3 ኔ̈ናሬ ዬሱ̈ስ ክርስቶ̈ሳብ ኮሽ ዎታ̇ዳራፌ̈ን ማ̈ቃ̇ራ ታባር ዎልኣ ሜታ ኤካ̇ቤ።
ዪ̈ኮታ̇ቦ ዎታ̇̈ዳራን ኢንታ̇ ኪ̈ቲ̇ኖንዲፌ̈ን ጳውሎ̈ሳ ቃም̇̇ ኤ̈ጛር ኣንቲጳጥሪሳ ዬሊዴ።
ካን ዎይ ባዝ ዳንዳኢ̈ሬ፤ ዎይ ጋላስ ኣማ̇ኒሬ፤ ዎይ ጋላስ ታስፋባር ና̈ጊ̈ሬ፤ ሜታ ጋርታ̇ር ዎይ ሚ̈ጛር ኤቂ̈̇ሬ።
ዳሞ̈ዛ ኢ̈ብ ጪጋካ̇ይ ፌ ሚ̈ሽ ጌቲ̇ን ሙዪ ሙታ̇ ዎታ̇ዳራ ማቃር ኦ̈ዛ ኦ̈ኖ? ዎይ ዎይና ቶካ̇ሪ ኣ̈ፊን ሞ̈ባሶ ኦ̈ኖ? ሚ̈ዝ ቆላር ማ̈ ማ̈ ኡሽኪ̇ባ̈ሶ ኦ̈ኖ?
ኑ ሜታ ኤካ̇ዚምባራ ዪንቲ̇ ሚ̈ንኬ ፋቲ ዲጚ̈ሬ። ኑ ሚን ዲጛምባራ ዪንቲ̇ ኑ ኤኪ̇ኖ ሜቲ̇ን ዪንታ̇ ዬሊ̇ኖ ጋላስ̇ ጋርዣር ሚ̈ን ዲጚ̈ሬ።
ታ ናኣ ጢማ̈ቶሶ! ዓኒፖ ቲ̈ን ኔኮታ̇ ካ̈ያባር ኔ̈ቦ ሶ̈ሊንቲ̇ኖንዲፌ̈ኒ ዓና̇ ኪ̈ቲን ቴ ኔ̈ቦ ዓዳራ ኢማ̇̈ሬ፤ ዪና̇ሬ ኔ̈ብ ጌዪንቲ̇ኖንዲፌ̈ኒ ኮሻ̇ ኦሊን ኦላምፔ̈ኒዬ።
ዬሱ̈ስ ክርስቶ̈ስ ጎይባራ ቤንቲ̇ኖ ሼ̈ምፓ ታስፊንዲፌ̈ኒ ጾ̈ሳ̇ ቆፊፌ̈ን ዬሱ̈ስ ክርስቶ̈ሳቦ ሃዋ̈ራ ማ̈ቂ̇ኖ ታ ጳውሎ̈ሲ ቴ ካዝ ናኣ ጢማ̈ቶ̈ሳብ ሚሺኖ ኪ̈ታ፤ ጾ̈ሳ̇ ባ̈ባ ጋልዳፔኬ ዬሱ̈ስ ክርስቶ̈ሳ ጋልዳፖ ኢ ኮሺ̇ቲንዳ ማ̈ሪቲንዲኬ ሳርቲን ኔ̈ብ ማ̈ቆ̇።
ዪዚ ኔ̈ኒ ኑ ጎዳ ዬሱ̈ስ ክርስቶ̈ሳባዝ ማርኪታንዳ̇ቦ ዬ̈ልቃፔ፤ ኢኮታ̇ቦ ጋ̈ራ ቃቺንቲ̇ኖ ታባራር ማ̈ቂ̇ን ዬልቃፔ̇፤ ጾ̈ሳ̇̇ ኔ̈ብ ኢማ̇ዝ ዎልቂንባራ ዎጛላኮታ̇ ታባር ሜታ ኤካ̇ቤ።
ዪ̈ኮታ̇ቦ ኢንቲ ዬሱ̈ስ ክርስቶ̈ሳ ጎይባራ ቤንቲ̇ዝ ፋቲንዲኬ ሜናቦ ዶኣዝ ቦንቺ̇ን ዲጛ̈ምፔ̈ኒ ጾ̈ሳ̇ ማራ̇ጺኖ ኣሳንቦ ጋ̈ራ ታ̈ኒ ዎይ ባዝ ጋ̈ርዣ̈ሬ።
ታ̈ናር ዓና̈ ዎጛሊን ጊሽ ኢ̈ታ ባዝ ኦ̈ኖ ኣስፌ̈ኒ ቃቺንታ̇ራ ሜታ ኤካ̇ሙታ ዎ፤ ዎቲናካር ጾ̈ሳ̇ ቃ̈ሊን ቃቺንታ̇ባሴ።
ማ ኣንጾ̈ካ፣ ኢቆ̈ናኬ ሊስጢራ ካታማን ጋርታ ታ̈ና ዬሊ̇ኖ ሜ̈ታንኬ ታ̈ናር ዪን ሜታን ጋርታ ዎዛርፌ̈ን ጋርዢኖኮ ኔ ኤራ̈ሬ፤ ዎቲናካር ጾ̈ሳ̇̇̈ዲ ታ̈ና ዎይፖ ቡ̈ቲሲኔ።
ዎቲናካር ኔ̈ኒ ዎይ ባዝባራ ኔ̈ና ና̈ጋቤ፤ ሜ̈ታ ጋርታ ጋርዣቤ፤ ዎጛላ ኦ̈ሲን ኦ̈ቤ፤ ኔ̈ብ ኢሚንቲ̇ኖ ኦ̈ሲን ኦ̈ ፎታቤ።
ኑ ሚሺን ኣፊ̈ባ፥ ኑ̈ባራ ዎልኣ ክርስቶ̈ሳብ ዎታ̇̈ዳራ ማ̈ቂ̇ኖ ኣኪ̇ርጳ̈ኬ ኔ ኣ̈ሊን ጋርታ̇ ሺቂ̇ዚ ኣማ̇ኒኖ ኣሳን ዎይ፥
ዪንቲ ጎዳ ኣማ̇ኒኖፖ ዓኒ ዎይሊን ሜታ ኤካ̇ሪ ጋርዣባር ኣ̈ኖ ዪን ሚኖ ኬላ̇ን ቆፒ̇ብቴ።
ኢ ካ̈ታ̈ ጎይሊምቦ ኢ̈ጫካ̇ይዶር ጊብጻ ጋዳ̇ፖ ኬስኪ̇ኖንዳ ኣማ̇ናባራ፤ ኣ̈ፍባር ቤንቲ̇ባ̈ሶ ጾ̈ሳ̇ ኣፍባር ቤቂ̇ኖዲፌ̈ን ማ̈ቃ̇ሪ ፌ ቆፊን ጋልዳ ሚ̈ጛር ኤቂ̇ዴ።
ኣብራሃ̈ሚ ጋርዣባር ና̈ጋሪ ጾ̈ሲ ኢ̈ብ ኢማ̇ንዳ ጌይኖ ታስፊን ዲጚዴ።
ሜታ ጋርታ ሚ̈ጜጌይንዶ ጾ̈ሳ̇̇ ፌ̈ና ዶሲዝ ኣሳንቦ ኢማ̇ንዳ ጌይኖ ሼምፓ ኣኪሊ̈ላ ሺሊ̇ማ̈ቲን ዲጚ̈ዛኮታ̇ቦ ሜታ ኢያ ዬላ̇ዚምባር ዳንዳኣር ኣ̈ዝ ኣሲ ኣንጂንቲኖ̈ዳ።
