2 ታሳ 1:8 - ኦራ ጫ̈ቃ ማጻ̈ፋ

⁸ ኢ ዬይዛ̈ዲ ታማ ላባራ፤ ዪኒ ጋላ̇ስ ጾ̈ሲ ኢያ ኤሪባ̈ሶ ኣሳንኬ ጎዳ ዬሱ̈ሳ ዎጛሊምቦ ኪ̈ቲንቲ̇ባ̈ ኣሳን ኢንታ ጋልዳ ፊርዲ̈ሬ።

2 ታሳ 1:8 ပူးပေါင်းရင်းမြစ်များ

ማ̈ቶ̈ሳ 25:41

“ኢናፖ̇ ዓዲርስ ጎይ ዎንኮ ‘ዪኒቲ̇ ባ̈ዲንቲ̇ኖን! ታ̈ፖ̇ ጌዳ ጎቲ̇ብቴ! ሴ̈ጣናብኬ ኢ ኪ̈ታንቻ̇ንቦ ጊ̈ጊንቲ̇ኖ ሜናብ ቴይቂ̇ባ̈ሶ ታማ ጋርታ̇ ሉኪ̇ብቴ!

ማ̈ቶ̈ሳ 25:46

“ዪ̈ኮታ̇ቦ ዓን ታ ጋልዳፖ̇ ፋጊንታ̇ሪ ሜናብ ጎይል ቤስ̇ ሉካ̇ምባራ ጺላ̇ን ሜናብ ሼምፓባር ዶኢዝ ቤስ̇ ሉኪ̇̈ሬ” ጌይዴ።

ዋ̈ኒ̇ሳ 3:19

ጾ̈ሲ̇ ፊርዲዛ̈ዲ፥ ፎኢን ኣላሚን ጋልዳ̇ ዬይንዶ̈ን ኣሳን ኢንታ̇ ኦ̈ሲን ኢ̈ት ማ̈ቂ̇ኖኮታ̇ቦ ፎኢንምፖ̇ ሚ̇ን ዶሲኖኮታ̇ቦ።

ዋ̈ኒ̇ሳ 8:19

ኢናፖ̇ ኢንቲ̇ ኢ̈ኮ “ኔ ባ̈ባ ዎይዲ ዎ?” ጋ̈ሪ ኦይጪ̇ዴ። ኢያር ኢንታ̇ኮ “ዪንቲ̇ ታ̈ናር ኤሪባ̈ሴ ቴ ባ̈ባ̈ዳር ኤሪባ̈ሴ ዪንቲ̇ ዎን ታ̈ና ኤሪኖኮ ቴ ባ̈ባ̈ዳር ኤሪ̈ርዶ̈ን” ጋ̈ር ማሂዴ።

ሃዋ̈ራታን ኦ̈ሳ 6:7

ጾ̈ሳ̇ ቃ̈ላ̈ዲ ዳልጊ ሙታ̇ ሉኪ̇ዴ፤ ኣማ̇ኒኖ ኣሳሬ ዬሩሳ̈ላም ካታሚን ጋርታ ዎይሊዴ፤ ቄ̈ሳን ጋርታፓሬ ዎይሊን ኣማ̇ኒዴ።

ሮሜ 1:28

ኣሳን ጾ̈ሳ̇̇ ኤራንዳ̇ቦ ኮያካ̇ዮኮታ̇ቦ ኢንቲ̇ ፋባ̈ሶ ላ̈ፋ ባዝ ኦ̈ሳምፔ̈ኒ ላ̈ፋ ቆፋቦ ኢንታ̇ ኣ̈ ኢሚ̇ዴ።

ሮሜ 1:5

ዎርዣ ጋርታ̇ፖ ዎይ ኣሲ ዬሱ̈ሳ ኣማ̇ናንፔ̈ንኬ ኢ̈ብ ኪ̈ቲንታ̇ምፔ̈ኒ ዎታንዳቦ ኑ̈ኒ ሃዋ̈ራ ማ̈ቃ̇ምፔ̈ን ኢዲ̇ላ ኑ̈ብ ኢሚንቲ̇ኔ።

ሮሜ 10:16

ዎቲናካሬ ናባ̈ ኢሳ̈ሲ ጌይርዶሪ “ጎዳ̈ዶ! ኑ ሶ̈ሊኖ ቃ̈ሊን ኦ ኣማ̇ኔ?” ጋ̈ሪ ጻ̈ፊኖንዲፌ̈ኒ ዎይን ኡፋይሳ̇ዝ ጾ̈ሳ̇̈ ቃ̈ሊ̈ን ኣማ̇ናካ̇ይ ኣቲ̇ዴ።

ሮሜ 15:18

ኣይሁድ ባዮ̇ ኣሳን ጾ̈ሳ̇̇ብ ኪ̈ቲንታ̇ምፔ̈ኒ ክርስቶ̈ሲ ታባር ማ̈ቃ̇ሪ ጌ̈ሻ̇ ኣያ̇ና ዎልቃ̇ባራ ታሚ̇ራ̈ታኬ ጋራ̇ሚሲዝ ማል̇ባራ ቴ ሶ̈ሊንባርኬ ቴ ኦ̈ሲንባራ ኦ̈ኖ ኦ̈ሲምፖ̇ ኣቲ̇ን ሜ̈ላ ባዝ ኣባካር ቴ ሶ̈ላንዳቦ ኮያባሴ። ታ̈ኒ ዬሩሳ̈ላማፖኬ ኢዝ ቡጊድባራ ዎ ኣካ̇ባባንፖ ኤ̈̇ራ ሊዋ̈ሪቆ̈ና ጌይዝ ቤስ̇ ዬሊ̇ዝ ዲራ̈ስ ክርስቶ̈ሳ ዎጛሊን ውርሳ ሳባ̇ኪኔ።

ሮሜ 16:26

ዎቲናካር ዓት̇ ዓና̇ ኪን ባዚንዳ ፋላ̇ ጋል ኬስኪ̇ኔ፤ ሜናብ ዶኢዝ ጾ̈ሳ̇̇ ኪ̈ትባራ ዎርዣን ዎይ ኣማ̇ናር ኪ̈ቲንታ̇ምፔ̈ኒ ናባን ጻ̈ፊኖ ማጻ̈ፋ ጎይባራ ጾ̈ሲ̇ ኢንቲ̇ ዎይ ኢያ ኤራምፔ̈ኒ ዎቲኔ።

ሮሜ 6:16

ዪንቲ̈ ፔቲ̇ ኣሳብ ኣይላ ማ̈ቃ̇ሪ ኪቲንቲ̇ ኤጌይንዶ ና̈ሳ ዪ̈ቦ ዪንቲ̇ ኣይላ ማ̈ቂ̇ኖን ኤሪ̈ሬ፤ ዪና̇ ኢዝፌ̈ን ዪንቲ̇ ናጋራቦ ኪቲ̇ንቴጌዪን ዪንታ̇ ጋልዳ ዓይቃ ኤሄ̈ዝ ናጋሪምቦ ኣይላ ማ̈ቂ̇̈ሬ፤ ጾ̈ሳ̇ቦ ኪቲ̇ንቴጌዪን ጺሊ̇ቲ ዲጚ̈ሬ።

1 ቆሮ 15:34

ዪንታ̇ ቡ̈ዲንባር ቆፓ̇ር ቤቂ̇ብቴ፤ ናጋራ ኦ̈ፒቴ፤ ዪንታ̇ ጊዳ̇ ፔታ̇ን ፔታ̇ናን ጾ̈ሳ̇ ኤሪባ̈ሶን ዎኮታ̇ቦ ዪንታ̇ ዬሊንዳቦ ቆፓ̇ር ታ ዪኖ̇ ጌይኔ።

2 ቆሮ 10:5

ኣሲ ጾ̈ሳ̇ ኤራካ̇ይፌ̈ኒ ዎቲዝ ኦቲራባር ዲንዲዝ ዋች̇ኬ ፋባ̈ሶ ላ̈ፋ ቆፊ ዎይ ኑ̈ኒ ላ̇̈ሊ̇̈ሬ፤ ኣሳ ቆፊ ዎይ ካ̈ታ̇ር ክርስቶ̈ሳብ ኪቲ̇ንታምፔን ዎቲ̈ሬ።

ጋላ̈ታ 3:1

ጋላ̈ታ ኣሳን ቦ̈ዛን! ዪንታ̇ ቢቲኖ ኦ̈ኖ? ዬሱ̈ስ ክርስቶ̈ሲ ዪንታ̇ቦ ጋ̈ሪ ማስቃ̇ላ ጋልዳ̇ ሶቲንቲ̇ኖንዶ ቴ ዪንታ̇ ኮሺንቻ ታማ̈ርሳካ?

ጋላ̈ታ 4:8

ዪንቲ̇ ሚን ጾ̈ሳ̇ ኤራናፖ ቲ̈ን ጾ̈ስ ጊዳካ̇ዮ ባዛቦ ኣይላ ማ̈ቂ̇ ኪ̈ቲንቲ̇ሙታ̇ ጋምኢኔ።

1 ታሳ 4:5

ጾ̈ሳ̇ ኤሪባ̈ሶ ኣሳንፌ̈ኒ ኦሎላብ ኢና̇ ኢንታ̇ብ ዶኣፖጋ̈ቤ።

ኢብ 10:27

ዪዚ ዓኒ̇ፖ ጌዳ ጊዳክ ዬይዝ ኢ̈ቺ̇ዝ ፊርዳኬ ጾ̈ሳ̇ ኢጺ̇ዝ ኣሳን ሚቺ̇ ይሲዝ ጴች ታማ ዬይሬ ጌዪ ኑ ና̈ጊ̈ሬ።

ኢብ 10:30

“ሱ ማሂዛዲ ታ̈ና፤ ታ̈ኒ ኮሻ̇ዝ ባዚን ማሃ ጪጋ̇̈ሬ” ማ “ጾ̈ሲ ፌ ዎርዣ ጋልዳ ፊርዲ̈ሬ” ጌይኖ ኦ̈ናኮ ኑ ኤሪ̈ሬ።

ኢብ 11:8

ኣብራሃ̈ሚ ፌ̈ብ ኢሪስታ ማሃር ኤካ̇ዝ ቤሲ̇ንኮ ሉካ̇ምፔ̈ን ጼይጊንቲ̇ኖ ኬል̇ባራ ኢ ዎይዲ ሉኪ̈ርካር ኤራካ̇ይዶር ኣማ̇ናባር ኪ̈ቲንታ̇ር ኬስካ̇ር ሉኪ̇ዴ።

ኢብ 12:29

ኣባ ጌይን ኑ ጾ̈ሳ̇̈ዲ ሚቺ̇ዝ ታማፌ̈ኔ።

ኢብ 2:3

ዪዚ ኑ̈ኒ ዪ̈ዲፌ̈ኖ ጴች ፋቲ̈ ጎይን ቦቲጚዝባዝ ማ̈ቄ̇ጌይን ዎዛርታር ፊርዳ ጋልዳፖ ቡቲ̇̈ራ? ዪና̇ ፋቲ̈ን ቲ̈ኒታር ኣሳብ ኤርሲኖ̈ዲ ጎዳ̈ዳ፤ ማ ኢ ጋልዳፖ ሲስኪ̇ኖ ኣሳንሬ ኢዛ ኪን ማ̈ቂ̇ኖን ኑ̈ና ቤይሲኔ።

ኢብ 5:9

ዬሱ̈ሲ ፌ ኦ̈ንዳብ ኮሻ̇ዝ ባዚን ኦ̈ ፎቲኖፖ ዓኒ ኢ̈ብ ኪ̈ቲንቲ̇ዛን ዎይን ሜና ፋቲ ዲጛምፔ̈ኒ ጎይ ኢንታ̇ብ ፊርቂ̇ዴ።

1 ጴጥ 3:6

ሳ̈ራ ፌ ኣስና ኣብራሃማኮ “ላ̈” ጌ̈ያሙታ̇ ኪ̈ቲንቲ̇ኔ፤ ዪንታ̇ር ኣባካር ኢ̈ጫካ̇ይ ዪና̇ ኢፌ̈ኒ ዎቲኖኮ ኢዝ ናኤ።

1 ጴጥ 4:17

ፊርዳ ዬይዝ ቃሚ̇ ኡኪ̇ኔ፤ ዓና ፊርዲን ጾ̈ሳ̇ ኣማ̇ኒዝ ኣሳን ጋልዳ ቲ̈ኒታር ዣማ̇ራ̈ሬ። ዪዚ ፊርዲን ዣማ̇ራዚንዳ ኑ ጋልዳኮ ጾ̈ሳ̇̇ ዎጛላብ ኪ̈ቲንቲ̇ባ̈ሶ ኣሳን ዉርሲንዳ ኣ ማ̈ቃ̇ርዶኔ?

2 ጴጥ 3:7

ዪና̇ ቃ̈ሊን ኢዝባራ ዓት ዎ ኣፎ ሳ̈ዛንኬ ሳ̈ዶ̇ ሳ̈ዚንዳ፥ ጾ̈ሳ̇̇ ጎሽቲባ̈ሶ ኣሳን ያዝ ፊርዳ ቃሚ̇ን ዬሊ̇ዚ ዲራስ ታማባር ሚጫ̇ንዳቦ ና̈ጊንታ̇ር ዎ።

ዪሁ 1:7

ዪና̇ ኢዝፌ̈ኒ ሶዳ̇ማኬ ጋሞራ ማ ኢንታ̇ ቡጊዲንባር ዎ ካታማን ዪን ኪ̈ታንቻንፌ̈ኒ ኢ̈ታ ኢና̇ቦ ፌ̈ና ኣ̈ ኢሚ̇ዴ፥ ማ ኣቲኖ ኣቲናባራ ማጮ̇ ማጫ̇ባራ ኦሎላ ጋዲ̇ዴ፤ ዪን ሜናብ ዪባ̈ሶ ታማ ጋርታ ሚጪ̇ዛንቦ ሚሳ̈̇ሊ ማ̈ቂ̇̈ሬ።

ሳጻ 20:10

ኢንታ ባሊኖ ዳ̈ቢሎሲ ማ̈ታ ባዛ̈ዲኬ ዎርዳ ናባ̈ዲ ዎ ዲናባር ሚቺ̇ዝ ታማ ባሃ̈ራ ጋርታ ቶጚንቲ̇ዴ፤ ኢንቲ̇ ቤስ̇ ኢና ቃማ̇ሬ ጋላሳ̇ር ሜናብ ቢጻ ቤቂ̇ ዶኢ̈ሬ።

ሳጻ 21:8

ዎቲናካሬ ኢ̈ጪ̇ዛን፣ ኣማ̇ና ባዮን፣ ቄጺ̇ኖን፣ ኣስ ዎዛን፣ ኦሎላ ጋዲ̇ዛን፣ ቢታን፣ ኣሳ ኩሽባር ኦ̈ንቲ̇ኖ ባዛብ ጎሽቲ̇ዛን፣ ማቃ ማቂ̇ዛን ዎይ ኢንታ ዉርሲንዳ ዲ̈ናባር ሚጫ̇ዝ ታማ ባሃ̈ሪን ጋርታ ማ̈ቃ̇̈ሬ፤ ዪ̈ዳሬ ናምኢ ዓይቃ።

ሳጻ 6:10

ኢንታሬ ፌ ቆ̈ን ሾክ̇ ዎታሪ “ጌ̈ሻ̇̈ዲኬ ኪንዲ፥ ዎይፖ ሾክ̇ ጌይኖ ጾ̈ሳ̇̈̇ዶ! ኔ ሳ̈ዝ ጋልዳ ዎ ኣሳን ጋልዳ ኤሊ̇ር ፊርዳራ ኑ ሱን ኣባብ ማሃባሳ?” ጋ̈ሪ ዉይሲዴ።