2 ጴጥ 2:6 - ኦራ ጫ̈ቃ ማጻ̈ፋ

⁶ ማ ጾ̈ሲ ሶዶማኬ ጋሞ̈ራ ጌይዝ ካታማን ቡዳ ማ̈ቂ̇ ዪዝ ዲራስ ታማባር ሚቻ̇ር ይሲኖ̈ዲ ኢንቲ̇ ጾ̈ሳ̇ብ ጎሽቲባ̈ሶ ኣሳንቦ ሚሳ̈̇ሊ ማ̈ቃ̇ምፔ̈ኔ።

2 ጴጥ 2:6 ပူးပေါင်းရင်းမြစ်များ

ማ̈ቶ̈ሳ 10:15

ቴ ዪንታ̇ክ ኪን ጋ̈ሬ፥ ጾ̈ሳ̇̇ ፊርዲዝ ጋላሲ̇ ሶዶ̈ማኬ ጎሞ̈ራ ካታማን ጋልዳ ዬ̈ዝ ፊርዲን ጋልዳፖ̇ ዪና̇ ካታሚን ጋልዳ̇ ዬ̈ዝ ጎይሊን ሺ̈ሬ።

ማ̈ቶ̈ሳ 11:23

ኣ̈ሽ ቂፊርና̈ሆ̈ሜ! ኔ ኣፋ ጪላ ዲራ̈ስ ሾክ ሾክ ጋ̈ንዳ̇ብ ኮዪዬ? ጾ̈ሲ̇ ኔ̈ና ጋ̈ና̇ማ ጌልሲ̈ሬ፤ ኔ ጋርታ̇ ኦ̈ንቲ̇ኖ ታ̈ሚ̇ራ̈ታ̈ዲ ዎን ሶዶማ ጋርታ̇ ኦ̈ንቲ̇ኖኮ ካታሚን ኢዛ ዓኖ̇ ዬሊ̇ዝ ዲራ̈ስ ያካ̇ይ ዶኣ̈ርዶ̈ን።

ሮሜ 9:29

ዪ̈ዳሬ ናባ̈ ኢሳ̈ሲ ቲ̈ኒታር “ዎይቦ ጎዳ̈ዲ ኑ̈ቦ ዜር ኣሻካ̇ይፌንኮ ዎን፤ ኑ̈ኒ ሶ̈ዳ̇ማ ካታሚንዲፌ̈ንኬ ጋሞ̈ራ ካታሚንዲፌ̈ን ዪ̈ርዶ̈ን” ጋ̈ሪ ሶ̈ሊኔ።

1 ቆሮ 10:11

ዪ̈ ዎይ ባዝ ኢንታ̇ ጋልዳ ዬሊ̇ኖ̈ዲ ኑ ኑ̈ና ና̈ጋምፔ̈ን ኑ̈ቦ ሚሳ̇̈ሊ ማ̈ቃምፔ̈ኔ፤ ዪን ባዛን ዉርሲ ላይ ጋልዳ ዎን ኑ̈ብ ቲሚርታ̇ ማ̈ቃ̇ምፔ̈ኒ ጻ̈ፊንቲ̇ኔ።

ኢብ 4:11

ዪ̈ኮታ̇ቦ ኦ̈ናካር ኣሲ ኣሳን ሴካን ኣማ̇ናካ̇ይ ኣታ̇ሪ ኬዲ̇ኖንዲፌ̈ኒ ኬዳ̇ር ኣታካ̇ዮ̈ዲፌ̈ኒ ሼምፓ ቤሲ̇ን ጋርታ ጌላንዳቦ ሚ̈ጚስቶ።

ዪሁ 1:15

ኢብ ኪ̈ቲንቲባ̈ሶ ዉጫን ዎይ ፌ ኦ̈ኖ ናጋሪን ዎይንቤኬ ኢያ ቆ̈ኖ ቆ̈ሳን ዎይንቦ ኢንታ ጋልዳ ፊርዳንዳ̇ቦ ዬይሬ” ጋ̈ሪ ካ̈ዪኔ።

ዪሁ 1:7

ዪና̇ ኢዝፌ̈ኒ ሶዳ̇ማኬ ጋሞራ ማ ኢንታ̇ ቡጊዲንባር ዎ ካታማን ዪን ኪ̈ታንቻንፌ̈ኒ ኢ̈ታ ኢና̇ቦ ፌ̈ና ኣ̈ ኢሚ̇ዴ፥ ማ ኣቲኖ ኣቲናባራ ማጮ̇ ማጫ̇ባራ ኦሎላ ጋዲ̇ዴ፤ ዪን ሜናብ ዪባ̈ሶ ታማ ጋርታ ሚጪ̇ዛንቦ ሚሳ̈̇ሊ ማ̈ቂ̇̈ሬ።