2 ጴጥ 2:4 - ኦራ ጫ̈ቃ ማጻ̈ፋ

⁴ ጾ̈ሳ̇̈̇ዲ ሜላ ኣቲ̇ን ናጋራ ኦ̈ኖ ኪ̈ታንቻ̇ንቦ ሚጪንታ̇ካ̇ይዶር ም ማ̈ቂ̇ኖ ጴች ዶ̈ቻ ጋርታ ዶኣሪ ፌ ፊርዳ ና̈ጋምፔ̈ን ጋ̈ና̇ማ ጋርታ ኢንታ̇ ቶጚኔ።

2 ጴጥ 2:4 ပူးပေါင်းရင်းမြစ်များ

ማ̈ቶ̈ሳ 25:41

“ኢናፖ̇ ዓዲርስ ጎይ ዎንኮ ‘ዪኒቲ̇ ባ̈ዲንቲ̇ኖን! ታ̈ፖ̇ ጌዳ ጎቲ̇ብቴ! ሴ̈ጣናብኬ ኢ ኪ̈ታንቻ̇ንቦ ጊ̈ጊንቲ̇ኖ ሜናብ ቴይቂ̇ባ̈ሶ ታማ ጋርታ̇ ሉኪ̇ብቴ!

ማ̈ቶ̈ሳ 8:29

ኢንታ̇ሬ ኢ̈ኮ “ጾ̈ሳ̇̇ ናኣ̈ዶ! ኔ̈ናክ ኑ̈ናክ ኣብዚ ዎል ዬል̈ራ? ኬሊ̇ን ዬላ̇ካይዶ̈ን ኔ ኑ̈ና ቢጻ ቤይሳንዳ̇ብ ዬዪዬ?” ጌዪ ዉይሲዴ።

ማ̈ርቆ̈ሳ 5:7

“ዎይ̈ፖ̇ ሾክ ጌይኖ ጾ̈ሳ̇̇̈ቦ ናኣ ዬሱ̈ሶ! ኔ̈ናኬ ታ̈ናክ ኣብዚ ዎል ዬል̈ራ? ዋ̈ዴ፥ ኔ ታ̈ና ቢጻ ቤይሳካ̇ይፌ̈ኒ ጾ̈ሳ̇̇ ሱምባር ቴ ኔ̈ና ጌሻሬ!” ዪዝ ጋ̈ሪ ጴች ዉይሲዴ።

ሉቃ̈ሳ 10:18

ኢያር ኢንታ̇ኮ “ሴ̈ጣኖ ዳዳፌ̈ኒ ኣፋፖ̇ ኬዳ̇ምባ̇ር ቴ ቤቃ̇ዴ።

ሉቃ̈ሳ 8:31

ኢ̈ታ ኣያ̇ናን “ዋ̈ዴ ሜናብ ቢጻ ቤቂ̇ሙታ ዶኣዝ ቤሲ̇ን ጋርታ̇ ኑ̈ና ሚሻፔ” ጋ̈ሪ ሚ̈ንር ጌሺዴ።

ዋ̈ኒ̇ሳ 8:44

ዪንቲ̇ ሴ̈ጣና ናኤ፤ ዪንታ̇ ኢኒ̇ንዳሬ ኢ ኮያዝ ባዚን ኦ̈ዚንዶ፤ ኢ ሚናፓ̇ሬ ሼምፓ ዎዛ̈ዳ፤ ኢ ጋርታ̇ ኪን ባዚ ባዮኮታ̇ቦ ኪን ባዝኬ ኢያኬ ዎል ዬሊ̇ ኤሪባ̈ሴ፤ ኢ ዎርዳ ሶ̈ሊዛ̈ዳ፤ ማ ማቃ ጌይዛ ዎይቦ ባ̈ባ̈ ኢያ፤ ኢ ማቃ ሶ̈ሊርዶ̈ሪ ፌ̈ ጋልዳፖ̇ ኬሳ̇ር ሶ̈ሊ̈ሬ።

ሮሜ 11:21

ጾ̈ሲ̈ ቲ̈ናፖ̇ ሚን ጋልዳ ዎ ሻቃን ኣይሁዳንቦ ሚጪንታካ̇ይ ኣቴ̇ጌይን ዪንታ̇ባር ሚጪንቲ̇ባ̈ሴ።

ሮሜ 8:32

ጾ̈ሲ ፌ ናኣ ፔታ̇ና ኢ̈ብ ሚጪንታ̇ካይዶር ኑ ዎይንኮታ̇ቦ ኢያ ኣ̈ ኢሚ̇ኖ̈ዲ ሜላ ባዝ ዎይ ዎዛርፌ̈ን ሜላ̇ ኑ̈ብ ኢሚ̇ባ̈ሳ?

2 ጴጥ 2:11

ጾ̈ሳ̇ ኪ̈ታንቻ̇ንሲ ዎልቃባርኬ ሲልጣ̈ናባር ኢንታ ጋልዳፖ ሺ̈ርዶሪ ጎዳ ቲ̈ን ቆ̈ሙታ ኢንታ ሞ̈ቲባ̈ሴ።

2 ጴጥ 2:5

ማ ጺ̇ላ̇ ጎይን ሳባ̇ኪኖ ኖ̈ሃኬ ኢባር ዎ ሜላ ታብዛ ኣሳን ቡ̈ቲሳሪ ሜላን ጾ̈ሳ̇̇̈ብ ኢጪባ̈ሶን ዎይ ዋ̈ባር ይሲ̈ርዶሪ ዪን ሚኖ ኣሳንቦ ቡ̈ታ̇ምፔ̈ን ዎታካ̇ዬ።

2 ጴጥ 2:9

ዪዚ ጾ̈ሳ̇̇̈ዲ ኪንባር ኢያ ጎሽቲ̇ሙታ ዎ ኣሳን ኢ̈ታ ባዝ ጋርታፖ ኢንታ ቡ̈ቲሳዚንዶ ማ ና̈ጋራንቻን ቃጣኢሙታ ፊርዳ ቃማ̇ቦ ዎዛርታ̇ር ና̈ጊ ጋዲ̈ርኮ ኤሪ̈ሬ ጌንቴ̇።

1 ዋ̈ኒ̇ 3:8

ሴጣኖ ቲ̈ናፖ ኤሪ ናጋራ ኦ̈ዛኮታ̇ቦ ናጋራ ኦ̈ዝ ኣሲ ዎይ ሴ̈ጣና ዳባ̇፤ ጾ̈ሳ̇ ናኣ ዓኒ̇ ኣላሚን ጋልዳ ዬይኖ̈ዳሬ ሴ̈ጣና ኦ̈ሲን ላ̈ላ̇ንዳቦ።

ዪሁ 1:13

ፌ ኢ̈ታ ኦ̈ሲን ጉፊንታ ጮ̈ሽኪዝ ባሃ̈ራ ጋልዶ ጴች ውርጊፌ̈ኒዬ፥ ማ ጊልዲጊልድ ጌይኖ ም ኢንታ̇ብ ጊ̈ጊኖ ጌዳክ ዓኒክ ጌይዝ ቤ̈ርሳንፌ̈ኔ።

ዪሁ 1:6

ዪና̇ ኢዝፌ̈ኒ ኢንታ̇ቦ ኢሚንቲ̇ኖ ቦንቺ̇ን ና̈ጋካ̇ይ ኣታ̇ሪ ፌ ቤሲ̇ን ኣሺ̇ኖ ኪ̈ታንቻ̈ን ቆፒ̇ብቴ፤ ጾ̈ሳ̇ ኢንታ ጴች ፊርዳ ቃሚ̇ን ዬሊ̇ዛ ዲራስ ሜናቦ ጊልዲጊልድ ጌይኖ ም ጋርታ̇ ቃቻ̇ር ጋዲ̇ኔ።

ሳጻ 20:10

ኢንታ ባሊኖ ዳ̈ቢሎሲ ማ̈ታ ባዛ̈ዲኬ ዎርዳ ናባ̈ዲ ዎ ዲናባር ሚቺ̇ዝ ታማ ባሃ̈ራ ጋርታ ቶጚንቲ̇ዴ፤ ኢንቲ̇ ቤስ̇ ኢና ቃማ̇ሬ ጋላሳ̇ር ሜናብ ቢጻ ቤቂ̇ ዶኢ̈ሬ።