2 ታሳ 3:6 - ኦራ ጫ̈ቃ ማጻ̈ፋ

⁶ ቴ ኢሺንታ̇ን! ኦ̈ሳ ኦ̈ንዳቦ ቦ̈ሲዝ ኣስ ጋልዳፔኬ ዪንቲ̇ ኑ ጋልዳፖ ኤኪ̇ኖ ቲሚርቲ̇ንቦ ኪ̈ቲንቲ̇ባ̈ሶ ኣማ̇ኒኖ ኣሳን ጋልዳፖ ጎታ̇ምፔ̈ኒ ኑ ዪንታ̇ ጎዳ ዬሱ̈ስ ክርስቶ̈ሳ ሱምባራ ኪ̈ቲ̇̈ሬ።

2 ታሳ 3:6 ပူးပေါင်းရင်းမြစ်များ

ማ̈ቶ̈ሳ 18:17

ኢ ኢንታኮንዳር ሲስካ̇ብዳ ጌዬጌይን ዎ̈ሳ ኬ̈ብ ሶ̈ላቤ፤ ኢ ዎ̈ሳ ኬ̈ንኮ̇ንዳር ሲስካብዳ ጌዬጌይን ናጋራንቻኬ ጾ̈ሳ̇̇ ኤሪባ̈ሶ ኣስፌ̈ን ኢያ ፋይዳር ኣሻ̇ቤ።

ሮሜ 16:17

ቴ ኢሺንታ̇ን! ዪንቲ̇ ታማ̈ሪኖ ቲሚርቲ̇ን ኢጺ̇ሙታ̇ ዪንታ̇ ጊዳ̇ ፋጊቲ ኤሄዪሙታ̇ ዪንታ̇ ኣማ̇ኒን ጋልዳፖ ዪንታ̇ ቶጛንዳቦ ኮዪዝ ኣሳን ጋልዳፖ ዪንታ̇ ና̈ጊብቴ፤ ኢንታ ጋልዳፖ̇ ጎቲ̇ብቴ̇።

1 ቆሮ 11:2

ዎይ ጋላስ ዪንቲ̇ ታ̈ብ ቆፓ̇ዚንኮታ̇ብኬ ዪንቲ̇ ታ ጋልዳፖ ሲስኪ̇ኖ ቲሚርቲ̇ን ሚ̈ን ና̈ጊሙታ ዎኮታ̇ቦ ቴ ዪንታ̇ ኣንጃ̈̇ሬ።

1 ቆሮ 5:4

ዪንቲ ዎልኣ ሺ̈ቃዚምባ̇ራ ታ̈ኒ ቴ ቆፊንባራ ዪንታ̇ባር ኢና ዎ፤ ዬሱ̈ሳ ዎልቃ̈ዳሬ ኢና ዎኮታ̇ቦ፥

1 ቆሮ 5:9

ዓኒ̇ፖ ቲ̈ን ቴ ዪንታ̇ብ ጻ̈ፊኖ ኪ̈ቲን ጋልዳ ኦሎላ ጋዲ̇ዝ ኣሳንባራ ዎል ዬፒቴ ጌይኔ።

2 ቆሮ 2:10

ዪንቲ̇ ኢ̈ብ ኣቶ̇ ጌይዝ ና̈ሳዲ ታ̈ናር ኢ̈ብ ኣቶ̇ ጋ̈ንዳ፤ ኪን ቴ ኢ̈ብ ኣቶ̇ ጋምፔ̈ኖ ባዚ̇ ዎኮ ክርስቶሳ ቲ̈ን ዪንታ̇ ጊሻ̇ቦ ጋ̈ራ ቴ ኢ̈ብ ኣቶ̇ ጋ̈ሬ።

ኤፍ 4:17

ዪዚ ዓኒፖ̇ ጌዳ ፋባ̈ሶ ቆፊባር ዎ ጾ̈ሳ̇ ኤሪባ̈ሶ ኣሳንፌ̈ኒ ማ̈ቃር ዶኣፒ̇ቴ ጋ̈ር ጎዳ ሱ̈ምባር ቴ ዪንታ̇ብ ሶ̈ላ̈ሬ።

ቆላ̈ሳ̈ሳ 3:17

ዬሱ̈ስ ክርስቶ̈ስ ጎይባራ ጾ̈ሳ̇ ባ̈ባ ጋ̈ላቲሙታ̇ዶ̈ሪ፥ ቃ̈ላባራር ማ̈ቆ̇ ኦ̈ሳባራ፥ ዪንቲ ኦ̈ዝ ባዛን ዎይ ጎዳ ዬሱ̈ስ ክርስቶ̈ስ ሱ̈ምባራ ኦ̈ብቴ፤ ማ ኢ ጎይባራ ጾ̈ሳ̇ ባ̈ባ̈ ጋ̈ላቲብቴ።

1 ታሳ 4:1

ዪዚ ቴ ኢሺታ̇ን! ጾ̈ሳ̇ ኡ̈ፋይሳ̇ር ዶኣዝ ጎይን ዪንቲ ኑ ጋልዳፖ ታማ̈ሪኔ፤ ዓታ̇ር ዪንቲ ዪና̇ ኢዝፌ̈ን ዶኢሙታ̇ ዎ፤ ኑ ዓት ጎዳ ዬሱ̈ስ ክርስቶ̈ሳ ሱምባራ ዪንታ̇ ጌሻዚንዲኬ ዪንታ̇ ዞራዚንዳ ዪንቲ̇ ዓኒ̇ፖ ቲ̈ን ኦ̈ዚምፖ ሺሻር ኦ̈ምፔ̈ኔ።

1 ታሳ 4:11

ዓኒ̇ፖ ቲ̈ን ኑ ዪንታ̇ ኪ̈ቲ̇ኖንዲፌ̈ኒ ኣስ ሜላ ዋ̈ዪካይዶር ዚምጋ̈ር ዶኣንዳብ ኮዪብቴ፤ ዪንታ̇ ጌልሲባ̈ሶ ባዝ ጋርታ ጌላፒ̇ቴ፥ ማ ዪንታ̇ ኩሽ ጌ̈ቲምባር ኦ̈ር ሙብቴ፤

1 ታሳ 5:14

ቴ ኢሺንታን! “ቦዝ ኣሳን ጎይሊብቴ፤ ኢ̈ጪ̇ዝ ኣሳን ሚ̈ንብቴ፤ ዳ̈ቡሪኖ ኣሳን ማ̈ዲ̇ብቴ፤ ኣስ ዎይባራ ዳንዳኣባር ዬብቴ” ጌዪ ኑ ዪንታ̇ ዞሪ̈ሬ።

2 ታሳ 2:15

ዪዚ ቴ ኢሺንታ̇ን! ሚ̈ጛር ኤቂ̇ብቴ፤ ኑ̈ኒ ዪንታ̇ብ ኖ̈ናባር ሶ̈ሊኖንዳር ማ̈ቂ̇ን ጻ̈ፋር ሚሺኖ ቲሚርቲ̇ን ሚ̈ንር ኤ̈ብቴ።

2 ታሳ 3:7

ዪንቲ̇ ኑ ዎታዚንዲፌ̈ን ዎታንዳብ ኮሻ̇ዚንዶ ዪንቲ̇ ዪንታ̇ ቆሚ̇ንቦ ኤሪ̈ሬ፤ ኑ̈ኒ ዪንታ̇ባር ዎ ኬሊ̇ንባራ ኦ̈ሳብ ቦ̈ሲኖ ኣስ ጊዳካ̇ዬ።

1 ጢማ̈ 5:21

ኔ̈ኒ ኦ̈ዝ ባዝ ዎይባራ ፔታ̈ናዳ ፔታ̈ናፖ ሺሻር ቤኣካ̇ይዶራ ዓና̇ ቴ ኔ̈ብ ኢሚ̇ኖ ዞሪን ዎይ ኦ̈ሳ ጋልዳ ፌ̈ሻ̇ምፔ̈ኒ ጾ̈ሳ̇ ቲ̈ን፣ ዬሱ̈ስ ክርስቶ̈ሳ ቲ̈ንኬ ማ ማራ̇ጺንቲ̇ኖ ኪ̈ታንቻ̈ን ቲ̈ን ቴ ኔ̈ቦ ዓዳ̈ራ ጋ̈ሬ።

1 ጢማ̈ 6:5

ማ ኢንታ ቆፊን ኢ̈ቲኖ ኣሳንኬ ኪንን ኢንታ ጋልዳፖ ዪኖ ኣሳን ጊዳ ዉሪባሶ ዋች ዲን̈ሬ፤ ዪንፌ̈ኖ ኣሳን ጾ̈ሳ̇ብ ጎ̈ሽታ̈ዚንዶ ሚ̈ሽ ዲጚዝ ጎ̈ይፌ̈ን ፋይዲ̈ሬ።

2 ጢማ̈ 3:5

ኢንቲ ኣሲ ኢንታ ቤቃ̇ምባራ ጾ̈ሳ̇ብ ጎሽቲ̇ዛ ማይጺ̈ሬ፤ ዎቲናካር ጾ̈ሳ̇ ዎልቂን ካ̈ዲኔ፤ ዪንፌ̈ኖ ኣሳን ጋልዳፖ ጎታ̇ቤ።

2 ጢማ̈ 4:1

ጾ̈ሳ̇ ቲ̈ንኬ ማ ሼምፓባር ዎን ጋልዳኬ ዓይቂ̇ኖን ጋልዳ ፊርዳንዳብ ዬይዛ ዬሱ̈ስ ክርስቶ̈ሳ ቲ̈ን፥ ኢ ዬንቲ̇ንዲኬ ኢ ካ̈ቲቲን ቆፓሙታ ዓና̇ ባዚን ቴ ኔ̈ብ ዓዳራ ጋ̈ሬ፤

2 ዋ̈ኒ̇ 1:10

ዪና̇ ቲሚርቲ̇ን ኣሻ̈ር ሜላ ባዝ ዪንታ̇ክ ኤካ̇ር ዬይዝ ኣሲ ዎኮ ዪንቲ̇ ዪንታ ኣ̈ል ኢያ ሞኪ̇ ኤካፒ̇ቴ፤ ዪፌ̈ኖ ኣሲ ሜላ ኣቲ̇ን ሳራ̈ር ኢያ ጋ̈ፒ̇ቴ።