2 ጢማ̈ 2:12 - ኦራ ጫ̈ቃ ማጻ̈ፋ

¹² ኑ̈ኒ ጋርዣር ኢባር ሚ̈ጜጌይን፥ ኢባር ዎልኣ ካውቲ̈ሬ። ኑ ኢያ ካ̈ዴጌይንዶ ኢያር ማ ኑ̈ና ካ̈̈ዲ̈ሬ።

2 ጢማ̈ 2:12 ပူးပေါင်းရင်းမြစ်များ

ማ̈ቶ̈ሳ 10:33

ኣሳ ቲ̈ን “ቴ ኢያ ኤራባሴ” ጌይዛ ታ̈ናር ኣፋ ዎ ቴ ባ̈ባ̈ ቲ̈ን “ቴ ኢያ ኤራባሴ” ጋ̈ሬ።

ማ̈ቶ̈ሳ 26:35

ጴ̈ጥሮ̈ሲ ኢ̈ኮ “ቴ ኔባር ሜላ ኣቲ̇ን ዓይቂ̇ዝ ባዝ ማ̈ቄጌይናር ዓይቃ̇̈ርዶኬ ኣባካር ጌይን ቴ ኔ̈ና ካ̈ዳባሴ!” ጌይዴ። ኣቲ̇ኖ ኢ ታማ̈ራንር ዎይ ዪኖ̇ ኢ ጌይኖንዲፌ̈ን ጌንት ኤ̈̇ዴ።

ማ̈ቶ̈ሳ 26:75

ጴ̈ጥሮ̈ሳሬ ዬሱ̈ሲ ኢ̈ኮ “ኩቶ ኦ̈ላ̇ካ̇ይዶ̈ን ዓይዚ̇ ቶህ ኔ ታ̈ና ካ̈ዳዝዳ” ጌይኖን ኢ̈ክ ኤልቅ ጋ̈ዴ። ኢናፖ̇ ዛ̈ና ኬ̈ስካ̇ሪ ሲክ̇ ሲክ̇ ጌዪ ዬ̈ኪ̇ዴ።

ማ̈ርቆ̈ሳ 10:33

“ኑ̈ኒ ዓት ዬሩሳ̈ላም ሉኪ̇̈ሬ ታ̈ና ኣሳ ናኣ ኣሳን ቄ̈ሳ ኣላቃንብኬ ሙ̈ሳ ሂጋ̇ ታማ̈ርሲዛንቦ ኣ̈ ኢሚ̇ሬ። ኢንታ̇ሬ ታ ጋልዳ ዓይቃ ፊርዳ ፊርዲ̈ሬ። ታ̈ና ኣይሁድ ዜር ማ̈ቃካ̇ዮ ኣሳንቦ ኣ̈ ኢሚ̇̈ሬ።

ማ̈ርቆ̈ሳ 8:38

ዓ ጾ̈ሳ̇̇ ጎይን ዬ̇ንዳ̇ብ ኮዪባ̈ሶ፥ ናጋራንቻ̇ ዓቶ̇ ኣሳ ቲ̈ን ታ ሱ̈ምን ጼይጊ̈ንታምባርኬ ታ ቃ̈ሊን ሶ̈ሊንታምባራ ዬ̈ልቂዝ ኣሲ ዎይ፥ ታ ኣሳ ናኣ̈ዲ ታ ባ̈ባ ቦንቻ̇ ባርኬ፥ ጌ̈ሻ ኪ̈ታንቻንባር ዬ̈ርዶ̈ር ቴ ኢያ ቤቃ̇ር ዬ̈ልቃ̇̈ሬ!” ጌይዴ።

ሉቃ̈ሳ 12:9

“ኣሳ ቲ̈ን ታ̈ና ‘ቴ ኢያ ኤራባሴ’ ጌይኖ̈ዳ ጾ̈ሳ̇̇ ኪታንቻ̇ን ቲ̈ን ‘ቴ ኢያ ኤራባሴ’ ጋ̈ሬ።

ሉቃ̈ሳ 22:29

ቴ ባ̈ባ ታ̈ና ሹ̈ሚኖንዲፌ̈ኒ ቴ ዪንታ̇ ቴ ካ̈ቲቲን ጋልዳ ሹ̈ማ̈ሬ።

ሉቃ̈ሳ 22:30

ዪና̇ሬ ዪንቲ̇ ቴ ካ̈ቲቲን ጋርታ̇ ዶኣር ሞ̈ንፔ̈ንኬ ኡሽካምፔ̈ኒ ማ ዙፋ̈ና ጋልዳ ዶኣሪ ታጶ̇ ናምኢ ኢስሬ̈ላ ኮ̈ራን ጋልዳ̇ ፊርዳምፔ̈ኔ” ጌይዴ።

ሉቃ̈ሳ 9:26

ታባርኬ ታ ቃ̈ሊንባራ ዬልቂ̇ዛ ኦ̈ናካር ማ̈ቂ̇ን ታ̈ኒ ኣሳ ናኣ̈ዲ ቴ ቦንችባራ፣ ጾ̈ሳ̇̇ ባ̈ባ ቦንች ባርኬ ጌ̈ሻ̇ ኪ̈ታንቻ̇ን ቦንችባር ዬ̈ርዶራ ‘ዪ ና̈ሳ ታ ኣስ ባዬ’ ጋ̈ሬ።

ሃዋ̈ራታን ኦ̈ሳ 14:22

ኣማ̇ኒኖ ኣሳን ጎዳ̈ባራ ሚ̈ጛምፔንኬ ኢንቲ ፌ ኣማ̇ኒኖ ኣማ̇ኒንባር ሚ̈ጛር ዶኣምፔ̈ን ኢንታ ሚ̈ን ዞሪ ዎታሪ “ኑ̈ኒ ጾ̈ሳ̇ ካ̈ቲቲን ጋርታ ጌላንዳ̇ቦ ዎይሊን ሜታ ጋማር ኣ̈ንዳቦ ኮሺሬ” ጋ̈ር ኢንታ ታማ̈ርሲዴ።

ሮሜ 5:17

ፔቲ̇ ኣሲ ኦ̈ኖ ናጋራጊሽ ዓይቃ ኣስ ዎይ ጋልዳ ካውቴጌይን፤ ጾ̈ሳ̇̇̈ኮን ጊዳር ሺኖ ካንንዲኬ ኪልሲን ኤካ̇ሪ ጺሊ̇ኖን ዎይ ፔቲ̇ ና̈ሳ ዬሱ̈ስ ክርስቶ̈ሳ ጎይባራ ሼምፓባር ሺ ዶኢ̈ ካውቲ̈ሬ።

ሮሜ 8:17

ዪዚ ኑ̈ኒ ጾ̈ሳ̇ ናኢ ማ̈ቄ̇ጌዪን ጾ̈ሳ̇̇̈ቦ ዎን ኑ̈ናር ኤኪ̈ሬ፤ ክርስቶ̈ሳባር ዎልኣ ኤኪ̇ሬ፤ ዓት ኑ̈ኒ ክርስቶ̈ሲ ኤኪ̇ዝ ሜቲን ኤኪ̇ዛን ማ̈ቄጌይን ዎሃ ኢ ቦንቺ̇ንዳር ኤኪ̇ዛን ማ̈ቂ̇̈ሬ።

ፊል 1:28

ዪንቲ ዪንታ̇ ታቆ̈ሚዛንቦ ኢ̈ጫፒ̇ቴ፤ ዪና̇ ኢንቲ ያዚንዶ ማ ዪንቲ̇ ጾ̈ሳ̇ባር ማ̈ቃ̇ር ፋጻዚንዶ ኤርሲዝ ማላ̇።

1 ጢማ̈ 5:8

ፌ ዳባ̇ንቦ ማ ዎይፖ ሺ ፌ ኣ̈ሎ ኣሳንቦ ቆፒ̇ባሶ ኣሲ ፌ ኣማ̇ኒን ኣሺ̇ኖ ኣሴ፤ ማ ዉርሲ ኣማ̇ናካ̇ዮ ኣሳፓር ሺ ኢ̈ት ኣሴ።

ዪሁ 1:4

ኣባ ጌይን ፔቲ̇ ፔቲ̇ ኣሳን ኤሪንታካ̇ይ ዪንታ̇ ጊዳ̇ ጌሊኔ፤ ዪን ኣሳን ኑ ጾ̈ሳ̇ ኮሺቲንዶ ኢ̈ት ናጋራ ኢና̇ባር ላሚ̇ሙታ ጾ̈ሳ̇ቦ ጎሽቲ̇ባ̈ሶ ኣሴ፤ ኢንቲ̇ ኑ ካ̈ታ ኑ ጎዳ ዬሱ̈ስ ክርስቶ̈ሳ ካ̈ዲ̈ሬ፤ ዎቲናካሬ ኢንታ ጋልዳ ዬላ̇ዝ ፊርዲንዳ ዎይሊን ላ̈ይፖ ቲ̈ን ጻ̈ፊንታ̇ር ዎ።

ሳጻ 1:6

ጾ̈ሳ̇ ኢ ባ̈ባ̈ቦ ኦ̈ምፔ̈ን ኑ̈ና ካ̈ቲንታ̇ኬ ቄ̈ሳክ ማሂኖ ዬ̈ሱ̈ስ ክርስቶ̈ሳብ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።

ሳጻ 1:9

ዬሱ̈ሲ ጋርዢኖ ጋርዢን፥ ኢ ኤኪ̇ኖ ሜቲንዲኬ ኢ ካ̈ቲቲንዶ ዪንታ̇ባር ዎልኣ ኤኪ̇ዛ ቴ ዪንታ̇ ኢሻ ዋ̈ኒሲ ጾ̈ሳ̇̈ ቃ̈ሊን ጊሻ̇ብኬ ዬሱ̈ሳብ ማርኪቲኖኮታ̇ቦ ቃሺ ኣስፌ̈ን ማ̈ሳሪ ፊጥማ ጋ̈ዝ ዴሴቲን ጋልዳ ታ̈ና ኤ̈ጚን ቴ ኢና ዎዶን፤

ሳጻ 2:13

ኔ̈ኒ ሴ̈ይጣና ዶኣዝ ቤሲ̇ን ዋ̈ኒ̇ን ጋርታ̇ ዎን ቴ ኤራ̈ሬ፤ ማ̈ቂናካሬ ቴ ሱምን ኔ̈ኒ ሚ̈ን ኤ̈ኔ፤ ኔ ታ̈ና ኣማ̇ናዚን ኣሻካ̇ዬ፤ ታ̈ቦ ኣማ̇ኒንቲ̇ኖ ማርካ ማ̈ቂ̇ኖ ኣንቲጳሳ ጌይዛ̈ዲ ዪንታ̇ ካታሚን ሴ̈ጣና ኢና ዶኣዚን ጋርታ ኣሳን ኢያ ዎኖ ኬሊ̇ንባራር ኔ ታ̈ና ኣማ̇ናዚን ኣሻ̇ካዬ።

ሳጻ 20:4

ዪኒ̇ፖ ዎሃ ዙፋ̈ናን ቤቃ̇ዴ፤ ዪን ዙፋ̈ናን ጋልዳ ፊርዲዝ ሲልጣ̇̈ና ኢንታ̇ብ ኢሚ̇ንቲኖን ዶኢንዶ̈ን ቤቃ̇ዴ፤ ዬሱ̈ሳባዝ ኢንቲ̇ ሶ̈ሊኖኮታ̇ብኬ ጾ̈ሳ̇ ቃ̈ላ ማርኪቲኖኮታ̇ቦ ኢንታ ቆ ቃጺንቲ̇ኖ ኣሳን ሼምፓን ቴ ቤቃ̇ዴ፤ ኢንቲ ማ̈ታ ባዛ̈ብኬ ኢ ሚሲላ̈ቦ ሞ̈ኪንታካ̇ዮን፥ ኢ ማሊ̇ንዳር ፌ ዴ̈ሚን ጋልዳር ማ̈ቆ̇ ፌ ኩሽታ ኤካካ̇ዮን፤ ኢንቲ̇ ዓይቃ ጋርታ̇ፖ ዲንዳ̇ሪ ክርስቶ̈ሳባራ ሙኩላ ላይ ካዉቲዴ።

ሳጻ 20:6

ቲ̈ኖ ዲንዲንባር ዲንዲኖን ጌ̈ሻ̇̈ንኬ ኣንጂ̇ንቲ̇ኖንሴ፤ ናምኢ ዓይቂን ኢንታ ዬላ̇ንዳብ ዳንዳኣባሴ፤ ኢንቲ ጾ̈ሳ̇ባኬ ክርስቶ̈ሳቦ ቄ̈ሳ ማ̈ቂ̇ሬ፤ ማ ክርስቶ̈ሳባራ ሙኩላ ላይ ካዉቲ̈ሬ።

ሳጻ 3:10

ኔ̈ኒ ጋርዢዝ ኣስ ማ̈ቃ̇ቤ ጋ̈ራ ቴ ኔ̈ብ ሶ̈ሊኖ ታ ቃ̈ሊን ና̈ጊኖኮታቦ ታ̈ናሬ ሳ̈ዝ ጋልዳ ዶኢዛን ፋታ̇ናንዳቦ ኣላሚን ዎይን ጋልዳ ዬ̈ዝ ሜታ ኬሊ̇ን ጋልዳፖ ቴ ኔ̈ና ና̈ጋንዳ።

ሳጻ 3:21

ታ̈ኒ ታ ጻላ̈ታን ጋማራ ታ ባ̈ባ̈ባር ዎልኣ ዶኢኖንዲፌ̈ኒ ጋሚኖ ኣሲ ቴ ዙፋ̈ኒን ጋልዳ ቴባር ዎልኣ ዶ̈ኣምፔን ዎታንዳ።

ሳጻ 3:8

ቴ ኔ ኦ̈ሲን ኤራ̈ሬ፤ ቤቃቤ! ኦ̈ናካር ዪብጻ̇ንዳብ ዳንዳኢባ̈ሶ ፊርቂቲ̇ኖ ካራ ኔ ቲ̈ን ጋዲ̇ኔ፤ ኔ ዎልቂን ጊላ̇ ማ̈ቂ̇ኖን ቴ ኤራ̈ሬ፤ ማ̈ቂ̇ናካሬ ኔ̈ኒ ታ ቃ̈ሊን ና̈ጊኔ፤ ታ̈ና ካ̈ዳካ̇ዬ።

ሳጻ 5:10

ኔ ኢንታ ኑ ጾ̈ሳ̇̇̈ቦ ኦ̈ምፔ̈ኒ ካ̈ቲንታኬ ቄ̈ሳኬ፥ ማ̈ቃ̇ምፔ̈ን ዎታዴ፤ ኢንቲ ሳ̈ዝ ጋልዳ ካዉቲ̈ሬ” ዪዝ ጌዪ ዬጺ̇ዴ።