17 ዪ̈ኮታ̇ቦ ታ ላጋ̇ን! ዪኖ̇ ዪንቲ̇ ቲ̈ኒታሪ ኤሪኖኮታ̇ቦ ውጫ ኣሳን ዪንታ̇ ባሊንዳብ ኮያዚምባራ ዪንቲ̇ ሚ̈ጛር ኤቂ̇ኖን ጋልዳፖ ኬዳካ̇ዮ̈ዲፌ̈ኒ ና̈ጊንቲ̇ብቴ።
ዪዚ ፋራሳ̈ዋንኬ ሳዱቃን ሹ̈ሚን ጋልዳ̇ፖ ና̈ጊንቲ̇ብቴ! ጋ̈ራ ዪንታ̇ብ ሶ̈ሊኖን ሶ̈ላ̇ኮታ̇ቦ ጊዳካ̇ዮን ዎዛርታ̇ር ዪንታ̇ብ ጌላካ̇ይ ኣታ̇?” ጌይዴ።
ኢያር ኢንታ̇ኮ “ቆፒ̇ብቴ፥ ዪንቲ̇ ፋራሳ̈ዋንኬ ሳዱቃን ሹ̈ሚን ጋልዳ̇ፖ ና̈ጊንቲ̇ብቴ̇” ጌይዴ።
ዪንቲ̇ ማቃ ናባን ጋልዳፖ ዪንታ̇ ና̈ጊብቴ̇። ኢንቲ̇ ፌ ጋልዳ ዶሪ ሻ̈ቻ ማኣሪ ዶሪ ማይጺ̈ርዶሪ ጋርታ ቡሪዝ ዬ̈ያ።
ቴ ዪንታ̇ብ ቲ̈ኒታር ዓኖ̇ ሶ̈ሊኖንዳ ዪና̇ ማ̈ቃ̇ዝ ኬሊ̇ን ዬሌ̇ጌይን ቴ ዪንታ̇ብ ሶ̈ሊኖን ዪንቲ̇ ኤልቅ ዎታምፔ̈ኔ። ቴ ዪኖ̇ ዎይ ቲ̈ኒታር ዪንታ̇ብ ሶ̈ላካ̇ዮንዳ̇ ቴ ዪንታ̇ባር ዎኮታ̇ቦ።”
ኢንታሬ ሃዋ̈ራታን ቲሚርታ ሲስኪ̇ሙታ፣ ዎልኣ ፔታ̇ን ማ̈ቃር ዶኢ፣ ሞ̈ዝ ፊሺንዳር ዎልኣ ሙዪ ማ ዎ̈ሳባራር ዎይ ዎልኣ ሚጛር ዎ̈ሲ̈ሬ።
ዪንፌ̈ኖ ኣሳን ፌ̈ብ ማ̈ቂ̇ዝ ባዛብ ኦ̈ርዶኬ ኑ ጎዳ ዬሱ̈ስ ክርስቶ̈ሳብ ኦ̈ባ̈ሴ። ኖ̈ናባር ማጺና ማ̈ቃ̇ር ኣባክ ኤሪባ̈ሶ ኣሳን ቡ̈ዲን ባሊ̈ሬ።
ዪ̈ኮታ̇ቦ ሚ̈ጛር ኤቂ̇ኖ ማይጺ̇ዝ ኣሲ ኬዳካ̇ዮ̈ዲፌ̈ን ፌ̈ና ና̈ጎጋ̈ቤ።
ዪዚ ካንቲኖ ቴ ኢሺንታ̇ን! ሚ̈ጛር ኤቂ̇ብቴ፤ ጌዳክ ዓኒክ ጋ̈ፒ̇ቴ፤ ጎዳ ኦ̈ሳቦ ዪንቲ ዳቡራዚን ሜላ̇ ዓሪ ማ̈ቃካ̇ዮን ኤራሪ ዎይ ጋላስ ጎዳ ኦ̈ሲን ኦ̈ንዳብ ሚ̈ጚንቲ̇ብቴ።
ሾ̈ሺ̇ ፌ ዉጪ̇ምባራ ሄዋ̈ኖ ባሊኖንዲፌ̈ኒ ዪንታ̇ ቆፊንዳር ኢ̈ታራ ዪንቲ̇ ኣሽካኬ ኮሽ ማ̈ቂ̇ኖ ቡ̈ዳባራ ክርስቶ̈ሳብ ኣማ̇ኒንታዚንዶ ኣሺ̇ዝዳ ጌያ ኢ̈ጫ̇̈ሬ።
ዪንቲ̇ ሂጋ̇ ና̈ጊ ፎታሪ ጺላ̇ንዳብ ዋዪዛን ዎይ ክርስቶ̈ሳ ጋልዳፖ̇ ፋጊንቲ̇ኔ፤ ጾ̈ሳ̇̇ ማ̈ሪቲን ጋልዳፓር ጎቲ̇ኔ።
ዪዚ ኑ ዓኒ̇ፖ̇ ጌዳ ኣሲ ኑ̈ና ዉጫባራ ባሊሙታ̇ኬ ቃልቂንቺ̇ሙታ ዱማ ዱማ ማቃ ቲሚርታ̇ባራ ኣይጊኬ ዋ̈ሳ ጋልዶ ዉርጊንዲፌ̈ኒ ጌዳክ ዓኒክ ኤንኢሙታ̇ ኣቂሊ̇ ናኢ ማ̈ቂ̇ባ̈ዳ።
ካናፌ̈ን ማ̈ቂ̇ኖ ኢ̈ት ኣሳን ጋልዳፖ ዪንቲ̇ ዪንታ̇ ና̈ጊብቴ፤ ቢሪንቲ ሙታ “ጋራ̇ዚንቲ̇ብቴ፤ጋራዚንቲ̇ብቴ” ጌይዝ ኣሳን ጋልዳፖ ዪንቲ̇ ዪንታ̇ ና̈ጊብቴ።
ታ̈ኒ ዓት ዪንታ̇ ጋርታ̇ ኢና ዪንታ̇ባር ባዪካሬ ቆፊባር ዪንታ̇ባር ዎ፤ ዪንቲ ጾ̈ሳ̇̇ ቃ̈ሊን ኪ̈ታ̇ዚንዲፌ̈ኒ ዎቲሙታ̇ኬ ክርስቶ̈ሳባር ዪንታ̇ብ ዎ ኣማ̇ኒንባር ሚ̈ጛር ኤቂ̇ኖን ቤቃ̇ራ ታ̈ኒ ኡፋይቲ̇ኔ።
ክርስቶ̈ሳ ጋልዳ ጊዳካ̇ይዶን ኣሲ ኬሲ̇ኖ ዎጋኬ ዓኒ̇ ኣላሚን ጋልዶ ኣሳን ኬሲ̇ኖ ፋባ̈ሶ ዎጋ ጋልዳ ኤቂ̇ኖ ቲሚርታባራ ማ ሜላ̇ ዓሪ ማቃባር ኦ̈ናካር ዪንታ̇ ኮራር ፌ̈ክ ኤካካ̇ዮ̈ዲፌ̈ኒ ና̈ጊንቲ̇ብቴ̇።
ኢ ኑ ሶ̈ላዝ ሶ̈ሊን ዎይ ዎይሊን ኢጺ̇ዛኮታ̇ቦ ኔ ኔ ቆሚ̇ንቦ ና̈ሳ ዪ ጋልዳፖ ና̈ጊንታ̇ቤ።
ቲ̈ኒታር ኑ̈ብ ዎ ኣማ̇ኒን ውርሲ ሚ̈ን ኤ̈ጌይን ኑ̈ናር ክርስቶ̈ሲ ኤኪ̇ኖ ቤሲ̇ን ኤኪ̇ዛን ማ̈ቂ̇ሬ።
ኣላሚን ጋልዳ ዎይ ዎ ኢሺንታ̇ን ዪኒፌ̈ኖ ሜቲን ኤኪ̇ሙታ ዎን ኤራሪ ዪንታ̇ ኣማ̇ኒንባር ሚ̈ጛር ኢያ ቆዳ̇ር ጎቲ̇ሲብቴ።
ዎቲናካር ኢና ጋዶ̇ ኣሳን ኦ̈ሙታ ዎ ኣስ ዬልቂዝ ኢ̈ታ ኦ̈ሲንኮታ̇ ጫና̇ቂንቲ̇ ሙታ ዎ ጺ̇ላ ማ̈ቂ̇ኖ ሎ̈ጢ ጌይዝ ና̈ሳ ቡ̈ቲሲዴ።
ታ ላጋ̇ንሶ! ታ ዓና̇ ዪንታ̇ብ ጻ̈ፋዚንዳ ናምኢ ኪ̈ቲንዶ፤ ዪን ናምኢ ኪ̈ታን ዪንታ̇ብ ጻ̈ፊኖንዳ፥ ዪንታ̇ቦ ኮሽ ቆፊ ዶኣምፔ̈ኒ ቲ̈ኒታር ባርኪንዳቦ።
ኔ̈ኒ ዎዛርፌ̈ኖ ጴች ኢንዳ ጋልዳፖ ጎርጎራ ኬዲ̇ኖኮ ኔ̈ኮን ቆፓ̇ቤ! ማ̈ሪቲ ጌላቤ! ቲ̈ን ኔ ኦ̈ሙታ ዎ ኦ̈ሲን ኦ̈ቤ፤ ኔ̈ኒ ማ̈ሪቲ ጌላካ̇ይ ኣቴጌይን ኔክ ሉካ̇ራ ኔ ማቅራዚን ኢዝ ቤሲ̇ን ጋልዳፖ ቴ ዲንሬ።