2 ታሳ 1:7 - ኦራ ጫ̈ቃ ማጻ̈ፋ

⁷ ዓት ሜታ ኤኪ̇ዛን ዪንታ̇ኬ ኑ̈ናኬ ኢ ሼምፒቺ̈ሬ። ዪና̇ ማ̈ቃ̇ዚንዳ ጎዳ ዬሱ̈ሲ ዎልቃባሮ ኢ ኪ̈ታንቻንባራ ኣፋ̈ፖ ዬይዝ ጋላ̇ሴ።

2 ታሳ 1:7 ပူးပေါင်းရင်းမြစ်များ

ማ̈ቶ̈ሳ 16:27

ታ ኣሳ ናኣ̈ዲ ቴ ባ̈ባ ቦንቺ̇ንባራ፥ ኪታ̇ንቻ̇ንባር ዎልኣ ማ̈ቃር ዬ̈ሬ፤ ዪኖ̇ ኢዝባራ ታ̈ኒ ዎይንቦ ኢንታ̇ ኦ̈ሲንዲፌ̈ን ኢንታ̇ብ ጪጋ̇̈ሬ።

ማ̈ቶ̈ሳ 16:28

ቴ ዪንታ̇ክ ኪን ጋ̈ሬ፥ ቴ ኣሳ ናኣ̈ዲ ቴ ካ̈ቲቲን ቦንቺ̇ንባራ ዬ̈ዚን ቤቂ̇ዝ ዲራ̈ስ ዓንዳ ኤቂ̇ኖን ጋርታ̇ፖ ዓይቂ̇ባ̈ሶ ኣሳ̈ን ዎ” ጌይዴ።

ማ̈ቶ̈ሳ 25:31

“ታ ኣሳ ናኣ̈ዲ ቴ ኪ̈ታ̇ንቻ̇ ዎይንባር ቦንችባር ዬ̈ራ ቴ ቦንቻ̇ ዙፋ̈ና ጋልዳ ዶኣ̈ሬ።

ማ̈ቶ̈ሳ 25:41

“ኢናፖ̇ ዓዲርስ ጎይ ዎንኮ ‘ዪኒቲ̇ ባ̈ዲንቲ̇ኖን! ታ̈ፖ̇ ጌዳ ጎቲ̇ብቴ! ሴ̈ጣናብኬ ኢ ኪ̈ታንቻ̇ንቦ ጊ̈ጊንቲ̇ኖ ሜናብ ቴይቂ̇ባ̈ሶ ታማ ጋርታ̇ ሉኪ̇ብቴ!

ማ̈ቶ̈ሳ 26:64

ዬሱ̈ሳር ኢኮ “ኣ ኔ ጌይኖን ኪን፤ ዎቲናካሬ ዓኒ̇ፖ̇ ጌዳ ቴ ኣሳ ናኣ̈ዲ ጴቻ̇ ጾ̈ሳ̇̇̈ቦ ኡሻች ጎይ ዶኤጌይንኬ ማ ኣፋ ሻ̈ራባር ዬ̈ዚምባር ዪንቲ̇ ቤቂ̇̈ሬ” ጋ̈ሬ ጌይዴ።

ማ̈ርቆ̈ሳ 14:62

ዬሱ̈ሳር ኢ̈ኮ “ኣ̈ ታ̈ና! ታ̈ኒ ኣሳ ናኣ̈ዲ ዎልቃ̈ማ ጾ̈ሳ̇̇̈ብ ኡሻቻ̇ ጎይ ዶኣዚንዲኬ ኣፋ ሻ̈ራ ጋርሳባር ዬ̈ዚን ዪንቲ ቤቂ̇̈ሬ” ጌይዴ።

ማ̈ርቆ̈ሳ 8:38

ዓ ጾ̈ሳ̇̇ ጎይን ዬ̇ንዳ̇ብ ኮዪባ̈ሶ፥ ናጋራንቻ̇ ዓቶ̇ ኣሳ ቲ̈ን ታ ሱ̈ምን ጼይጊ̈ንታምባርኬ ታ ቃ̈ሊን ሶ̈ሊንታምባራ ዬ̈ልቂዝ ኣሲ ዎይ፥ ታ ኣሳ ናኣ̈ዲ ታ ባ̈ባ ቦንቻ̇ ባርኬ፥ ጌ̈ሻ ኪ̈ታንቻንባር ዬ̈ርዶ̈ር ቴ ኢያ ቤቃ̇ር ዬ̈ልቃ̇̈ሬ!” ጌይዴ።

ሉቃ̈ሳ 16:25

ኣብራሃ̈ሚ ኢ̈ኮ ‘ቴ ናኣ̈ዶ! ኔ ሳ̈ዝ ጋልዳ̇ ዶኢኖ ላይን ጋርታ̇ ኮሽ ባዝ ዲጚኖን ኤልቅ ዎታቤ። ኣላ̈ዛ̈ራር ዪና̇ ኢዝ ኬሊ̇ንባራ ቢጻ ቤቂ̇ኖን ኔ ኤራ̈ሬ። ዓት ዪዚ ኢ ዓይዲ ኡፋይስባራ ዶኣምባ̇ራ ኔ̈ኒ ቢጻ ቤቃ ጋል ዎ።

ሉቃ̈ሳ 17:30

“ታ ኣሳ ናኣ ዬ̈ዝ ጋላሲ̇ንዳሬ ዪና̇ ኢዝፌ̈ን ማ̈ቃ̇̈ሬ።

ዋ̈ኒ̇ሳ 1:3

ጾ̈ሲ̇ ዎይ ባዝ ኮቺ̇ኖንዳር ፌ ቃ̈ላ ጎይባራ፤ ኮቺ̇ንቲ̇ኖ ባዛን ዎይን ጋርታ̇ ኢ ኮቻ̇ካ̇ዮ ባዚ ኣባካር ባዬ።

ዋ̈ኒ̇ሳ 1:51

ቴ ዪንታ̇ክ ኪን ጋ̈ሬ “ኣፋ ጪላ ፊርቂንቲ̇ን ጾ̈ሳ̇̇ ኪ̈ታንቻ̇ን ታ ኣሳ ናኣ ጋልዳ ኬስካ̇ምባርኬ ሶ̈ባምባ̇ራ ዪንቲ̇ ቤቂ̇̈ሬ” ጌይዴ።

ሃዋ̈ራታን ኦ̈ሳ 1:11

ኢንታኮ “ዪንቲ̇ ጋሊላ ጋዶ̇ ኣሳን! ፉዳ ኣፋ ቤቂ̇ሙታ̇ ዓይ ኣብዛብ ኤቂ̇ና? ዓ ዪንቲ̇ ቤቃ̇ምባር ፉዳ ኣፋ ሉኪ̇ኖ ዬሱ̈ሲ፥ ዓና̇ ኢዝፌ̈ን ማ̈ቂ̇ ዬ̈ይሬ” ጌይዴ።

ሃዋ̈ራታን ኦ̈ሳ 3:19

ዪዚ ዪንታ̇ ናጋራ̈ ዪንታ̇ቦ̈ ኣቶ̇ ጌዪንታ̇ምፔ̇̈ንኬ ጎዳ ዪንታ̇ ማ̈ዲ̇ዝ ላይ ዬ̈ምፔ̈ኒ ማ̈ሪቲ ጌላር ጎዳ̈ክ ማ̈ቂ̇ብቴ።

ሮሜ 8:17

ዪዚ ኑ̈ኒ ጾ̈ሳ̇ ናኢ ማ̈ቄ̇ጌዪን ጾ̈ሳ̇̇̈ቦ ዎን ኑ̈ናር ኤኪ̈ሬ፤ ክርስቶ̈ሳባር ዎልኣ ኤኪ̇ሬ፤ ዓት ኑ̈ኒ ክርስቶ̈ሲ ኤኪ̇ዝ ሜቲን ኤኪ̇ዛን ማ̈ቄጌይን ዎሃ ኢ ቦንቺ̇ንዳር ኤኪ̇ዛን ማ̈ቂ̇̈ሬ።

1 ቆሮ 3:13

ኢ ኦ̈ኖ ኦ̈ሲንዳ ፋላ̇ ጋልዳ ኬስካ̇ራ ፊርዲንቲ̇ዝ ቃሚ̇ ዬይሬ፤ ዪና̇ ኢዝ ቃሚ̇ንባራ ኣስ ዎይ ኦ̈ሲንዳ ኣፌ̈ንኮ ታማ ጋርታ ጌላ ኬስካ̇ራ ፋላ̇ ጋልዳ ቤንታ̇̈ሬ።

2 ቆሮ 4:17

ዓት ኑ̈ና ዋ̈ዪዝ ጊላ̇ ጊዛብ ሙታ̇ ጋምኣዝ ሜቲን ጊሊ̇ን ዓና ዎይሊን ጴች ማ̈ቂ̇ኖ ሜናብ ዶኢዝ ቦንች ኑ̈ብ ቤይሳ̈ሬ።

ቆላ̈ሳ̈ሳ 1:16

ዎይ ባዝ ኮቺ̇ኖ̈ ኢያ። ኣፋር ማ̈ቂ̇ን ሳ̈ዳ̇ር ዎን፥ ቤቂ̇ን ቤንቲ̇ዛንሬ ቤንቲ̇ባ̈ሶንሬ፥ ኣፋ ዎ ጴች ዎልቃባሮንኬ ጋዣን፥ ላ̈ንኬ ሲልጣ̈ናባሮን ዎይ ጾ̈ሲ ኢባር ማ̈ቃ̇ር ኢ̈ብ ኮቺ̇ኔ።

1 ታሳ 3:13

ኑ ጎዳ ዬሱ̈ስ ክርስቶ̈ሲ ፌ ጌ̈ሻ ኣሳንባራ ማ̈ቃ̇ር ዬ̈ዚምባራ ኑ ጾ̈ሳ̇̇̈ዲኬ ኑ ባ̈ባ ቲ̈ን ዪንታ̇ ቡ̈ዲንዳ ጌ̈ሽኬ ኢ̈ታ ባዚ ኣባክ ባዮ̇ ማ̈ቃ̇ር ዶኣምፔ̈ኒ ኢ ዪንታ̇ ሚ̈ንሬ።

2 ጢማ̈ 2:12

ኑ̈ኒ ጋርዣር ኢባር ሚ̈ጜጌይን፥ ኢባር ዎልኣ ካውቲ̈ሬ። ኑ ኢያ ካ̈ዴጌይንዶ ኢያር ማ ኑ̈ና ካ̈̈ዲ̈ሬ።

ቲ̈ታ̇ 2:13

ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።

ኢብ 10:27

ዪዚ ዓኒ̇ፖ ጌዳ ጊዳክ ዬይዝ ኢ̈ቺ̇ዝ ፊርዳኬ ጾ̈ሳ̇ ኢጺ̇ዝ ኣሳን ሚቺ̇ ይሲዝ ጴች ታማ ዬይሬ ጌዪ ኑ ና̈ጊ̈ሬ።

ኢብ 12:29

ኣባ ጌይን ኑ ጾ̈ሳ̇̈ዲ ሚቺ̇ዝ ታማፌ̈ኔ።

ኢብ 4:1

ዪ̈ኮታ̇ቦ ኢ ኑ̈ብ ኢማ̇ንዳ ጌይኖ ሼምፓ̇ዝ ቤሲ̇ን ጋርታ ኑ ጌላዚን ኤሪንቲ̇ኖባዝ ማ̈ቂ̇ኖኮታ̇ቦ ዪንታ ጋርታፖ ኦ̈ናካር ቤስ̇ ኢና ጌላካ̇ይ ኣታካ̇ይፌ̈ን ኑ ኑ̈ና ና̈ጊስቶ።

ኢብ 4:11

ዪ̈ኮታ̇ቦ ኦ̈ናካር ኣሲ ኣሳን ሴካን ኣማ̇ናካ̇ይ ኣታ̇ሪ ኬዲ̇ኖንዲፌ̈ኒ ኬዳ̇ር ኣታካ̇ዮ̈ዲፌ̈ኒ ሼምፓ ቤሲ̇ን ጋርታ ጌላንዳቦ ሚ̈ጚስቶ።

ኢብ 4:9

ጾ̈ሲ ታብዚ ቃሚ̇ንባራ ሼምፒ̇ኖንዲፌ̈ኒ ጾ̈ሳ̇ ዎርዣ̈ባሬ ሼምፒ̇ዝ ኬሊ̇ ዎ።

ኢብ 9:28

ዪዚ ክርስቶ̈ሲ ዎይሊን ኣስ ናጋራ ይሳ̇ንዳቦ ጋ̈ሪ ፔቲ ቶ̈ህ ፌ̈ና ዣ̈ርሻ ማሂኔ። ማ ማ̈ቃ̇ሪ ዬይሬ፤ ማ̈ቃ̇ር ዬይዛ̈ዲ ዓታ̇ር ኣሳ ናጋራ ቶ̈ካንዳብ ጊዳካ̇ይዶን ኢ ዬንቲ̇ን ና̈ጊዝ ኣሳን ፋንዳቦ።

1 ጴጥ 3:22

ኢያሬ ኣፋ ሉካ̇ሪ ጾ̈ሳ̇ ባ̈ባ̈ቦ ኡሻች ጎይ ዎ፤ ኪታ̈ንቻን፥ ሲ̈ልጣናባሮንኬ ዎልቃባሮን ዎይ ኢ̈ቦ ኪ̈ቲንቲ̇ኔ።

2 ጴጥ 3:7

ዪና̇ ቃ̈ሊን ኢዝባራ ዓት ዎ ኣፎ ሳ̈ዛንኬ ሳ̈ዶ̇ ሳ̈ዚንዳ፥ ጾ̈ሳ̇̇ ጎሽቲባ̈ሶ ኣሳን ያዝ ፊርዳ ቃሚ̇ን ዬሊ̇ዚ ዲራስ ታማባር ሚጫ̇ንዳቦ ና̈ጊንታ̇ር ዎ።

ዪሁ 1:7

ዪና̇ ኢዝፌ̈ኒ ሶዳ̇ማኬ ጋሞራ ማ ኢንታ̇ ቡጊዲንባር ዎ ካታማን ዪን ኪ̈ታንቻንፌ̈ኒ ኢ̈ታ ኢና̇ቦ ፌ̈ና ኣ̈ ኢሚ̇ዴ፥ ማ ኣቲኖ ኣቲናባራ ማጮ̇ ማጫ̇ባራ ኦሎላ ጋዲ̇ዴ፤ ዪን ሜናብ ዪባ̈ሶ ታማ ጋርታ ሚጪ̇ዛንቦ ሚሳ̈̇ሊ ማ̈ቂ̇̈ሬ።

ሳጻ 1:7

ቤቂ̇ብቴ! ኢ ሻ̈ራባር ዬይሬ፤ ሜላ ኣቲ̇ን ኢያ ጫዲ̇ኖ ኣሳንሬ ኣታካ̇ይዶር ዎይ ኢያ ቤቂ̇̈ሬ፤ ሳ̈ዝጋልዶ ዎርዣ ዎይ ኢኮታ̇ቦ ዬ̈ኪ̇̈ሬ፤ ኣ ዪ ዎይ ማ̈ቂ̇̈ሬ! ኣሚንኤ።

ሳጻ 14:10

ጾ̈ሳ̇̈ ጎይላ ዎይና ጂ̇ን ኡሽኪ̈ሬ፤ ዪ ዎይና ጃ̈ዲ ዋ̈ባር ቡሻካ̇ይ ጫ̈ሚን ኢዝባራ ጎይላ ዋ̈ንጪን ጋርታ̇ ዱ̈ቂንቲ̇ኔ፤ ኢንቲ̇ ጌ̈ሻ̇ ኪታንቻን ቲ̈ንኬ ዶራ̈ ቲ̈ን ታማባርኬ ኤይጺ̇ዝ ዲ̈ናባር ቢጻ ቤቂ̇̈ሬ” ጌዪሙታ̇ ኢንታ ዎሂን ሉኪ̇ዴ።

ሳጻ 14:13

ኣፋፖ፤ “ዓና̇ ጻ̈ፋቤ! ዓኒ̇ፖ ጌዳ ጎዳ ዬሱ̈ሳ ኣማ̇ናሪ ዓይቂ̇ዛን ኢንቲ̇ ኣንጂ̇ንቲ̇ኖንሴ!” ጋ̈ዚን ሲስካ̇ዴ። ጌ̈ሻ̇ ኣያ̇ና̈ዳሬ “ኣዓ̈! ኢንቲ̇ ፌ ዳ̈ቡርሲን ጋርታፖ ሼምፓምፔ̈ን ኢንታ ኦ̈ሲንዳ ኢንታ ዎሂን ዬ̈ሬ” ጌይሬ።

ሳጻ 20:11

ዪኒ̇ፖ ዓኒ ጴች ቦ̈ርስ ዙፋናኬ ማ ዙፋኒን ጋልዳ ዶኢኖ ቴ ቤቃ̇ዴ፤ ሳ̈ዶ̇ ሳ̈ዚንዲኬ ኣፎ ሳ̈ዚንዳ ኢ ቲ̈ናፖ ዎጺ ዪዴ፥ ዶኢዝ ቤሳ̇ር ኢንታ̇ብ ቤንታካ̇ዬ።

ሳጻ 21:4

ኢንታ ኣብን ዎይ ኢንታ ኣ̈ፊን ጋልዳፖ ቁቺ̇̈ሬ፤ ቲ̈ኖ ዎጋ ዎይ ኣ̈ኖኮታ̇ቦ ዓይቃ ዎይ ኣዛና ዎይ ዬ̈ፊ ዎይ ቢጻ ዓኒፖ̇ ጌዳ ዶኢባ̈ሴ” ጋ̈ሪ ሾክ̇ ጌይኖ ቆ̈ባራ ሶ̈ላምባር ሲስካ̇ዴ።

ሳጻ 22:16

“ቴ ዬሱ̈ሲ፥ ዪኖ̇ ዪንታ̇ብ ማርኪታምፔ̈ን ቴ ኪ̈ታንቻ ዎ̈ሳ ኬ̈ንቦ ሚሺኔ፤ ታ̈ኒ ዳ̈ዊታ ኮችኬ ኢ ዜር፤ ማ ፎኢሲዝ ዎን ቤርሴ።”

ሳጻ 22:6

ዪኒ̇ፖ ዎሃ ኪ̈ታንቻዲ ታ̈ኮ “ዓን ቃ̈ላን ኣማ̇ኒንቲኖንኬ ኪንን፤ ናባን ካ̈ያ ካ̈ያምፔ̈ን ኢንታ̇ብ ኢሚ̇ዝ ጎዳ ጾ̈ሳ̇̇̈ዲ ኡክባር ማ̈ቂ̇ዝ ባዛን ፌ ኣሽካራንቦ ሶ̈ላንዳቦ ፌ ኪ̈ታንቻ ሚሺኔ” ጌይዴ።

ሳጻ 22:9

ዎቲናካር ኪ̈ታንቻ ታ̈ኮ “ኣሻ̇ቤ! ዪፌ̈ን ዎታፔ! ታ̈ኒ ኔባራ ኔ ኢሺንታንባራ ናባንባራ ማ ዓና̇ ማጻ̈ፊን ጋልዶን ቃ̈ሊን ና̈ጊዝ ኣሳንባር ዎልኣ ጾ̈ሳ̇̇ብ ኣሽካ̇ራ፤ ጾ̈ሳ̇̇̈ቦ ጎሽታ̇ቤ!” ጌይዴ።

ሳጻ 6:11

ኢንታብ ዎይንቦ ቦ̈ርስ ኣፊላ ኢሚ̇ንቲ̇ዴ፤ ጊዳክ ኢንታፌ̈ን ቢርት ዓይቂ̇ዛን፥ ኢንታፌን ጾ̈ሳ̇ብ ኦ̈ዝ ኢንታ̇ ላጋ̇ንኬ ኢንታ̇ ኢሺንታ̇ን ፋይዲን ኩሚዝ ዲራስ ኢንቲ̇ ጊላ̇ ሼምፓር ዶኣምፔ̈ኒ ኢንታብ ሶ̈ሊዴ።