2 ታሳ 2:2 - ኦራ ጫ̈ቃ ማጻ̈ፋ

² ካ̈ያባራ ዎይ ቃ̈ላባራ ሶሊንቲ̇ኖዲፌ̈ን ቆፓ̇ሪ ዎይ ኑ ጻ̈ፋር ዪንታ̇ብ ሚሺኖ ኪ̈ታፌን ማሃሪ “ጎዳ ዬ̈ዝ ቃሚ̇ን ዬሊ̇ኔ” ጋ̈ሪ ኤሊ̇ር ዪንታ̇ ቆፊባር ጌዳክ ዓኒክ ጋ̈ፒ̇ቴ፤ ማ ሼምፓር ዶኢብቴ።

2 ታሳ 2:2 ပူးပေါင်းရင်းမြစ်များ

ማ̈ቶ̈ሳ 24:24

ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ።

ማ̈ርቆ̈ሳ 13:7

ዪንታ̇ ላፍ ኡክ ኦሊ ኬስኬጌይናሬ፤ ጎት ኦሊ ዎ ጌይዝ ባዝ ሲስኬጌይናሬ ኢ̈ጫፒ̇ቴ። ዪ ኣባካር ጌይን ኣቲ̇ባ̈ሶ ባዜ። ማ̈ቂ̇ናካሬ ዉርሲ ላይን ቢርቴ̇።

ሉቃ̈ሳ 21:19

ዪንቲ̇ ሚ̈ጚ ኤቄ̇ጌይን ዪንታ̇ ሼምፒ̇ን ቡ̈ታ̇̈ሬ።

ሉቃ̈ሳ 21:9

ኦልኬ ዋችኬ ዎርዣ ጊዳ̇ ዎ ጌይዝ ባዝ ሲስካ̇ሪ ባቂታፒ̇ቴ። ባዝ ዪን ዉርሲ ላይን ዬላ̇ናፖ̇ ቲ̈ን ኣባካር ጌይን ማ̈ቃካ̇ይ ኣቲ̇ባ̈ሶ ባዜ። ዎቲናካሬ ዉርሲንዳ ኤሊ̇ ባዬ” ጌይዴ።

ዋ̈ኒ̇ሳ 14:1

ዬሱ̈ሲ ፌ ታማራንኮ “ዪንታ̇ ቡ̈ዲን ጫና̇ቂንታ̇ፖጋ̈ቤ፤ ጾ̈ሳ̇̇̈ባር ኣማ̇ኒንቲብቴ፥ ማ ታ̈ባራር ኣማ̇ኒንቲ̇ብቴ።

ዋ̈ኒ̇ሳ 14:27

ታ̈ኒ ሳሪቲ ዪንታ̇ ቡ̈ዲን ጋርታ̇ ዶኣምፔ̈ን ዎታንዳ̇፤ ቴ ቴ ሳሪቲን ዪንታ̇ብ ኢማ̇ንዳ፤ ቴ ዪንታ̇ብ ኢማ̇ዝ ሳሪቲንዳ ኣላሚን ዪንታ̇ብ ኢማ̇ዚንዲፌ̈ን ጊዳካ̇ዬ። ዪንቲ ጫና̇ቂንታ̇ፒ̇ቴ፤ ማ ኢጫፒ̇ቴ።

1 ቆሮ 1:8

ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚምባራ ዪንቲ̇ ዬ̈ላ̇ቤዪ ማ̈ቃ̇ር ቤንታምፔ̈ኒ ኢ ዪንታ̇ ዉርስን ዬሊ̇ዝ ዲራስ ሚ̈ጛር ዶኣምፔ̈̇ን ዎቲ̈ሬ።

1 ቆሮ 14:32

ናባን ጾ̈ሳ̇̈ ጋልዳፖ̇ ሲስኪ̇ኖንዶ ኮዬጌይን ዓት ዓንዳ ኢና ሶ̈ላንዳቦ ሜላ ኣሲ ሶ̈ሊሙታ̇ ዎኮ ኢ ውርሳምባር ሶ̈ላንዳ ጋ̈ሪ ና̈ጋንዳብ ዳንዳኢ̈ሬ።

1 ቆሮ 7:26

ዓት ኑ ዎ ኬሊ̇ንዳ ዋ̈ዪዝ ኢ̈ት ኬል̇ ማ̈ቂ̇ኖኮታ̇ቦ ኣቲኖ ማጫ ኤካካ̇ይ ማጫር ኢስታካ̇ይ ዶኢ̈ርኮ ኮሼ።

ኤፍ 5:6

ኦ̈ናካር ሜላ̇ ማ̈ቂ̇ባ̈ሶ ሶ̈ላባር ዪንታ̇ ቃልቂንቻ̇ካዮዲፌ̈ኒዬ። ኣባ ጌይን ዪዚ ጾ̈ሳ̇̇ ጎይላ̈ዲ ኪ̈ቲንቲ̇ባ̈ሶ ኣሳን ጋልዳ ዬይዛ̈ዲ ዪንፌ̈ኖ ባዛን ጊሻ̇ቦ።

1 ታሳ 3:3

ዪና̇ሬ ዪንታ̇ ዬሊ̇ኖ ሜ̈ቲን ጋርታ ኢ̈ጫ̇ር ጋስ ማ̈ቃካ̇ዮ̈ዲፌ̈ኒ ዪንታ̇ ማ̈ዲ̇̈ሬ፤ ዪኒ̇ፌ̈ኖ ሜቲ̇ን ኑ ጋልዳር ዎይ ጋላስ ዬላ̇ዚን ዪንቲ̇ ኤሪ̈ሬ።

1 ታሳ 4:15

ኑ̈ኒ ጾ̈ሳ̇̇ ጋልዳፖ̇ ሲስኪ̇ኖን ዪንታ̇ቦ ሶ̈ላዚንዳ ዓኖ፦ ጎ̈ዳ ዬይዚ ዲራስ ዓይቃካ̇ይ ሼምፓ̇ባር ዎን ኑ̈ኒ ዓይቂ̇ኖ ኣሳንፖ ቲ̈ኒቲባ̈ሴ።

1 ታሳ 5:2

ጎዳ ዬንቲ̇ንዳ ሶላ ቃም ዬ̈ዚንዲፌ̈ኒ ማ̈ቂ̇ኖን ዪንቲ̇ ዎይ ኤሪ̈ሬ።

2 ታሳ 2:15

ዪዚ ቴ ኢሺንታ̇ን! ሚ̈ጛር ኤቂ̇ብቴ፤ ኑ̈ኒ ዪንታ̇ብ ኖ̈ናባር ሶ̈ሊኖንዳር ማ̈ቂ̇ን ጻ̈ፋር ሚሺኖ ቲሚርቲ̇ን ሚ̈ንር ኤ̈ብቴ።

2 ታሳ 3:17

ዓኒ ሳሪቲንዶ ታ ኩሽ ጌ̈ቲምባር ጻ̈ፊኖ ታ ጳውሎ̈ሳ፤ ቴ ጻ̈ፋዝ ኪ̈ታን ኤሪንታ̇ዚንዳ ዓኒ̇ባራ፤ ቴ ጻ̈ፋዚንዳ ዓንዲዜ።

ሳጻ 19:20

ዎቲናካሬ ማ̈ታ ባዛ̈ ኤ̈ንቲ̇ዴ፤ ኢ ቲ̈ኒን ጋርታ̇ ዎይሊን ታሚ̇ራ̈ታ ኦ̈ዛ ዎርዳ ናባ̈ዲ ኢያር ኢባር ዎልኣ ኤንቲዴ፤ ኢ ቲ̈ን ማ̈ታ ባዛ̈ ማላ̈ ኢንታ ጋልዳ ዎንኬ ማ̈ታ ባዛ̈ ሚሲላ̈ቦ ሞ̈ኪንቲ̇ዛን ታሚ̇ራታ ኦ̈ሙታ ባሊኔ፤ ዪን ናምኣን ዓይቃካ̇ይ ሼምፓባር ዎዶን ዲ̈ናባር ኤይቲ̇ዝ ታማ ባሃ̈ራ ጋርታ ቶጚቲ̇ዴ።