2 ጴጥ 1:11 - ኦራ ጫ̈ቃ ማጻ̈ፋ

¹¹ ዪኒ̇ ጎይባራ ሜናብ ዶኣዝ ኑ ጎዳ̈ዲኬ ኑ ጋ̈ላ̇ ዬሱ̈ስ ክርስ̇ቶ̈ሳ ካ̈ቲቲን ጋርታ ጌላንዳቦ ኩም ሲልጣ̈ና ዪንታ̇ብ ኢሚንቲ̇̈ሬ።

2 ጴጥ 1:11 ပူးပေါင်းရင်းမြစ်များ

ማ̈ቶ̈ሳ 25:34

“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ!

ዋ̈ኒ̇ሳ 10:10

ሶላ̈ዲ ዉቃ̇ንዳ̇ቦ ሹካ̇ንዳብኬ ይሳ̇ንዳብ ሙታ̇ ዬዪሬ፥ ቴ ዬይኖንዳ ቴ ዶራን ሜናብ ሼምፓባር ዶኢ ዲጛምፔ̈ንኬ ፔቲ̇ ባዝ ኣባክ ኢንታ̇ብ ዪኖ ባዝ ባዪዶ̈ር ዶኣምፔ̈ኔ።

ሮሜ 2:4

ዎይ ጾ̈ሲ ኔ̈ብ ኮሺቲ ዎይሊሲኖንዳ ኔ̈ኒ ማ̈ሪቲ ጌላምፔ̈ን ማ̈ቂ̇ኖን ኤራካ̇ይዶራ ጾ̈ሳ̇ ኮሺ̇ቲንዶ፥ ኢ ዎይ ባዝ ዳንዳኣዚንዶ፥ ዎይሊን ኢ ጋርዣዝ ጋርዢን ኔ ሌቃ̇̈ርቤ?

1 ቆሮ 15:24

ኢናፖ̇ ክርስቶ̈ሲ ካ̈ቲንታን፣ ኣላቃ ማ̈ቂ̇ኖንስኬ ዎልቃባሮን ዎይ ይሳ̇ሪ ካ̈ቲቲንዶ ጾ̈ሳ̇̇ ፌ ባ̈ባ̈ቦ ኢሚ̇ኖፖ̇ ዎሃ ኣላሚን ዉርሲ ማ̈ቃ̇̈ሬ።

2 ቆሮ 5:1

ዓና̇ ዉዳፌ̈ኖ ሜናብ ዶኣባሶ ኑ ኣይሺ̇ንዳ ዓይቃ̇ር ዬጌዪን ኣሳ ኩሽባር ጊዳካይዶን ጾ̈ሳ̇ ኩሽባር ኬ̈ጺንቲ̇ኖ ሜናብ ዶኢዝ ኬ̈ ኑብ ኣፋ ዎን ኑ ኤሪ̈ሬ።

ኤፍ 3:20

ዪ̈ኮታ̇ቦ ኑ ጋርታ̇ ኦ̈ዛ ኢ ዎልቃ ጎይባራ ኑ ጌሻዚምፔኬ ቆ̈ፓ̇ዚምፖ̇ ዎይሊን ሺሻሪ ኦ̈ንዳብ ዳንዳኢዝ ጾ̈ሳ̇̇̈

1 ጢማ̈ 6:17

ዓኒ̇ ኣላሚን ጋ̈ልዶ ዱራን ኦቲርቃካ̇ዮ̈ዲፌ̈ኒ ዎይ ፌ ታስፊን ዪዝ ባዝ ጋልዳ ጋዳካ̇ዮ̈ዲፌ̈ኒ ኢንታ̇ ኪ̈ታ̇ቤ። ኑ̈ኒ ኡፋይታ̇ምፔ̈ኒ ዎይ ባ̈ዚ ሺሻር ኑ̈ብ ኢሚ̇ዝ ጾ̈ሳ̇ ጋ̈ልዳ ኢንቲ̇ ፌ ታስፊን ጋዳ̇ምፔ̈ኒ ኢንታ̇ ዞ̈ራቤ።

2 ጢማ̈ 4:18

ጎዳ ታ̈ና ኢ̈ታ ባዝ ዎይ ጋልዳፖ ቡ̈ቲሲ̈ሬ፤ ኣፎ ካ̈ቲቲምቦ ታ̈ና ዬል̈ሬ፤ ሜናብ ኢ̈ብ ቦንች ማ̈ቆ̇! ኣሚንኤ።

2 ጢማ̈ 4:8

ዓኒፖ̈ ጌ̈ዳ ጺሊ̇ቲ ኣኪሊላ ጊ̈ጊንታ̇ር ታ̈ብ ዶኢኔ፤ ዪና̇ ኣኪሊሊንዶ ኪን ፊርዳ ፊርዲዝ ጎዳ̈ዲ ዪና̇ ኢዝ ጋላስ ታ̈̈ብ ኢሚ̇̈ሬ፤ ማ ታ̈ብ ሙታ ጊዳካ̇ይዶን ኢ ዬንቲ̇ን ኢኒ̇ቲሙታ̇ ዎንቦ ዎይ ኢሚ̇̈ሬ።

ኢብ 6:17

ዪኒ̇ፌ̈ኒ ጾ̈ሳ̇̈ዲ ፌ ጌይኖን ላ̈ሚ̇ባ̈ሶ ማ̈ቂ̇ኖን ኤርሳንዳቦ ኮያሪ ፌ ኢሚ̇ዝ ታስፊን ኤኪ̇ዛንቦ ታስፊን ጫ̈ቃባር ሚ̈ንዴ።

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።

2 ጴጥ 1:5

ዪኒ̇ኮታ̇ቦ ዪንታ̇ ኣማ̇ኒን ጋልዳ ኮሺ̇ቲ፣ ኮሽቲ̇ን ጋ̈ልዳ ኤራ፣

2 ጴጥ 2:20

ኑ ጎዳ ኑ̈ና ፋዛ ዬሱ̈ስ ክርስቶ̈ሳ ኤራሪ ዓኒ̇ ኣላሚን ጋልዶ ኢ̈ታ ናጋሪን ጋልዳፖ ቡ̈ቲ̇ኖፖ̇ ዓኒ ማ̈ቃ̇ሪ ሚኖ ፌ ናጋሪን ጋርታ̇ ጌሌጌይንዶ ቲ̈ን ኢንቲ̇ ዶኢኖምፖ̇ ዎሆ ዶኢን ሺ ኢ̈ት ማ̈ቃ̇̈ሬ።

2 ጴጥ 3:18

ዪኒ̇ፓ ኑ ጎዳ ኑ̈ና ፋዛ ዬሱ̈ስ ክርስቶ̈ሳ ኮሺ̇ቲንዲኬ ኢያ ኤሪሙታ ዪንባር ዲጪ̇ብቴ፤ ኢ̈ቦ ዓታ̇ር ማ̈ቂ̇ን ሜናብ ቦንች ማ̈ቆ̇! ኣሚንኤ።

ሳጻ 3:21

ታ̈ኒ ታ ጻላ̈ታን ጋማራ ታ ባ̈ባ̈ባር ዎልኣ ዶኢኖንዲፌ̈ኒ ጋሚኖ ኣሲ ቴ ዙፋ̈ኒን ጋልዳ ቴባር ዎልኣ ዶ̈ኣምፔን ዎታንዳ።

ሳጻ 5:10

ኔ ኢንታ ኑ ጾ̈ሳ̇̇̈ቦ ኦ̈ምፔ̈ኒ ካ̈ቲንታኬ ቄ̈ሳኬ፥ ማ̈ቃ̇ምፔ̈ን ዎታዴ፤ ኢንቲ ሳ̈ዝ ጋልዳ ካዉቲ̈ሬ” ዪዝ ጌዪ ዬጺ̇ዴ።