2 ጴጥ 3:2 - ኦራ ጫ̈ቃ ማጻ̈ፋ

² ዓኒ̇ፖ ቲ̈ን ጌ̈ሻ̇ ናባን ሶ̈ሊኖ ቃ̈ሊንዲኬ ማ ዪንታ̇ ሃዋ̈ራታን ጎይባራ ዲጚኖ ኑ ጎዳ ኑ̈ና ፋዛ ኪ̈ቲን ቆፓ̇ምፔ̈ኒ ቴ ኮያ̈ሬ።

2 ጴጥ 3:2 ပူးပေါင်းရင်းမြစ်များ

ሉቃ̈ሳ 24:27

ሙ̈ሳኬ ናባን ዎይንፖ̇ ኤ̈̇ር ጌ̈ሻ̇ ማጻ̈ፋን ጋዳል ኢ ባዝ ጻ̈ፊንቲ̇ኖን ኢንታ̇ብ ሶ̈ሊ ኤሪሲዴ።

ሉቃ̈ሳ 24:44

ኢያር ኢንታኮ “ቴ ዪንታ̇ባር ዎ ኬሊ̇ንባራ፥ ሙ̈ሳ ሂጋ̇ ጋልዳ፥ ናባን ማጻ̈ፋ ጋልዳኬ ማዝሙራ ማጻ̈ፋ ጋልዳ ታ ባዝ ጻ̈ፊንቲ̇ኖ ዎይ ፎቲንታ̇ንዳ̇ብ ኮሺ̇̈ሬ ጋ̈ር ቴ ዪንታ̇ብ ሶ̈ሊኖ ቃ̈ሊን ዓኒ̇ሼ” ጌይዴ።

ሃዋ̈ራታን ኦ̈ሳ 10:43

ኢያ ኣማ̇ኒዛን ዎይ ኢ ሱምባራ ፌ ናጋሪምቦ ማ̈ሪቲ ዲጛዚን ናባን ዎይ ኢ̈ብ ማርኪቲ̈ሬ” ጌይዴ።

ሃዋ̈ራታን ኦ̈ሳ 28:23

ኢንቲ ኢ̈ብ ኬ̈ሪጚኖፖ ዓኒ ዎይሊን ኣስ ማ̈ቃ̇ር ኢ̈ክ ኣ̈ል ዬ̈ይዴ፤ ኢያሬ ጌ̈ሻ̈ፖ ኦማ ዬሊ̇ዝ ዲራስ ጾ̈ሳ̇̈ ካ̈ቲቲኮ ጎይ ኢንታ̇ብ ማርኪቲሙታ̇ኬ ታማ̈ርሲሙታ ፌ̈ሽኪ̇ዴ፤ ኢንታ ዬሱ̈ሳ ጎይ ኣማ̇ንንዳ̇ቦ ሙ̈ሳ ሂጋ̇ኬ ናባን ማጻ̈ፋ ጋልዳ̇ፖ ዲንሙታ̇ዶር ታማ̈ርሲ̇ዴ።

ሃዋ̈ራታን ኦ̈ሳ 3:18

ዎቲናካሬ̈ ጾ̈ሲ̇ ፌዪ ማ̈ቂ̇ኖ ክርስቶ̈ሲ ሜታ ኤካ̇ምፔ̈ኒ ቲ̈ኒታር ናባን ዎይን ኖ̈ናባር ሶ̈ሊኖን ፎቲኔ።

ሃዋ̈ራታን ኦ̈ሳ 3:21

ጾ̈ሲ̇ ቲ̈ኒታር ጌ̈ሻ̇ ናባን ኖ̈ናባር ሶ̈ሊኖንዲፌ̈ኒ ፌ ኦ̈ኖ ባዛን ዎይ ኦራ ማሂዝ ዲራ̈ስ ዬሱ̈ሲ ኣፋ ጋምኣንዳብ ኮሺ̇̈ሬ።

ጋላ̈ታ 6:2

ፔታ̇ና ሜላኮን ዴ̈ጺ̇ዝ ቶ̈ፊን ቶ̈ካ̇ጋ̈ቤ፤ ዪንቲ̇ ዪኖ̇ ኦ̈ዚንዳ ክርስቶ̈ሳኮን ሂጊ̇ን ፎቲ̈ሬ።

ኤፍ 2:20

ዪንቲ̇ ሃዋ̈ራታንኬ ናባን ጋ̈ጪ ቢ̈ቢንኖን ጋልዳ ኬ̈ጺንቲ̇ኔ፤ ኬ̈ን ሚ̈ን ኤሲ̇ዝ ዋ̈ና ሹቻ̇̈ዲ ዬሱ̈ስ ክርስቶ̈ሳ።

ኤፍ 3:5

ዪ̈ ሚስጢራ̈ዲ ጾ̈ሳ̇ ኣያ̇ና ጎይባር ጌ̈ሻ ሃዋ̈ራታንብኬ ናባን ዓቶ̇ንቦ ቤንቲ̇ኖንዲፌ̈ኒ ሚኖ ኣሳንቦ ቤንታ̇ካዬ።

1 ጢማ̈ 6:14

ኑ ጎዳ ዬሱ̈ስ ክርስቶ̈ሲ ዬይዝ ዲራስ ዓና̇ ኪ̈ቲን ኢ̈ታ ባዝ ኣባክ ኔ ጋልዳ ቤንታ̇ካይዶን ኮሺንቻ ኢዝቦ ኪ̈ቲንታሙታ̇ ና̈ጋቤ።

2 ጴጥ 2:21

ጾ̈ሳ̇ ጎይን ኤሪኖፖ ዎሃ ኢንታብ ኢሚ̇ንቲ̇ኖ ጌ̈ሻ ኪ̈ቲምፖ ጋስ ማ̈ቃ̇ናፖ ጾ̈ሳ̇ ጎይን ኤራካ̇ይ ኣቲ̇ኖኮ ኢንታ̇ብ ኮሽዶን።

2 ጴጥ 3:15

ጎዳ ዬ̈ካ̇ይ ጋምኢኖንዳ ኣሲ ፋጻምፔ̈ኒ ማ̈ቂ̇ኖን ኤሪብቴ፤ ካንቲ̇ኖ ኑ ኢሻ ጳውሎ̈ሲ ኢ̈ቦ ኢሚንቲ̇ኖ ኤሪንዲፌ̈ኒ ዪንታ̇ብ ጻ̈ፊኖንዳ ዓኖ̇።

2 ጴጥ 3:16

ኢ ፌ ጻ̈ፊኖ ኪ̈ታን ጋልዳ ዓን ባዛን ጻ̈ፊኔ። ኢ ኪ̈ታን ፔታ̇ን ፔታ̇ናን ጋርታ ኣሳብ ኤሊ̇ ጌሊባ̈ሶ ባዚ ዎ። ኤሪ ጉ̈ጺኖንኬ ጌዳክ ዓኒክ ጌይዝ ኣሳን ሜላ ጌ̈ሻ ማጻ̈ፋን ዎቢ̇ሳዚንዲፌ̈ኒ ዓን ኢ̈ኮንር ዎቢ̇ሲ̈ሬ፤ ኢንቲ̇ ዓኖ̇ ዎታዚንዳ ዪቦ።

1 ዋ̈ኒ̇ 4:6

ኑ̈ኒ ጾ̈ሴ̇ዬ፤ ጾ̈ሳ̇ ኤሪዛን ዎይ ኑ̈ኮን ሲስኪ̇̈ሬ፤ ጾ̈ሴይ ጊዳካ̇ዮን ኑ̈ኮን ሲስኪ̇ባ̈ሴ። ኪ̈ን ኣያ̇ናኬ ማቃ ኣያ̇ና ኑ̈ኒ ዪኒ̇ባራ ኤሪ̈ሬ።

ዪሁ 1:17

ዪ ማቂ̇ናካሬ ታ ላጋ̇ን! ዪንቲ̇ ኑ ጎዳ ዬሱ̈ስ ክርስቶ̈ሳ ሃዋ̈ራ ማ̈ቂ̇ኖን ዓኒ̇ፖ ቲ̇ን ሶ̈ሊኖ̈ ቃ̈ሊን ቦቲጛፒ̇ቴ።

ሳጻ 19:10

ዪኒ̇ባራ ታ̈ናሬ ኪ̈ታንቻ ቲ̈ን ኬዳ̇ራ ኢብ ሞ̈ኪንታ̇ዴ፤ ኢያር ታ̈ኮ “ኣሻ̇ቤ! ዪ̈ፌን ዎታፔ̇! ታ̈ናሬ ኔባርኬ ዬሱ̈ሳባዝ ማርኪቲን ኤ̈ኖ ኔ ኢሺንታ̇ንባር ዎልኣ ጾ̈ሳ̇ቦ ኦ̈ዝ ኣሴ፤ ናባን ካ̈ያ ካ̈ያምፔ̈ን ኢንታ̇ ዳንዳኢሲኖንዳ ዬሱ̈ሲ ቤይሲኖ ኪንንዶ፤ ዪ̈ኮታ̇ቦ ኔ̈ኒ ጾ̈ሳ̇̇̈ብ ሞ̈ኪንታ̇ቤ!” ጌይዴ።