2 ጢማ̈ 1:5 - ኦራ ጫ̈ቃ ማጻ̈ፋ

⁵ ኔ ጋርታ ዎን ኪን ኣማ̇ኒን ታ̈ክ ኤልቅ ጋ̈ሬ፤ ዪኒ̇ፌ̈ኖ ኣማ̇ኒንዳ ቲ̈ን ኔ ኣ̈ኪ̇ን ሎ̈ይዲኬ ኔ ኢንዲን ኣዉ̈ንቃኮ ዎ፤ ማ ዪና̇ ኔ ጋርታር ዎን ቴ ኤራ̈ሬ።

2 ጢማ̈ 1:5 ပူးပေါင်းရင်းမြစ်များ

ዋ̈ኒ̇ሳ 1:47

ዬሱ̈ሲ ናቲኔ̈ሊ ኢ̈ክ ዬ̈ዚምባ̇ር ቤቃ̇ሪ “ቤቂ̇ብቴ̇! ማቃ ኤሪባ̈ሶ ኪን ኢስሬ̈ላ ኣስ ዓ̈ዲሼ!” ጋ̈ሪ ኢ ባዝ ሶ̈ሊዴ።

ሃዋ̈ራታን ኦ̈ሳ 16:1

ጳውሎ̈ሲ ዴርባኬ ሊስጢራ ካታማን ጋርታ̇ ሉኪ̇ዴ። ኢና ፔቲ̇ ጢማ̈ቶ̈ሳ ጌይዝ ኣማ̇ኒኖ ኣሲ ዎ። ጢማ̈ቶ̈ስ ኢንዲ̇ንዳ ኣይሁድ ዜርዶራ ኣማ̇ኒኖ ኣሴ፤ ኢ ባ̈ባ̈ዲ ግሪ̈ክ ጋዶ̇ ኣሴ።

ሃዋ̈ራታን ኦ̈ሳ 26:26

ቴ ዪና̇ ሶ̈ላዚንዶ ካ̈ታ̈ዲ ኤሪዛኮታ̇ቦ ቴ ኢ ቲ̈ን ኣባካር ኢ̈ጫካ̇ይዶር ፋል̇ ሶ̈ላ̈ሬ፤ ማ ጌ̈ማ ኦ̈ንቲ̇ኖ ባዚ ባዮ̇ኮታ̇ቦ ዪን ባዛን ጋርታፖ ፔቲ̇ ባዛር ካ̈ታቦ ጌሚቲኖ ባዚ ባዮ̇ን ቴ ኤራ̈ሬ።

ሮሜ 14:14

“ባዝ ዓና̇ ኣስ ቄሬ” ጌዪ ቆፒ̇ዝ ና̈ሳ̈ቦ ባዝ ኢዛ ኢያ ቄ̈ርዶኬ ፊ̈ሺ ፌ ቆማ̇ቦ ቄ ጊዳካ̇ዮን ታ̈ኒ ጎዳ ዬሱ̈ሳይ ማ̈ቂ̇ኖኮታ̇ቦ ዪኖ̇ ኮሺንቻ̇ ኤሪኔ።

ሮሜ 14:5

ዪና̇ ኢዝፌ̈ኒ “ፔቲ ቃሚ̇ንዳ ሜላ ቃሚ̇ንፖ̇ ሺ ቦንቺንቲ̇ኖ ቃሜ̇” ጌዪ ቆፒ̇ዝ ኣሲ ዶኢ̈ሬ፤ ማ ሜላ̈ዲ “ቃሚ̇ ዎይ ዎልፌ̈ንዶኬ ቃ̈ማን ጊዳ̇ ዱማ ማ̈ቂ̇ኖ ቃሚ̇ ባዬ” ጌዪ ቆፒ̈ሬ። ዪዚ ኣሲ ፌ ቡ̈ዳ ጋርታ̇ ዎንዲፌ̈ኒ ኦ̈ጋ̈ቤ።

ሮሜ 15:14

ቴ ኢሺንታን! ዪንቲ ኮሺ̇ቲባርኬ ኤራባር ኩሚኖ ኣስ ማ̈ቂኖንዲኬ ዎልዎልኣ ዞራንዳ̇ቦ ዳንዳ̇ኢዛ ማ̈ቂ̇ኖን ኪንባር ቴ ኤሪኔ።

ሮሜ 4:21

ጾ̈ሲ ፌ ኢሚ̇ኖ ታስፋ ቃ̈ሊንዶ ፎቲዛ ማ̈ቂ̇ኖንዶ ኢ ኪን ቡዳፖ ኣማ̇ኒኔ።

ሮሜ 8:38

ዪ̈ኮታ̇ቦ ዓይቃር ማ̈ቆ̇፣ ሼምፓባር ዶኣዚንዳር ማ̈ቆ̇፣ ኣፎ ኪ̈ታንቻ̇ንር ማ̈ቆ̇፣ ኢ̈ታ ኣያ̇ናንር ማ̈ቆ̇፣ ዓት ዎዳር ማ̈ቆ̇፣ ቢርት ጊዳክ ዬይዛ̈ዳር ማ̈ቆ̇፣ ዎልቃባሮ ባዛንር ማ̈ቆ̇፣

2 ቆሮ 6:6

ማ ጌ̈ሺ̇ቲባራ፣ ኤራባራ፣ ጋርዣባራ፣ ኮሺ̇ቲባራ፣ ጌ̈ሻ̇ ኣያ̇ናባር ቲ̈ንቲ̇ሙታ̇ኬ ኪን ቡ̈ዳባር ካንባራ፥

1 ጢማ̈ 1:5

ዓና ኪ̈ቲን ቆፊንዳ ኪን ቡ̈ዳ ጋርታፖ፥ ኮሽ ቆፊ ጋልዳፔኬ ኪን ኣማ̈ና ጋልዳፖ ቤንቲ̇ዝ ካ̈ንንዶ።

1 ጢማ̈ 4:6

ኔ ዪና̇ ኪ̈ቲንዶ ኣማ̇ኒዝ ኣሳንቦ ኤርሴጌይንዶ ጾ̈ሳ̇ ቃ̈ላባርኬ ኔ ኤ̈ኖ ኮሽ ቲሚርቲ̇ንባራ ዲጪ̇ኖ ኣስ ማ̈ቃ̇ራ ዬሱ̈ስ ክርስቶ̈ሳብ ኮሽ ኦ̈ዝ ኣስ ማ̈ቃ̇̈ሬ።

2 ጢማ̈ 1:12

ታ ዓና̇ ሜቲን ኤካ̇ሙታ ዎንዳሬ ዪኒ ጊሻ̇ቦ፤ ዎቲናካሬ ታ ኦ̈ና ኣማ̇ኒኖኮ ኤሪዛኮታ̇ቦ ኢባር ዬ̈ልቃባሴ፤ ኢ ታ̈ቦ ኢሚ̇ኖ ዓዳሪንዶ ኢ ጌይኖ ቃሚ̇ን ዬሊ̇ዝ ዲራስ ና̈ጋንዳቦ ዳንዳኣዚን ቴ ኤሪኔ።

2 ጢማ̈ 3:15

ማ ኔ̈ኒ ናኢቲፖ ኤ̈ራ ዬሱ̈ስ ክርስቶ̈ሳ ኣማ̇ናር ፋጺዝ ጎይ ኤርሲዝ ቲሚርታ ኢሚ̇ዝ ጌ̈ሻ̇ ማጻ̈ፋን ኤሪኔ።

ኢብ 11:13

ዪን ዎይ ጾ̈ሲ ኢንታ̇ብ ኢማ̇ንዳ ጌይኖን ቤኣካ̇ይዶር ፌ ኣማ̇ኒን ና̈ጊኖንዲፌ̈ን ዶኢ̈ርዶር ዓይቂ̇ዴ፤ ዎቲናካሬ ጾ̈ሲ ኢንታ̇ብ ኢማ̇ንዳብ ቃ̈ላ ጌሊኖ ባዛን ጎትዶር ቤቃ̇ሪ ዲጚኖ̈ዲፌ̈ን ፋይዳር ኡፋይቲ̇ዴ። ሳ̈ዝ ጋልዳ ኢንቲ ዛቃ̇ኬ ቤት ማ̈ቂ̇ኖን ኤሪዴ።

ኢብ 6:9

ቴ ላጋ̇ን! ኑ̈ኒ ዪኒ̇ፌ̈ኒ ዪንታ̇ክ ሶ̈ሊናካሬ ዪንታ̇ ፋቲምቦ ማ̈ቂ̇ዝ ጴች ባዝ ዪንታ̇ብ ዎን ኑ ኤሪ̈ሬ።

1 ጴጥ 1:22

ዪንታ̇ ኢሺንታ̇ንቦ ኪን ካን ዶኣምፔ̈ኒ ዪንቲ̇ ኪንንቦ ኪ̈ቲንቲ̇ሙታ ዪንታ̇ ሼምፒ̇ን ጌ̈ሺ̇ኔ፤ ዪ̈ኮታ̇ቦ ዎል ዎልኣ ቡ̈ዳፖ ካንቲ̇ብቴ።