2 ታሳ 3:2 - ኦራ ጫ̈ቃ ማጻ̈ፋ

² ማ ቃ̈ሊን ሲስኪዛን ዎይ ኣማ̇ኒባሴ፤ ዪ̈ኮታ̇ቦ ዉጫ ኣሳን ጋልዳፔኬ ኢ̈ት ኣሳን ጋልዳፖ ኑ̈ኒ ቡ̈ታ̇ምፔን ኑ̈ቦ ዎ̈ሲ̇ብቴ።

2 ታሳ 3:2 ပူးပေါင်းရင်းမြစ်များ

ማ̈ቶ̈ሳ 17:17

ዬሱ̈ሳሬ ኢ̈ኮ “ኣማ̇ኒ ዪንታ̇ብ ባዮ̇ ኢ̈ት ዬሊቲን! ዪንቲ̇ ታ̈ና ኣማ̇ናካ̇ይሙታ̇ ኣ̈ፊን ቃም ቴ ዪንታ̇ባር ዶኣ̈ራ? ዪኖ̇ ኣ̈ንታ̇ ዬሊ̇ዝ ዲራ̈ስ ቴ ዳንዳኣኖ? ዎይዲት ና̈ራ ታ̈ብ ዓይ ኤሄብቴ!” ጌይዴ።

ማ̈ቶ̈ሳ 23:23

“ዪንቲ̇ ኮሽ ማይጻር ቤንታ̇ንዳብ ኮዪዛን ሙ̈ሳ ሂጋ̇ ኣስታማ̈ራንኬ ፋራሳ̈ዋን! ዪንታ̇ ባዚ ኣዬ! ዪንቲ̇ ካር ጋ̈ላ̇ ጋልዳፖ̇፣ ኢንሲላ̈ላ ጋልዳፕኬ ኮሮ̈ሪማ ጋልዳፖ̇ ኣስራ̈ታ ኢሚ̇̈ርዶሪ ሂጋ̇ ማጻ̈ፋ ጋልዳ ዎ ሺ ኮሺ̇ዝ ባዛን ኣሺ̇ኔ። ዪንሬ ኪን ፊርዳ፣ ማ̈ሪቲኬ ጺሊ̇ቲ። ዪንቲ̇ ሴካ̇ንር ኣሻካ̇ይዶሪ ዓንር ኦ̈ንዳብ ኮሺ̇̈ሬ።

ሉቃ̈ሳ 18:8

ቴ ዪንታ̇ብ ሶ̈ሎ፥ ዪን ፌ̈ኖንቦ ኤሊ̇ባር ፊርዲ̈ሬ። ዎቲናካሬ ታ ኣሳ ናኣ ዬ̈ዝ ጋላሲ̇ን ሳ̈ዝ ጋልዳ̇ ኣማ̇ና ዎ ኣሲ ቤንታ̇ንዳዶ̇̈ኔ?” ጌይዴ።

ሃዋ̈ራታን ኦ̈ሳ 13:45

ኣይሁዳንር ዎይሊን ዎርዣ ቤቃ̇ር ቂና̈ታ ኢንታ ኤ̈̇ን ጳውሎ̈ሲ ሶ̈ላዝ ሶ̈ሊን ኢጺ̇ ኢያ ቆ̈ሲ ኤ̈̇ዴ።

ሃዋ̈ራታን ኦ̈ሳ 13:50

ኣይሁዳን ጾ̈ሳ̇̇ብ ኢ̈ጪ̇ዝ ቦንቺ̇ንቲኖ ማጫ̇ንኬ ካታሚን ጋርታ ዎ ጴች ኣስ ጌዪንቲ̇ኖ ኣቲናን ዲንሪ ጳውሎ̈ሳኬ ባርናባ̈ሳ ጋልዳ̇ ዳስ̇ ዲንር ፌ ጋዲን ጋርታፖ ኢንታ̇ ኬሲ̇ዴ።

ሃዋ̈ራታን ኦ̈ሳ 14:2

ዎቲናካር ኣማ̇ናካ̇ዮ ኣይሁድ ኣሳን ኣይሁድ ባዮ̇ን ዲንሪ ኣማ̇ኒዝ ኣሳን ሺሪንታር ኢጻ̇ምፔ̈ን ዎቲዴ።

ሃዋ̈ራታን ኦ̈ሳ 17:5

ዎቲናካሬ ኣይሁዳን ቂና̈ታ ኢንታ ኤ̈̇ን ኦ̈ሲ ባዪ ሜላ̇ ዬዝ ቦ̈ዛን ጎይ ቡጊዳፖ ሺ̈ሻ̇ር ዎርዣ̈ ዲንሪ ካታሚን ጋርታ̇ ዋች̇ ኬሲ̇ዴ። ጳውሎ̈ሳኬ ሲላ̇̈ሳኬ ኤ̈ ዎርዣ̈ ቲ̈ን ኤሄ̈ንዳቦ ጋ̈ሪ ዎባር ያ̈ሶ̈ና ኣ̈ሊን ቡጊዲንባር ቂርጽ ጌይዴ።

ሃዋ̈ራታን ኦ̈ሳ 25:27

ቃቺንቲኖ ኣስ ፉዳ ኣላቃ ቲ̈ን ኣ̈̈ርዶሪ ና̈ሳ̈ ሞ̈ቲሲኖ ባዚን ሶ̈ላካይ ኣታ̇ዚንዳ ታ̈ብ ቦ̈ዚቲ ማይጻር ቤንታ̇̈ሬ” ጌይዴ።

ሃዋ̈ራታን ኦ̈ሳ 28:24

ፔታ̇ን ፔታ̇ናን ኢ ሶ̈ሊኖ ቃ̈ሊን ኣማ̇ኒዴ፤ ሜላን ኣማ̇ናካ̇ዬ።

ሮሜ 10:16

ዎቲናካሬ ናባ̈ ኢሳ̈ሲ ጌይርዶሪ “ጎዳ̈ዶ! ኑ ሶ̈ሊኖ ቃ̈ሊን ኦ ኣማ̇ኔ?” ጋ̈ሪ ጻ̈ፊኖንዲፌ̈ኒ ዎይን ኡፋይሳ̇ዝ ጾ̈ሳ̇̈ ቃ̈ሊ̈ን ኣማ̇ናካ̇ይ ኣቲ̇ዴ።

ሮሜ 15:31

ዪንቲ ታ̈ቦ ዎሳ̈̇ንዳብ ኮሻ̇ዚንዳ ዪሁዳ ጋዳ ዎ ኣማ̇ኒባ̈ሶ ኣሳን ኩሽታ̇ፖ ቴ ቡ̈ታምፔ̈ንኬ ዬሩ̈ሳ̈ላም ካታማ ጋርታ ታ̈ብ ዎ ዎጛላ ኦ̈ሲንዳ ጾ̈ሳ̇ ኣሳን ቲ̈ን ኮሽ ማ̈ቃ̇ ቤንታ̇ምፔ̈ኒዬ።

1 ቆሮ 15:32

ኣሲ ማ̈ታ ባዝባር ቡቲቲዛዲፌ̈ኒ ታ̈ኒ ኤፍሶ̈ና ካታማ ኣሳንባር ቡቲቲኖንዳ ሜላ̇ ዓሪ ታስፋ ባዮ̇ ኣሳንፌ̈ንኮ ቴ ዋ̈ዪንዳ ሜላ̇ ዓሪዬ። ዪዚ ዓይቂ̇ኖ ኣሲ ዲንዲባ̈ስኮ “ጊያ̈ብ ኑ ዓይቂ̇ዛኮታ̇ቦ፥ ዓይ ዬብቴ፤ ሙይስቶ፤ ኡሽኪ̇ስቶ” ጌይኖንዲፌ̈ን ማ̈ቃ̇̈ሬ።

1 ታሳ 2:18

ኑ ዪንታ̇ኮ ሉካ̇ንዳቦ ኮዪንዶ̈ን፤ ዎይፖ ሺ ቴ ዉሎ̈ሲ ዪንታ̇ኮ ዬ̈ንዳቦ ዎይሊን ጎይ ቆፒ̇ንዶን፤ ሴይጣኖ ኑ̈ና ጋስ ማሂኔ።

2 ጢማ̈ 4:17

ዎቲናካሬ ጎዳ ፌ ኪ̈ቲን ዎይ ቴ ጎይባራ ኣይሁድ ዜር ማ̈ቃካዮ̈ን ዎይ ሲስካ̇ምፔ̈ኒ ታባር ማ̈ቃር ታ̈ና ሚ̇ን ኤሲ̇ዴ፤ ዞብ̇ ኖ̈ና ጋርታፖ ታ̈ና ቡ̈ቲሲዴ።