2 ጴጥ 3:14 - ኦራ ጫ̈ቃ ማጻ̈ፋ

¹⁴ ዪ̈ኮታ̇ቦ ታ ላጋ̇ን! ዪና̇ ዎይ ማ̈ቃ̇ዝ ቃሚ̇ን ዪንቲ̇ ናጋ ጋልዳ ዎኮ፥ ዪንቲ ኢ̈ታ ባዝኬ ማዛ ባዝ ዪንታ̇ ጋልዳ ባይዶን ኢባር ኮሽ ዎዶን ዪንታ̇ ዲጛምፔ̈ኒ ሚ̈ጛር ዶኢብቴ።

2 ጴጥ 3:14 ပူးပေါင်းရင်းမြစ်များ

ማ̈ቶ̈ሳ 24:26

“ዪ̈ኮታ̇ቦ ‘ዓዲሼ ኢ ባራሃ ጋርታ̇ ዎ’ ጌዬጌይን ዪንቲ̇ ኢና ሉካፒ̇ቴ፤ ‘ዓይ ጌ̈ማ ቤስ̇ ዎ’ ጌዬጌይንዳር ኣማ̇ናፒ̇ቴ።

ማ̈ቶ̈ሳ 25:7

ዪና̇ ኢዝባራ ዉዲራን ዎይ ዲንዳ̇ሪ ፌ ፎኢን ጊ̈ጊሲዴ።

ሉቃ̈ሳ 12:43

ላ̈ ማ̈ቂ̇ ዬ̈ዚምባ̇ራ ዪኒ̇ፌ̈ኒ ዎቲ ሙታ̇ ና̈ጊዝ ኣሲ ኢ ኣንጂንቲ̇ኖ̈ዳ።

ሉቃ̈ሳ 2:29

“ጎዳ̈ዶ! ኔ ታ̈ብ ሶ̈ሊኖ ቃ̈ሊን ፎቲንታ̇ዴ፤ ዪዚ ዓት ኮሽባር ታ̈ና ኔ̈ክ ኤካ̇ቤ።

1 ቆሮ 1:8

ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚምባራ ዪንቲ̇ ዬ̈ላ̇ቤዪ ማ̈ቃ̇ር ቤንታምፔ̈ኒ ኢ ዪንታ̇ ዉርስን ዬሊ̇ዝ ዲራስ ሚ̈ጛር ዶኣምፔ̈̇ን ዎቲ̈ሬ።

1 ቆሮ 15:58

ዪዚ ካንቲኖ ቴ ኢሺንታ̇ን! ሚ̈ጛር ኤቂ̇ብቴ፤ ጌዳክ ዓኒክ ጋ̈ፒ̇ቴ፤ ጎዳ ኦ̈ሳቦ ዪንቲ ዳቡራዚን ሜላ̇ ዓሪ ማ̈ቃካ̇ዮን ኤራሪ ዎይ ጋላስ ጎዳ ኦ̈ሲን ኦ̈ንዳብ ሚ̈ጚንቲ̇ብቴ።

ፊል 1:10

ዪ̈ዳሬ ዪንቲ ዎይፖ ኮሽ̇ ባዚን ዎኒ̇ኮ ኤራምፔ̈ኒ፤ ክርስቶ̈ሲ ዬ̈ይዝ ዲራስ ጌ̈ሽ̇ኬ ማዛ ኣባክ ዪንታ̇ ጋልዳ ባዮ̇ ኣስ ማ̈ቃ̇ር ዶኣኒፌ̈ኒዬ።

ፊል 2:15

ዪ̈ዳሬ ኣባቦ ጌይን ዓ ዓታባሮ ኢ̈ት ዬሊቲ ጋርታ ዪንታ̇ ጋልዳ ማዛ ባዮ̇ ኣስ ማ̈ቃ̇ሪ ቤንታ̇ምፔ̈ንኬ ጌ̈ሽ ጾ̈ሳ̇ ናኣን ማ̈ቃ̇ሪ ዓኒ̇ ኣላሚን ጋልዳ ቤ̈ርስፌ̈ን ፎኣምፔ̈ኔ።

ፊል 3:20

ኑ̈ኒ ማ̈ቄጌ̈ንዶ ኑ ጋዲን ኣፋ፤ ኢናፖ ዬይዛ ኑ̈ና ፋዛ ጎዳ ዬሱ̈ስ ክርስቶ̈ሳ ኑ ሹ̈ናባር ና̈ጊ̈ሬ።

1 ታሳ 3:13

ኑ ጎዳ ዬሱ̈ስ ክርስቶ̈ሲ ፌ ጌ̈ሻ ኣሳንባራ ማ̈ቃ̇ር ዬ̈ዚምባራ ኑ ጾ̈ሳ̇̇̈ዲኬ ኑ ባ̈ባ ቲ̈ን ዪንታ̇ ቡ̈ዲንዳ ጌ̈ሽኬ ኢ̈ታ ባዚ ኣባክ ባዮ̇ ማ̈ቃ̇ር ዶኣምፔ̈ኒ ኢ ዪንታ̇ ሚ̈ንሬ።

1 ታሳ 5:23

ሳሪቲ ኢሚ̇ዝ ጾ̈ሳ̇̇̈ዲ ኢ ፌ̈ብ ዪንታ̇ ዎይ ባዝባር ጌ̈ሾ̇ጋ̈ቤ፤ ዪንታ̇ ኣያ̇ና̈ዲ፥ ዪንታ̇ ሼምፓ̈ዲ፥ ዪንታ̇ ጋሊ̇ን ዎይ ጎዳ ዬሱ̈ስ ክርስቶ̈ስ ዬይዝ ቃሚ̇ንቦ ኢ̈ታ ባዝ ኣባክ ባዮ̇ ማ̈ቃ̇ር ዶኦጋ̈ቤ።

1 ጢማ̈ 6:14

ኑ ጎዳ ዬሱ̈ስ ክርስቶ̈ሲ ዬይዝ ዲራስ ዓና̇ ኪ̈ቲን ኢ̈ታ ባዝ ኣባክ ኔ ጋልዳ ቤንታ̇ካይዶን ኮሺንቻ ኢዝቦ ኪ̈ቲንታሙታ̇ ና̈ጋቤ።

ኢብ 9:28

ዪዚ ክርስቶ̈ሲ ዎይሊን ኣስ ናጋራ ይሳ̇ንዳቦ ጋ̈ሪ ፔቲ ቶ̈ህ ፌ̈ና ዣ̈ርሻ ማሂኔ። ማ ማ̈ቃ̇ሪ ዬይሬ፤ ማ̈ቃ̇ር ዬይዛ̈ዲ ዓታ̇ር ኣሳ ናጋራ ቶ̈ካንዳብ ጊዳካ̇ይዶን ኢ ዬንቲ̇ን ና̈ጊዝ ኣሳን ፋንዳቦ።

ዓይ 1:27

ጾ̈ሳ̇̇ ባ̈ባ ቲ̈ን ጌ̈ሽ̇ኬ ኣባክ ኢ̈ት ባዚ ኢ ጋልዳ ባዮ̇ ኣማ̇ና ጌይዛ̈ዲ፥ ባ̈ቢክ ኢንዲክ ዓይቂ̇ኖ̈ ናኣንኬ̈ ኣስኒ ዓይቂ̇ኖ̈ ማጫ̇ን ሜቲንቲ̇ኖ ኬል̇ባር ማ̈ዲ̇፥ ዓኒ̇ ኣላሚን ጋልዶ̇ ቄ ባዝ ጋልዳ̇ፖ̇ ፌ̈ና ና̈ጊ ዎቲዛ̈ዳ።

1 ጴጥ 1:7

ዪኒ̇ፌ̈ኖ ፋታና ዪንታ̇ ዬላ̇ዚንዳ ዪንታ̇ ኣማ̇ኒን ኪን ማ̈ቂ̇ኖን ኤራንዳቦ፤ ሜላ ኣቲ̇ን ዪዝ ዎርቆ ዎርቃ ማ̈ቂ̇ኖን ኤሪንታ̇ዚንዳ ታማባር ባያ̇? ዎርቃ̇ፖ ሺዝ ዪንታ̇ ኣማ̇ኒንዳ ዪና̇ ኢዝፌ̈ኒ ፋታ̇ኒንታ̇ንዳብ ኮሻ̇̈ሬ፤ ዪና̇ ፋታ̇ኒንቲ̇ኖ ዪንታ̇ ኣማ̇ኒንኮታ̇ ዬሱ̈ስ ክርስቶ̈ሲ ዬይዝ ጋላስ ዪንቲ̇ ኣንጃኬ ቦ̈ንችኬ ዲጚ̈ሬ።

2 ጴጥ 3:1

ታ ላጋ̇ንሶ! ታ ዓና̇ ዪንታ̇ብ ጻ̈ፋዚንዳ ናምኢ ኪ̈ቲንዶ፤ ዪን ናምኢ ኪ̈ታን ዪንታ̇ብ ጻ̈ፊኖንዳ፥ ዪንታ̇ቦ ኮሽ ቆፊ ዶኣምፔ̈ኒ ቲ̈ኒታር ባርኪንዳቦ።

2 ጴጥ 3:16

ኢ ፌ ጻ̈ፊኖ ኪ̈ታን ጋልዳ ዓን ባዛን ጻ̈ፊኔ። ኢ ኪ̈ታን ፔታ̇ን ፔታ̇ናን ጋርታ ኣሳብ ኤሊ̇ ጌሊባ̈ሶ ባዚ ዎ። ኤሪ ጉ̈ጺኖንኬ ጌዳክ ዓኒክ ጌይዝ ኣሳን ሜላ ጌ̈ሻ ማጻ̈ፋን ዎቢ̇ሳዚንዲፌ̈ኒ ዓን ኢ̈ኮንር ዎቢ̇ሲ̈ሬ፤ ኢንቲ̇ ዓኖ̇ ዎታዚንዳ ዪቦ።

1 ዋ̈ኒ̇ 3:3

ዪና̇ ማ̈ቃ̇̈ሬ ጌዪ ክርስቶ̈ሳ ጋልዳ ታስፋ ጋዲ̇ዝ ኣሲ ዎይ ክርስቶ̈ሲ ጌ̈ሽ ማ̈ቂ̇ኖንዲፌ̈ኒ ኢያር ኢታ ባዝ ጋልዳፖ ፌ̈ና ጌ̈ሺ̇̈ሬ።