2 ጢማ̈ 3:12 - ኦራ ጫ̈ቃ ማጻ̈ፋ

¹² ኪንባር፥ ዬሱ̈ስ ክርስቶ̈ሳ ማይጻር ዶኣንዳብ ኮዪዝ ኣሳን ዎይ ሜታ ኢንታ ዬሊ̇̈ሬ።

2 ጢማ̈ 3:12 ပူးပေါင်းရင်းမြစ်များ

ማ̈ቶ̈ሳ 16:24

ኢናፖ̇ ዬሱ̈ሲ ፌ ታማ̈ራንኮ “ቴ ዎሂን ዬ̇ንዳብ ኮዪዝ ኣሲ ፌ ቆሚ̇ምቦ̇ ቆፓ̇ዚን ዉርሲ ኣሾ̇ጋ̈ቤ፤ ፌ ማስቃሊን ቶ̈ካ̇ሪ ቴ ዎሂን ዬጋ̈ቤ።

ማ̈ቶ̈ሳ 23:34

ዪ̈ኮታ̇ቦ ዓ̈ዲሼ ታ̈ኒ ና̈ባን፣ ኤራ ኣሳንኬ ኣስታማ̈ራን ዪንታ̇ክ ሚሻንዳ። ዪንቲ̇ ኢንታ̇ ጋርታ̇ፖ ፔታ̇ን ፔታ̇ናን ዎ̈ሬ፤ ፔታ̇ን ፔታ̇ናን ማስቃላ ጋልዳ ሶቲ̇̈ሬ፤ ማ ፔታ̇ን ፔታ̇ናን ኢንታ̇ ዎ̈ሳ ኬ̈ን ጋርታ̇ ቡኪ̇ ጋራ̇ፊ̈ሬ፤ ኢንቲ̇ ዎ ካታ̇ሚን ጋርታ̇ፖ ሜላ ካታማ ጋርታ̇ ሉካ̇ምፔ̈ን ኢንታ̇ ዳኪ̇̈ሬ።

ማ̈ርቆ̈ሳ 10:30

ዓት ዓኒ ኬሊ̇ንባራ ዳስ̇ባር ዎልኣ፥ ኬ̈ሬ፣ ኢሻሬ፣ ሚሻሬ፣ ኢንዳ̇ሬ፣ ናኣሬ፣ ዎት ጋዳሬ፣ ጼ̈ታ ኩሽ ኤኪ̇̈ሬ፤ ቢርት ዬ̈ዝ ኬሊ̇ንባራሬ ሜናብ ሼምፓባር ዶኢ ዴጚ̈ሬ።

ዋ̈ኒ̇ሳ 16:2

ኣሳን ኣይሁዳ ዎ̈ሳ ኬ̈ ጋርታ̇ፖ̇ ዪንታ̇ ዳኪ̇ ኬሲ̇̈ሬ። ማ ዪኒፖ̇ ኣ̈ር ዪንታ̇ ዎዝ ኣሲ ዎይ ፌ̈ና ጾ̈ሳ̇̇̈ቦ ኦ̈ዝ ኣስፌ̈ን ፋይዲንቲ̇ዝ ኬሊ̇ ዬይሬ።

ዋ̈ኒ̇ሳ 16:33

ዪኖ̇ ቴ ዪንታ̇ብ ሶ̈ሊኖንዳ̇ ዪንቲ̇ ታባር ዶኤጌይን ሳሪቲ ዪንታ̇ብ ዶኣምፔ̈ኔ። ዪንቲ̇ ኣላሚን ጋልዳ ዎምባራ ሜታ ዪንታ̇ብ ዎ፤ ዎቲናካሬ ዓይዞ ኢ̈ጫ̇ፒ̇ቴ! ታ̈ኒ ኣላሚን ጋሚኔ” ጌይዴ።

ዋ̈ኒ̇ሳ 17:14

ቴ ኔ ቃ̈ሊን ኢንታ̇ብ ኢሚ̇ኔ፤ ታ̈ኒ ዓና̇ ኣላሚን ጋልዶ ኣስ ጊዳካ̇ዮንዲፌ̈ኒ ኢንታ̇ሬ ዓና̇ ኣላሚን ጋልዶ̇ ኣስ ጊዳካ̇ዮኮታ̇ቦ ዓኒ ኣላሚን ጋልዶ ኣሳን ኢንታ ኢጺ̇ኔ።

ሃዋ̈ራታን ኦ̈ሳ 14:22

ኣማ̇ኒኖ ኣሳን ጎዳ̈ባራ ሚ̈ጛምፔንኬ ኢንቲ ፌ ኣማ̇ኒኖ ኣማ̇ኒንባር ሚ̈ጛር ዶኣምፔ̈ን ኢንታ ሚ̈ን ዞሪ ዎታሪ “ኑ̈ኒ ጾ̈ሳ̇ ካ̈ቲቲን ጋርታ ጌላንዳ̇ቦ ዎይሊን ሜታ ጋማር ኣ̈ንዳቦ ኮሺሬ” ጋ̈ር ኢንታ ታማ̈ርሲዴ።

1 ቆሮ 15:19

ኑ̈ኒ ክርስቶሳ ኣማ̇ኒኖንዳ ዓኒ̇ ኣላሚን ጋልዶ ዶኢብ ሙታ̇ ማ̈ቄ̇ጌይን ኣስ ዎይፖ̇ ሺ ኑ̈ብ ሚጪንታ̇ንዳብ ኮሺ̇ዝ ኣሴ።

2 ቆሮ 1:12

ኑ̈ና ኬርፊሲዝ ፔቲ̇ ባዚ ዎ ዪ̈ናሬ፤ ኑ̈ኒ ዓኒ ኣላሚን ጋልዳ ማ ዎይ̈ፖ ሺ ዪንታ̇ባራ ኑ̈ብ ዎ ፔቲ̇ቲን ጋርታ ኑ̈ኒ ጾ̈ሳ̇̇ ጋልዳፖ ዲጚኖ ጌ̈ሺ̇ቲንባርኬ ኣሽኪቲንባራ ዪንታ̇ባር ዶኢኖን ኑ ቡ̈ዲን ኑ̈ቦ ማርኪታ̈ሬ። ዪ̈ና̇ ኣሳ ኤራባራ ጊዳካ̇ይዶን ጾ̈ሳ̇̇ ኮሺ̇ቲባር ማ̈ቂ̇ኖባዜ።

2 ቆሮ 4:9

ኣሲ ኑ̈ና ዳኪ̇̈ሬ ዎቲናካሬ ላ̈ጋ ኑ̈ና ዪ ቤቃካ̇ዬ፤ ኑ ቡኪንታ̇ር ኬዲ̈ ቤቂ̇ኔ ዎቲናካር ዓይቃካ̇ዬ።

1 ጢማ̈ 2:2

ኑ̈ኒ ጾ̈ሳ̇̇̈ቦ ኪ̈ቲንቲ̇ሙታ፥ ጌ̈ሺ̇ቲባርኬ ሳሪቲባር ዶኣምፔ̈ኒ ካ̈ቲንታ̇ንብኬ ሲልጣ̈ና ጋ̈ልዳ ዎንቦ ዎይ ዎ̈ሳ̇ንዳብ ኮሺ̇̈ሬ።

1 ጢማ̈ 3:16

ኑ ኣማ̇ኒን ኪንንዳ ጴች ማ̈ቂ̇ኖንዶ ኦ̈ናካር ካ̈ዳንዳብ ዳንዳኢባ̈ሴ ዪዳሬ ጾ̈ሲ፦ “ኣስ ማ̈ቃ̇ር ቤንቲ̇ዴ፥ ኪን ማ̈ቂ̇ኖ ኣያ̇ናባር ኤሪንቲ̇ዴ፥ ኪ̈ታንቻ̇ንቦ ቤንቲ̇ዴ፥ ዎርዣ ዎይቦ ሳባ̇ኪንቲ̇ዴ፥ ኣላሚን ጋልዳ ዎ ኣሳን ኢያ ኣማ̇ኒዴ፥ ቦንችባራ ኣፋ ሉኪ̇ዴ” ጋ̈ዚንዶ።

1 ጢማ̈ 6:3

ኪንባር ጾ̈ሳ̇ ጎሽታ̇ዝ ጎይን ኤርሳ̇ዝ ቲሚርቲ̇ንባር ዎል ዬላ̇ዝ ኑ ጎዳ ዬሱ̈ስ ክርስቶ̈ሳ ኮሻ̇ ቃ̈ሊን ኣሻ̇ሪ ማቃ ቲሚርታ ታማ̈ርሲዝ ኣሲ ዎኮ፤

ቲ̈ታ̇ 1:1

ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ጾ̈ሳ̇ ኣይላ፥ ጾ̈ሳ̇̈̇ ማራ̇ጺ̇ኖ ኣሳን ሚ̈ንንዳብኬ ኪን ኣማ̈ና ጎይን ኤርሳምፔ̈ን ሹ̈ሚንቲ̇ኖ ታ ጳ̈ውሎ̈ሳ ጋልዳፖ ጻፊንቲ̇ኖ ኪ̈ታ፦

ቲ̈ታ̇ 2:12

ዪና̇ ጾ̈ሳ̇̇ ካንንዳ፥ ኣሲ ናጋ̈ራ ኦ̈ ሙታ̇ ዶኣዚን ጋልዳፖኬ ኣላሚን ዓኒ̇ ጋልዳ ዎ ኢ̈ታ ኢና̇ን ኣሻ̇ሪ ኢ̈ታ ባዝ ጋልዳፖ ፌ̈ና ና̈ጊሙታ̇ ጺሊ̇ቲባርኬ ጾ̈ሳ̇ ማይጻር ዶኣምፔ̈ን ኑ̈ና ታማ̈ርሳ̈ሬ።

1 ጴጥ 3:14

ዪንቲ ኮሻ̇ ባዝ ኦ̈ር ሜታ ኤኪ̇ዝባዝ ማ̈ቄ̇ጌይንዶ ዪንቲ̇ ኣንጃ ዲጚ̈ሬ፤ ኣስ ኢ̈ሺቻ̇ብ ኢ̈ጫፒ̇ቴ፤ ኤ̈ዝጋፒ̇ቴ።

2 ጴጥ 3:11

ዪዚ ዪን ዎይ ዪ̈ፌ̈ን ዪ̈ርኮ ዪንቲ̇ ጌ̈ሺ̇ቲባርኬ ጾ̈ሳ̇̇̈ቦ ኢ̈ጪ̇ሙታ ዶኣንዳቦ ኮሺ̇ባ̈ሳ?

ሳጻ 12:4

ፌ ጎልሲምባራ ቤርሳን ጋርታ̇ፖ ሲሲን ኣፋፖ ጎ̈ቻ̇ር ሳ̈ዳ̇ ቶጚዴ፤ ኣሲን ዬሌጌይን ኢዝ ናኣ ቆ̈ንዳብ ቆፓ̇ሪ ዳዋዲ ኣሲን ቲ̈ን ኣ̈ር ኤቂ̇ዴ።

ሳጻ 7:14

ታ̈ናሬ ኢኮ “ጎዳዶ! ኔ ኤራ̈ሬ” ጋ̈ዴ፤ ኢያር ታኮ “ዓን ጴቻ ሜቲን ጋማሪ ዬይኖን፤ ፌ ኣፊላንሬ ዶራ ሱ̈ንባር ሜ̈ጫ̇ሪ ቦ̈ርስ ማሂኔ፤