5 ጎዳ ዪንታ̇ ቡ̈ዲን ፌ ካንንኮኬ ክርስቶ̈ሳ ዳንዳኢንኮ ማሆጋ̈ቤ።
ጾ̈ሳ̇̇ ኑ̈ብ ኢሚ̇ኖ ጌ̈ሻ̇ ኣያ̇ና ጎይባራ ኢ ካን ኑ ቡ̈ዳ ጋርታ̇ ኩሚኖኮታ̇ቦ ኢ ኑ̈ብ ኢሚ̇ኖ ታስፋ̈ ኑ̈ና ሜላ̇ ኣሺ̇ባ̈ሴ።
ኑ̈ብ ኣፍባር ቤንታ̇ንዳብ ዳንዳኢባ̈ሶ ባዝ ጋልዳ ታስፋ ጋዴ̇ጌይንዶ ኑ ኢዞ ጋርዣር ናጊ̈ሬ።
ጾ̈ሳ̇̇̈ ካዛንብኬ ኢ ቆፊንዲፌ̈ን ጼይጊንቲ̇ኖ ኣሳንቦ ጾ̈ሳ̇̇̈ዲ ዎይ ባዝ ኢንታ̇ብ ኮሻ̇ብ ኦ̈ዚን ኑ ኤሪ̈ሬ።
ጾ̈ሳ̇̇̈ ካዝ ኣሲ ኢ ጾ̈ሳ̇ ቲ̈ን ኤሪንቲ̇ኖ ማ̈ቂ̇̈ሬ።
ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣
ማ ጾ̈ሲ̇ ኢያ ዓይቃ ጋርታ̇ፖ ዲንኖ፥ ዬይዝ ጾ̈ሳ̇ ጎይሊን ጋልዳፖ ኑ̈ና ቡ̈ቲሲዛ፥ ጾ̈ሳ̇ ና̈ኣ ዬሱስ ክርስቶ̈ሳ ዬንቲ̇ን ዎዛርፌ̈ን ና̈ጊሙታ ዎኮ ዪን ኣሳን ዪንታ̇ባዝ ማርኪቲ̈ሬ።
ዪንቲ̇ ኣማ̇ናባር ኦ̈ኖ ኦ̈ሲንዶ፥ ካንቦ ጌዪ ዳ̈ቡሪኖ ዳ̈ቡርሲንዲኬ ዬሱ̈ስ ክርስቶ̈ሳባር ዪንታ̇ብ ዎ ታስፊንፖ ቤንቲ̇ኖ ዪንታ̇ ጋርዢን ኑ ባ̈ባ̈ ኑ ጾ̈ሳ̇ ቲ̈ን ዎይ ጋላስ ኑ ቆፒ̇̈ሬ።
ዓታ̇ር ኑ ጾ̈ሳ̇̇̈ዲኬ ኑ ባ̈ባ ኢ ኑ ጎዳ ዬሱ̈ስ ክርስቶ̈ሲ ኑ ዪንታ̇ክ ሉካ̇ምፔ̈ኒ ጎይ ኑ̈ብ ፊርቆ̇ጋ̈ቤ።
ዓኒፖ̈ ጌ̈ዳ ጺሊ̇ቲ ኣኪሊላ ጊ̈ጊንታ̇ር ታ̈ብ ዶኢኔ፤ ዪና̇ ኣኪሊሊንዶ ኪን ፊርዳ ፊርዲዝ ጎዳ̈ዲ ዪና̇ ኢዝ ጋላስ ታ̈̈ብ ኢሚ̇̈ሬ፤ ማ ታ̈ብ ሙታ ጊዳካ̇ይዶን ኢ ዬንቲ̇ን ኢኒ̇ቲሙታ̇ ዎንቦ ዎይ ኢሚ̇̈ሬ።
ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።
ዪዚ ክርስቶ̈ሲ ዎይሊን ኣስ ናጋራ ይሳ̇ንዳቦ ጋ̈ሪ ፔቲ ቶ̈ህ ፌ̈ና ዣ̈ርሻ ማሂኔ። ማ ማ̈ቃ̇ሪ ዬይሬ፤ ማ̈ቃ̇ር ዬይዛ̈ዲ ዓታ̇ር ኣሳ ናጋራ ቶ̈ካንዳብ ጊዳካ̇ይዶን ኢ ዬንቲ̇ን ና̈ጊዝ ኣሳን ፋንዳቦ።
ዶሲንቲ̇ኖ ቴ ኢሺንታ̇ን! ዪኖ̇ ሲስኪብቴ̇፤ ጾ̈ሲ̇ ፌ̈ና ካዝ ኣሳንቦ̈ ኢማ̇ንዳ ጌይኖ̈ ካ̈ቲቲን ኤካ̇ምፔ̈ንኬ፥ ኣማ̇ናባር ዱር ማ̈ቃ̇ምፔ̈ኒ፥ ዓኒ̇ ኣላሚን ጋልዳ ዎ ዎርባያን ማራጻካያ?
ዪዚ ክርስቶ̈ሲ ፌ ኣሲቲንባራ ሜታ ኤኪ̇ኖኮታ̇ቦ ዪንታ̇ሬ ኦላ ማሳ̇̈ራ ጊጺ̇ኖ ኣስፌ̈ኒ ዪና̇ ቆፊን ጊጻ̇ሪ ዲንዲብቴ፤ ኣባ ጌይን ፌ ኣሲቲንባር ሜታ ኤኪ̇ዝ ኣሲ ናጋራ ኦ̈ሳ ኣሺ̇ኔ።
ዪዚ ዪንቲ̇ ጾ̈ሳ̇ ቃሚ̇ን ዬንቲ̇ን ሹ̈ናባር ና̈ጊዛንኬ ኤሊ̇ ዬ̈ምፔ̈ኒ ኦ̈ዝ ኣስ ማ̈ቂ̇ብቴ፤ ዪና̇ ቃሚ̇ን ጋላስ ኣፎ ሳ̈ዚን ታማባር ሚጫ̇ር ያ̈ሬ፤ ኢዝ ጋርታ̇ ዎባዚ ዎይ ታማ ሶ̈ላባር ቴልጊ ዪ̈ሬ።
ጾ̈ሲ ኑ̈ና ቲ̈ኒታር ካኖኮታ̇ቦ ኑ̈ናሬ ኢያ ካሬ።
ዬሱ̈ሲ ጋርዢኖ ጋርዢን፥ ኢ ኤኪ̇ኖ ሜቲንዲኬ ኢ ካ̈ቲቲንዶ ዪንታ̇ባር ዎልኣ ኤኪ̇ዛ ቴ ዪንታ̇ ኢሻ ዋ̈ኒሲ ጾ̈ሳ̇̈ ቃ̈ሊን ጊሻ̇ብኬ ዬሱ̈ሳብ ማርኪቲኖኮታ̇ቦ ቃሺ ኣስፌ̈ን ማ̈ሳሪ ፊጥማ ጋ̈ዝ ዴሴቲን ጋልዳ ታ̈ና ኤ̈ጚን ቴ ኢና ዎዶን፤
ካ̈ቲንታ̇ንዳብ ዎ ኣሲ ካ̈ቲንቲ̇̈ሬ፤ ማሻ̇ባር ዓይቃ̇ንዳብ ዎ ኣሲ ማሻ̇ባር ዓይቂ̇̈ሬ ዪዚ ጌ̈ሽ̇ ኣሳንቦ ዪኒ̇ ኬሊምባ̇ራ ኣማ̇ናኬ ጋርዣክ ኮሺ̇̈ሬ።
