2 ጢማ̈ 2:21 - ኦራ ጫ̈ቃ ማጻ̈ፋ

²¹ ዪዚ ኣሲ ኦ̈ናካሬ ቴ ዪን ጌይኖ ኢ̈ታ ባዛን ጋልዳፖ ፌ̈ና ጌ̈ሼጌይንዶ ቦንቺንቲ̇ኖ ኦ̈ሳቦ ፌ̈ሽኪዝ፥ ጌ̈ሽ ማ̈ቂ̇ኖ ፌ ጎዳ̈ብ ማ̈ዲ̇ዝ ኮሻ ኦ̈ሳብ ዎይ ጊ̈ጊንቲ̇ኖ ኢቃ ማ̈ቂ̇̈ሬ።

2 ጢማ̈ 2:21 ပူးပေါင်းရင်းမြစ်များ

ሃዋ̈ራታን ኦ̈ሳ 9:15

ጎዳ̈ዳሬ ኢ̈ኮ “ሉካ̇ቤ! ዪ ና̈ሳ̈ዲ ቴ ሱምን ኣይሁድ ባዮ̇ ኣሳንኬ ካ̈ቲንታ̇ን ቲ̈ን ማ ኢስሬ̈ላ ዎርዣ ቲ̈ን ዎይ ኤርሲዛ ታ̈ብ ማራጺ̇ንቲ̇ኖ ቴ ሚ̈ሻ̇ ኢያ።

1 ቆሮ 5:7

ዪንቲ̇ ዓት ኢርሻ ዪንታ̇ ጋርታ ባዪስ ኮሽ̇ ዎንዲፌ̈ኒ ኢርሻ ኢዝ ጋርታ̇ ሚሻካ̇ዮ ቢርት ሙኑቂኖ ሙኑቃፌ̈ኒ ማ̈ቃ̇ንዳቦ ጋምኢኖ ኢርሺን ፋይብቴ። ኣባ ጌይን ኑ ፋሲጋ ዶራ ዬሱ̈ሲ ኑ̈ብ ሹኪንቲ̇ኔ።

2 ቆሮ 7:1

ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።

2 ቆሮ 9:8

ዎይ ጋላስ ዎይ ባዝባር ዪንቲ̇ ዪንታ̇̇ብ ኮሻ̇ዝ ባዚን ዲጛሪ ማ ዪንታ̇ፖ ሺን ሜላንቦ ኮሻ ኦ̈ሳ ኦ̈ንዳብ ዳንዳኣምፔ̈ኒ ጾ̈ሲ ኣንጃ ዎይ ዪንታ̇ብ ኢማ̇ንዳብ ዳንዳኢሬ።

ኤፍ 2:10

ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

1 ጢማ̈ 6:11

ዪዚ ኔ̈ኒ ጾ̈ሳ̇ ኣሳ̈ዶ! ኔ̈ኒ ዪንፌ̈ኖ ባዛን ጋልዳፖ ጎታ̇ቤ፤ ኔ̈ኒ ጺሊ̇ቲ ጎይን፣ ጾ̈ሳ̇ ማይጻር ዶኣዚን፣ ኣማ̇ና ጎይን፣ ካን ጎይን፣ ዳንዳኣባር ሚ̈ጛዚንዴኬ ኣሽኪቲባራ ዶኣ̈ዚን ኮያቤ።

2 ጢማ̈ 2:16

ጾ̈ሳ̇ ቦንቺሺባ̈ሶ ፋባ̈ሶ ሶ̈ላ ጋልዳፖ ጎታ̇ቤ፤ ዪንፌ̈ኖ ፋባ̈ሶ ሶ̈ላን ጾ̈ሳ̇ ጋልዳፖ ኤሳ ኣስ ጎቲ̇ሲ̈ሬ።

2 ጢማ̈ 2:20

ዱራ ኣሳ ኣ̈ል ጋርታ ዎርቃ̇ባርኬ ቢራባር ኮቺ̇ንቲኖ ኢቃሙታ̇ ጊዳካ̇ይዶን ሚባርኬ ቶቅላባር ኮቺ̇ኖ ኢቃር ዎ፤ ዪን ኢቃን ጋርታ̇ፖ ዶካ̇ን ቦንቺ̇ንቲኖ ኦ̈ሳብ ፌ̈ሽኪ̇ን ዶካን ቦንቺ ባዮ̇ ኦ̈ሳብ ፌ̈ሽኪ̇̈ሬ።

2 ጢማ̈ 3:17

ዪና̇ሬ ጾ̈ሳ̇ ኣማ̇ኒኖ ኣሲ ኮሻ ኦ̈ሳ ዎይቦ ታማ̈ራር ጊ̈ጊንቲ̇ኖ ማ̈ቃ̇ምፔ̈ኒዬ።

2 ጢማ̈ 4:11

ታባር ሉቃ̈ሲ ሙታ̇ ዎ፤ ማ̈ርቆ̈ሳ ቴ ኦ̈ዝ ኦ̈ሲምቦ ታ̈ብ ኮሺ̇ዝ ኣስ ማ̈ቂ̇ኖኮታ̇ቦ ኔባር ኢያ ኮያር ታ̈ብ ኤካ̇ ዬ̈ቤ።

ቲ̈ታ̇ 3:1

ኣሲ ዎይ ጋዣንቤኬ ሲልጣ̈ና ዎ ኣሳንቦ ዪርክ ጋ̈ር ኪ̈ቲንታ̇ምፔ̈ንኬ ኮሽ̇ ኦ̈ሳ ዎይ ኦ̈ንዳቦ ጊ̈ጊንቲ̇ኖ ኣስ ማ̈ቃ̇ምፔ̈ኒ ኢንታ̇ ዞራቤ።

ቲ̈ታ̇ 3:14

ኣማ̇ኒኖ ኑ ኣሳንሬ ማ ሜላ̇ ዓሪ ማ̈ዲባ̈ሶ ኣስ ማ̈ቃ̇ር ኣታካ̇ዮዲፌ̈ኒን ኣሳብ ኮሺ̇ዝ ባዝ ዎይ ዲጛንዳቦ ኮሻ̇ ኦ̈ሳ ሚ̈ጛር ኦ̈ዚን ታማ̈ሮጋ̈ቤ።

ቲ̈ታ̇ 3:8

ዪና̇ ኣማ̇ኒንቲ̇ኖ ሶ̈ላ። ጾ̈ሳ̇̇̈ ኣማ̇ኒኖ ኣሳን ኮሽ̇ ኦ̈ሳቦ ሚ̈ጛምፔ̈ኒ ዪን ባዛን ጌ̈ዚንር ኔ ኢንታ̇ብ ሶ̈ላምፔ̈ኒ ቴ ኮያ̇̈ሬ፤ ዪና̇ ዎይ ኣሳቦ ማ̈ዲ̇ዝ ኮሽ̇ ባዜ።

1 ጴጥ 1:22

ዪንታ̇ ኢሺንታ̇ንቦ ኪን ካን ዶኣምፔ̈ኒ ዪንቲ̇ ኪንንቦ ኪ̈ቲንቲ̇ሙታ ዪንታ̇ ሼምፒ̇ን ጌ̈ሺ̇ኔ፤ ዪ̈ኮታ̇ቦ ዎል ዎልኣ ቡ̈ዳፖ ካንቲ̇ብቴ።

1 ጴጥ 1:7

ዪኒ̇ፌ̈ኖ ፋታና ዪንታ̇ ዬላ̇ዚንዳ ዪንታ̇ ኣማ̇ኒን ኪን ማ̈ቂ̇ኖን ኤራንዳቦ፤ ሜላ ኣቲ̇ን ዪዝ ዎርቆ ዎርቃ ማ̈ቂ̇ኖን ኤሪንታ̇ዚንዳ ታማባር ባያ̇? ዎርቃ̇ፖ ሺዝ ዪንታ̇ ኣማ̇ኒንዳ ዪና̇ ኢዝፌ̈ኒ ፋታ̇ኒንታ̇ንዳብ ኮሻ̇̈ሬ፤ ዪና̇ ፋታ̇ኒንቲ̇ኖ ዪንታ̇ ኣማ̇ኒንኮታ̇ ዬሱ̈ስ ክርስቶ̈ሲ ዬይዝ ጋላስ ዪንቲ̇ ኣንጃኬ ቦ̈ንችኬ ዲጚ̈ሬ።

1 ዋ̈ኒ̇ 3:3

ዪና̇ ማ̈ቃ̇̈ሬ ጌዪ ክርስቶ̈ሳ ጋልዳ ታስፋ ጋዲ̇ዝ ኣሲ ዎይ ክርስቶ̈ሲ ጌ̈ሽ ማ̈ቂ̇ኖንዲፌ̈ኒ ኢያር ኢታ ባዝ ጋልዳፖ ፌ̈ና ጌ̈ሺ̇̈ሬ።