2 ታሳ 1:12 - ኦራ ጫ̈ቃ ማጻ̈ፋ

¹² ዪና̇ ኢዝፌ̈ኒ ኑ ጎዳ ዬሱ̈ሳ ሱሚን ዪንታ̇ ጋልዳ ቦንቺንታ̇ምፔ̈ንኬ ዪንታ̇ሬ ኑ ጾ̈ሳ̇̇ዴኬ ጎዳ ዬሱ̈ስ ክርስቶ̈ሳ ኮሺ̇ቲንባራ ኢባር ቦንቺንታምፔ̈ን ኑ ዎ̈ሲ̇̈ሬ።

2 ታሳ 1:12 ပူးပေါင်းရင်းမြစ်များ

ዋ̈ኒ̇ሳ 17:10

ቴዪ ማ̈ቂ̇ኖ ባዝ ዎይ ኔዬ̇። ኔዪ ማ̈ቂ̇ኖን ዎይ ቴዬ̇። ታ̈ናር ኢንታ̇ባር ቦንቺ̇ንቲ̇ኔ።

ሮሜ 1:7

ጾ̈ሲ ካኖንኬ ኢያይ ማ̈ቃምፔ̈ኒ ኢ ጼይጊኖ ሮ̈ማ ካታማ ጋርታ ዎ ኣሳን! ጾ̈ሳ̇̈ ኑ ባ̈ባፔኬ ኑ ጎዳ ዬሱ̈ስ ክርስቶ̈ሳፖ ኢ ኮሺቲንዲኬ ኢ ሳሪቲን ዪንታ̇̇ብ ማ̈ቆ̇ጋቤ።

1 ቆሮ 1:4

ጾ̈ሳ̇ዲ ዬሱ̈ስ ክርስቶ̈ሳ ጎዪባራ ዪንታ̇̇ብ ኢሚ̇ኖ ኣያ̇ና ኪልሲንኮታ̇ቦ ታ̈ኒ ዎይ ጋላስ ጾ̈ሳ̇̇ ጋላታ̈ሬ።

2 ቆሮ 13:4

ኢ ማስቃ̇ላ ጋልዳ ሶ̈ቲንታ̇ሪ ዓይቂ̇ኖ̈ዲ ኣስፌ̈ኒ ኣይሽ ማኢኖኮታ̇ቦ ዳቡርስባር ማ̈ቂ̇ናካሬ ዓት ጾ̈ሳ̇ ዎልቃ̇ባራ ሼምፓባር ዎ። ኑ̈ናሬ ኣይሽ ማኢኖኮታ̇ቦ ኢባር ዳቡሪዝ ኣሴ፤ ማ̈ቂ̇ናካሬ ዪንታ̇ ማ̈ዳ̇ንዳቦ ኑ̈ኒ ጾ̈ሳ̇̈ ዎልቃባራ ክርስቶ̈ሳባር ዎልኣ ሼምፓባር ዶኢ̈ሬ።

2 ቆሮ 8:9

ኑ ጎዳ ዬሱ̈ስ ክርስቶ̈ሳ ኮሺ̇ቲን ዪንቲ̇ ኤሪ̈ሬ። ኢ ዎርባያ ማ̈ቂ̇ን ዪንቲ̇ ዱር ማ̈ቃ̇ምፔ̈ን፤ ኢ ዱርዶሪ ዪንታ̇ ጊሻ̇ቦ ጋ̈ሪ ዎርባያ ማ̈ቂ̇ኔ።

ፊል 3:9

ዪኖ̇ ቴ ዎቲኖንዳ ኣኮታ̇ቦ ጌይን ሂጋ̇ ና̈ጋባር ቤንታ̇ዝ ቴ ጺሊ̇ቲን ኣሻ̇ራ ኣማ̇ናባር ቤንታ̇ዝ ጾ̈ሳ̇ ጺሊ̇ቲን ክርስቶ̈ሳ ኣማ̇ናር ዲጛንዳብኬ ኢባራ ዎልኣ ፔታ̇ን ማ̈ቃ̇ንዳቦ።

2 ታሳ 1:10

ኢንቲ̇ ፊርዲንታ̇ዚንዳ ኢ ፌ ጌ̈ሻ ኣሳንባር ቦንቺንታ̇ንዳብኬ ኢያ ኣማ̇ኒኖ ኣሳን ኢያ ሾክ ሾክ ዎታምፔ̈ን ዬይዝ ጋላሴ። ዪንታ̇ር ኑ ማርኪቲን ሲስካ̇ሪ ኢያ ኣማ̇ኒኖኮታ̇ቦ ዪንታ̇ሬ ዪን ኣማ̇ኒኖ ኣሳንባራ ዎልኣ ኢና ቤንቲ̇̈ሬ።

ቲ̈ታ̇ 2:11

ኣባ ጌይን ኣስ ፋ̈ዝ ጾ̈ሳ̇ ካንንዳ ኣስ ዎይቦ ቤንቲ̇ኔ፤

1 ጴጥ 4:14

ዪንቲ ክር̇ስቶ̈ሳ ሱምንኮታ̇ቦ ቆ̈ሲንቴጌይንዶ ቦንች ኣያ̇ና ዪ̈ዳሬ ጾ̈ሳ̇̇ ኣያ̇ና̈ዲ ዪንታ̇ ጋልዳ ሼምፒ̇ዛኮታቦ ኡፋይቲ̇ብቴ።

ሳጻ 1:4

ቴ ዋ̈ኒሲ ኢ̈ሳ ጋዳ̇ ዎ ታብዛ ዎ̈ሳ ኬ̈ንቦ፦ ሚናር ዎ፤ ዓታ̇ር ዎ፤ ጊዳክ ዬይዛ ጾ̈ሳ̇ ጋልዳፖ፥ ማ ኢ ዙፋ̈ና ቲ̈ን ዎን ታብዛ ኣያ̇ናን ጋልዳፖኬ ዓይቃ ጋርታፖ ዲንዳባር ቲ̈ን ኡስ̇ ማ̈ቂ̇ኖ፥ ሳ̈ዝ ጋልዶ ካ̈ቲንታን ዎይ ኣቂሲዛ፥ ኣማ̇ኒንቲ̇ኖ ማርካ ማ̈ቂኖ ዬሱ̈ስ ክርስቶ̈ሳ ካንንዲኬ ኢ ሳሪቲን ዪንታ̇ብ ማ̈ቆ̇ ጋ̈ሬ። ኑ̈ና ካኖ̈ቤኬ ፌ ሱ̈ንባራ ኑ ናጋሪን ጋልዳፖ ኑ̈ና ናጻ ኬሲ̇ኖ̈ንቦ፥