2 ጢማ̈ 3:14 - ኦራ ጫ̈ቃ ማጻ̈ፋ

¹⁴ ዎቲናካር ኔ̈ ኦ ጋልዳፖ ታማ̈ሪኖኮ ኔ ኤራ̈ዚንኮታ̇ቦ ኔ ታማ̈ሪኖንባርኬ ኔ ኤሪኖ ኪንንባራ ሚ̈ጛር ኤቃ̇ቤ።

2 ጢማ̈ 3:14 ပူးပေါင်းရင်းမြစ်များ

ሃዋ̈ራታን ኦ̈ሳ 17:31

ኢ ፌ ማራ̇ጺኖ ና̈ሳ ጎይባራ ኣላማ ጋልዳ̇ ጺላ̇ ፋራ̇ዲዝ ቃሚ̇ን ኣ̈ንታ̇ኮ ዎሳ̇ኒኔ። ጾ̈ሲ̇ ዪኖ̇ ኣሳ ዎይ̈ቦ̈ ኤርሲኖ̈ዲ ኢያ ዓይቃ ጋርታ̇ፖ̇ ዲንኖ̈ ጎይባራ” ጌይዴ።

ሮሜ 14:5

ዪና̇ ኢዝፌ̈ኒ “ፔቲ ቃሚ̇ንዳ ሜላ ቃሚ̇ንፖ̇ ሺ ቦንቺንቲ̇ኖ ቃሜ̇” ጌዪ ቆፒ̇ዝ ኣሲ ዶኢ̈ሬ፤ ማ ሜላ̈ዲ “ቃሚ̇ ዎይ ዎልፌ̈ንዶኬ ቃ̈ማን ጊዳ̇ ዱማ ማ̈ቂ̇ኖ ቃሚ̇ ባዬ” ጌዪ ቆፒ̈ሬ። ዪዚ ኣሲ ፌ ቡ̈ዳ ጋርታ̇ ዎንዲፌ̈ኒ ኦ̈ጋ̈ቤ።

ቆላ̈ሳ̈ሳ 2:2

ዪና̇ ቴ ዎታዚንዳ ኢንቲ̇ ኢንታ̇ ቡ̈ዲንባር ሚ̈ጛርኬ ካንባራ ዎል ፔታ̇ን ማ̈ቃ̇ሪ፤ ኩም ማ̈ቂ̇ኖ ኤራ ዱሪቲን ዲጛሪ፥ ጾ̈ሳ̇ ሚስጢ̇ራ ማ̈ቂ̇ኖ ክርስቶ̈ሳ ኤራምፔ̈ኒ ዋ̈ያ̈ሬ።

1 ታሳ 1:5

ዓና̇ ዎጛሊን ኑ ዪንታ̇ ዬልኖንዳ ኖ̈ናባራ ሙ̈ታ ጊዳካ̇ይዶን ጾ̈ሳ̇ ዎልቃባርኬ ጌ̈ሻ ኣያ̇ናባራ፥ ማ ዎጛሊንዳ ኪን ባዝ ማ̈ቂ̇ኖን ቡ̈ዳፖ ኣማ̇ናሪዬ፤ ኑ ዪንታ̇ባር ዎንባራ ዪንታኮታ̇ ጋ̈ሪ ዎዛርፌ̈ን ዶኢኖኮ ዪንቲ̇ ኤሪ̈ሬ።

1 ታሳ 2:13

ማ̈ ኑ̈ኒ ዪንታ̇ኮ̈ታ ጾ̈ሳ̇ ዎይ ጋ̈ላስ ጋ̈ላታዚንዳ ዪንቲ̇ ኣማ̇ኒዝ ኣሳን ጋልዳ ኦ̈ዝ ዪና̇ ቃ̈ሊን ዪንቲ ኑ ጋልዳፖ̇ ሲስኪ̇ኖንባራ ኣሲ ሶ̈ሊዛ̈ዲፌ̈ን ማሃር ቤ̈ቃካ̇ይዶር ጾ̈ሲ ሶ̈ሊዛ̈ዲፌ̈ን ማሃር ኤኪ̇ኔ፤ ኢዛ̈ር ኪን ጾ̈ሳ̇ ቃ̈ላ።

1 ጢማ̈ 4:16

ኔ ኔ ቆሚንዴኬ ኔ ታማ̈ርሳዝ ቲሚርቲ̇ንዶ ሚ̈ጛር ና̈ጋቤ፤ ባዛን ዪንባራ ሚ̈ጛቤ፤ ኔ ዪኖ̇ ዎቴጌይንዶ ኔ ቆሚ̇ንዲኬ ኔ̈ኮን ሲስኪ̇ዝ ኣሳን ኔ ፋ̈ሬ።

2 ጢማ̈ 1:13

ኔ̈ኒ ታ ጋልዳፖ ታማ̈ሪኖ ኮሽ ቃ̈ሊንዶ ሚሳ̇̈ሊፌ̈ን ዎታራ ዬሱ̈ስ ክርስቶ̈ሳባራ ኑ̈ብ ዎ ኣማ̇ኒንዴኬ ካንን ያካ̇ይፌ̈ን ና̈ጋቤ።

2 ጢማ̈ 2:2

ዎይሊን ማርካ ቲ̈ን ኔ̈ ታ ጋልዳፖ ሲስኪ̇ኖ ቲሚርቲ̇ን ሜላን ታማ̈ርሳንዳ̇ቦ ዳንዳኢዝ ኤራ ዎንቦ ኣማ̇ኒንቲ̇ኖ ኣሳንቦ ዓዳራ ኢማ̇ቤ።

2 ጢማ̈ 3:15

ማ ኔ̈ኒ ናኢቲፖ ኤ̈ራ ዬሱ̈ስ ክርስቶ̈ሳ ኣማ̇ናር ፋጺዝ ጎይ ኤርሲዝ ቲሚርታ ኢሚ̇ዝ ጌ̈ሻ̇ ማጻ̈ፋን ኤሪኔ።

ቲ̈ታ̇ 1:9

ኢ ኪን ቲምርቲ̇ን ታማ̈ርሲሙታ ዞራንዳብኬ ኪን ቲምሪቲ̇ን ኢጺ̇ዝ ኣሳን ዞራር ማሃንዳ̇ቦ ፌ ታማ̈ሪኖንዲፌ̈ኒ ኣማ̇ኒንቲ̇ኖ ቃ̈ሊን ጋልዳ ሚ̈ጛር ኤቃ̇ንዳቦ ኮሺ̇̈ሬ።

ኢብ 10:22

ኢ̈ታ ቆፊ ጋልዳፖ ጌዥጋንዳቦ ኑ ቡ̈ዲን ጌ̈ሻ̇ሪ ኑ ጋሊ̇ንዳር ጺል̇ ዋ̈ባር ሜ̈ጫ̇ሪ ኮሽ̇ ቡ̈ዳባርኬ ኪን ኣማ̇ናባር ጾ̈ሳ̇ኮ ሺ̈ቂስቶ።

ኢብ 6:11

ዪንቲ ዎይን ታስፋባር ና̈ጋዝ ባዚን ዪንታ̇ ኩሽታ ኣዝ ዲራስ ዪንቲ ቲ̈ናፖ ኦ̈ሙታ ዎን ዓታ̇ር ሚ̈ጋር ኦ̈ምፔ̈ኒ ኑ ኢኒ̇ቲ̈ሬ።