7 ጎዳ̈ዲ ባዝ ዎይባራ ኔ̈ቦ ኤራ ኢሚ̇ዛኮታ̇ቦ ቴ ኔ̈ክ ጋ̈ዚን ጌ̈ዚንር ቆፓ̇ቤ።
ዪንታ̇ ጻላ̈ታን ጋርታ̇ፖ̇ ኦ̈ናካር ሞ̈ታባር ዪንታ̇ ጋማንፔ̈ንባዮ̇ ቃ̈ላኬ ኤራኬ ቴ ዪንታ̇ብ ኢማ̇ንዳ̇።
ዪኒ̇ባራ ኢንቲ̇ ጌ̈ሻ̇ ማጻ̈ፋ ኤልቅ ዎታምፔ̈ኒ ኢንታ̇ ቡ̈ዳ ፊርቂ̇ዴ።
“ዓና̇ ቴ ዪንታ̇ብ ሶ̈ላዝ ሶ̈ሊን ኮሺንቻ̇ር ሲስኪ̇ብቴ̇፦ ኣሳን ታ̈ና ኣሳ ናኣ̈ ኣሳን ኩሽታ̇ ኣ̈ ኢሚ̇̈ሬ” ጌይዴ።
ቴ ባ̈ባ̈ዲ ቴ ሱምባር ሚሺዛ ሚንዛ ጌ̈ሻ̇ ኣያ̇ና̈ዲ ኢ ዎይ ባዝ ዪንታ̇ ታማ̈ሪሲሬ፥ ቴ ዪንታ̇ብ ሶ̈ሊኖ ባዛን ዎይ ዪንታ̇ብ ኤልቅ ዎቲ̈ሬ።
ዎቲናካሬ ጾ̈ሳ̇̇ ኪንባር ኢ ኦ̈ናኮ ኢ̈ኮን ኤሪሲዝ ኣያ̇ና ዬ̈ዬጌዪንዶ ኢ ኪን ጎይ ዎይ ዪንታ̇ ቲ̈ኒሬ። ኢ ሶ̈ላዚንዳ ፌ ሲስኪ̇ኖ ባዚንዶዶኬ ፌ ጋልዳፖ̇ ኬሲ̇ ሶ̈ሊባሴ፤ ኢ ቢርት ቲ̈ን ዬይዝ ባዝ ዪንታ̇ብ ሶ̈ሊ̈ሬ።
ኢ ጋልዳ ዬይዝ ሜታ ዎይ ጋርታፖ̇ ኢያ ኬሲ̇ዴ። ጊብጻ ካ̈ታ ፋ̈ሮና ቲ̈ን ካንቲ̇ኖ ኣስ ማ̈ቃምፔ̈ኒ ዎቲዴ ማ ኤሪቲር ኢ̈ብ ኢሚ̇ዴ። ዪ̈ቦ ፋ̈ሮኒ ኢያ ጊብጻ ጋዳ̇ኬ ፌ ኣ̈ል ዎ ባዝ ዎይ ጋልዳ ሹ̈ሚዴ።
ጌ̈ሻ̇ ኣያ̇ና̈ዲ ፔቲ̇ ኣሳቦ ኤጪቲባር ሶ̈ሊዝ ኪልስ ኢሚ̇ሬ። ማ ሜላ̈ቦ ዪ̈ ኣያና̈ዲ ኤራባር ሶ̈ሊዝ ኪልስ ኢሚ̇ሬ።
ቴ ኢሺንታ̇ን! ዉርሲ ጋልዳ ቴ ጋ̈ዚንዳ፥ ኪን ማ̈ቂ̇ኖ ባዝ፥ ቦንቺ̇ንቲ̇ኖ ባዝ፥ ኮሽ ማ̈ቂ̇ኖ ባዝ፥ ጺላ̇ ማ̈ቂ̇ኖ ባዝኬ ካንቲ̇ኖ ባዝ ዎይ ኮሺቲር ማ̈ቂ̇ን ጋላታር ማ̈ቂ̇ን ዪንፌ̈ኖ ባዛን ቆፒ̇ብቴ።
ዪ̈ኮታ̇ቦ ኑ̈ናር ዪንታ̇ኮን ሲስኪ̇ኖ ቃማ̇ፖ ኤ̈ሪ ዪንታ̇ኮታ̇ቦ ዎ̈ሲ̇ሙታ̇ ጌ̈ሻ ኣያ̇ና ጋልዳፖ ኢሚ̇ንቲ̇ዝ ኤራኬ ኮሽ ቆፊ ዎይ ጾ̈ሲ ዪንታ̇ቦ ዎይሊሲን ዪንቲ̇ ኢ ቆፊን ኦ̈ምፔ̈ኒ ዪንታ̇ብ ጾ̈ሳ̇̇ ጌሻዚን ኑ̈ኒ ኣሻካ̇ዬ።
ኔ̈ኒ ኮሽ̇ ዲጫ̇ሙታ ዎንዶ ኣሲ ዎይ ቤቃ̇ምፔ̈ኒ ዪን ባዛን ሚጛር ኦ̈ሙታ ዶኣቤ።
ዎት ዎቲ ዳቡሪዝ ና̈ሳ̈ዲ ፌ ኦ̈ኖ ኦ̈ሲምፖ ቤንታ̇ዝ ኣ̈ፊንዶ ቲ̈ኖን ኢ ዲጛ̈ንዳቦ ኮሺ̈̇ሬ።
ዓይቃ ጋማ̈ር ዲንዲኖ፥ ዳ̈ዊታ ዜ̈ር ማ̈ቂ̇ኖ ዬሱ̈ስ ክርስቶ̈ሳ ቆፓ̇ቤ፤ ታ̈ናሬ ሳ̈ባ̇ካዝ ዎጛሊን ዓና̇ ኢዞ።
ዪዚ ቦ̈ሳካ̇ይዶርኬ ታስፋ ቃጻካ̇ይዶሪ፥ ናጋራንቻ̇ንቺ ኢያ ኢጻ̇ዚምባራ ዪኖ̇ ዎይ ጋርዢኖ ዬሱ̈ሳ ቤቂ̇ብቴ።
ጾ̈ሳ̇̈ ቃ̈ላ ዪንታ̇ብ ቲ̈ን ሶ̈ሊኖ ዪንታ̇ ቲ̈ኒዝ ኣሳን ቦቲጛፒቴ፤ ኢንታ ዶኢንዲኬ ኢንታ ኦ̈ሲን ቆፒሙታ̇ዶሪ ኢንታ ኣማ̇ኒን ዎሂን ዬብቴ።
ዪ̈ኮታ̇ቦ ጾ̈ሲ ዪንታ̇ ጼይጊኖ ቴ ኢሺንታ̇ን! ኑ ሶ̈ላዝ ኣማ̇ኒንቦ ጾ̈ሲ̇ ኢያ ኪ̈ታ̇ር ሚሺኖ ቄ̈ሳ̈ን ኣላቃ̈ ዬ̈ሱ̈ሳ ቆፒ̇ብቴ።
ዪ ና̈ሳ̈ዲ ዎዛርፌ̈ን ጴችኮ ቤቂ̇ብቴ፤ ሜላ ኣቲ̇ን ኢስሬ̈ላ ዜርን ዎይንቦ ባ̈ባ ማ̈ቂ̇ኖ ኣብራሃ̈ሚ ካ̈ታ̇ር ዲጚኖባዝ ጋልዳፖ ታጳ ኩሽ ጋርታ̇ፖ ፔቲ̇ ኩሽ ኬሳ̇ሪ ኢሚ̇ኔ።
ዪንታ̇ ጋርታፖ ኤሪ ጉ̈ጺ̇ኖ ኣሲ ዎኮ ኢ ኦ̈ናካር ሌቃካ̇ይ ኣባካር ሱ̈ቂታካ̇ይ ዎይ̈ብ ኢሚ̇ዛ ጾ̈ሳ̇̇ ጌሼጌይን ኢ̈ብ ኢሚ̇ሬ።
ዪኒ̇ፌ̈ኖ ኤሪንዳ ኣፋ ጾ̈ሳ̇̇ ጋልዳ̇ፖ ጊዳካ̇ዬ። ኢዛ ዓኒ̇ ኣላሚን ጋልዳ̇ፖ ኣሳ ጋልዳፖኬ ኢ̈ታ ኣያ̇ና ጋልዳፖ̇ ዬ̈ሬ።
ኣፋ ጾ̈ሳ̇̇̈ፖ ማ̈ቂ̇ኖ ኤሪን ኢዛ ቲ̈ኒታር ጌ̈ሼ̇፤ ኢናፖ̇ ሳሪቲ ኮያዚንዶ፣ ዳንዳኣዚንዶ̇፣ ኪ̈ቲንታዚንዶ፣ ማ̈ሪቲኬ ኮሽ̇ ኦ̈ሳባር ኩሚኖንዶ፣ ፋጊቲኬ ማይጺስ ባዮ̇ንዶ።
ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።
