2 ጴጥ 2:12 - ኦራ ጫ̈ቃ ማጻ̈ፋ

¹² ማ̈ቂ̇ናካሬ ዪን ማቃ ኣስታማ̈ራን ኤሪባ̈ሶ ባዝ ጋርታ̇ ጌሊሙታ ቆ̈ሬ፤ ኢንቲ̇ ኣሲ ኢንታ ኦይታ̇ር ዎዝ ቆፒ̇ ቢሪን ቤቂ̇ዝ ቡ̈ዳባዮ̇ ማ̈ታባዝፌ̈ኒዬ። ዪን ማ̈ታ ባዛን ያዚንዲፌ̈ኒ ኢንታ̇ር ዪ̈ሬ።

2 ጴጥ 2:12 ပူးပေါင်းရင်းမြစ်များ

ማ̈ርቆ̈ሳ 7:22

ኣሳ ማጫ̇ባር ሱርሲ፣ ዎይ ባዝ ታ̈ብ ማ̈ቆ ጌንቲ፣ ኢ̈ቲቲ፣ ኣስ ዳሺቺ̇፣ ዲርጊሲ፣ ኣሳብ ኢ̈ታ ባዝ ቆፊ፣ ቆ̈ሳ፣ ኦቲራ፣ ቦ̈ዚቲ

ዋ̈ኒ̇ሳ 8:21

ዬሱ̈ሲ ማ̈ቃ̇ሪ ኢንታ̇ኮ “ዪዚ ቴ ሉካ̇̈ሬ፥ ዪንታ̇ር ታ̈ና ኮዪ̈ሬ። ዎቲናካሬ ዪንቲ̇ ዪንታ̇ ናጋሪንባር ዓይቂ̇̈ርዶኬ ቴ ሉካ̇ዝ ቤሲ̇ን ዪንቲ̇ ዬ̈ንዳብ ዳንዳኢባ̈ሴ” ጌይዴ።

ጋላ̈ታ 6:8

ናጋራ ኣሲቲን ኡፋይሳ̇ንዳብ ዜርቂዝ ኣሲ ኢዝ ጋርታፖ̇ ዓይቃ ቴይሲ̇ ኤኪ̇̈ሬ፤ ጌ̈ሻ̇ ኣያ̇ና ኡፋይሳ̇ንዳብ ዜርቂዝ ኣሲ ጌ̈ሻ̇ ኣያ̇ና ጋልዳፖ̇ ሜናብ ሼምፓባር ዶኢ ቴይሲ̇ ኤኪ̇̈ሬ።

ቆላ̈ሳ̈ሳ 2:22

ዪን ዎይ ኣሲ ኬሲ̇ኖ ዎጋኬ ኣሲ ኬሲ̇ኖ ቲሚርታ̇ ማ̈ቂ̇ኖኮታቦ ኦ̈ሳ ጋልዳ ፌ̈ሽኪ̇ኖፖ ዓኒ ያንዳብ ዎ።

2 ጴጥ 1:4

ኑ̈ኒ ኢ ቦንቺ̇ንባርኬ ኢ ኣሽኪቲንባራ ዎይሊን ጴችኬ ቦንቺንቲ̇ኖ ታስፋ ዲጚኔ፤ ዪኒ ጎይባራ ዪንቲ̇ ኢ̈ታ ኢናንኮታ̇ ጾ̈ሲ ዓኒ̇ ኣላሚን ጋልዳ ኤሄይዝ ጎይሊን ጋልዳፖ ቡ̈ታ̇ሪ ጾ̈ሳ̇ ጾ̈ሲቲን ጋልዳፖ ኤኪ̇ዝ ኣስ ማ̈ቂ̇ኔ።

2 ጴጥ 2:19

ኢንቲ ፌ ቆሚንቦ ና̈ጋራብ ኣይላ ማ̈ቃ̇ር ዎሪ “ኑ ዪንታ̇ ኣይሊቲ ጋርታፖ̇ ኬሳ̇ንዳ” ጌዪ ኢንታቦ ታስፋ ኢሚ̇̈ሬ። ኣሲ ኢያ ጋሚኖ ባዚን ኢዝቦ ኣይላ።

ዪሁ 1:10

ዎቲናካር ዪን ኣሳን ኢንቲ ኤሪባ̈ሶ ባዛን ዎይ ቆ̈ሬ፤ ቆፊ ባዮ̇ ሜሃፌ̈ኒ ቆፒ̇ ቢሪንር ጊዳካ̇ይዶን ኮቺንታ̇ንባር ኢንታ̇ብ ኢሚንቲ̇ኖ ኤራባር ኢንቲ̇ ኤሪዝባዝ ዎካሬ ፌ ኤሪን ዪኒ̇ባር ዪ̈ሬ።