2 ታሳ 1:11 - ኦራ ጫ̈ቃ ማጻ̈ፋ

¹¹ ኑ ዪኖ̇ ቆፒ̇ሙታ̇ ዎይ ጋላስ ዪንታ̇ ጊሻ̇ብ ጾ̈ሳ̇ ዎሳ̇ዚንዳ፥ ጾ̈ሳ̇ ዪንታ̇ ጼይጊኖ ጼይሲ̇ምቦ ኢ ዪንታ̇ ማ̈ቂ̇ዝ ኣስ ማሃንፔ̈ንኬ ዪንቲ̇ ኮሽ̇ ባዝ ኦ̈ንዳብ ዶሳዚንዲኬ ዪንታ ኣማ̇ኒኖኮታ̇ቦ ኦ̈ዝ ኦ̈ሲን ዎይ ኢ ፌ ዎልቂንባር ዪንታ̇ ፎቲሳምፔ̈ኒዬ።

2 ታሳ 1:11 ပူးပေါင်းရင်းမြစ်များ

ማ̈ርቆ̈ሳ 4:28

ኢዝ ጋልዳ ዜርቂኖ ካንዶ ሳ̈ዚን ፌ̈ብዶ̈ራ ቲ̈ን ጫ̈ች ማሃ̈ሪ፣ ኢናፖ̇ ጫ̈ቺ̇ን ፊልጺጛሬ፣ ፊልጺን ጋልዳ ማ ኣ̈ፍ ኤ̈̇̈ሬ።

ሉቃ̈ሳ 12:32

ዪንቲ̇ ጊላ̇ ዎርዣን! ኣፋ ዎ ዪንታ̇ ባ̈ባ̈ዲ ፌ ካ̈ቲቲ ዪንታ̇ብ ኢማ̇ንዳብ ኮዪኖኮታ̇ቦ ኢ̈ጫፒ̇ቴ።

ሮሜ 1:9

ታ̈ኒ ዎ̈ሳ̈ርዶራ ዎይ ጋላስ ዪንታ̇ ቆፓ̇ዚንዶ፥ ታ̈ኒ ፎቲ ቡ̈ዳባር ኢ ናኣ ዎጛሊን ጎይ ታማ̈ርሳሙታ̇ ዬዝ ጾ̈ሳ̇̈̇ዲ ታ̈ቦ ማርካ̇።

ሮሜ 11:29

ጾ̈ሲ̈ ፌ ካንን ኢሚ̇ኖፖ̇ ዓኒኬ ዶሳር ማ̈ራጺ̈ኖፖ ዓኒ “ቴ ዓኖ̇ ኣባቦ ዎቴ” ጌዪባ̈ሴ።

ሮሜ 15:14

ቴ ኢሺንታን! ዪንቲ ኮሺ̇ቲባርኬ ኤራባር ኩሚኖ ኣስ ማ̈ቂኖንዲኬ ዎልዎልኣ ዞራንዳ̇ቦ ዳንዳ̇ኢዛ ማ̈ቂ̇ኖን ኪንባር ቴ ኤሪኔ።

ሮሜ 8:30

ኢ ቲ̈ኒታር ዎሳ̇ኒኖን ጼይጊዴ፤ ጼጊኖን ጺላ̇ ማሂዴ፤ ጺላ̇ ማሂኖን ቦንቺ̇ዴ።

1 ቆሮ 1:8

ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚምባራ ዪንቲ̇ ዬ̈ላ̇ቤዪ ማ̈ቃ̇ር ቤንታምፔ̈ኒ ኢ ዪንታ̇ ዉርስን ዬሊ̇ዝ ዲራስ ሚ̈ጛር ዶኣምፔ̈̇ን ዎቲ̈ሬ።

ኤፍ 1:16

ዪንታ̇ብ ጾ̈ሳ̇ ዎ̈ሳ ማ ዪንታ̇ኮታ̇ቦ ጾ̈ሳ̇ ጋላታዚን ታ ኣሻካ̇ይ ዎ።

ኤፍ 1:5

ዬሱ̈ስ ክርስቶ̈ስ ጎይባር ኑ̈ኒ ኢ̈ብ ናኢ ማ̈ቃ̇ምፔ̈ን ጾ̈ሳ̇ ፌ ዶሲኖንዲ̇ፌ̈ን ቲ̈ኒታር ዎሳ̇ኒኔ።

ኤፍ 1:9

ኢ ክርስቶ̈ሳ ጎይባራ ኦ̈ንዳብ ቆፒ̇ኖን ጌ̈ሚታር ዎ ፌ ቆፊን ፌ ኮሺ̇ቲንባራ ኑ ኤራኒፌ̈ን ዎቲዴ።

ፊል 1:6

ዪኖ̇ ኮሽ ኦ̈ሲን ኦ̈ምፔ̈ን ዪንታ̇ባር ማ̈ቃ̇ር ዣማ̇ሪኖ ጾ̈ሳ̇̇̈ዲ ዬሱ̈ስ ክርስቶ̈ሲ ማ̈ቃ̇ር ዬይዝ ቃሚ̇ን ዬሊ̇ዝ ዲራስ ፎታዚን ቴ ኣማ̇ና̈ሬ።

ፊል 2:13

ኣባ ጌይን ዪንቲ̇ ኢ̈ብ ኪ̈ቲንታ̇ንፔ̈ኒ ኢ ጋ̈ዚን ኦ̈ ፎታምፔ̈ኒ ዪንታ̇ባር ማ̈ቃ̇ር ፌ ቆፊን ኦ̈ዛ̈ዲ ጾ̈ሳ̇̇̈ዳ።

ፊል 3:14

ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ታ̈ና ፉዳ ጼይጊኖኮታ̇ቦ ኢ ታ̈ብ ኢማ̈ዝ ሺልማ̈ቲን ኤካ̈ንዳቦ ሚ̈ጛር ቤስ̇ ኢዞ ዬላ̇ንዳብ ዎጻ̇̈ሬ።

1 ታሳ 1:3

ዪንቲ̇ ኣማ̇ናባር ኦ̈ኖ ኦ̈ሲንዶ፥ ካንቦ ጌዪ ዳ̈ቡሪኖ ዳ̈ቡርሲንዲኬ ዬሱ̈ስ ክርስቶ̈ሳባር ዪንታ̇ብ ዎ ታስፊንፖ ቤንቲ̇ኖ ዪንታ̇ ጋርዢን ኑ ባ̈ባ̈ ኑ ጾ̈ሳ̇ ቲ̈ን ዎይ ጋላስ ኑ ቆፒ̇̈ሬ።

2 ታሳ 1:5

ዪን ዎይ ጾ̈ሳ̇ ፊርዲንዳ ጺ̇ላ ማ̈ቂ̇ኖን ቤይሳ̈ሬ። ዪኒ̇ኮታ̇ቦ ዪንቲ̇ ኢዝቦ ጋ̈ሪ ሜታ ኤኪ̇ኖ ጾ̈ሳ̇ ካ̈ቲቲን ኤካ̇ንዳብ ቤይሲኖ ኣስ ማ̈ቃ̇ር ፋይዲንቲ̇̈ሬ።

2 ታሳ 2:14

ዪንቲ̇ ጎዳ ዬሱ̈ስ ክርስቶ̈ሳ ቦንቺ̇ን ኤኪ̇ዝ ኣስ ማ̈ቃ̇ምፔ̈ኒ ኑ ሳባ̇ኪኖ ዎጛሊን ጎይባራ ዪንታ̇ ጼይጊኔ።

ኢብ 12:2

ኑ ዎጻ̇ዚንዳሬ ኑ ኣማ̇ኒምቦ ዋና̇ ቲ̈ኖዳሬ ጋስ ውርሲዳሬ ኢያ ማ̈ቂ̇ኖ ዬሱ̈ሳ ቤቃ̇ሪዬ፤ ኢ ፌ ቲ̈ኖ ኢያ ና̈ጊኖ ኡፋይሲንኮታቦ ማስቃላ ጋልዶ ዬ̈ላ̇ ዓይቂን ኣባካር ማሂ ፋይዳካይዶር ዪና̇ ሜቲንዲኬ ዓይቂን ጋርዣሪ ጾ̈ሳ̇̇̈ቦ ኡሻች ጎይ ዶኢ̈ዴ።

ኢብ 3:1

ዪ̈ኮታ̇ቦ ጾ̈ሲ ዪንታ̇ ጼይጊኖ ቴ ኢሺንታ̇ን! ኑ ሶ̈ላዝ ኣማ̇ኒንቦ ጾ̈ሲ̇ ኢያ ኪ̈ታ̇ር ሚሺኖ ቄ̈ሳ̈ን ኣላቃ̈ ዬ̈ሱ̈ሳ ቆፒ̇ብቴ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

ሳጻ 3:4

ዎቲናካር ናጋራባር ፌ̈ና ኢ̈ሳ̇ካ̇ዮ ሙቃ̇ ኣሳን ሳርዴ̈ሳ ጋርታ̇ ኔባር ዎ፤ ኢንቲ ቦ̈ርስ ኣፊላ ማኣሪ ታባር ዬንዳቦ ቤይሲ̈ሬ።

ሳጻ 5:10

ኔ ኢንታ ኑ ጾ̈ሳ̇̇̈ቦ ኦ̈ምፔ̈ኒ ካ̈ቲንታኬ ቄ̈ሳኬ፥ ማ̈ቃ̇ምፔ̈ን ዎታዴ፤ ኢንቲ ሳ̈ዝ ጋልዳ ካዉቲ̈ሬ” ዪዝ ጌዪ ዬጺ̇ዴ።