2 ጢማ̈ 2:8 - ኦራ ጫ̈ቃ ማጻ̈ፋ

⁸ ዓይቃ ጋማ̈ር ዲንዲኖ፥ ዳ̈ዊታ ዜ̈ር ማ̈ቂ̇ኖ ዬሱ̈ስ ክርስቶ̈ሳ ቆፓ̇ቤ፤ ታ̈ናሬ ሳ̈ባ̇ካዝ ዎጛሊን ዓና̇ ኢዞ።

2 ጢማ̈ 2:8 ပူးပေါင်းရင်းမြစ်များ

ማ̈ቶ̈ሳ 1:1

ዳ̈ዊታኬ ኣብራሃ̈ማ ዜር ማ̈ቂ̇ኖ ዬሱ̈ስ ክርስቶ̈ሳ ዬሊንቲ̇ ፋይዲን ዓንዲዜ፦

ሉቃ̈ሳ 24:46

ኢናፖ̇ ኢ ኢንታ̇ኮ ‘ክርስቶ̈ሲ ሜታ ኤኪ̈ሬ፤ ዓይዚ̇ ቃምባራ ዓይቃ ጋርታ̇ፖ̇ ዲንዲ̈ሬ፤

ሃዋ̈ራታን ኦ̈ሳ 13:23

ጾ̈ሳ̇ሬ ዳ̈ዊታብ ጌሊኖ ቃ̈ሊንዲፌ̈ን ኢ ዜርዝ ጋርታ̇ፖ̇ ኣሳ ናእ ፋዛ ዬሱ̈ሳ ኢስሬ̈ላብ ኢሚ̇ዴ።

ሃዋ̈ራታን ኦ̈ሳ 2:24

ዎቲናካሬ ጾ̈ሲ̇ ኢ ጋልዳፖ̇ ዓይቃ ዎልቂ̇ን ፋይሪ ዓይቃ ጋርታ̇ፖ̇ ኢያ ዲንዴ፤ ኣባ ጌይን ዓይቆ ኢያ ጋማንዳብ ዳንዳኢባ̈ሶኮታ̇ቦ።

ሃዋ̈ራታን ኦ̈ሳ 2:30

ኢ ዪኖ̇ ሶ̈ሊኖንዳ̇ ኢ ና̈ቢ ማ̈ቂ̇ኖኮታ̇ብኬ ጾ̈ሲ̇ ኢ̈ኮ ‘ታ̈ኒ ኔ ዜር ጋርታ̇ፖ̇ ፔታ̇ን ኔ ዙ̈ፋኒን ጋልዳ̇ ጋዳ̇ንዳ̇’ ጋ̈ሪ ጫ̈ቃባር ኢ̈ብ ቃ̈ላ ጌሊኖን ኤሪዛኮታ̇ቦ።

ሮሜ 16:25

ታ̈ኒ ዬሱስ ክርስቶ̈ሳባዝ ሳባ̇ኪኖ ቃ̈ሊንባርኬ ሚናፖ̇ ኣ̈ቺንታ̇ር ጋምኢኖ ዎቲናካር ዓት ፋላ̇ጋልዳ ኬስኪ̇ኖ ኪን ሚስጢሪን ጎይባራ ዪንቲ̇ ዪንታ̇ ኣማ̇ኒንባራ ሚ̈ጚ ዶኣምፔ̈ኒ ዎታንዳብ ዳንዳኢ̈ዛ ጾ̈ሳ̇̇̈ቦ ቦንች ማ̈ቆ̇።

ሮሜ 2:16

ዪና̇ ማ̈ቃ̇ዚንዳ ታ̈ኒ ሶ̈ላዝ ዎጛላ ቃ̈ሊንዲፌ̈ኒ ኣሳን ኦ̈ኖ ሜላ ኣቲ̇ን ጌማ ባዛን ጋልዳ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ፊርዳዝ ቃሚ̇ንባራ።

1 ቆሮ 15:1

ቴ ኢሺንታ̇ን! ቴ ዪንታ̇ ታማ̈ርሲኖን ዎጛላ ቃ̈ሊን ዪንታ̇̇ብ ኤልቅ ዎታንዳ̇ብ ኮያ̈ሬ። ዪና̇ ዎጛላ ቃ̈ሊንዳ ዪንቲ̇ ኢዞ ሲስኪሙታ̇ኬ ኢዝባር ኤቂ̇ ዎንዶ።

1 ቆሮ 15:4

ዱ̈ኪንቲ̇ዴ፤ ጌ̈ሻ̇ ማጻ̈ፋን ጋልዳ ጻ̈ፊንቲ̇ኖንዲፌ̈ኒ ዓይዚ̇ ቃምባር ዓይቃ ጋርታፖ ዲንዲ̇ኔ።

2 ታሳ 2:14

ዪንቲ̇ ጎዳ ዬሱ̈ስ ክርስቶ̈ሳ ቦንቺ̇ን ኤኪ̇ዝ ኣስ ማ̈ቃ̇ምፔ̈ኒ ኑ ሳባ̇ኪኖ ዎጛሊን ጎይባራ ዪንታ̇ ጼይጊኔ።

1 ጢማ̈ 1:11

ዪና̇ ኪን ቲሚርቲ̇ንዳ ኣንጂ̇ንቲ̇ኖ ጾ̈ሳ̇ ታ̈ቦ ዓዳራ ኢሚ̇ኖ ቦንች ዎጛሊንባር ዎልኣ ፔታ̇ኔ።

1 ጢማ̈ 2:7

ታ̈ናር ዪኖ̇ ሶ̈ላንዳብኬ ኪንን ማርኪታንዳ̇ቦ ሃዋ̈ራኬ ኣስታማ̈ሪ ማ̈ቃ̇ራ ኣይሁድ ባዮ̇ ኣሳንኮ ኪ̈ቲንታ̇ር ሉኪ̇ኖንዳ ዓኒ̇ ጊሼ̇፤ ቴ ዪኖ̇ ኪን ሶ̈ላ̈ርዶኬ ማቃ̇ባሴ።

2 ጢማ̈ 1:8

ዪዚ ኔ̈ኒ ኑ ጎዳ ዬሱ̈ስ ክርስቶ̈ሳባዝ ማርኪታንዳ̇ቦ ዬ̈ልቃፔ፤ ኢኮታ̇ቦ ጋ̈ራ ቃቺንቲ̇ኖ ታባራር ማ̈ቂ̇ን ዬልቃፔ̇፤ ጾ̈ሳ̇̇ ኔ̈ብ ኢማ̇ዝ ዎልቂንባራ ዎጛላኮታ̇ ታባር ሜታ ኤካ̇ቤ።

2 ጢማ̈ 2:7

ጎዳ̈ዲ ባዝ ዎይባራ ኔ̈ቦ ኤራ ኢሚ̇ዛኮታ̇ቦ ቴ ኔ̈ክ ጋ̈ዚን ጌ̈ዚንር ቆፓ̇ቤ።

ሳጻ 5:5

ዪና ኢዝባራ ጪጛሻን ጋርታፖ ፔታ̇ና̈ዲ ታ̈ኮ “ኔ ዬ̈ካፔ! ዓዲሼ ቤቃ̇ቤ፥ ዳ̈ዊታ ዜር ጋርታ̇ፖ ዬይኖ ዪሁዳ ዜር ማ̈ቂ̇ኖ ዞባ̇ ኢ ጋሚኔ፥ ኢ ማጻ̈ፊን ፊርቃንዳብኬ ታብዛ ማይታማን ቢላ̇ንዳቦ ዳንዳኢ̈ሬ” ጌይዴ።