2 ጴጥ 1:9 - ኦራ ጫ̈ቃ ማጻ̈ፋ

⁹ ባዝ ዪን ኢ̈ንታ̇ብ ባዮ̇ ኣሳን ጎት ዎባዝ ቤቃ̇ንዳብ ዳንዳኢባ̈ሶ ኣ̈ፊ ዎቤ̇። ሚን ኢ ጋልዳ ዎ ናጋራን ጋርታፖ̇ ጌ̈ዥጊኖንዳር ቦቲጚኔ።

2 ጴጥ 1:9 ပူးပေါင်းရင်းမြစ်များ

ማ̈ርቆ̈ሳ 10:21

ዬሱ̈ሲ ና̈ሳ ቤቃ̇ር ኢያ ካሪ ኢ̈ኮ “ዪ̈ዶኮ ኔ ጋል ፔቲ̇ ባዝ ሙታ̇ ኣቲ̇ኔ። ኔ̈ብ ዎ ባዛን ዎይ ጌዳ ዎ̈ጛራ ሚ̈ሺ̈ን ዎርባያንቦ ኢማ̇ቤ። ኣፎ ኣ̈ል ኔ̈ብ ሺ̈ቂኖ ቆሊን ዲጛ̈ሬ፤ ዪኒ̇ፖ ዓኒ ዬ̈ራ ቴ ዎሂን ዬ̇ቤ” ጌይዴ።

ሉቃ̈ሳ 18:22

ዬሱ̈ሲ ዪኖ̇ ኢ ሶ̈ሊኖን ሲስካ̇ሪ “ዓት ፔቲ̇ ባዝ ኔ ጋልዳ̇ፖ ኣቲ̇ኔ። ኔ̈ብ ዎ ባዝ ዎይ ዎጛራ ዎርባያንቦ ኢማ̇ቤ። ቆሊን ኣፋ ጾ̈ሳ̇̇ ቲ̈ን ኔ̈ብ ዶኢ̈ሬ። ዪኒ̇ፖ ዓኒ ዬ̈ራ ቴ ዎሂን ዬ̇ቤ” ጌይዴ።

ሮሜ 6:11

ዪዚ ዪንቲ̇ ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ናጋራ ጋልዳፖ̇ ፋጊንቲኖ̈ዲፌ̈ንኬ ዬሱ̈ስ ክርስቶ̈ሳ ጎይባር ጾ̈ሳ̇ቦ ሼምፓባር ዶኢዛ̈ዲፌ̈ን ዪንታ̇ ፋይዲብቴ̇።

ጋላ̈ታ 5:13

ቴ ኢሺንታ̇ን! ዪንቲ̇ ኣይላ ጋርታ̇ፖ̇ ኬስካምፔ̈ን ጼይጊንቲ̇ኔ፤ ዪና̇ ዪንቲ ኣይላ ጋርታፖ̇ ኬስኪ̇ኖንዳ̇ ኢ̈ታ ባዝ ኦ̈ንዳቦ ዪንታ̇ብ ጎይ ፊርቂ̇ኖ ማይጻፖ̇ጋ̈ቤ፤ ዪኒ̇ፖ ፔታ̇ና̈ዲ ካንባራ ሜላ̈ ማዳ̇ጋ̈ቤ።

ጋላ̈ታ 5:6

ኑ̈ኒ ዬሱ̈ስ ክርስቶ̈ሳባር ማ̈ቄ̇ጌይን ኑ̈ና ማ̈ዳ̇ዚንዳ ካንባራ ቤንቲ̇ዝ ኣማ̇ኒንዳ̇ዶኬ ኔ ጋራ̇ዚንቲ̇ናር ጋራ̇ዚንታ̇ካ̇ይ ኣቲ̇ናር ኣባካር ማ̈ዳ̇ባሴ።

ኤፍ 5:26

ክርስቶ̈ሲ ዪኖ̇ ዎቲኖንዳ ዎ̈ሳ ኬ̈ን ጌ̈ሻ̇ንዳብ ኮያሪዬ፤ ኢ ኢዞ ፌ ቃ̈ሊን ጎይባራ ዋ̈ባር ሜ̈ጫ̇ሪ፥

ቲ̈ታ̇ 2:14

ኢ ኑ̈ና ዉጫ ኦ̈ሳ ዎይ ጋልዳፖ ፋንዳብኬ ኮሽ ኦ̈ሳ ኦ̈ንዳቦ ሚ̈ጛር ኤቂ̇ኖንኬ ጾ̈ሳ̇̇̈ቦ ቆሪንቲ̇ኖ ዎርዣ ማ̈ቃ̇ምፔ̈ኒ ኑ̈ና ጌ̈ሻ̇ንዳ̇ቦ ፌ̈ና ዓይቃብ ኣ̈ ኢሚ̇ዴ።

ኢብ 9:14

ጌ̈ሻ ኣያ̇ና ጎይባራ ሜናብ ፌ̈ና ማዛ ባዮ̇ ዣርሻ ማሃር ጾ̈ሳ̇ቦ ሺ̈ሺ̇ኖ ክርስቶ̈ሳ ሱ̈ን ኑ̈ኒ ሜናብ ዶኢዝ ጾ̈ሳ̇ቦ ኦ̈ምፔን ኑ ቆፊንዶ ማ̈ዲባ̈ሶ ዎጋን ጋርታፖ ዎዛርፌ̈ን ሺ ጌ̈ሻ̇ንዳዶ̈ኔ!

1 ጴጥ 3:21

ዪና̈ ዋ̈ሲ̇ንዳ ዓት ዪንታ̇ ፋዚን ጺ̈ንቃ̇ታ ሚሳ̇̈ሊንዶ፤ ዪና̇ ጺንቃ̇ቲንዳ ኣሳ ጋልዶ ቃት ጌ̈ሻዚን ጊዳካ̇ይዶን ኮሽ ቆፊ ዲጛንዳቦ ጾ̈ሳ̇̇̈ቦ ሺ̈ቂዝ ዎ̈ሳ። ዪና ዪንታ̇ ፋዚንዳሬ ዬሱ̈ስ ክርስቶ̈ሳ ዲንዲን ጎይባራ።

1 ዋ̈ኒ̇ 1:7

ጾ̈ሳ̇ ፎኢን ማ̈ቂ̇ኖንዲፌ̈ኒ ኑ̈ናር ፎኢንባራ ቢሪንቴ̇ጌንዶ ኑ̈ቦ ዎል ዎልኣ ፔቲ̇ቲ ዎ። ኢ ናኣ ዬሱ̈ስ ክርስቶ̈ሳ ሱ̈ንዳሬ ና̈ጋራ ዎይሶ ጋልዳፖ ኑ̈ና ሜ̈ጫ̇ ጌ̈ሻ̇̈ሬ።

ሳጻ 3:17

ኔኒ ‘ቴ ዱሬ፤ ዎይሊን ቆሊን ታ̈ብ ዎ̈፤ ታ̈ብ ዲሪጚኖ ባዚ ኣባካር ባዬ’ ጋ̈ሬ፤ ዎቲናካሬ ኔ̈ኒ ማንቂስ ማ̈ቂ̇ኖን፤ ዎርባያ ማ̈ቂኖን፤ ኣ̈ፊ ዎብ̇ ማ̈ቂ̇ኖንዲኬ ካላ̇ ማ̈ቂ̇ኖን ኔ̈ብ ኤሪንታ̇ባሴ።