2 ጢማ̈ 1:16 - ኦራ ጫ̈ቃ ማጻ̈ፋ

¹⁶ ጾ̈ሳ̇ዲ ኦናሲፎ̈ራ ኣ̈ሎ ኣሳ̈ንቦ ፌ ማ̈ሪቲን ኢሞ̇ጋ̈ቤ፤ ኦናሲፎ̈ሪ ዎይሊን ጋ̈ላስ ታ̈ና ማ̈ዲ̈ኔ፤ ቴ ቃቺንቲ̇ናሬ ኢ ታባር ዬልቃካ̇ዬ።

2 ጢማ̈ 1:16 ပူးပေါင်းရင်းမြစ်များ

ማ̈ቶ̈ሳ 25:17

ናምኢ ሙኩላ ቢራ ኤኪ̇ኖ̈ዲ ዪና̇ ኢዝፌ̈ኒ ዛልኣሪ ሜላ ናምኢ ሙኩላ ቢራ ቲርፊሲዴ።

ማ̈ቶ̈ሳ 5:7

ኣስ ማ̈ሪዛን፥ ጾ̈ሳ̇̇ ቲ̈ናፖ̇ ማ̈ሪቲ ዲጚዛኮታ̇ቦ ኢንቲ̇ ኣንጂንቲ̇ኖን።

ሃዋ̈ራታን ኦ̈ሳ 21:33

ሻላቃ̈ዳር ዬዪ ኢ̈ክ ሺ̈ቃር ጳውሎ̈ሳ ኤ̈ሪ ናምኢ ሳንላታባር ቃቺንታምፔ̈ን ኪ̈ቲ̇ዴ። ኢና̈ፖ ኢ ኦ̈ናኮ ማ ኢ ኣብዝ ዎቲኖኮ ኤራንዳብ ኮያሪ ኦይጪ̇ዴ።

ሃዋ̈ራታን ኦ̈ሳ 28:20

ዪዚ ዪኒ̇ኮታ̇ቦ ቴ ዪንታ̇ ጼይጊሲኖንዲኬ ዪንታ̇ ቤቃ̇ንዳብ ኮዪኖንዳ፤ ታ̈ኒ ሳንላታባር ቃቺንቲ̇ኖንዳ ጾ̈ሲ̇ ኢስሬ̈ላንቦ ኢሚ̇ኖ ታስፋ ቃ̈ሊን ሳባ̇ኪኖኮታ̇ቦ” ጌይዴ።

1 ቆሮ 16:18

ኢንቲ ዪንታ̇ ሚ̈ንኖንዲፌ̈ኒ ታ̈ናር ሚ̈ንኔ ዪ̈ኮታ̇ቦ ዪንፌ̈ኖ ኣሳን ዪንቲ̇ ኤራሪ ኢንታ̇ ቦንቺ̇ብቴ።

ኤፍ 6:20

ዓት ታ̈ኒ ቃ̈ሺ ኣ̈ል ዎዶራሬ ዓና̇ ዎጛሊን ታማ̈ርሳምፔ̈ኒ ኪ̈ቲንቲ̇ኖ ኣሴ፤ ዪ̈ኮታ̇ቦ ታ̈ብ ኮሻ̇̇ዚንዲፌ̈ኒ ኢ̈ች ቤይ ሶ̈ላምፔ̈ን ታ̈ብ ዎ̈ሲ̇ብቴ።

2 ጢማ̈ 1:12

ታ ዓና̇ ሜቲን ኤካ̇ሙታ ዎንዳሬ ዪኒ ጊሻ̇ቦ፤ ዎቲናካሬ ታ ኦ̈ና ኣማ̇ኒኖኮ ኤሪዛኮታ̇ቦ ኢባር ዬ̈ልቃባሴ፤ ኢ ታ̈ቦ ኢሚ̇ኖ ዓዳሪንዶ ኢ ጌይኖ ቃሚ̇ን ዬሊ̇ዝ ዲራስ ና̈ጋንዳቦ ዳንዳኣዚን ቴ ኤሪኔ።

2 ጢማ̈ 1:17

ማ ኢ ሮ̈ማ ካታማ ዬይኖምባራ ቴ ዎ ቤሲ̇ን ኮዪ ዳ̈ቡራር ታ̈ና ዲጚኔ።

2 ጢማ̈ 1:18

ዉ̈ርሲ ቃሚ̇ንባራ ጾ̈ሲ ማ̈ሪቲ ኢ̈ብ ኢሞ̇ጋ̈ቤ፤ ታ̈ኒ ኤፍሶ̈ና ጋ̈ዳ ዎምባራ ኢ ታ̈ና ዎዛርፌ̈ን ማ̈ዲኖኮ ኔ ኔ ቆማ̇ቦ ኢዞ ኮሺንቻ ኤራ̈ሬ።

2 ጢማ̈ 1:8

ዪዚ ኔ̈ኒ ኑ ጎዳ ዬሱ̈ስ ክርስቶ̈ሳባዝ ማርኪታንዳ̇ቦ ዬ̈ልቃፔ፤ ኢኮታ̇ቦ ጋ̈ራ ቃቺንቲ̇ኖ ታባራር ማ̈ቂ̇ን ዬልቃፔ̇፤ ጾ̈ሳ̇̇ ኔ̈ብ ኢማ̇ዝ ዎልቂንባራ ዎጛላኮታ̇ ታባር ሜታ ኤካ̇ቤ።

2 ጢማ̈ 4:19

ጲርስቂላ̈ኬ ኣቂ̈ላኬ ማ ኦኒስፖ̈ራ ኣ̈ሎ ኣሳንር ታ̈ብ ሳሮ ጋ̈ቤ።

ፊልሞ̈ና 1:20

ዪዚ ቴ ኢሻዶ! ዪኖ̇ ኮሽ ባዚን ኦ̈ምፔን ቴ ኔ̈ና ጎዳ ሱ̈ምባራ ጌሻ̈ሬ፤ ጎዳ ሱምባራ ታ̈ና ኡፋይሳ̇ቤ።

ፊልሞ̈ና 1:7

ቴ ኢሻዶ! ኔ̈ኒ ኣማ̇ኒኖ ኣሳንሲ ኡፋይሲ̇ኖኮታ̇ቦ ኔ ካንንዳ ታ̈ቦ ጴ̈ች ኡፋይስኬ ሚ̈ንቲ ኢሚ̇ኔ።

ኢብ 10:34

ዪንታ̇ቦ ኮሽ̇ ቆሊን ኣፋ ዎን ኤሪኖኮታ̇ቦ ዪንታ̇ ቆሊን ዎይ ኢንቲ̇ ኤኪንቲ̇ናካሬ ዪንቲ̇ ኡፋይቲ̇ኔ፤ ቃሺ ኣ̈ል ጌሊኖ ኣሳንባሬ ዪንቲ ሚጪንቲ̇ኔ።

ኢብ 6:10

ጾ̈ሲ̈ ኪንን ፊርዲዛ ማ̈ቂ̇ኖኮታ̇ቦ ዪንታ̇ ኮሻ ኦ̈ሲንዶ ማ ዪንቲ ኣማ̇ኒኖ ኣሳን ማ̈ዲሙታ̇ ዪንቲ̇ ጾ̈ሳ̇ ካዚን ቤይሲኖንዲኬ ዓታ̇ር ቤይሲሙታ ዎን ጾ̈ሲ ቦቲጚባ̈ሴ።