2 ጴጥ 1:4 - ኦራ ጫ̈ቃ ማጻ̈ፋ

⁴ ኑ̈ኒ ኢ ቦንቺ̇ንባርኬ ኢ ኣሽኪቲንባራ ዎይሊን ጴችኬ ቦንቺንቲ̇ኖ ታስፋ ዲጚኔ፤ ዪኒ ጎይባራ ዪንቲ̇ ኢ̈ታ ኢናንኮታ̇ ጾ̈ሲ ዓኒ̇ ኣላሚን ጋልዳ ኤሄይዝ ጎይሊን ጋልዳፖ ቡ̈ታ̇ሪ ጾ̈ሳ̇ ጾ̈ሲቲን ጋልዳፖ ኤኪ̇ዝ ኣስ ማ̈ቂ̇ኔ።

2 ጴጥ 1:4 ပူးပေါင်းရင်းမြစ်များ

ሮሜ 9:4

ኢንቲ̇ ኢስሬ̈ላ ዜር፤ ጾ̈ሲ ኢንታ̇ ፌ ናኢ ማሂኔ፤ ፌ ቦንቺ̇ን ኢንታ̇ብ ቤይሲኔ፤ ኢንታ̇ባር ቃ̈ላ ጌሊኔ፤ ኢንታ̇ብ ሂጋ̇ ኢሚ̇ኔ፤ ጾ̈ሳ̇ዳ ኪንባር ጎሽታ̇ዝ ጎይን ኢንታ̇ ቤይሲኔ፤ ታስፋ ቃ̈ላ ኢንታ̇ብ ኢሚ̇ኔ።

2 ቆሮ 1:20

ጾ̈ሲ ኑ̈ብ ኢሚ̇ኖ ታስፋ ቃ̈ላ ዎይ “ኣዓ” ማ̈ቃ̇ዚንዳ ክርስቶ̈ሳ ጎይባራ፤ ኑ̈ናሬ ጾ̈ሳ̇ ቦንቻ̇ብ ክርስቶ̈ሳ ሱምባር “ኣሚንኤ” ጋ̈ዚንዳ ዪኒ̇ኮታ̇ቦ።

2 ቆሮ 3:18

ኑ ዎይን ኣፊላባር ካጚንታካዮ ኣ̈ፍባራ ጎዳ ቦንቺ̇ን ማስቶ̈ታፌ̈ን ቤይሲሙታ̇ ኢያ ማይጻንዳ̇ቦ ቦንች ጋልዳ ቦንች ጉጂ̇ሙታ ዲጪ̇̈ሬ፤ ዪዳር ማ̈ቂ̇̈ዛ̈ዲ ጎዳ ኣያ̇ና ጋልዳፖ̇።

2 ቆሮ 6:17

ማ ጎዳ̈ዲ፤ “ኢንታ̇ ጊዳ̇ፖ̇ ዱማ ኬስኪ̇ብቴ ቄ ማ̈ቂ̇ኖ ባዝ ዎ̈ሻፒ̇ቴ ቴ ዪንታ̇ ቴዪ ማሃር ኤካ̇ንዳ፤

ጋላ̈ታ 3:16

ጾ̈ሳ̇̇̈ዳሬ ኣብራሃ̈ማብኬ ኢ ዜርቦ ኢማ̇ንዳ ጋ̈ሪ ቃ̈ላ ጌሊኖንዳ ዪ̈ና̇ ኢዝፌ̈ኔ። ጾ̈ሲ̇ ዎይሊን ኣሳብ ሶ̈ሊዛ̈ዲፌ̈ን ማሃሪ “ኔ ዜርንቦ” ጋ̈ባሴ፥ ፔቲ̇ ኣሳቦ ሙታ̇ ሶ̈ሊዛ̈ዲፌ̈ኒ ማሃሪ “ኔ ዜርቦ” ጌዪ ሶ̈ሊ̈ሬ። ዪ̈ዲ “ኔ ዜር” ጌዪንቲ̇ኖ̈ዲ ክርስቶ̈ሳ።

ጋላ̈ታ 6:8

ናጋራ ኣሲቲን ኡፋይሳ̇ንዳብ ዜርቂዝ ኣሲ ኢዝ ጋርታፖ̇ ዓይቃ ቴይሲ̇ ኤኪ̇̈ሬ፤ ጌ̈ሻ̇ ኣያ̇ና ኡፋይሳ̇ንዳብ ዜርቂዝ ኣሲ ጌ̈ሻ̇ ኣያ̇ና ጋልዳፖ̇ ሜናብ ሼምፓባር ዶኢ ቴይሲ̇ ኤኪ̇̈ሬ።

ኤፍ 4:13

ዪና̇ሬ ኑ ዎይን ጾ̈ሳ̇ ና̈ኣ ኤራሪ ኣማ̇ናባር ቤንቲ̇ኖ ፔቲ̇ቲንኮ ዬላ̇ሪ፥ ኑ ኣማ̇ኒንባር ሚ̈ጛሪ ክርስቶ̈ሳ ማ̈ይጻምፔ̈ኒዬ።

ቆላ̈ሳ̈ሳ 3:10

ዪንቲ̇ ዪንታ̇ ኮቺ̇ኖ ጾ̈ሳ̇̇ ማይጺሙታ̇ ጾ̈ሳ̇ ኤራባር ኦራ ማ̈ቂ̇ሙታ̇ ሉኪ̇ዝ ኦራ ኣሲቲ ማኢኔ።

ኢብ 12:10

ኢንታ̇ብ ኮሽ̇ ማይጻር ቤንቲ̇ኖንዲፌ̈ኒ ሙቃ̇ ጊዛብ ኑ̈ና ጎይሊኔ፤ ዎቲናካሬ ኢ ጌሽ̇ ማ̈ቂ̇ኖንዲፌ̈ኒ ኑ̈ናር ጌ̈ሽ̇ ማ̈ቃ̇ምፔ̈ን ኑ̈ቦ ጌዪ ኑ̈ና ጎይሊ̈ሬ።

ኢብ 9:15

ዪ̈ኮታ̇ቦ ዪን ጼይጊንቲ̇ኖን ጾ̈ሲ ታስፋባር ኢሚ̇ኖ ሜናብ ዶኢዝ ኢርስቲን ኤካ̇ምፔ̈ን ክርስቶ̈ሲ ኦራ ጫ̈ቂንቦ ጊዳ̇ ጌላሪ ኢጊንዛ ማ̈ቂ̇ኔ፤ ዪና̇ ማ̈ቂ̇ኖንዳ ኣሳን ቲ̈ኖ ጫ̈ቂንባር ዎዶሪ ኦ̈ኖ ናጋሪን ጋርታፖ ኢንታ ኬሳ̇ንዳቦ ኢ ዓይቂ̇ኖኮታ̇ቦ።

ዓይ 1:27

ጾ̈ሳ̇̇ ባ̈ባ ቲ̈ን ጌ̈ሽ̇ኬ ኣባክ ኢ̈ት ባዚ ኢ ጋልዳ ባዮ̇ ኣማ̇ና ጌይዛ̈ዲ፥ ባ̈ቢክ ኢንዲክ ዓይቂ̇ኖ̈ ናኣንኬ̈ ኣስኒ ዓይቂ̇ኖ̈ ማጫ̇ን ሜቲንቲ̇ኖ ኬል̇ባር ማ̈ዲ̇፥ ዓኒ̇ ኣላሚን ጋልዶ̇ ቄ ባዝ ጋልዳ̇ፖ̇ ፌ̈ና ና̈ጊ ዎቲዛ̈ዳ።

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።

2 ጴጥ 3:13

ዎቲናካር ጾ̈ሲ ኑ̈ብ ኢሚ̇ኖ ታስፊንዲፌ̈ኒ ጺሊ̇ቲ ኢዝ ጋርታ ዶኢዝ ኦራስ ኣፎ ሳ̈ዝኬ ሳ̈ዶ̇ ሳ̈ዝ ኑ ና̈ጊ̈ሬ።

2 ጴጥ 3:9

ፔቲ̇ ፔቲ̇ ኣሳን ቆፓ̇ዚንዲፌ̈ኒ ጎዳ ሶ̈ሊኖ ታስፋ ቃ̈ሊን ፎታንዳቦ ጋምኢባ̈ሴ፤ ዎቲናካር ኣሲ ዎይ ማ̈ሪቲባር ማ̈ቃ̇ምፔ̈ንኬ ኦ̈ናካር ያካ̇ይፌ̈ኒ ኮያሪ ዪንታ̇ኮታ̇ቦ ጋርዢኔ።

1 ዋ̈ኒ̇ 2:25

ዪ ኢ ኑ̈ብ ኢሚ̇ኖ ታስፋ̈ዲ ሜ̈ናብ ሼምፓባር ዶኢ።

1 ዋ̈ኒ̇ 3:2

ታ ላጋ̇ን! ኑ̈ኒ ዓት ጾ̈ሳ̇ ናኤ። ዓኒ̇ፖ ጌዳ ኑ̈ኒ ኣብዝ ማ̈ቂ̇̈ርኮ ኤሪንታካ̇ዬ፤ ዎቲናካሬ ክርስቶ̈ሲ ዬ̈ዚምባራ ኑ̈ኒ ኢ ማ̈ልኪ̈ን ኢዞ ቤ̈ቂ̇ዛኮታ̈ቦ ኑ̈ናር ኢያ ማይጻዚን ኑ ኤሪ̈ሬ።