ካሪን ዪብጺ̇̈ሬ። ዪንቲ̇ ዪንታ̇ ቆሚ̇ንዳር ጌሊባ̈ሲ ማ ጌላንዳብ ኮዪዛን ጌላካ̇ይፌ̈ን ካዪ̈ሬ።

ማ̈ቶ̈ሳ 23:14

[“ኣሳ ቲ̈ን ኮሽ ማይጻር ቤንታ̇ንዳብ ኮይዛን ሙ̈ሳ ሂጋ̇ ኣስታማ̈ራንኬ ፋራሳ̈ዋን! ዪንታ̇ ባዚ ኣዬ! ዪንቲ̇ ኮሽ ማይጺ ቤንታ̇ንዳብ ዪንታ̇ ዎ̈ሳ ጳሪን̈ሬ። ኣስኒ ዓይቂ̇ኖ ማጫን ኣ̈ሊን ዎርባይሲ̈ሬ፤ ዪ̈ኮታ̇ቦ ዎይፖ̇ ሺ̈ዲዝ ፊርዶ ዪንታ̇ ዬሊ̇̈ሬ።]

ማ̈ቶ̈ሳ 4:24

ዬሱ̈ሳ ኦ̈ሲን ሶ̈ራ ጋዳ̇ ዎይ ቤስ̇ ሲስኪ̇ንታ̇ዴ። ዱማ ዱማ ዓርጋባራ ማኖ፥ ኢ̈ታ ኣያ̇ናባራ ኤ̈̇ንቲ̇ኖን፥ ቡኪ̇ ቶጚዝ ዓርጋባራ ኤ̈ንቲ̇ኖንኬ ኩሺ ቶ̈ሂ ዎባን ዎይ ኢ̈ክ ኤኪ̇ ዬይን ኢ ኢንታ̇ ፋዴ።

ማ̈ርቆ̈ሳ 4:19

ዓና̇ ኣላሚን ጋልዳ ዎ ቲ̈ሪሲ፣ ዱሪቲ ካ፣ ዱማ ዱማ ባዛብ ኢና̇ ኢንታ ቡ̈ዳ ጋርታ ጌላሪ ጾ̈ሳ̇̇ ቃ̈ሊን ሚሪ ኤ̈̇ር ኢንታ̇ ኣ̈ፍ ባዪ ኣሺ̇̈ሬ።

1 ቆሮ 12:2

ዪንቲ̇ ቲ̈ን ጾ̈ሳ̇ ኣማ̇ናካ̇ዮምባ̇ራ ዪንቲ̇ ኤራካ̇ዮ ባዝባር ቲ̈ኒንታ̈ሪ ኣሲ ኮቺ̇ኖ፥ ሶ̈ላንዳብ ዳንዳኢባ̈ሶ ሚሲላብ ጎሽታ̇ንዳብ ሉካ̇ዚን ዪንቲ̇ ኤሪ̈ሬ።

1 ጢማ̈ 5:6

ዓኒ̇ ኣላሚን ጋልዶ ኡፋ̈ይሲን ሙታ̇ ኮያዝ ኣስኒ ዓይቂ̇ኖ ማጪ̇ንዳ ኢዛ ሼምፓባራ ዎዶራ ዓይቂ̇ኖ ኣስፌ̈ኔ።

1 ጢማ̈ 6:9

ዱ̈ር ማ̈ቃ̇ንዳቦ ኮዪዛን ፋታና ጋርታ ጌላሪ ኬዲ̇̈ሬ፤ ኣስ ኢ̈ሲ̇ዝ ባዝኬ ይሲ̇ዛ ማ̈ቂ̇ኖ ፋባ̈ሶ ኢ̈ታ ኢና̇ ጺሂባራ ኤ̈ንቲ̇̈ሬ።

ቲ̈ታ̇ 1:11

ኢንቲ ማቃባር ኣባክ ዲጛንዳብ ኮያሪ ታማ̈ርሳንዳቦ ኮሺባ̈ሶ ቲሚርታ ታማ̈ርሲሙታ̇ ፌ ኣ̈ላባር ኮሽ̇ ዎ ኣሳን ኢ̈ሲ̇ዛኮታ̇ቦ ዪንፌ̈ኖ ኣሳን ዪ̈ዲፌ̈ኖ ባዝ ሶ̈ላካ̇ይፌ̈ኒ ኢንታ̇ ካያንዳ̇ብ ኮሺ̈̇ሬ።

ቲ̈ታ̇ 3:3

ኑ̈ኒ ኣማ̇ናናፖ̈ ቲ̈ን ኣባክ ቆፒ ኤሪባ̈ሶ ዳሻን፤ ኪቲንቲባሶ ዉ̈ጫን፤ ዎብ̇ ጎይ ሉኪ̇ዛን፥ ዱማ ዱማ ኢ̈ታ ኢና̇ብኬ ኡፋይሳቦ ኣይላ ማ̈ቃ̇ር ኣቲ̇ኖን። ዎልዎልኣ ኢጺንቲሙታ̇ኬ ጎይሊንቲሙታ̇ ኢ̈ቲቲባርኬ ኣሳብ ሚቃ̇ይና ቆፒ̇ሙታ ዎን።

2 ጴጥ 2:18

ባሊዝ ቲሚርታ ጋርታፖ̇ ዬ̈ር ቢርት ሚ̈ጛካ̇ዮ ኣሳን ፋባ̈ሶ ኦቲራ ሶ̈ላ ሶ̈ሊሙታ̇ ኢ̈ታ ናጋራ ኢና̇ባርኬ ኦሎላባር ኢንታ ጪ̈ጪንቺሙታ̇ ኢንታ ባሊሬ።

2 ጴጥ 3:17

ዪ̈ኮታ̇ቦ ታ ላጋ̇ን! ዪኖ̇ ዪንቲ̇ ቲ̈ኒታሪ ኤሪኖኮታ̇ቦ ውጫ ኣሳን ዪንታ̇ ባሊንዳብ ኮያዚምባራ ዪንቲ̇ ሚ̈ጛር ኤቂ̇ኖን ጋልዳፖ ኬዳካ̇ዮ̈ዲፌ̈ኒ ና̈ጊንቲ̇ብቴ።

ዪሁ 1:16

ዪን ኣሳን ዎይ ጋላስ ጉንዲሚሙታ ዶኢዛንኬ ፔቲ̇ ባዛር ኢንታ ኡፋይሲባ̈ሶ ኣሴ፤ ኢንቲ̇ ፌ ኢ̈ታ ኢኒ̇ን ሙታ̇ ኩምንዳብ ዬዝ ኣሴ፤ ኢንቲ ሜላ̇ ፌ̈ና ቤርኢሲዝ ኣሴ፤ ፌ ኮዪኖን ዲጛንዳቦ ጋ̈ሪ ኣስ ቃልቂንቺ̈ሬ።

ዪሁ 1:18

ኢንቲ “ዉ̈ርሲ ኬሊ̇ን ጋርታ ባዝ ዎይ ጋልዳ ቃልዳ ቃልዲዛንኬ ፌ ኢ̈ታ ኢኒ̇ን ኩምንዳብ ሙታ̇ ዎጺቲዛን ዬይሬ” ጋ̈ሪ ዪንታ̇ብ ሶ̈ሊኔ።

ዪሁ 1:4

ኣባ ጌይን ፔቲ̇ ፔቲ̇ ኣሳን ኤሪንታካ̇ይ ዪንታ̇ ጊዳ̇ ጌሊኔ፤ ዪን ኣሳን ኑ ጾ̈ሳ̇ ኮሺቲንዶ ኢ̈ት ናጋራ ኢና̇ባር ላሚ̇ሙታ ጾ̈ሳ̇ቦ ጎሽቲ̇ባ̈ሶ ኣሴ፤ ኢንቲ̇ ኑ ካ̈ታ ኑ ጎዳ ዬሱ̈ስ ክርስቶ̈ሳ ካ̈ዲ̈ሬ፤ ዎቲናካሬ ኢንታ ጋልዳ ዬላ̇ዝ ፊርዲንዳ ዎይሊን ላ̈ይፖ ቲ̈ን ጻ̈ፊንታ̇ር ዎ።