2 ታሳ 2:14 - ኦራ ጫ̈ቃ ማጻ̈ፋ

¹⁴ ዪንቲ̇ ጎዳ ዬሱ̈ስ ክርስቶ̈ሳ ቦንቺ̇ን ኤኪ̇ዝ ኣስ ማ̈ቃ̇ምፔ̈ኒ ኑ ሳባ̇ኪኖ ዎጛሊን ጎይባራ ዪንታ̇ ጼይጊኔ።

2 ታሳ 2:14 ပူးပေါင်းရင်းမြစ်များ

ማ̈ቶ̈ሳ 25:21

“ኢ ላ̈̈ዳር ኢ̈ኮ ‘ዎይኣ! ኔ̈ኒ ኣማ̇ኒንቲ̇ኖ ኮሻ̇ ኣሽካራ! ኔ ጊላ̇ ባዛቦ ኣማ̇ኒንቲኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ̇፤ ዪዚ ዓይ ዬ̈ቤ ኔ ላ̈ባር ዎልኣ ኡፋይታ̇ንዳብ ዓይ ጌላቤ!’ ጌይዴ።

ዋ̈ኒ̇ሳ 17:22

ኑ̈ኒ ዎል ፔታ̇ን ማ̈ቂ̇ኖንዲፌ̈ኒ ኢንታ̇ር ዎል ፔታ̇ን ማ̈ቃ̇ምፔ̈ኒ ኔ ታ̈ብ ኢሚ̇ኖ ቦንቺ̇ን ቴ ኢንታ̇ብ ኢሚ̇ኔ።

ዋ̈ኒ̇ሳ 17:24

“ቴ ባ̈ባ̈ዶ! ዓን ኔ ታ̈ብ ኢሚ̇ኖ ኣሳን ቴ ዎ ቤስ̇ ኢንቲ ዬ̈ምፔ̈ንኬ፥ ዓና ሳ̈ዚን ኮቺ̇ንታካይዶን ኔ ታ̈ና ካኖኮታ̇ቦ ታ̈ብ ኢሚ̇ኖ ቦንቺ̇ን ቤቃምፔ̈ን ኮያ̈ሬ።

ሮሜ 16:25

ታ̈ኒ ዬሱስ ክርስቶ̈ሳባዝ ሳባ̇ኪኖ ቃ̈ሊንባርኬ ሚናፖ̇ ኣ̈ቺንታ̇ር ጋምኢኖ ዎቲናካር ዓት ፋላ̇ጋልዳ ኬስኪ̇ኖ ኪን ሚስጢሪን ጎይባራ ዪንቲ̇ ዪንታ̇ ኣማ̇ኒንባራ ሚ̈ጚ ዶኣምፔ̈ኒ ዎታንዳብ ዳንዳኢ̈ዛ ጾ̈ሳ̇̇̈ቦ ቦንች ማ̈ቆ̇።

ሮሜ 2:16

ዪና̇ ማ̈ቃ̇ዚንዳ ታ̈ኒ ሶ̈ላዝ ዎጛላ ቃ̈ሊንዲፌ̈ኒ ኣሳን ኦ̈ኖ ሜላ ኣቲ̇ን ጌማ ባዛን ጋልዳ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ፊርዳዝ ቃሚ̇ንባራ።

ሮሜ 8:17

ዪዚ ኑ̈ኒ ጾ̈ሳ̇ ናኢ ማ̈ቄ̇ጌዪን ጾ̈ሳ̇̇̈ቦ ዎን ኑ̈ናር ኤኪ̈ሬ፤ ክርስቶ̈ሳባር ዎልኣ ኤኪ̇ሬ፤ ዓት ኑ̈ኒ ክርስቶ̈ሲ ኤኪ̇ዝ ሜቲን ኤኪ̇ዛን ማ̈ቄጌይን ዎሃ ኢ ቦንቺ̇ንዳር ኤኪ̇ዛን ማ̈ቂ̇̈ሬ።

ኤፍ 1:18

ኢ ዪንታ̇ብ ኢማ̇ንዳ ጋ̈ሪ ዪንታ̇ ፌ̈ክ ጼይጊኖ ታስፊን ኣብዝኮ፥ ማ ጾ̈ሳ̇ ዎርዣን ጊዳክ ኤካ̇ዝ ቦንች ቤሲ̇ን ዎዛርፌ̈ን ጴችኮ ዪንቲ ኤራምፔ̈ን ጾ̈ሲ ዪንታ̇ ቡ̈ዲን ፊርቃምፔ̈ኒ፣

1 ታሳ 1:5

ዓና̇ ዎጛሊን ኑ ዪንታ̇ ዬልኖንዳ ኖ̈ናባራ ሙ̈ታ ጊዳካ̇ይዶን ጾ̈ሳ̇ ዎልቃባርኬ ጌ̈ሻ ኣያ̇ናባራ፥ ማ ዎጛሊንዳ ኪን ባዝ ማ̈ቂ̇ኖን ቡ̈ዳፖ ኣማ̇ናሪዬ፤ ኑ ዪንታ̇ባር ዎንባራ ዪንታኮታ̇ ጋ̈ሪ ዎዛርፌ̈ን ዶኢኖኮ ዪንቲ̇ ኤሪ̈ሬ።

1 ታሳ 2:12

ፌ ካ̈ቲቲንኬኬ ፌ ቦንቺ̇ንኮ ዪንታ̇ ጼይጊኖ ጾ̈ሳ̇̇̈ቦ ኮሻ̇ዚንዲፌ̈ን ዪንቲ ዶኣምፔ̈ኒ ኑ ዪንታ̇ ዞሪኖን፥ ሚ̈ንኖንዲኬ ሚ̈ንር ዪንታ̇ ጌሺኖን ዪንቲ̇ ኤሪ̈ሬ።

2 ጢማ̈ 2:12

ኑ̈ኒ ጋርዣር ኢባር ሚ̈ጜጌይን፥ ኢባር ዎልኣ ካውቲ̈ሬ። ኑ ኢያ ካ̈ዴጌይንዶ ኢያር ማ ኑ̈ና ካ̈̈ዲ̈ሬ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

2 ጴጥ 1:3

ፌ ቦንችባርኬ ፌ ኮሺ̇ቲንባራ ኑ̈ና ጼይጊኖ ጾ̈ሳ̇̇ ኢያ ኑ ኤሪኖኮታ̇ቦ ኢ ጾ̈ሲቲ ዎልቂንዳ ሼምፓ ዲጛንዳብኬ ጾ̈ሳ̇ቦ ጎሽታ̇ንዳብ ኮሺ̇ዝ ባዛን ዎይ ኑ̈ብ ኢሚ̇ኔ።

ሳጻ 21:23

ካታሚንቦ ጾ̈ሳ̇ ቦንቻ ፎኢሲዛኮታብኬ ዶራዲ ኢዝቦ ፎኢን ማ̈ቂ̇ኖኮታ̇ቦ ኣዋ̈ፍኬ ኣጋን ፎኢን ኢዝቦ ኮሺ̇ባ̈ሴ።

ሳጻ 3:21

ታ̈ኒ ታ ጻላ̈ታን ጋማራ ታ ባ̈ባ̈ባር ዎልኣ ዶኢኖንዲፌ̈ኒ ጋሚኖ ኣሲ ቴ ዙፋ̈ኒን ጋልዳ ቴባር ዎልኣ ዶ̈ኣምፔን ዎታንዳ።