2 ጢማ̈ 2:22 - ኦራ ጫ̈ቃ ማጻ̈ፋ

²² ናኢቲ ኢ̈ታ ኢኒ̇ን ጋልዳፖ̇ ጎታ̇ቤ፤ ጌ̈ሻ ቡ̈ዳባራ ጎዳ ጼይጊዝ ኣሳንባራ ማቃራ ጺሊቲ፣ ኣማ̇ና፣ ካንኬ ሳሪቲ ጎይን ዬቤ።

2 ጢማ̈ 2:22 ပူးပေါင်းရင်းမြစ်များ

ሃዋ̈ራታን ኦ̈ሳ 7:59

ኣሳን ኢስጣፋ̈ኖ̈ሳ ቆጻ̇ምባራ ኢ “ጎዳ̇ ዬሱ̈ሶ! ቴ ሼምፒ̇ን ኔ̈ክ ኤካ̇ቤ!” ጋ̈ሪ ዎ̈ሲ̇ዴ።

ሃዋ̈ራታን ኦ̈ሳ 9:14

ኢ ኔ ሱ̈ምን ጼይጊዛን ቃቻ̇ንዳብ ቄ̈ሳ ኣላቃን ጋልዳ̇ፖ̇ ሲልጣ̈ና ኤካ̇ሪ ዬይኔ” ጌይዴ።

ሮሜ 14:17

ጾ̈ሳ̇ ካ̈ቲቲንዳ ጌ̈ሻ ኣያ̈ናባራ ቤንቲ̇ዝ ጺሊ̇ቲባዝ፥ ሳሪቲ ባዝኬ ኡፋይስባዝዶ̈ኬ ሙ̈ንትባዝኬ ኡሽ̇ ባዝ ጊዳካ̇ዬ።

ሮሜ 14:19

ዪዚ ኑ̈ቦ ሳሪቲ ቤ̈ንቲዝ ጎ̈ይንዲኬ ኑ ዎል ዎልኣ ኑ ኣማ̇ኒን ሚንዝ ጎ̈ይ ሚ̈ጛር ኮዪስቶ̇።

1 ቆሮ 1:10

ቴ ኢሺንታ̇ን! “ፋጊቲ ዪንታ̇ ጊዳ̇ ዶኣፖ̇፤ ዪንቲ̇ ዎይን ዎልኣ ፔቲ̇ ቡ̈ዳባርኬ ፔቲ̇ ቆፊባር ሚጛር ዶኢብቴ” ጋ̈ራ ኑ ጎዳ̇ ዬሱ̈ስ ክርስቶ̈ሳ ሱምምባር ቴ ዪንታ̇ ጌሻ̈ሬ።

1 ቆሮ 1:2

ቆሮንቶ̈ሳ ካታማ ጋርታ ዎ ጾ̈ሳ̇̇ ዎ̈ሳ ኬ̈ንቦ፥ ዬሱ̈ስ ክርስቶ̈ሳባር ዎል ፔታ̇ን ማ̈ቃ̇ምፔ̈ኒ ጾ̈ሲ̇ ዪንታ̇ ቆሪ ኬሲ̇ኖንኬ ጺላ̇ ማ̈ቃምፔ̈ን ጼይጊኖንቦ፥ ማ ዪና̇ ኢዝፌ̈ን ዱማ ዱማ ቤሳ̇ ጋል̇ዳ ኢንታ̇ብኬ ኑ̈ቦ ጎድ ማ̈ቂ̇̈ኖ ኑ ጎዳ ዬሱ̈ስ ክሪስቶ̇̈ሳ ሱምን ጼይጊዛን ዎይንቦ፥

1 ቆሮ 10:14

ዪ̈ዚ ታ ላጋ̇ን! ኤ̈ቃብ ጎይናዚን ጋልዳፖ ጎቲ̇ብቴ̇።

1 ቆሮ 14:1

ዪዚ ዪንቲ̇ ካን ጎይ ዬብቴ። ማ ጌ̈ሻ ኣያ̇ና ዪንታ̇̇ብ ኢማ̇ዝ ኪልሲን ሚ̈ጛር ኮዪብቴ̇፤ ዎይ ኪልሳን ጋርታ̇ፖ ሺሻሪ ካ̈ያ ካ̈ዪዝ ኪልሲን ጾ̈ሲ̇ ዪንታ̇ብ ኢማ̇ምፔ̈ኒ ሚ̈ጛር ጌሺብቴ̇።

1 ቆሮ 6:18

ዪ̈ኮታ̇ቦ ዪንቲ ኦሎላ ጋዳ̇ዚን ጋልዳፖ̇ ጎቲ̇ብቴ̇። ኣሲ ኦ̈ዝ ሜላ ናጋራ ዎይ ኣሳ ጋ̈ሊምፖ̇ ዛ̈ና ዎ ባዜ፤ ኦሎ̇ላ ጋዲ̇ዝ ኣሲ ፌ ጋል̇ ጌ̈ቲን ጋልዳ ናጋራ ኦ̈ኔ።

1 ጢማ̈ 1:14

ኑ ጾ̈ሳ̇̇̈ዲ ዬሱ̈ስ ክርስቶ̈ሳባራ ኑዪ ማ̈ቂ̇ኖ ኣማ̇ኒንዲኬ ካንንዶ ፌ ኮሺቲምባር ዎልኣ ታ̈ቦ ሺሻር ኢሚ̇ዴ።

1 ጢማ̈ 1:5

ዓና ኪ̈ቲን ቆፊንዳ ኪን ቡ̈ዳ ጋርታፖ፥ ኮሽ ቆፊ ጋልዳፔኬ ኪን ኣማ̈ና ጋልዳፖ ቤንቲ̇ዝ ካ̈ንንዶ።

1 ጢማ̈ 2:8

ዪዚ ዎይ ቤስ̇ ዎ ኣቲናን ጎይልኬ ዋኬ ኣሻ̇ሪ ፌ ኩሺን ናጋራ ጋልዳፖ ጌ̈ሻ̇ሪ ፉዳ ጾ̈ሳ̇̇̈ክ ዲንር ዎሳምፔ̈ን ኮያ̈ሬ።

1 ጢማ̈ 4:12

ኔ̈ና ናኤ ጌዪ ኦናካር ሌቃ̈ፖጋ̈ቤ፤ ዎቲናካሬ ኔ̈ኒ ኣማ̇ኒዝ ኣሳን ዎይንቦ ኔ ሶ̈ሊዝ ሶ̈ላባራ፥ ካንባራ፥ ኣማ̇ናባራ፥ ጌ̈ሺቲባርኬ ኮሽ ኦ̈ሳባራ ኢንታ̇ብ ሚሳ̇̈ሊ ማ̈ቃ̇ር ቤንታ̇ቤ።

1 ጢማ̈ 6:11

ዪዚ ኔ̈ኒ ጾ̈ሳ̇ ኣሳ̈ዶ! ኔ̈ኒ ዪንፌ̈ኖ ባዛን ጋልዳፖ ጎታ̇ቤ፤ ኔ̈ኒ ጺሊ̇ቲ ጎይን፣ ጾ̈ሳ̇ ማይጻር ዶኣዚን፣ ኣማ̇ና ጎይን፣ ካን ጎይን፣ ዳንዳኣባር ሚ̈ጛዚንዴኬ ኣሽኪቲባራ ዶኣ̈ዚን ኮያቤ።

ኢብ 12:14

ጌ̈ሺቲ ባይ ማ̈ቄጌይን ኦ̈ናካር ጎዳ ቤቃ̇ንዳብ ዳንዳኢባሶኮታ̇ቦ ኣስ ዎይባር ሳሪቲባር ዶኢብቴ፤ ጌ̈ሺቲባር ዶኣንዳቦ ሚ̈ጚብቴ።

1 ጴጥ 2:11

ቴ ላጋ̇ን! ዪንቲ ዓኒ̇ ኣላሚን ጋልዳ ዛቃ̇ኬ ቤት ማ̈ቂ̇ኖኮታቦ ዪንታ̇ ሼምፒ̇ን ኦላዝ ናጋራ ኢኒ̇ን ጋልዳፖ ጎታ̇ምፔ̈ን ቴ ዪንታ̇ ጌሻ̇̈ሬ።

1 ጴጥ 3:11

ኢ̈ት ባ̈ዝ ጋልዳፖ̇ ጎቶ̇፤ ኮሽ ባዝ ኦ̈ጋ̈ቤ፤ ሳሪቲ ኮዮ፤ ሳሪቲ ዎሂን ዬጋ̈ቤ፤

3 ዋ̈ኒ̇ 1:11

ቴ ላጋ̇̈ዶ! ኮሽ ኦ̈ዛን ማይጻብዶኬ ኢ̈ት ኦ̈ዛን ማይጻፔ̇። ኮሽ ኦ̈ዛን ጾ̈ሳ̇ ኣሴ፤ ኢ̈ት ኦ̈ዝ ኣሲ ጾ̈ሳ̇ ቤቃካ̇ዬ።