2 ጴጥ 3:7 - ኦራ ጫ̈ቃ ማጻ̈ፋ

⁷ ዪና̇ ቃ̈ሊን ኢዝባራ ዓት ዎ ኣፎ ሳ̈ዛንኬ ሳ̈ዶ̇ ሳ̈ዚንዳ፥ ጾ̈ሳ̇̇ ጎሽቲባ̈ሶ ኣሳን ያዝ ፊርዳ ቃሚ̇ን ዬሊ̇ዚ ዲራስ ታማባር ሚጫ̇ንዳቦ ና̈ጊንታ̇ር ዎ።

2 ጴጥ 3:7 ပူးပေါင်းရင်းမြစ်များ

ማ̈ቶ̈ሳ 10:15

ቴ ዪንታ̇ክ ኪን ጋ̈ሬ፥ ጾ̈ሳ̇̇ ፊርዲዝ ጋላሲ̇ ሶዶ̈ማኬ ጎሞ̈ራ ካታማን ጋልዳ ዬ̈ዝ ፊርዲን ጋልዳፖ̇ ዪና̇ ካታሚን ጋልዳ̇ ዬ̈ዝ ጎይሊን ሺ̈ሬ።

ማ̈ቶ̈ሳ 11:22

ዪ̈ኮታ̇ቦ ፊርዳ ጋላሲ̇ ዪንታ̇ ጋልዳ̇ ዬ̈ዝ ፊርዲንዳ ጢሮ̈ሳ ጋልዳ̇ኬ ሲዶ̈ና ጋልዳ ዬ̈ዝ ፊርዲምፖ̇ ሺ̈ሬ ጋ̈ር ቴ ዪንታ̇ብ ሶ̈ላ̈ሬ።

ማ̈ቶ̈ሳ 11:24

ዪ̈ኮታ̇ቦ ፊርዳ ጋላስ ሶዶማ ጋልዳ ዬ̈ዝ ፊርዲምፖ̇ ኔ ጋልዳ ዬ̈ዝ ፊርዲን ሺ̈ሬ።

ማ̈ቶ̈ሳ 12:36

ቴ ዪንታ̇ክ ኪን ጋ̈ሬ፥ ኣሲ ፌ ሶ̈ላዝ ኢ̈ታ ሶ̈ሊን ዎይንቦ ጾ̈ሲ̇ ፊርዲዝ ጋላስ ኦይጪንቲ̇̈ሬ።

ማ̈ቶ̈ሳ 24:35

ኣፎ ሳ̈ዚንዳሬ ሳ̈ዶ̇ ሳ̈ዚንዳ̇ሬ ኣ̈̈ሬ፤ ታ ቃ̈ሊንዳ ፎቲንታ̇ካይ ኣታ̇ባሴ።

ማ̈ቶ̈ሳ 25:41

“ኢናፖ̇ ዓዲርስ ጎይ ዎንኮ ‘ዪኒቲ̇ ባ̈ዲንቲ̇ኖን! ታ̈ፖ̇ ጌዳ ጎቲ̇ብቴ! ሴ̈ጣናብኬ ኢ ኪ̈ታንቻ̇ንቦ ጊ̈ጊንቲ̇ኖ ሜናብ ቴይቂ̇ባ̈ሶ ታማ ጋርታ̇ ሉኪ̇ብቴ!

ማ̈ርቆ̈ሳ 6:11

ዎይዲካር ዪንቲ ሉኪ̇ኖ ቤስ̇ ዪንታ̇ ሞካ̇ብዳ ጌዪ፥ ዪንቲ ሶ̈ላዚን ሲስካብዳ ጌዬ̈ጌይን፥ ዪና̇ ኢንታ̇ብ ማርካ̇ ማ̈ቃምፔ̈ኒ ዪንታ̇ ቶሂን ጋልዶን ቡልኢን ኢና ፊታ̇ር ኬስኪብቴ” ጌይዴ።

ዋ̈ኒ̇ሳ 12:48

ታ̈ና ኮዪባሶ̈ዲኬ ቴ ቃ̈ሊን ኤኪ̇ባ̈ሶ ኣሳ ጋልዳ̇ ፊርዲዛ̈ዲ ዎ፥ ዪና̇ሬ ቴ ሶ̈ሊኖ ቃሊን ኢዛ ዉርሲ ጋላስ ኢ ጋልዳ ፊርዳ̈ሬ።

ሮሜ 2:5

ዪዚ ኔ ማ̈ሪ̇ቲ ጌላካ̇ዮንኮታ̇ብኬ ኣሳባር ጋ̈ሲንቲዝ ኣስ ማ̈ቂ̇ኖኮታ̇ቦ ጾ̈ሳ̇ ጎይላ̈ዲኬ ኪን ማ̈ቂ̇ኖ ኢ ፊርዳ ዬይዝ ቃ̈ሚ̇ን ኔ ኔ ጋልዳ ፊርዲን ዴ̈ጻ̇ምፔ̈ን ዎታ̈ሬ።

1 ቆሮ 3:13

ኢ ኦ̈ኖ ኦ̈ሲንዳ ፋላ̇ ጋልዳ ኬስካ̇ራ ፊርዲንቲ̇ዝ ቃሚ̇ ዬይሬ፤ ዪና̇ ኢዝ ቃሚ̇ንባራ ኣስ ዎይ ኦ̈ሲንዳ ኣፌ̈ንኮ ታማ ጋርታ ጌላ ኬስካ̇ራ ፋላ̇ ጋልዳ ቤንታ̇̈ሬ።

ፊል 1:28

ዪንቲ ዪንታ̇ ታቆ̈ሚዛንቦ ኢ̈ጫፒ̇ቴ፤ ዪና̇ ኢንቲ ያዚንዶ ማ ዪንቲ̇ ጾ̈ሳ̇ባር ማ̈ቃ̇ር ፋጻዚንዶ ኤርሲዝ ማላ̇።

2 ታሳ 2:3

ኦ̈ናካር ኣሲ ኣ ጎይባርካር ማ̈ቂ̇ን ዪንታ̇ ጪ̈ጪንቻፖ̇፤ ቲ̈ኒታሪ ዉጫ ኦ̈ሲን ዬ̈ካ̇ይዶንኬ ያብ ጊ̈ጊንቲ̇ኖ ውጫ ና̈ሳ ዬ̈ካ̇ይዶን ዪና̇ ቃሚ̇ን ዬ̈ባሴ።

1 ጢማ̈ 6:9

ዱ̈ር ማ̈ቃ̇ንዳቦ ኮዪዛን ፋታና ጋርታ ጌላሪ ኬዲ̇̈ሬ፤ ኣስ ኢ̈ሲ̇ዝ ባዝኬ ይሲ̇ዛ ማ̈ቂ̇ኖ ፋባ̈ሶ ኢ̈ታ ኢና̇ ጺሂባራ ኤ̈ንቲ̇̈ሬ።

ኢብ 12:29

ኣባ ጌይን ኑ ጾ̈ሳ̇̈ዲ ሚቺ̇ዝ ታማፌ̈ኔ።

2 ጴጥ 2:9

ዪዚ ጾ̈ሳ̇̇̈ዲ ኪንባር ኢያ ጎሽቲ̇ሙታ ዎ ኣሳን ኢ̈ታ ባዝ ጋርታፖ ኢንታ ቡ̈ቲሳዚንዶ ማ ና̈ጋራንቻን ቃጣኢሙታ ፊርዳ ቃማ̇ቦ ዎዛርታ̇ር ና̈ጊ ጋዲ̈ርኮ ኤሪ̈ሬ ጌንቴ̇።

2 ጴጥ 3:10

ጎዳ ዬንቲ̇ንዳ ሶ̈ላፌ̈ኒ ኣሲ ቆፓካይዶ̈ን ዬ̈ሬ፤ ዪና̇ ጋላሲ̇ን ኣፎ ሳ̈ዚንዳ ጴች ጊርስባር ያ̈ሬ፤ ኢዝ ጋርታ̇ ዎ ባዚ ዎይ ታማባር ሚጫ̇ር ዪ̈ሬ። ሳ̈ዶ ሳ̈ዚንዲኬ ኢዝ ጋልዳ ዎ ባዝ ዎይ ሚጪ̇̈ሬ።

2 ጴጥ 3:12

ዪዚ ዪንቲ̇ ጾ̈ሳ̇ ቃሚ̇ን ዬንቲ̇ን ሹ̈ናባር ና̈ጊዛንኬ ኤሊ̇ ዬ̈ምፔ̈ኒ ኦ̈ዝ ኣስ ማ̈ቂ̇ብቴ፤ ዪና̇ ቃሚ̇ን ጋላስ ኣፎ ሳ̈ዚን ታማባር ሚጫ̇ር ያ̈ሬ፤ ኢዝ ጋርታ̇ ዎባዚ ዎይ ታማ ሶ̈ላባር ቴልጊ ዪ̈ሬ።

1 ዋ̈ኒ̇ 4:17

ዓኒ̇ ኣላሚን ጋልዳ ኑ ዶኢንዳ ኢያ ማይጺዛኮታ̇ቦ ዪዚ ጾ̈ሳ̇ ፊርዲዝ ቃሚ̇ን ጋርታ ኑ̈ኒ ኢ̈ች ቤይ ኢ ቲ̈ን ኤቃ̇ንዳቦ ዳንዳኣምፔ̈ኒ ዪኒ̇ ጎይባራ ካን ኑ ጊዳ̇ ፎቲ ማ̈ቂ̇ኔ።

ዪሁ 1:7

ዪና̇ ኢዝፌ̈ኒ ሶዳ̇ማኬ ጋሞራ ማ ኢንታ̇ ቡጊዲንባር ዎ ካታማን ዪን ኪ̈ታንቻንፌ̈ኒ ኢ̈ታ ኢና̇ቦ ፌ̈ና ኣ̈ ኢሚ̇ዴ፥ ማ ኣቲኖ ኣቲናባራ ማጮ̇ ማጫ̇ባራ ኦሎላ ጋዲ̇ዴ፤ ዪን ሜናብ ዪባ̈ሶ ታማ ጋርታ ሚጪ̇ዛንቦ ሚሳ̈̇ሊ ማ̈ቂ̇̈ሬ።

ሳጻ 17:11

ቲ̈ን ዎ̈ዲ ዓት ባዮ̇ ማ̈ታ ባዛ̈ዲ ላሚ ካ̈ታ̈ዳ፤ ኢ ታብዛን ጋርታፖ ፔታ̇ና̈ዳ፤ ኢያር ዪብ ሉኪ̈̇ሬ።

ሳጻ 17:8

ኔ ቤቂ̇ኖ ማ̈ታባዛ̈ዲ ዓኒ̇ፖ̇ ቲ̈ን ዎዶሪ ዓት ባዬ̇፤ ዎሃ ዎሳሊ ባዮ̇ ጴች ዶ̈ቺ̇ን ጋርታፖ ኬስኪ̈ሬ፤ ማ ዪብ ሉኪ̇̈ሬ፤ ሳ̈ዚን ኮቺንቲ̇ኖፖ ኤ̈ሪ ኢንታ ሱምንዳ ሼምፓ ማጻ̈ፋ ጋልዳ ጻ̈ፊንታካ̇ይዶር ሳ̈ዝ ጋልዳ ዎ ኣሳን ማ̈ታ ባዛ̈ ቤቃ̇ሪ ጋራ̇ሚንቲ̇̈ሬ። ዪ ማ̈ታ ባዛ̈ዲ ዓኒ̇ፖ ቲ̈ን ዎ፤ ዓት ባዪ፤ ማ ዎሃ ዬ̈ይዛ̈ዳ።

ሳጻ 20:11

ዪኒ̇ፖ ዓኒ ጴች ቦ̈ርስ ዙፋናኬ ማ ዙፋኒን ጋልዳ ዶኢኖ ቴ ቤቃ̇ዴ፤ ሳ̈ዶ̇ ሳ̈ዚንዲኬ ኣፎ ሳ̈ዚንዳ ኢ ቲ̈ናፖ ዎጺ ዪዴ፥ ዶኢዝ ቤሳ̇ር ኢንታ̇ብ ቤንታካ̇ዬ።

ሳጻ 21:1

ኢናፖ̇ ኦራ ኣፎ ሳ̈ዝኬ ኦራ ሳ̈ዶ̇ ሳ̈ዝ ቴ ቤቃ̇ዴ፤ ቲ̈ኖ ኣፎ ሳ̈ዚንዲኬ ቲ̈ኖ ሳ̈ዶ ሳ̈ዚን ዪኔ፤ ባሃ̈ራር ዓኒፖ ጌዳ ዶኢባ̈ሴ።