1 ዪዚ ቴ ናኣ̈ዶ! ኔ̈ኒ ዬሱ̈ስ ክርስቶ̈ሲ ኔ̈ብ ኢማ̇ዝ ዎልቂንባራ ሚ̈ጛቤ።
ባርኪ̇ብቴ፤ ዪንታ̇ ኣማ̇ኒንባር ሚ̈ጛር ኤቂ̇ብቴ፤ ሚ̈ጚብቴ።
ዪዚ ዉርሲ ጋልዳ ቴ ዪንታ̇ክ ጋ̈ዚንዳ፥ ዪንታ̇ብ ጎዳባራ ዎ ፔቲ̇ቲ̇ንባርኬ ዪንቲ ኢ ጋልዳፖ̇ ዲጚዝ ጴች ዎልቂንባራ ሚ̈ጚብቴ̇።
ዎልቃ ታ̈ብ ኢሚ̇̈ዛ ክርስቶ̈ስባራ ዎይ ባዝ ኦ̈ንዳቦ ዳንዳኣ̈ሬ።
ታ ናኣ ጢማ̈ቶሶ! ዓኒፖ ቲ̈ን ኔኮታ̇ ካ̈ያባር ኔ̈ቦ ሶ̈ሊንቲ̇ኖንዲፌ̈ኒ ዓና̇ ኪ̈ቲን ቴ ኔ̈ቦ ዓዳራ ኢማ̇̈ሬ፤ ዪና̇ሬ ኔ̈ብ ጌዪንቲ̇ኖንዲፌ̈ኒ ኮሻ̇ ኦሊን ኦላምፔ̈ኒዬ።
ዬሱ̈ስ ክርስቶ̈ስ ጎይባራ ቤንቲ̇ኖ ሼ̈ምፓ ታስፊንዲፌ̈ኒ ጾ̈ሳ̇ ቆፊፌ̈ን ዬሱ̈ስ ክርስቶ̈ሳቦ ሃዋ̈ራ ማ̈ቂ̇ኖ ታ ጳውሎ̈ሲ ቴ ካዝ ናኣ ጢማ̈ቶ̈ሳብ ሚሺኖ ኪ̈ታ፤ ጾ̈ሳ̇ ባ̈ባ ጋልዳፔኬ ዬሱ̈ስ ክርስቶ̈ሳ ጋልዳፖ ኢ ኮሺ̇ቲንዳ ማ̈ሪቲንዲኬ ሳርቲን ኔ̈ብ ማ̈ቆ̇።
ኣባ ጌይን ጾ̈ሳ̇ ኑ̈ብ ኢሚ̇ኖ ኣያ̇ና̈ዲ ዎልቃ፥ ካንኬ ኣሲ ፌ̈ና ኢ̈ት ባዝ ጋልዳፖ ና̈ጋ̈ምፔ̈ን ዎቲዝ ኣያ̇ናዶኬ ኢ̈ች ኢጫ̇ምፔ̈ን ዎቲዝ ኣያ̇ና ጊዳካ̇ዬ።
ዪ̈ኮታ̇ቦ ኢንቲ ዬሱ̈ስ ክርስቶ̈ሳ ጎይባራ ቤንቲ̇ዝ ፋቲንዲኬ ሜናቦ ዶኣዝ ቦንቺ̇ን ዲጛ̈ምፔ̈ኒ ጾ̈ሳ̇ ማራ̇ጺኖ ኣሳንቦ ጋ̈ራ ታ̈ኒ ዎይ ባዝ ጋ̈ርዣ̈ሬ።
ዎቲናካሬ ጎዳ ፌ ኪ̈ቲን ዎይ ቴ ጎይባራ ኣይሁድ ዜር ማ̈ቃካዮ̈ን ዎይ ሲስካ̇ምፔ̈ኒ ታባር ማ̈ቃር ታ̈ና ሚ̇ን ኤሲ̇ዴ፤ ዞብ̇ ኖ̈ና ጋርታፖ ታ̈ና ቡ̈ቲሲዴ።
ዪኒ̇ፓ ኑ ጎዳ ኑ̈ና ፋዛ ዬሱ̈ስ ክርስቶ̈ሳ ኮሺ̇ቲንዲኬ ኢያ ኤሪሙታ ዪንባር ዲጪ̇ብቴ፤ ኢ̈ቦ ዓታ̇ር ማ̈ቂ̇ን ሜናብ ቦንች ማ̈ቆ̇! ኣሚንኤ።
