2 ጴጥ 2:2 - ኦራ ጫ̈ቃ ማጻ̈ፋ

² ዎይሊንን ኢንታኮን ኣስ ዬ̈ሊ̇ዝ ጎይን ዬሬ፤ ኢንታ ጊሻ̇ቦ ኪን ጎይን ቆ̈ንታ̇̈ሬ።

2 ጴጥ 2:2 ပူးပေါင်းရင်းမြစ်များ

ማ̈ቶ̈ሳ 22:16

ፌ ታማ̈ራን ሄሮዶ̈ሳ ኣሳንባር ዎልኣ ዬሱ̈ሳክ ኪ̈ቲ̇ ሚሻሪ ኢ̈ኮ “ኣስታማ̈ራ̈ዶ! ኔ̈ኒ ኪን ኣስ ማ̈ቂ̇ኖንዲኬ ጾ̈ሳ̇̇ ጎይሚን ኪን ታማ̈ርሳ̇ዚንዶ̇ ኑ ኤሪ̈ሬ። ማ ኔ ኣስ ዎይ ዎልፌ̈ን ቤቂ̇ዛኮታ̇ቦ ኣሳብ ኢ̈ጫ̇ራ ኦ̈ዝ ባዚ ኣባካር ባዬ̇።

ማ̈ቶ̈ሳ 24:24

ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ።

ማ̈ቶ̈ሳ 7:14

ሼምፓ ጎይ ኤ̈ጛዝ ጎይሚንዳ ኩንኤ፤ ጌላዝ ካሪንዳ̇ር ኩንኤ፥ ኢዝባር ጌሊዝ ኣሳንር ጊላ̇” ጌይዴ።

ማ̈ርቆ̈ሳ 12:14

ዪን ኣሳን ዬሱ̈ሳክ ዬ̈ሪ “ኣስታማ̈ራ̈ዶ! ኔ̈ኒ ኪን ሶ̈ላዚን ኣሳብ ኢ̈ጫ̇፥ ኣሳ ኣ̈ፋብ ዬ̈ልቃር ፔቲ̇ ባዝ ዎታባሶን፥ ጾ̈ሳ̇̇ ጎይንዶ ኪንባር ታማ̈ርሳዚን ኑ ኤሪ̈ሬ። ዓት ኑ̈ኒ ሮ̈ማ ጋዲን ካ̈ታ ቄ̈ሳ̈ራቦ ጊ̈ራ ጊ̈ራንዳ̇ብ ኮሺ̇ርቤ ኮሺባ̈ሳ? ኑ ጊ̈ራኔቤ ኣታ̇ኔ?” ጌዪ ኦይጪ̇ዴ።

ማ̈ርቆ̈ሳ 13:22

ኣባ ጌይን ዎርዳ ክርስቶ̈ሳንኬ ዎርዳ ናባን ኬስካሪ ዎይሊን ማላ̇ ባዝኬ ታ̈ሚ̇ራ̈ታ ኦ̈ሙታ̇ ኢንታ̇ብ ዳንዳኢንቴ̇ጌይን ሜላ ኣቲ̇ን ቆሪንቲኖንሬ ባሊ̈ሬ።

ዋ̈ኒ̇ሳ 14:6

ዬሱ̈ሳሬ ኢ̈ኮ “ኣሳቦ ኪንን ቤይሲዛ̈ዲኬ ሼምፓ ኢሚ̇ዝ ጎይ ታ̈ና፤ ቴ ባጋ̇ባር ማ̈ቃካ̇ይ ኣቴጌይን ሜላ ኦ ጎይባርካር ማ̈ቂ̇ን ቴ ባ̈ባ̈ኮ ዬይዝ ኣሲ ኦ̈ናካር ባዬ̇።

ሃዋ̈ራታን ኦ̈ሳ 13:10

“ኣን ሴ̈ጣና ናኣ̈ዶ! ኔ ኪን ባዝ ዎይቦ ጻላ̈ታ፥ ኔ̈ኒ ውጫባርኬ ኢ̈ታ ቆፊ ኩሚኖ ኣሴ! ኣን ኔ ጾ̈ሳ̇ ጎይን ኮሺ̇ን ዎቢ̇ሳዚን ኣሻ̇ብዳ?

ሃዋ̈ራታን ኦ̈ሳ 14:2

ዎቲናካር ኣማ̇ናካ̇ዮ ኣይሁድ ኣሳን ኣይሁድ ባዮ̇ን ዲንሪ ኣማ̇ኒዝ ኣሳን ሺሪንታር ኢጻ̇ምፔ̈ን ዎቲዴ።

ሃዋ̈ራታን ኦ̈ሳ 16:17

ኢዛሬ ኑ̈ናኬ ጳውሎ̈ሳክ ዎሂን ዬ̇ሙታ̇ “ኣሲ ፋጺዝ ጎይሚን ዪንታ̇ብ ሶ̈ሊዛን ዓን ዎይ̈ፖ ሾክ ጌይኖ ጾ̈ሳ̇̇ ኣይላ” ጌያ ዉይሳ̈ሬ።

ሃዋ̈ራታን ኦ̈ሳ 18:26

ኢ ኢ̈ጫካይዶሪ ኣይሁዳን ዎ̈ሳ ኬ̈ ጋርታ̇ ጌላሪ ታማ̈ርሲ ኤ̈̇ዴ። ጲሪስቂ̈ላኬ ኣቂ̈ላክ ኢ̈ኮን ሲስካ̇ሪ ኢያ ፌ ኣ̈ል ኤ̈ጛሪ ጾ̈ሳ̇̇ ጎይን ቲ̈ኖምፖ̇ ሺ ኮሺንቺ̇ ኢያ ኤርሲዴ።

ሃዋ̈ራታን ኦ̈ሳ 19:9

ኢንታ ጋርታፖ ፔቲ̇ ፔቲ̇ ኣሳን ጎዳ ጎይን ሺሪንቲ፤ ዎርዣ ቲ̈ን ቆ̈ ዎታሪ ኣማናብዳ ጌዪ ቅ ኢጺ̇ን ጳውሎ̈ሲ ኢንታ ኣሺ̇ዴ፤ ኣማ̇ኒኖ ኣሳን ዱማ ኤካ̇ሪ ጢራ̈ኖስ ጌይዝ ቲሚርታ ኬ̈ን ጋርታ ዎይ ጋላስ ኢንታ̇ ታማርሲ̈̇ሬ።

ሃዋ̈ራታን ኦ̈ሳ 22:4

ታ̈ኒ ኣማ̇ኒዝ ኣሳን ዎይ ኣቲናንር ማ̈ቂ̇ን ማጫ̇ንር ቃሺ ኣ̈ል ጌልሲሳ ቃቺሻ ዎታ̈ርዶን።

ሃዋ̈ራታን ኦ̈ሳ 24:14

ዎቲናካሬ ዪኖ̇ ቴ ኔ̈ብ ፋል ሶ̈ላንዳብ ኮያ̈ሬ፤ ሂጊ̇ን ጋልዳ ዎን ናባን ጻ̈ፊኖን ዎይ ኣማ̇ናራ ታ ባ̈ቢንታን ጾ̈ሳ̇̈ ኢንቲ “ኦራ ኣማ̇ና ጎይ” ጌዪ ጼይጋዚ ጎይንዲፌ̈ን ታ̈ኒ ጾ̈ሳ̇ ጎሽታ̇̈ሬ።

ሮሜ 2:24

ዪዳሬ “ዪንቲ̇ ኣይሁዳን ጊሽ̇ ጾ̈ሳ̇ ሱ̈ም ኣይሁድ ባዮ̇ ኣሳን ቲ̈ን ቆ̈ንቲ̈̇ሬ” ጋ̈ሪ ጻ̈ፊንቲ̇ኖንዲፌ̈ኒዬ።

1 ጢማ̈ 5:14

ዪዚ ዪ̈ኮታ̇ቦ ኣስኒ ዓይቂ̇ኖ ናኢቲ ማ̈ቂ̇ኖ ማጫ̇ን፥ ኑ̈ና ኢጺ̇ዝ ኣሳን ኢንታ ሱምን ኢ̈ታ ባዝባር ይሳካ̇ይፌ̈ኒ ኢስታ̇ሪ ናኢ ዬላሪ ፌ ኣ̈ሊን ኮሺንቺ ኣቂሳምፔ̈ኒ ቴ ኢንታ ዞራ̈ሬ።

ቲ̈ታ̇ 2:5

ጾ̈ሳ̇ ቃ̈ላ ቆ̈ሲንታካ̇ዮ̈ዲፌ̈ኒ ናኢቲ ማ̈ቂ̇ኖ ማጫናኣን ፌ̈ና ኢ̈ታ ባዝ ጋልዳፖ̇ ና̈ጊዝ ኣሲ ማ ኦሎላ ጋዳ̇ዚን ጋልዳፖ ፌ̈ና ና̈ጊዝ ኣሲ፣ ኮሽ̇ ኣሲ፣ ፌ ኣ̈ሊን ጋርታ ኦ̈ሳባር ሚ̈ጚዝ ኣስኬ ፌ ኣስኒንታ̇ንቦ ኪ̈ቲንቲ̇ዝ ኣስ ማ̈ቃ̇ምፔ̈ኒ ዶምዛን ኢንታ̇ ታማ̈ርሶጋ̈ቤ።

ቲ̈ታ̇ 2:8

ኔ ሶ̈ሊንዳ ማዛ ኢዝ ጋልዳ ባዮ̇ ኮሻ̇ ሶ̈ላ ማ̈ቆ̇ጋቤ። ዪና̇ሬ ኑ̈ና ኢጺዛን ኑ ጋልዳ ኢት ሶ̈ሊዝ ባዚ ኢንታ ዬጌይን ኢንቲ̇ ዬ̈ልቃምፔ̈ኒዬ።

1 ጴጥ 2:12

ኣሲ ዪንታ̇ “ኢንቲ̇ ኢ̈ት ኦ̈ሬ” ጌዪ ጌስቲ̇̈ርካሬ፥ ጾ̈ሳ̇ ዬይዝ ጋላስ ጾ̈ሳ̇ ኤሪባ̈ሶ ኣሳን ዪንታ̇ ኮሻ̇ ኦ̈ሲን ቤቃ̇ሪ ኢያ ጋላታምፔ̈ኒ ኢንታ̇ ጊዳ̇ ኮሽ̇ ኦ̈ሳ ኦ̈ሙታ ዶኢብቴ።

2 ጴጥ 2:12

ማ̈ቂ̇ናካሬ ዪን ማቃ ኣስታማ̈ራን ኤሪባ̈ሶ ባዝ ጋርታ̇ ጌሊሙታ ቆ̈ሬ፤ ኢንቲ̇ ኣሲ ኢንታ ኦይታ̇ር ዎዝ ቆፒ̇ ቢሪን ቤቂ̇ዝ ቡ̈ዳባዮ̇ ማ̈ታባዝፌ̈ኒዬ። ዪን ማ̈ታ ባዛን ያዚንዲፌ̈ኒ ኢንታ̇ር ዪ̈ሬ።

2 ጴጥ 2:15

ኢንቲ ኮሽ ጎይን ኣሻ̇ር ዪኔ፤ ኢ̈ታ ባዝ ኦ̈ር ዲጛ̈ዝ ሚ̈ሺ̇ን ካ̈ኖ ቢኦ̈ራ ናኣ ባ̈ላማፌ̈ን ባሊቲ̇ኔ።

2 ጴጥ 2:18

ባሊዝ ቲሚርታ ጋርታፖ̇ ዬ̈ር ቢርት ሚ̈ጛካ̇ዮ ኣሳን ፋባ̈ሶ ኦቲራ ሶ̈ላ ሶ̈ሊሙታ̇ ኢ̈ታ ናጋራ ኢና̇ባርኬ ኦሎላባር ኢንታ ጪ̈ጪንቺሙታ̇ ኢንታ ባሊሬ።

2 ጴጥ 2:21

ጾ̈ሳ̇ ጎይን ኤሪኖፖ ዎሃ ኢንታብ ኢሚ̇ንቲ̇ኖ ጌ̈ሻ ኪ̈ቲምፖ ጋስ ማ̈ቃ̇ናፖ ጾ̈ሳ̇ ጎይን ኤራካ̇ይ ኣቲ̇ኖኮ ኢንታ̇ብ ኮሽዶን።

2 ጴጥ 2:7

ዎቲናካር ኢና ጋዶ̇ ኣሳን ኦ̈ሙታ ዎ ኣስ ዬልቂዝ ኢ̈ታ ኦ̈ሲንኮታ̇ ጫና̇ቂንቲ̇ ሙታ ዎ ጺ̇ላ ማ̈ቂ̇ኖ ሎ̈ጢ ጌይዝ ና̈ሳ ቡ̈ቲሲዴ።

ዪሁ 1:10

ዎቲናካር ዪን ኣሳን ኢንቲ ኤሪባ̈ሶ ባዛን ዎይ ቆ̈ሬ፤ ቆፊ ባዮ̇ ሜሃፌ̈ኒ ቆፒ̇ ቢሪንር ጊዳካ̇ይዶን ኮቺንታ̇ንባር ኢንታ̇ብ ኢሚንቲ̇ኖ ኤራባር ኢንቲ̇ ኤሪዝባዝ ዎካሬ ፌ ኤሪን ዪኒ̇ባር ዪ̈ሬ።

ዪሁ 1:15

ኢብ ኪ̈ቲንቲባ̈ሶ ዉጫን ዎይ ፌ ኦ̈ኖ ናጋሪን ዎይንቤኬ ኢያ ቆ̈ኖ ቆ̈ሳን ዎይንቦ ኢንታ ጋልዳ ፊርዳንዳ̇ቦ ዬይሬ” ጋ̈ሪ ካ̈ዪኔ።

ዪሁ 1:4

ኣባ ጌይን ፔቲ̇ ፔቲ̇ ኣሳን ኤሪንታካ̇ይ ዪንታ̇ ጊዳ̇ ጌሊኔ፤ ዪን ኣሳን ኑ ጾ̈ሳ̇ ኮሺቲንዶ ኢ̈ት ናጋራ ኢና̇ባር ላሚ̇ሙታ ጾ̈ሳ̇ቦ ጎሽቲ̇ባ̈ሶ ኣሴ፤ ኢንቲ̇ ኑ ካ̈ታ ኑ ጎዳ ዬሱ̈ስ ክርስቶ̈ሳ ካ̈ዲ̈ሬ፤ ዎቲናካሬ ኢንታ ጋልዳ ዬላ̇ዝ ፊርዲንዳ ዎይሊን ላ̈ይፖ ቲ̈ን ጻ̈ፊንታ̇ር ዎ።

ዪሁ 1:7

ዪና̇ ኢዝፌ̈ኒ ሶዳ̇ማኬ ጋሞራ ማ ኢንታ̇ ቡጊዲንባር ዎ ካታማን ዪን ኪ̈ታንቻንፌ̈ኒ ኢ̈ታ ኢና̇ቦ ፌ̈ና ኣ̈ ኢሚ̇ዴ፥ ማ ኣቲኖ ኣቲናባራ ማጮ̇ ማጫ̇ባራ ኦሎላ ጋዲ̇ዴ፤ ዪን ሜናብ ዪባ̈ሶ ታማ ጋርታ ሚጪ̇ዛንቦ ሚሳ̈̇ሊ ማ̈ቂ̇̈ሬ።

ሳጻ 12:9

ዳዋ ጴቻ̇̈ዲ ቶ̈ራ ሳ̈ዳ ቶጚንቲ̇ዴ፤ ኢያሬ ኣላሚን ዎይ ባሊዛ ዳብሎ̈ሳ ዎይ ሴ̈ጣና ጌይ ጼይጊንቲ̇ዛ ሚኖ ሾ̈ሻ̈̇ዳ፤ ኢ ቶ̈ራ ሳ̈ዳ ቶጚንቲ̇ዴ ማ ኢ ኪ̈ታንቻ̇̈ንሬ ኢባር ዎልኣ ቶጚንቲ̇ዴ።

ሳጻ 13:14

ቲ̈ኖ ማ̈ታ ባዛ ሱምባር ማላ̇ ባዛን ኦ̈ምፔ̈ን ሲልጣ̈ና ኢ̈ብ ኢሚ̇ንቲ̇ኖኮታ̇ቦ ሳ̈ዝ ጋልዳ ዎ ኣሳን ባሊዴ፤ ማሻ̇ባር ጫዲንታሪ ፋጺኖ ማ̈ታ ባዛ ቦንቻ̇ቦ ሚሲላ ኮቻ̇ምፔን ኢንታ ኪ̈ቲ̇ዴ።

ሳጻ 13:8

ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።