2 ታሳ 2:10 - ኦራ ጫ̈ቃ ማጻ̈ፋ

¹⁰ ማ ዪዝ ኣሳን ጪ̈ጪንቺ̇ዝ ኢ̈ታ ኦ̈ሳ ዎይ ኦ̈ሙታ̇ ዬይሬ፤ ዪን ኣሳን ያዚንዳ ኢንታ ፋንዳብ ዳንዳኣዝ ኪንን ካር ኣማ̇ናካይ ኣቲ̇ኖኮታ̇ቦ።

2 ታሳ 2:10 ပူးပေါင်းရင်းမြစ်များ

ማ̈ቶ̈ሳ 13:11

ኢያር ኢንታ̇ኮ “ዪንታ̇ቦ ጾ̈ሳ̇̇ ካ̈ቲቲ ሚ̈ስጢሪን ኤራምፔ̈ን ኢሚ̇ንቲ̇ኔ፥ ኢንታ̇ብ ኢሚ̇ንታ̇ካዬ።

ዋ̈ኒ̇ሳ 3:17

ጾ̈ሲ̇ ፌ ናኣ ኣላሚን ጋልዳ ሚሺኖ̈ዲ፥ ኣላሚን ጋርታ̇ ዎ ኣሳን ኢያ ኣማ̇ናር ፋጻምፔ̈ንዶኬ ኢንታ̇ ጋልዳ̇ ፊርዳምፔ̈ን ጊዳካ̇ዬ።

ዋ̈ኒ̇ሳ 5:34

ቴ ዪኖ̇ ዪንታ̇ብ ሶ̈ሊኖንዳ̇ ዪንቲ̇ ፋጻምፔ̈ንዶኬ፥ ታ̈ኒ ኣሲ ታ̈ብ ማርኪቲዛ ኤካ̇ባሴ።

ሮሜ 10:1

ቴ ኢሺንታ̈ን! ቴ ቡ̈ዲን ጋርታ̇ ታ̈ብ ዎ ጴች̇ ኢኒ̇ንዲኬ ቴ ጾ̈ሳ̇ ዎ̈ሳ̈ዚንዳ ኢስሬ̈ላን ፋጻምፔ̈ኒዬ።

ሮሜ 16:18

ዪንፌ̈ኖ ኣሳን ፌ̈ብ ማ̈ቂ̇ዝ ባዛብ ኦ̈ርዶኬ ኑ ጎዳ ዬሱ̈ስ ክርስቶ̈ሳብ ኦ̈ባ̈ሴ። ኖ̈ናባር ማጺና ማ̈ቃ̇ር ኣባክ ኤሪባ̈ሶ ኣሳን ቡ̈ዲን ባሊ̈ሬ።

ሮሜ 6:17

ዪንቲ̇ ዓኒፖ̇ ቲ̈ን ናጋራብ ኣይላ፤ ዓት ዎቲናካሬ ዪንቲ̇ ዪንታ̇ብ ኢሚ̇ንቲ̇ኖ ቲሚርቲ̇ምቦ ቡ̈ዳ ጋርታፖ̇ ኪ̈ቲንቲ̇ኖኮታ̇ቦ ጾ̈ሳ̇̈̇ቦ ጋላታ ማ̈ቆ̇።

1 ቆሮ 1:18

“ክርስቶ̈ሲ ማስቃ̈ላ ጋ̈ልዳ ዓይቂ̇ኔ” ጋ̈ዝ ሶ̈ሊንዳ ዪዝ ኣሳንቦ ቦ̈ዛ ባዝፌ̈ን ፋይዲንታ̈ሬ፤ ዎቲናካር ኑ̈ቦ ፋጺዛንቦ ጾ̈ሳ̇ ዎልቃ።

1 ቆሮ 16:22

ጎዳ ካባሶ ኣሲ ዎኮ ኢ ባ̈ዲንቲ̇ኖ ማቆ! ኑ ጎዳ̈ዶ! ዬ̈ቤ።

2 ቆሮ 11:13

ዪንፌ̈ኖ ኣሳን ክርስቶ̈ሳ ሃዋራ ማይጻንዳቦ ፌ̈ና ኦ̈ሂዝ ማቃ ሃዋ̈ራኬ ማቃባር ኦ̈ዝ ኣሴ።

2 ቆሮ 11:15

ዪዚ ዪን ሴ̈ጣና ኣሽካራን ጾ̈ሳ̇ ኣሽካራ ማይጻንዳቦ ፌ̈ና ኦሄጌይን ጋራ̇ሚሲባ̈ሴ፤ ዉርሲ ጋልዳ ኢንቲ̇ ፌ ኦ̈ሲ̇ን ጋቲን ዲጚ̈ሬ።

2 ቆሮ 2:15

ኑ̈ኒ ፋጺዝ ኣሳንባር ማ̈ቂ̇ን ይዛንቦ ኮሽ̇ ሳዉቂ̇ዝ ሺታፌ̈ን ማ̈ቃ̇ር ክርስቶ̈ሳ ጎይባር ጾ̈ሳ̇ቦ ሺ̈ቂኖ ኣሴ።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

ኤፍ 4:14

ዪዚ ኑ ዓኒ̇ፖ̇ ጌዳ ኣሲ ኑ̈ና ዉጫባራ ባሊሙታ̇ኬ ቃልቂንቺ̇ሙታ ዱማ ዱማ ማቃ ቲሚርታ̇ባራ ኣይጊኬ ዋ̈ሳ ጋልዶ ዉርጊንዲፌ̈ኒ ጌዳክ ዓኒክ ኤንኢሙታ̇ ኣቂሊ̇ ናኢ ማ̈ቂ̇ባ̈ዳ።

1 ታሳ 2:16

ኢንታ̇ ፋዝ ቃ̈ሊን ሶ̈ላካ̇ይፌ̈ኒ ኑ̈ና ካዪኔ፤ ዪኒ̇ፌ̈ን ዎቲሙታ̇ ናጋራ ጋልዳ ናጋራ ጊጂሙታ ሉኪ̈ሬ፤ ዪ̈ኮታ̇ቦ ዉርሲ ጋልዳ ጾ̈ሳ̇ ጎይላ ኢንታ̇ ጋልዳ ዬይኔ።

2 ታሳ 2:12

ዪና̇ ማ̈ቃ̇ዚንዳ ኢንቲ̇ ኪንን ኣማ̇ናብዳ ጋ̈ሪ ናጋራባር ኡፋይቲ̇ዛን ዎይ ፊርዲንታ̇ምፔ̈ኔ።

2 ታሳ 2:13

ጾ̈ሳ̇ባር ካን̇ቲኖ ኑ ኢሺንታ̈ን! ኑ̈ኒ ዪንታ̇ጊሽ ዎይ ጋላስ ጾ̈ሳ̇ ጋላታንዳ̇ብ ኮሺ̇̈ሬ፤ ኑ ኢያ ጋላታዚንዳ ዪንቲ̇ ጌ̈ሻ̇ ኣያ̇ናባር ጌ̈ዥጋሪ ኪንን ኣማ̇ናሪ ፋጻምፔ̈ኒ ጾ̈ሲ ቲ̈ኒታር ዪንታ̇ ማራ̇ጺኒኮታ̇ቦ።

1 ጢማ̈ 2:4

ጾ̈ሲ ኮዪዛ̈ዲ ኣ ዎይዲ ፋጻምፔ̈ንኬ ኪንን ኤራምፔ̈ኒዬ።

ኢብ 3:13

ዎቲናካሬ ዪንታ̇̈ ጋርታ ኦ̈ናካሬ ናጋራባር ባሊታ̇ሪ ኪ̈ቲንታካ̇ይ ኣታካ̇ዮ̈ዲፌ̈ን ዓታ̇ቦ ጊያ̈ቦ ጋ̈ካ̇ይዶ̈ር ዎይ ጋላስ ዎል ዎልኣ ሚ̈ንብቴ።

2 ጴጥ 2:12

ማ̈ቂ̇ናካሬ ዪን ማቃ ኣስታማ̈ራን ኤሪባ̈ሶ ባዝ ጋርታ̇ ጌሊሙታ ቆ̈ሬ፤ ኢንቲ̇ ኣሲ ኢንታ ኦይታ̇ር ዎዝ ቆፒ̇ ቢሪን ቤቂ̇ዝ ቡ̈ዳባዮ̇ ማ̈ታባዝፌ̈ኒዬ። ዪን ማ̈ታ ባዛን ያዚንዲፌ̈ኒ ኢንታ̇ር ዪ̈ሬ።

2 ጴጥ 2:18

ባሊዝ ቲሚርታ ጋርታፖ̇ ዬ̈ር ቢርት ሚ̈ጛካ̇ዮ ኣሳን ፋባ̈ሶ ኦቲራ ሶ̈ላ ሶ̈ሊሙታ̇ ኢ̈ታ ናጋራ ኢና̇ባርኬ ኦሎላባር ኢንታ ጪ̈ጪንቺሙታ̇ ኢንታ ባሊሬ።